Pro-peint et déco kef

07/08/2026

👑 تعمل عليه ويخليك

شنوّة قيمة الكلمة اليوم؟
علاش تلقى صنايعي يوعدك: "غدوة نكون عندك"، ومن غدوة يولي ما يردّش؟
علاش كل صباح ثمّة حكاية جديدة: مرة راقد، مرة مريض، مرة عنده قضية، ومرة "جايني ظرف"؟
علاش يقبل الشانتي وهو عارف روحو ما ينجمش يلتزم؟
علاش يخلّي الحريف وصاحب الخدمة يبدّل مواعيدو ويضيع خدمتو على خاطر وعود ما تتنفّذش؟
هل الالتزام بالمواعيد وصدق الكلمة ولى حاجة ثانوية؟
ولا الصنايعي الحقيقي هو اللي إذا قال "نجي"، يجي... وإذا ما ينجمش، يقولها من الأول بكل صراحة؟
الاحترافية ما تبدأش بالعدة... تبدأ باحترام الوقت، واحترام الكلمة، واحترام الناس.

01/08/2026

الله المستعان

25/07/2026

الدهّان موش ساحر

اليوم برشا عباد ولات تتعامل مع الدهّان كأنو آخر حلّ لكل مصيبة صارت في الدار. شقوق في الحيط؟ الدهّان يصلّح. رطوبة طالعة من الأرض؟ الدهّان يصلّح. تسريب ماء من البلومبي؟ الدهّان يصلّح. تمديد كهرباء متكسّر للحيوط؟ الدهّان يصلّح. وحتى أخطاء البناية والمواد الرديئة والاختصارات اللي صارت باش يربحوا شوية فلوس، الكلّها يحبّو يغطيوها بطبقة دهان ويحمّلو مسؤوليتها للصنايعي اللي جا في الآخر.
المشكل موش في الدهّان، المشكل في عقلية تحبّ تبني مشروع على حساب الجودة، وتخلّي العيوب تتراكم من مرحلة لمرحلة، ومن بعد يجي الدهّان يلقا روحو قدّام جبل من المشاكل المطلوبة منّو يحلّها وحدو. والحقيقة اللي برشا ناس ما تحبّش تسمعها، أنّ الدهان ينجّم يزيّن الخدمة، أما ما ينجّمش يبدّل قوانين البناء، وما ينجّمش يوقف رطوبة سببها تسريب، وما ينجّمش يداوي شقوق سببها أخطاء هيكلية. كي تتحمّل مهنة وحدة أخطاء خمس مهن أخرى، هذا موش خدمة... هذا ظلم. والظلم الأكبر كي تتعاود المشاكل بعد مدّة، وتوجّه الأصابع للدهّان وحدو، وكأنّو هو اللي صنع المشكلة من الأصل.

17/06/2026

17/06/2026

😄😄😄😄😄😄

24/04/2026