02/10/2025
Ziangruangah na electric bill a tam?
Tuvek thlasik khawdaih tuk caan ah electric bill a tam duh nasa. Ahleicein, electric furnace heater hmang pawl hrangah a si. A san cu Electric tha hi heater hrangah a cem cuang ruangah a si.
Curuangah, electric tha hmang tam tuk lo dingin Heat pump timi cet an tuah. Heat pump timi cu AC le heat pe kop theimi cet a si ih thal caan ah a dai a suak ih thlasik caan ah heat pe suak thei dingih an tuahmi a si.
Thlasik ah a leng cet (heat pump) in a neh lo caan ah furnace sungih electric heat kha auto in amahten a on aw. Cucu Auxiliary heat an ti ih Aux tiin a lamtawi in a lang theu. Aux heat hi tuletu a onaw asi ahcun a leng cet a tha lo tinak asi ih electric bill a kai ciamco theu.
