E𝚗𝚓𝚒𝚗𝚎𝚎𝚛 D𝚎𝚛𝚎𝚓𝚎

02/15/2026

#​የብርሃን_ስጦታ_ለኑስተሪክ_ከተማ! ☀️🇪🇹

​በሶማሌ ክልል ቆራሄ ዞን የምትገኘው የ24 ሰዓት የኤሌክትሪክ ኃይል ተጠቃሚ ሆነች! ከመካከለኛው የኃይል መስመር ርቃ በመቆየቷ የኤሌክትሪክ አገልግሎት ሳታገኝ የቆየችው ይህች ከተማ፣ ዛሬ በታላቅ የሶላር ሚኒ ግሪድ ፕሮጀክት በራላት።

#​የፕሮጀክቱ_ድምቀቶች፦
​የኃይል መጠን፦ 275 ኪሎ ዋት የሶላር ኃይል ያመነጫል።

​ተጠቃሚዎች፦ 900 የሚጠጉ አባወራዎችን የሙሉ ቀን የኤሌክትሪክ አገልግሎት ተጠቃሚ ያደርጋል።

​የኢንቨስትመንት ወጪ፦ በ179 ሚሊዮን ብር በዓለም ባንክ የብድር ድጋፍ የተገነባ።

​ክቡር ዶ/ር ኢ/ር ሱልጣን ወሊ (የውሃና ኢነርጂ ሚኒስትር ዴኤታ) በከተማዋ ተገኝተው ፕሮጀክቱን መርቀው የከፈቱ ሲሆን፣ የክልልና የዞን አመራሮችም ለነዋሪው የእንኳን ደስ ያላችሁ መልዕክት አስተላልፈዋል።

​የመርሲን ወረዳ ዋና አስተዳዳሪ አቶ ሁሴን እንደገለጹት፣ ይህ ፕሮጀክት ለከተማዋ ትልቅ የኢኮኖሚ ዕድል ይዞ የመጣ በመሆኑ ህብረተሰቡ ፕሮጀክቱን የመንከባከብና የመጠበቅ ኃላፊነት አለበት።
​ኢትዮጵያን በንጹህ ኢነርጂ የማልማት ጉዟችን ይቀጥላል!
​ #ኢትዮጵያ #ሶማሌክልል #ኑስተሪክ #የሶላርኃይል #ልማት

02/15/2026

፦ ! ☀️🇪🇹

​በሶማሌ ክልል ጀረር ዞን የምትገኘው የዲግ ከተማ የ24 ሰዓት የኤሌክትሪክ ኃይል ተጠቃሚ ሆነች! በውሃና ኢነርጂ ሚኒስቴር የአዴሌ (ADELE) ፕሮጀክት አማካኝነት የተገነባው የሶላር ኃይል ማመንጫ በዛሬው ዕለት በክቡር
ዶ/ር ኢ/ር ሱልጣን ወሊ ተመርቆ አገልግሎት መስጠት ጀምሯል።

#​የፕሮጀክቱ_ዋና_ዋና_ስኬቶች፦
#​የኃይል_አቅም፦ 350 ኪሎ ዋት የኤሌክትሪክ ኃይል የማመንጨት አቅም።

​ተጠቃሚዎች፦ ከ2,000 በላይ የከተማዋ ነዋሪዎችን የ24 ሰዓት የኃይል ተጠቃሚ ያደርጋል።

​ወጪ፦ በ200 ሚሊዮን ብር ከፍተኛ ኢንቨስትመንት የተገነባ።

​ማህበራዊ ፋይዳ፦ የሴቶችንና የህፃናትን ጤና የሚጎዳውን የባዮማስ (የእንጨትና ከሰል) ጭስ አጠቃቀም በማስቀረት ጤናማና ዘመናዊ ህይወትን ያበስራል።

​ክቡር ሚኒስትር ዴኤታው በምረቃው ወቅት እንደገለጹት፣ ከመካከለኛው የኃይል መስመር ርቀው የሚገኙ አካባቢዎችን በፀሐይ ኃይል ተጠቃሚ የማድረግ ስራ ተጠናክሮ ይቀጥላል።

የኢትዮጵያ ኤሌክትሪክ አገልግሎት ተወካይ ዋና ስራ አስፈጻሚ አቶ ክንፈ ነጋሽ በበኩላቸው እስካሁን 8,369 የከተማና የገጠር መንደሮች የኤሌክትሪክ ተጠቃሚ መሆናቸውን አረጋግጠዋል።

​"ይህ ታላቅ የልማት ስራ የከተማዋን የኢኮኖሚና የማህበራዊ እንቅስቃሴ የሚቀይር በመሆኑ፣ ነዋሪው ፕሮጀክቱን የመንከባከብና የመጠበቅ ኃላፊነቱን ሊወጣ ይገባል።"

​የዲግ ከተማ ነዋሪዎችና የሀገር ሽማግሌዎች በታላቅ ደስታ የምረቃ ስነ-ሥርዓቱን ታድመዋል።
​እንኳን ደስ አላችሁ!
​ #ኢትዮጵያ #ሶማሌክልል #ዲግከተማ #የሶላርኃይል #ልማት #ብልጽግና

02/14/2026

የውኃ እና ኢነርጂ ሚንስቴር ሚንስትር ክቡር ዶ/ር ኢ/ር ሀብታሙ ኢተፋ በዓለም ባንክ የዓለም አቀፍ ኦፕሬሽን ዋና ዳይሬክተር አና በጀርዴን በጽ/ቤታቸው ተቀብለው አነጋገሩ።

የውሃና ኢነርጂ ሚኒስቴር ሚኒስትር ክቡር ዶ/ር ኢ/ር ሀብታሙ ኢተፋ ሉኡካኑን ባነጋገሩበት ወቅት ሚኒስቴር መ/ቤቱ ከሌሎች የፌደራል ተቋማት እና አጋር ድርጅቶች ጋር እየተሰሩ ባሉ ፕሮግራሞች እና ፕሮጀክቶች ላይ ዝርዝር ማብራሪያ ሰጥተዋል፡፡

ከዚህ ጋር አያይዘውም የዓለም ባንክ ከሚኒስቴር መ/ቤቱ ጋር በሚሰራቸው የውኃ እና ኢነርጂ ፕሮጀከቶች የእያንዳንዱን ኢትዮጵያዊ ዜጋ በር ያንኳኳ መሆኑን፤ በኢነርጂ ዘርፍም እየተሰሩ ያሉ የሃይል ማመንጫ ፕሮጀክቶች እና የሥርጭት ሥራዎች እንዲሁ ከሀገራችን አልፎ የጎረቤት ሀገራትን ተጠቃሚ ያደረጉ መሆናቸውን እና እነዚህ ግዙፍ ሜጋ ፕሮጀክቶች በቀጠናው ላሉት ሀገራት የትብብር እና የቅንጅት ሥራዎች አይነተኛ ሚና እየተጫወቱ መሆናቸውን ገልጸዋል፡፡

ክቡር ሚንስትሩ በማያያዝም አሁን ባለው ከፍተኛ ህዝብ ቁጥር እና ተደራሽ ያልሆነ ማህበረሰብ ጋር ተያዞ ኢትዮጵያ ካላት አጠቃላይ ስፋት እና ፍላጎት አንጻር እጅግ ግዙፍ ተጨማሪ መዋዕለ ነዋይ የሚያስፈልግ መሆኑን በአጽኖት ገልጸዋል፡፡

በዓለም ባንክ የዓለም አቀፍ ኦፕሬሽን ዋና ዳይሬክተር አና በጀርዴ በበኩላቸው ባንኩ በኢትዮጵያ ውስጥ በሚያደርገው የብድር እና ድጋፍ በጀት በውኃውም ሆነ በኢነርጂው ዘርፍ የተሰሩ ሥራዎች እጅግ በጣም አመርቂ እና ለሌሎች ሀገራትም በምሳሌነት ተቀምረው ሊቀርቡ የሚችሉ መሆናቸውን በአድናቆት በመግለጽ በተሰሩት ሥራዎች እና በፕሮጀክቶቹ አፈጻጸም ደስተኛ መሆናቸውን ገልጸዋል፡፡

ዋና ዳይሬክተሯ በማከልም ኢትዮጵያ እንደ ሀገር በውኃና ኢነርጂ ዘርፍ በቀጣይ ለምትሰራቸው ሥራዎች የባንኩ ድጋፍ የማይለያት መሆኑን አረጋግጠዋል፡፡

ውሃና ኢነርጂ ሚኒስቴር ከአለም ባንክ ከ1.2 ቢሊዮን ዶላር በላይ በሚያገኘው ድጋፍና ብድር በመጠጥ ውሃና ሳኒቴሽን፣በውሃ ሀብት አስተዳደር ፣በኢነርጂ፣በጎርፍ መከላከል እና በሜቲወሮሎጂ ውጤታማ ስራዎች እየተሰሩ መሆኑ በውይይቱ ወቅት ተገልጿል።
Ministry of Water and Energy - Ethiopia

02/08/2026

የፕሮጀክቱ ተጠቃሚ በመሆናችን ደስተኛ ነን።
==============================
የሉኮ አባያ ዙሪያ የመሬራ ቀበሌ ነዋሪዎች

ሉኮ አባያ፡- የውሃና ኢነርጂ ሚኒስቴር ከኢትዮጵያ ኤሌክትሪክ አገልግሎት ጋር በጋራ ያስገነባውን የመሬራ የፀሐይ ኃይል ማመንጫ ፕሮጀክት ለአገልግሎት ይፋ ባደረገበት መርሃግብር ላይ ያነጋገርናቸው የአካባቢው ነዋሪዎች በፕሮጀክቱ ተጠቃሚ መሆናቸው እንዳስደሰታቸው ገለፁ።

መብራትን ከማገዶ ሲጠቀሙ መቆየታቸውንና በፕሮጀክቱ ኑሯቸው ወደአዲስ የአኗኗር ዘይቤ የተቀየረ እንደሆነ የገለፁት የአካባቢው ነዋሪ አቶ አሰፋ ሆራቶ የመብራት አገልግሎት ተጠቃሚ በመሆናችን በሰው ጉልበት ሲሰሩ የነበሩ ስራዎችንም በኤሌክትሪክ መስራት በመቻላቸው ደስተኛ መሆናቸውን ገልፀዋል።

ለአባይ ግድብ የገዛነው ቦንድ ዛሬ በየቤታችን ክሶናል ያሉት ሌላኛው የአካባቢው ነዋሪ አቶ ረጋሳ ቡሪሳ በፕሮጀክቱ ተጠቃሚ በመሆናችን ቀዝቃዛ ውሃ መጠጣት ችለናል፤ ለዚህም እገዛ ያደረጉትን አመስግነዋል።

የ12ኛ ክፍል ተማሪ ባዩሽ ጃጃ እስከዛሬ ድረስ በኩራዝ እያጠናች እንደነበር አስታውሳ፤ አሁን በየቤታችን መብራት ስላለን ለዘንድሮ ፈተና የሚያዘጋጀኝን አጋዥ መፅሐፍትንም ከኢንተርኔት ላይ ማግኘት በመቻሏን ገልፃለች።

የመሬራ የፀሃይ ኃይል ማመንጫ ፕሮጀክት ከአለም ባንክ በተገኘ የገንዘብ ድጋፍ 2,500 የሚሆኑ የአካባቢውን ማህበረሰብ ተጠቃሚ የሚያደርግ በመሆኑ ለአካባቢው ወጣቶችም የስራ ዕድል የሚፈጥር ነው።

Ministry of Water and Energy - Ethiopia

02/08/2026

02/08/2026

Antooniyoo Gutareez: Addunyaan Falaasama ‘Haa Ida’amnu’ Dr. Abiy Ahmed Ali Irraa Barachuu Qabdi”
-----------------------
Barreessaan Olaanaa Mootummoota Gamtoomanii Antooniyoo Gutareez, walgahii waggaa Dhaabbata Mootummoota Gamtoomanii USA, Niiwyoorkitti gaggeeffame irratti haasaa baniinsaa yeroo taasisan, jecha hawwataa fi hiika guddaa qabu dubbataniiru.

Haasaa isaanii keessatti, jalqaba irratti falaasama Pirezidaantii Ameerikaa Doonaaldi Tiraampi kan “America First” jedhamu hubannoo keessa galchuun, bakka isaa falaasama Muummee Ministeera Itoophiyaa Dooktar Abiyyi Ahmad kan “Haa Ida’amnu” jedhuu irraa addunyaan barachuu fi hojii irra oolchuu qabdi jedhaniiru.

Akka Gutareez jedhanitti, addunyaan yeroo ammaa kan rakkoolee walxaxaa hedduu keessa jirtu ta’uun, of-qofa yaaduu osoo hin taane, walii galuu, walii gargaaruu fi waliin hojjechuun furmaata waaraa fiduu danda’a. Falaasamni Dooktar Abiyyi Ahmadis kana ifatti kan ibsu ta’uu isaanii himaniiru.

Yeroo kana, aangawoonni biyyoota addunyaa gara garaa bakka teessoo isaanii irraa ka’anii harka rukutuun (standing ovation) jecha kanaaf deeggarsa isaanii mul’isan. Garuu, “Mootiin Ilmi Abbaa Gadaa” Dooktar Abiyyi Ahmad achi hin turre ta’us, kabajni fi jaalalli addunyaan itti agarsiifte guddaa ture.

10/31/2025

10/10/2025

ለሶስት ክልሎች ለውሃ ተቋማት ግንባታና ጥገና አገልግሎት የሚውሉ የክሬን ሞንተር ትራክ (Crane Monitor Track) ድጋፍ ተደረገ፡፡

መስከረም 28/2017ዓ.ም (ው.ኢ.ሚ) የውሃና ኢነርጂ ሚኒስቴር ከዩኒሴፍ ኢትዮጵያ ጋር በመተባበር ከKfW ልማት ባንክና ከጀርመን መንግስት በተገኘ የገንዘብ ድጋፍ ለሶስት ከክልሎች የውሃ ተቋማት እና ሳኒቴሽን ግንባታና ጥገና አግልግሎት የሚውሉ 5 የክሬን ማውንተር ትራክ (Crane Monitor Track) ማሽኖች ድጋፍ ተደረጓል፡፡

የውሃና ኢነርጂ ሚኒስቴር ሚኒስትር ክቡር ዶ/ር ኢ/ር ሀብታሙ ኢተፋ 5ቱን የክሬን ማውንተር ትራክ (Crane Monitor Track) ከዩኒሴፍ ኢትዮጵያ ካንትሪ ተወካይ ከዶ/ር አቡባካር ካምፖ ( D.r Aboubacar Kampo UNICEF Ethiopia Country Representative) ተረክበዋል፡፡

ክቡር ሚኒስትሩ ዩኒሴፍ ኢትዮጵያ ከሚኒስቴር መስሪያ ቤቱ ጋር አንድ አካል በመሆን በርካታ ስራዎችን እየሰራ እንደሚገኝ ገልጸው ለክልሎቹ የተደረገው ድጋፍ ድጋፍ ብቻ ሳይሆን ሀላፊነትንም መወጣት በመሆኑ አመስግነዋል።

የተደረገው ድጋፍ ለትግራይ ፣ አማራና አፋር ክልሎች የውሃ ተቋማትን ለመጠገን ፣ መልሶ ለማቋቋምና ሌሎች የውሃ ና ሳኒቴሽን ተቋማትን በመገንባት የተሻለ አገልግሎት ለመስጠት በእጅጉ ጠቃሚ ነው ብለዋል።

የዩኒሴፍ ኢትዮጵያ የከተሞች የመጠጥ ውሃና ሳኒቴሽን ስፔሻሊስት ባሳዝን ምንዳ (ኢ/ር) በመንግስት እቅድ መሠረት ከሚኒስቴር መስሪያ ቤቱ ጋር በርካታ ሰራዎችን እየሰሩ መሆኑን ጠቅሰው ዛሬ የተደረገው ድጋፍም የዚሁ አካል ነው ብለዋል።

ድጋፉ ከKfW እና ከጀርመን መንግስት በተገኘ ገንዘብ በሚኒስቴር መስሪያ ቤቱ በኩል ለትግራይ 1 ፣ለአፋር 1፣ ለአማራ 3 በድምሩ 5 ክሬኖችን የመጠጥ ውሃ ተቋማትን ለመጠገንና መልሶ ለመገንባት የተደረገ ሲሆን ለአንድ አመት የሚሆኑ መለዋወጫዎችን ፣ የነዳጅና ሌሎች ወጪዎችን ጨምሮ ከ1.7 ሚሊየን ዶላር በላይ ወጭ ተደርጎባቸዋል ብለዋል።

ክሬኖቹ እያንዳንዳቸው ከ10 ቶን በላይ የመሸከም አቅም ያላቸው እና የመጠጥ ውሃውን የመጠገንና መልሶ የመገንባት ፕሮግራምን የሚደግፉ በመሆናቸው የጀርመን መንግስትና KfWን በዩኒሴፍ ኢትዮጵያ እና በመንግስት ስም አመስግነዋል።

የአፋር ክልል ውሃና ኢነርጂ ቢሮ ኃላፊ አቶ አህመድ ሻሚ እንደ ክልል ከሰሜኑ ጦርነት ጋር በተያያዘ በርካታ የውሃ ተቋማት ላይ በደረሰው ጉዳት አገልግሎት የማይሰጡትን ለመጠገን ትልቅ አቅም የሚሆን ድጋፍ ተደርጎልናል ብለዋል።

ክልሉ ሞቃታማና የውሃ አጠር በመሆኑ ችግሩን ለመቅረፍ ከሚኒስቴር መስሪያ ቤቱ ፣ ከተለያዩ የልማት ድርጅቶች እና በክልሉ አቅም በርካታ ስራዎች እየተሰሩ ነው ያሉት የቢሮ ኃላፊው በተለይም ሚኒስቴር መስሪያ ቤቱ በከተሞች ያለውን የውሃ ችግር ለመቅረፍ በብድርና በተለያዩ ድጋፎች በርካታ ከተሞቻችን ላይ ትላልቅ የውሃ ፕሮጀክቶች በመገንባት ለአገልግሎት እንዲበቁ አድርጎልናል ብለዋል።

በዩኒሴፍ ድጋፍም በርካታ ፕሮጀክቶች እየተገነቡ መሆኑን አክለው ገልጸዋል።

በ2017ዓ.ም ብቻ በጥገናና የማስፋፋት ስራ 100 የውሃ ተቋማትን ወደ አገልግሎት አስገብተናል ፤ የመጠጥ ውሃ ሽፋናችንም 59 በመቶ ማድረስ ችለናል የተደረገልን ድጋፍም ከዚህ በላይ እንድንሰራ በእጅጉ ያግዘናል ብለዋል።

10/07/2025

ለውሃና ኢነርጂ ሚኒስቴር፣ ለተጠሪ ተቋማት እና ለፅ/ቤት አመራሮች ስልጠና እየተሰጠ ነው።

ሱሉልታ፤ ለውሃ እና ኢነርጂ ሚኒስቴር፣ ለተጠሪ ተቋማት እና ለፅ/ቤት አመራሮች በአፍሪካ አመራር ልህቀት አካዳሚ የአቅም ግንባታ ስልጠና እየተሰጠ ነው፡፡

ስትራቴጂያዊ አመራር በሚል ርዕሰ ጉዳይ የሚሰጠው ስልጠና የውሃ ኃይል እና የስልጣኔ መሠረቶች ምን ምን እንደሆኑ፤ በሲቪላይዜሽንና በሞደርናይዜሽንም ዙሪያ የሚያተኩረው ስልጠና የአፍሪካ አመራር ልህቀት አካዳሚ ፕሬዚደንት በክቡር አቶ ዛዲቅ አብርሃ የአቅም ግንባታ ስልጠና እየተሰጠ ነው።

በስልጠናው ላይ ንግግር ያደረጉት የውሃና ኢነርጂ ሚኒስቴር ሚኒስትር ክቡር ዶ/ር ኢ/ር ሀብታሙ ኢተፋ ስልጠናው ለቀጣይ ስራችን እንደስንቅ የምንጠቀምበትና ለአቅም ግንባታ መሰረት የሆነውን ዲሲፕሊንን የምንገነባበት ነው ብለዋል።

ክቡር ሚኒስትሩ አክለውም የስልጣኔያችን ውድቀት መንስኤዎች ምንድን ናቸው፤ ከውድቀቱስ ምን እንማራለን የሚለውንም የምናይበት መሆኑንም ጠቁመዋል።

ሁሉም ሰልጣኞች አመራር እንደመሆናችሁ በየጊዜው የተሰጡ ስልጠናዎችንም ለማደስና ለማስታወስ ስለሚጠቅም በንቃት እንድትሳተፉ አደራ በማለት ክቡር ሚኒስትሩ አሳስበዋል።

ክቡር አቶ ዛዲግ አብርሃ ስልጠናውን በሚሰጡበት ወቅት ውሃ የተፈጥሮ ሀብት ብቻ ሳይሆን የስልጣኔ መሰረት፣ የስነ-ምህዳር ደም ስር፣ የሞራል እና የባህል እሴቶቻችን መስታወት ነው በማለት የውሃ ኃይል እና የስልጣኔ መሠረቶችን በዝርዝር አብራርተዋል።

በስልጠናው ከ200 በላይ አመራሮች እየተሳተፉ ሲሆን ለ5 ተከታታይ ቀናት እንደሚሰጥ የተያዘው መርሃ ግብር ያመላክታል፡፡

09/13/2025

biyya keenya daran barbaadama argateera.

Harka guddaa dhiyeessi gaba bunaa addunyaa keessatti fi dhiyeessa.

Rakkoo haala , fi taaksii mudaten gatiin gaba bunaa bara kana olka'eera.

https://www.barchart.com/futures/quotes/KC*0/futures-prices

09/13/2025

09/04/2025

የአረንጓዴ አሻራ መርሃ ግብር የከርሰ ምድርና የገጸ ምድር የውሃ ሃብት እንዲጨምር አስችሏል-ኢንጅነር ሃብታሙ ኢተፋ (ዶ/ር)

የአረንጓዴ አሻራ መርሃ ግብር የከርሰ ምድርና የገጸ ምድር የውሃ ሃብትን ለማሳደግ ከፍተኛ አስተዋጽኦ እያበረከተ መሆኑን የውሃና ኢነርጂ ሚኒስትር ኢንጅነር ሃብታሙ ኢተፋ (ዶ/ር) ገለጹ።

ሚኒስትሩ ለኢዜአ እንደገለጹት፥ ባለፉት ዓመታት ከፍተኛ ስኬት የተመዘገበበት የአረንጓዴ አሻራ መርሃ ግብር ጎርፍን በመከላከል በውሃ የሚወሰድ አፈርና ደለልን በመቀነስ ትልቅ ሚና እየተወጣ ነው።

መርሃ ግብሩ በውሃ ሀብት ላይ ያስገኘውን ጠቀሜታ በተመለከተ በቅርቡ በተካሔደ ጥናት የከርሰ ምድር ውሃ ክምችትን ለማሳደግ ከፍተኛ አስተዋጽኦ እያበረከተ መሆኑ መረጋገጡን ጠቅሰዋል።

የዋና ዋና ወንዞችና የጅረቶች የውሃ መጠን መጨመሩንም ተናግረዋል።

ጥናቱ በሐዋሳ ዙሪያ፣በዓባይ እና አዋሽ ተፋሰስ አካባቢዎች ላይ መካሄዱን ጠቅሰው፥ በእነዚህ አካባቢዎች ችግኞች ከመተከላቸው በፊትና ከተተከሉ በኋላ የታየው ተጨባጭ ለውጥ ሳይንሳዊ በሆነ መንገድ መረጋገጡን አንስተዋል።

በዚህም የአረንጓዴ አሻራ አካባቢውን አረንጓዴ ከማድረጉ ባለፈ በዝናብ ወቅት ሊፈጠር የሚችል ጎርፍ እንዲቀንስና የዝናብ ውሃ ወደ መሬት እንዲሰርግ ማድረጉን በተግባር አረጋግጠናል ነው ያሉት።

በዋናነት የተተከሉት ችግኞት የተጎዱ አካባቢዎች እንዲያገግሙ እና የጎርፍ መጠን እንዲቀንስ ከማድረግ ባሻገር የከርሰ ምድር ውሃን ለማጎልበት ከፍተኛ አስተዋጽኦ አበርክተዋል ነው ያሉት።

ደርቆ የነበረው የሐሮማያ ሐይቅ መልሶ ያንሰራራው በአረንጓዴ ልማትና በአካባቢ ጥበቃ ሥራ መሆኑን በማንሳት፥ የአረንጓዴ አሻራ ምንጮች እንዲጎለብቱ በማድረግ የውሃ ፍሰትን ለማስተካከል ማስቻሉን አስታውቀዋል፡፡

ባለፉት ዓመታት የተተከሉ ችግኞች ጎርፍን በመከላከል አፈር እንዳይሸረሸር፣ ግድቦችና ወንዞች በደለል እንዳይሞሉና ንጹህ የውሃ ሀብት እንዲኖር በማድረግ ትልቅ ለውጥ ማመጣታቸውንም ገልጸዋል።