Meher Khelifi ماهر الخليفي

12/07/2026

05/07/2026

الحمد لله، الله و رضاية الوالدين، اليوم فرحة كبيرة بالنسبة ليا ❤️🇶🇦🇹🇳 بعد رحلة فيها برشة تعب و صبر، و بعد حصول مشروع إحميني على جائزة الابتكار في دولة قطر مع بنك قطر للتنمية، اليوم تحصّلت رسميًا كأول تونسي 🇹🇳 على إقامة رائد أعمال في دولة قطر.
بالنسبة ليا، الموضوع موش مجرد إقامة... هو اعتراف بالعمل اللي قمنا به، وثقة في المشروع اللي نخدم عليه، ورسالة تشجّع أي شاب عندو حلم ويحب يحققو.
نحب نوجّه ألف شكر لفريق QSTP ❤️.
بصراحة، من أول نهار دخلت لبرامجهم، حسّيت اللي أنا موش وحدي. لقيت ناس تؤمن برواد الأعمال، تسمع، توجّه، تعاون، وتفتحلك أبواب ما كنتش تتوقعها.
شكراً على كل نصيحة، كل توجيه، وكل فرصة عطيتوهالي. مساهمتكم كانت كبيرة برشة في تطوير Ehmini وفي وصولها للمرحلة اللي هي فيها اليوم.
وزادة نحب نقول شكراً برشة لفريق جسور (Jusoor) على الاحترافية العالية، وسرعة التعامل، والمتابعة الدقيقة. كل مرحلة كانت منظمة، وكل تعامل كان فيه احترام وتقدير. يعطيكم الصحة على الخدمة المتميزة.
وطبعًا، شكراً لدولة قطر 🇶🇦، قيادةً وحكومةً وشعبًا، على البيئة اللي وفرتها لرواد الأعمال والمبتكرين من مختلف الجنسيات. بلاد تعطيك الفرصة، وتوفّرلك المناخ باش تكبر وتنجح وتحقق أحلامك.
إن شاء الله نكون دائمًا في مستوى الثقة هاذي، ونواصل نخدم على تطوير Ehmini باش نقدم حلول مبتكرة في مجال Embedded FinTech & InsurTech ونرفع راية تونس 🇹🇳 في كل محفل❤️❤️🇹🇳🇹🇳🇹🇳
رحلة جديدة تبدأ اليوم... وإن شاء الله القادم خير وأجمل. ❤️
شكراً QSTP 🤝
شكراً Jusoor 🤝
وشكراً قطر 🇶🇦

#قطر #تونس

22/05/2026

-1