07/07/2026
សរសៃទងសុកទារកក្នុងផ្ទៃមានបញ្ហា៖ តើមានអ្វីខ្លះដែលស្ត្រីមានផ្ទៃពោះគួរដឹង?
👶 សរសៃទងផ្ចិត (Umbilical Cord) គឺជាខ្សែជីវិតដែលភ្ជាប់រវាងម្តាយ និងទារក ដើម្បីផ្គត់ផ្គង់អុកស៊ីសែន សារធាតុចិញ្ចឹម និងយកកាកសំណល់ចេញពីទារក។ ភាគច្រើនសរសៃទងផ្ចិតមានលក្ខណៈធម្មតា ប៉ុន្តែករណីខ្លះអាចមានភាពមិនប្រក្រតី ដែលត្រូវការតាមដានយ៉ាងជិតស្និទ្ធដោយវេជ្ជបណ្ឌិត។
ប្រភេទភាពមិនប្រក្រតីនៃសរសៃទងសុក
1. True Knot (ការចងចំណងពិត)
សរសៃទងសុកចងជាចំណងពិត។
បើចំណងរឹតខ្លាំង អាចបន្ថយលំហូរឈាមទៅកាន់ទារក និងបង្កហានិភ័យខ្វះអុកស៊ីសែន។
2. False Knot (ចំណងក្លែងក្លាយ)
ជាការប៉ោងនៃសរសៃឈាមក្នុងសរសៃទងសុក មិនមែនជាចំណងពិតទេ។
ភាគច្រើនមិនបង្កគ្រោះថ្នាក់ និងមិនត្រូវការព្យាបាល។
3. Nuchal Cord (សរសៃទងសុករុំជុំវិញកទារក) កើតមានញឹកញាប់ និងភាគច្រើនមិនបង្កគ្រោះថ្នាក់ ប៉ុន្តែបើរុំតឹង ឬច្រើនជុំ អាចត្រូវការតាមដានពេលសម្រាល។
4. Velamentous Cord Insertion
សរសៃទងសុកភ្ជាប់ទៅនឹងភ្នាសសុក មិនភ្ជាប់ចំសាច់កណ្តាលនៃសុក។
អាចមានហានិភ័យសរសៃឈាមបែកឬហូឈាម (ជាពិសេស Vasa Previa) ការលូតលាស់របស់ទារកយឺត និងការសម្រាលមិនគ្រប់ខែ។
5. Marginal Cord Insertion (Battledore Placenta)
សរសៃទងផ្ចិតភ្ជាប់នៅគែមសុក។
ភាគច្រើនមានលទ្ធផលល្អ ប៉ុន្តែត្រូវតាមដានការលូតលាស់របស់ទារក។
6. Single Umbilical Artery (SUA)
ជាធម្មតាសរសៃទងផ្ចិតមានសរសៃឈាម 3 (Artery 2 + Vein 1) ប៉ុន្តែករណីនេះមានតែ Artery 1។
អាចពាក់ព័ន្ធនឹងភាពមិនប្រក្រតីពីកំណើត ឬទារកលូតលាស់យឺត ដូច្នេះត្រូវពិនិត្យលម្អិតដោយអេកូ។
7. Umbilical Cord Prolapse (សរសៃទងផ្ចិតធ្លាក់មុនទំរង់ទារក)
សរសៃទងផ្ចិតធ្លាក់ចុះមុនទារកក្រោយការបែកទឹកភ្លោះ។ជាសញ្ញាអាសន្នផ្នែកសម្ភព ដែលត្រូវសម្រាលជាបន្ទាន់ (Emergency Cesarean Section) ដើម្បីការពារទារកពីការខ្វះអុកស៊ីសែន។
8. Hypercoiled Umbilical Cord
សរសៃទងផ្ចិតបត់ខ្លាំងជាងធម្មតា។
អាចពាក់ព័ន្ធនឹងការលូតលាស់យឺតក្នុងផ្ទៃ (FGR/IUGR) ឬបញ្ហាលំហូរឈាមទៅទារក។
តើអាចរកឃើញបានដោយរបៀបណា?
✅ អេកូផ្ទៃពោះ (Ultrasound) ជាពិសេស Color Doppler អាចជួយរកឃើញភាពមិនប្រក្រតីជាច្រើននៃសរសៃទងផ្ចិត មុនពេលសម្រាល។ ការតាមដានជាប្រចាំអាចជួយកាត់បន្ថយហានិភ័យ និងជ្រើសរើសពេលវេលា និងវិធីសម្រាលដែលសមស្រប។
សារសំខាន់សម្រាប់ស្ត្រីមានផ្ទៃពោះ
🌸 ភាពមិនប្រក្រតីនៃសរសៃទងផ្ចិតទារក មិនមែនមានន័យថាទារកទាំងអស់នឹងមានគ្រោះថ្នាក់ទេ។ ករណីភាគច្រើនអាចបញ្ចប់ទៅដោយសុវត្ថិភាព ប្រសិនបើរកឃើញទាន់ពេល និងតាមដានដោយក្រុមគ្រូពេទ្យជំនាញ។
📚 ឯកសារយោង
American College of Obstetricians and Gynecologists. Practice Bulletin: Antepartum Fetal Surveillance.
Society for Maternal-Fetal Medicine. Consult Series: Evaluation and management of umbilical cord abnormalities.
International Society of Ultrasound in Obstetrics and Gynecology. Practice Guidelines for ultrasound examination of the placenta and umbilical cord.
Royal College of Obstetricians and Gynaecologists. Green-top Guidelines on Umbilical Cord Prolapse and intrapartum care.
#សុខភាពមាតានិងទារក #ការមានផ្ទៃពោះ
