Carbfix

Carbfix Carbfix captures CO2 and turns it into stone underground in less than two years.

Our mission is to significantly contribute to climate recovery through safe and proven carbon mineralization.

Það var mikill heiður að taka á móti Beate Meinl-Reisinger, utanríkisráðherra Austurríkis, og austurrískri sendinefnd í ...
09/06/2026

Það var mikill heiður að taka á móti Beate Meinl-Reisinger, utanríkisráðherra Austurríkis, og austurrískri sendinefnd í heimsókn þeirra til Íslands. Þar voru jarðhiti, nýsköpun og loftslagslausnir í brennidepli.

Ólafur Elínarson og Olafur E. Johannsson hjá Carbfix kynntu gestunum Carbfix aðferðina, þar sem fangað CO₂ er leyst upp í vatni og dælt niður í hvarfgjörn berglög. Þar binst það í steindum og verður hluti af berginu.

Heimsóknin vakti einnig athygli í austurríska miðlinum Kronen Zeitung, sem fjallaði um græna orkuvegferð Íslands og þá þekkingu sem hér hefur byggst upp.

Carbfix á rætur sínar á Íslandi, en tæknin getur átt erindi víðar. Þar sem jarðfræðilegar aðstæður henta getur steinrenning CO₂ orðið hluti af varanlegri kolefnisgeymslu fyrir iðnað og samfélög um allan heim.

Það er ánægjulegt að sjá íslenska þekkingu verða hluta af stærra alþjóðlegu samtali um hreina orku, loftslagsaðgerðir og lausnir framtíðarinnar.

08/06/2026

Á Alþjóðadegi hafsins er við hæfi að segja frá Sæbergi, rannsóknarverkefni Carbfix sem er fyrsta sinnar tegundar á heimsvísu.🌎

Í verkefninu er verið að kanna hvernig nýta megi jarðsjó í stað ferskvatns til að beita Carbfix-aðferðinni í berglögum þar sem sjór er til staðar. Markmiðið er að rannsaka hvort hægt sé að leysa fangað CO₂ upp í sjó og dæla því niður í hvarfgjarnan basaltberggrunn, þar sem það getur bundist í steindum og orðið að steini djúpt í jörðu.

Þetta skiptir máli því aðgangur að ferskvatni getur verið takmarkandi þáttur á sumum svæðum. Ef sjór reynist nýtast með árangursríkum hætti gæti það opnað nýja möguleika fyrir varanlega kolefnisgeymslu á strandsvæðum víða um heim.

Carbfix hefur stigið mikilvægt skref með fyrstu vettvangstilraun heims þar sem CO₂ uppleystu í sjó var dælt niður í basaltberggrunn. Tilraunin fór fram í Helguvík í Reykjanesbæ.

Sæberg er unnið í samstarfi við háskóla og rannsóknastofnanir í Bretlandi, Sviss og Íslandi.

Kynntu þér Sæberg:
https://www.carbfix.is/operations/researchprojects/seastone

Í sumar gengur Matei Filip Popescu til liðs við Carbfix. Þar mun hann vinna að uppbyggingu miðlægs kostnaðargagnagrunns ...
08/06/2026

Í sumar gengur Matei Filip Popescu til liðs við Carbfix. Þar mun hann vinna að uppbyggingu miðlægs kostnaðargagnagrunns sem byggir á fyrri verkefnum og reynslu Carbfix

Sú vinna mun styrkja kostnaðaráætlanir og áætlanagerð til framtíðar, sem eru mikilvægir þættir þegar Carbfix heldur áfram að þróa varanlegar lausnir til kolefnisgeymslu á iðnaðarskala.

Vegferð Matei til Carbfix hófst í Brussel árið 2022, þegar hann hlýddi á kynningu Edda Sif Pind Aradottir á Carbfix-aðferðinni. Kynningin varð síðar kveikjan að því að hann flutti til Íslands og hóf meistaranám í umhverfis- og auðlindafræði við Háskóli Íslands, með áherslu á endurnýjanlega orku.

Frá því að hann kom til Íslands hefur Matei starfað hjá Landsvirkjun og Orkuveitan, þar sem hann byggði upp reynslu á sviði kolefnisbókhalds og gagnagreiningar.

,,Að starfa hjá Carbfix er að taka þátt í þróun íslenskrar loftslagslausnar sem byggir á vísindum, jarðfræði, verkfræði og samvinnu. Það má því segja að Carbfix sé grjóthart fyrirtæki í loftslagslausnum, í orðsins fyllstu merkingu,,

Nokkrar skemmtilegar staðreyndir um Matei:

hann hefur búið í sjö löndum, varð eitt sinn loftlaus við köfun í skipsflaki á Asóreyjum og var aukaleikari í miðaldasýningu þar sem hann vann að meistararitgerðinni sinni á milli atriða, klæddur í fullan Normanna-herklæðnað.

Utan vinnu má oft finna Matei í klettaklifri, á göngu, á snjóbretti, að spila á gítar eða í Dungeons & Dragons. Hann lætur líka til sín taka í umhverfismálum sem sjálfboðaliði hjá Ungir umhverfissinnar, þar sem hann gegnir hlutverki hringrásarfulltrúa.

Velkominn í hópinn, Matei!

05/06/2026

Í dag er Alþjóðlegi umhverfisdagurinn 💚

Þema dagsins í ár er „Inspired by Nature. For Climate. For Our Future.“ innblásið af náttúrunni, fyrir loftslagið og framtíðina.

Þetta á vel við Carbfix, sem byggir á náttúrulegu ferli þar sem CO₂ er fangað, leyst upp í vatni og bundið varanlega í bergi.

Í tilefni dagsins bjóða Carbfix og Geothermal Exhibition / Jarðhitasýningin gestum á Hellisheiði að skyggnast á bak við tjöldin og kynnast því hvernig íslenskt hugvit, sjálfbær orkunýting og jarðfræði koma saman í grjótharðri loftslagslausn.

Við hlökkum til að taka á móti gestum í dag 💚

Nánar: Opið Borholuhús Carbfix í tilefni Alþjóðlega umhverfisdagsins

Borkjarni Carbfix fékk óvænt nýtt hlutverk sem hluti af sjónheimi James Merry og Bjarkar. 🪨💚Við óskum James Merry innile...
04/06/2026

Borkjarni Carbfix fékk óvænt nýtt hlutverk sem hluti af sjónheimi James Merry og Bjarkar. 🪨💚

Við óskum James Merry innilega til hamingju með opnun sýningarinnar Ummyndingar og Björk með sýninguna echolalia. Sýningarnar opnuðu saman í Listasafn Íslands / National Gallery of Iceland og samkvæmt safninu var opnunin sú fjölmennasta í sögu þess.

Okkur hjá Carbfix þykir sérstaklega vænt um að eiga litla tengingu við þennan einstaka sjónheim.

Á umslagi plötunnar Fossora notaði James steingerðan CO₂ frá Carbfix sem skreytingu á skóm Bjarkar. Þar fékk borkjarni Carbfix nýtt hlutverk og varð hluti af listrænni frásögn sem tengir saman náttúru, vísindi, umbreytingu og sköpun.

Sérstakar þakkir fær Matthías Rúnar Sigurðsson sem átti mikilvægan þátt í að þessi óvenjulega tenging milli Carbfix, James Merry og Fossora varð að veruleika.

Við hvetjum áhugasöm til að heimsækja sýningarnar í Listasafni Íslands. Til hamingju, James Merry og Björk!

Nokkur pláss eru enn laus í Opið Borholuhús Carbfix í tilefni Alþjóðlega umhverfisdagsins !🌍Í tilefni Alþjóðlega umhverf...
03/06/2026

Nokkur pláss eru enn laus í Opið Borholuhús Carbfix í tilefni Alþjóðlega umhverfisdagsins !🌍

Í tilefni Alþjóðlega umhverfisdagsins bjóða Carbfix og Geothermal Exhibition / Jarðhitasýningin í ókeypis leiðsögn á Hellisheiði.

Gestir fá að skyggnast á bak við tjöldin og kynnast því hvernig CO₂ er fangað, leyst upp í vatni og bundið varanlega í íslensku bergi með Carbfix aðferðinni.

Carbfix er íslensk loftslagslausn sem byggir á náttúrulegu ferli, en með tækninni er ferlinu hraðað þannig að CO₂ verður að steini á innan við tveimur árum.

Leiðsögnin fer fram á íslensku og er ætluð öllum sem vilja skilja betur hvernig Carbfix virkar í raun, frá föngun CO₂ til varanlegrar bindingar í bergi.

Aðgangur er ókeypis en pláss eru takmörkuð. Nokkur sæti eru enn laus og nú fer hver að verða síðastur að skrá sig.

Verið hjartanlega velkomin við hlökkum til að taka á móti ykkur á Hellisheiði 💚

Skráning hér: https://www.carbfix.is/newsmedia/opi%C3%B0-borholuhus-carbfix-a-hellishei%C3%B0i



https://www.carbfix.is/newsmedia/opi%C3%B0-borholuhus-carbfix-a-hellishei%C3%B0i

Frá Netflix-þætti til Carbfix, Laura fann leiðina til Íslands í gegnum jarðfræði, jarðhita og loftslagslausnir 🙌Við bjóð...
01/06/2026

Frá Netflix-þætti til Carbfix, Laura fann leiðina til Íslands í gegnum jarðfræði, jarðhita og loftslagslausnir 🙌

Við bjóðum Lauru hjartanlega velkomna til Carbfix í sumar, þar sem hún starfar með fýsileikateymi okkar.

Laura er jarðfræðingur frá Kólumbíu. Á námsárunum kviknaði áhugi hennar á jarðhita og því hvernig nýta má jarðfræðilega þekkingu til að takast á við áskoranir samtímans. Sá áhugi leiddi hana síðar til Íslands, þar sem hún stundar nám við sjálfbærni orkunýtingu við Háskólinn í Reykjavík.

Hún heyrði fyrst af Carbfix í Netflix þáttaröðinni Down to Earth with Zac Efron, þar sem fjallað var um Ísland, jarðhita og loftslagslausnir. Eftir því sem hún kynntist Íslandi betur jókst áhugi hennar á að taka þátt í aðgerðum gegn loftslagsbreytingum og þar vakti starf Carbfix sérstaka athygli.

Í sumar styður Laura við fýsileikateymi Carbfix, þar sem hún nýtir jarðfræðibakgrunn sinn í verkefnaþróun á sviði varanlegrar kolefnisbindingar.

Utan vinnu hefur Laura gaman af því að læra og prófa nýja hluti allt frá pilates til hekls og hefur einnig tekið þátt í sjálfboðastarfi og verkefnum sem snúa að miðlun þekkingar.

Við bjóðum Lauru hjartanlega velkomna í hópinn!

Hvernig verða norrænar hugmyndir að lausnum sem hafa áhrif langt út fyrir heimamarkað? 🌎Í síðustu viku fór Nordic Innova...
29/05/2026

Hvernig verða norrænar hugmyndir að lausnum sem hafa áhrif langt út fyrir heimamarkað? 🌎

Í síðustu viku fór Nordic Innovation Award 2026 fram í Osló, þar sem nýsköpun, hugverk og norrænt samstarf voru í forgrunni.

Edda Sif Pind Aradottir, framkvæmdastýra Carbfix, tók þátt í viðburðinum og kynnti þróun Carbfix frá vísindarannsóknum til alþjóðlegrar loftslagslausnar og fjallaði um hlutverk hugverkaréttar í þeirri vegferð.

Við óskum finnska fyrirtækinu Weeefiner innilega til hamingju með sigurinn í ár og Hefring Marine til hamingju með að hafa verið fulltrúi Íslands á norrænum vettvangi.

Viðburðurinn leiddi saman frumkvöðla, fyrirtæki og hugverkastofur víðs vegar af Norðurlöndum og sýndi vel hvernig öflugar hugmyndir, studdar af þekkingu, hugverkavernd og samstarfi, geta þróast í lausnir sem skapa raunveruleg áhrif.

Hjá Carbfix erum við stolt af því að vera hluti af norrænu nýsköpunarumhverfi þar sem vísindi, tækni og samstarf stuðla að sjálfbærari iðnaði.

Hugverkastofan

Getur íslensk þekking gert jarðvarmavirkjanir kolefnishlutlausar?Það var meðal þess sem Edda Sif Pind Aradottir, framkvæ...
21/05/2026

Getur íslensk þekking gert jarðvarmavirkjanir kolefnishlutlausar?

Það var meðal þess sem Edda Sif Pind Aradottir, framkvæmdastýra Carbfix, fjallaði um á ráðstefnu framkvæmdastjórnar Evrópusambandsins í Brussel á dögunum.

Þar kynnti hún Silfurberg-verkefnið, sem hlaut styrk frá Nýsköpunarsjóði Evrópusambandsins. Verkefnið felur í sér alhliða CO₂-föngun, niðurdælingu og bindingu í bergi við jarðvarmavirkjun Orka náttúrunnar á Hellisheiði.

Með Silfurbergi verður Hellisheiðarvirkjun ein af fáum jarðvarmavirkjunum í heiminum sem telst kolefnishlutlaus.

Carbfix-tæknin hefur þróast frá rannsóknum og tilraunum yfir í iðnaðarskala á Hellisheiði, þar sem föngun og binding koldíoxíðs og brennisteinsvetnis hefur verið í rekstri í yfir áratug. Sú reynsla hefur jafnframt leitt til fyrsta starfsleyfis í Evrópu fyrir niðurdælingu CO₂ á landi.

Á sama tíma og Evrópa horfir í auknum mæli til jarðvarma sem hluta af sjálfbærari og öruggari orkuframleiðslu, býr Ísland yfir sérþekkingu sem getur skipt máli langt út fyrir landsteinana. Nánar hér: https://www.carbfix.is/newsmedia/carbfix-kynnti-alhli%C3%B0a-lausn-sem-gerir-jar%C3%B0varmavi

Address

Bæjarháls 1
Reykjavík
110

Website

Alerts

Be the first to know and let us send you an email when Carbfix posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share