What are the opening hours?

Monday 09:00 - 03:00 Tuesday 08:00 - 03:00 Wednesday 08:00 - 03:00 Thursday 08:00 - 03:00 Friday 00:00 - 03:00 Saturday 08:00 - 03:00 Sunday 08:00 - 03:00

https://u-advertising.blogspot.com/?m=1

أعمال ألسودان, امدرمان سوق ليبيا, Al Khartum (2026)

Q: What is the address?

امدرمان سوق ليبيا

28/06/2026

☀️ كيف تختار منظومة شمسية مستقبلية؟

لا تنظر إلى سعر المنظومة اليوم فقط، بل فكر في سهولة تطويرها بعد سنة أو سنتين حتى لا تخسر مرتين.

═══════════════════════

أولاً: اعرف نوع النظام المناسب

تنقسم المنظومات الشمسية إلى:

🔹 نظام 12 فولت
🔹 نظام 24 فولت
🔹 نظام 48 فولت

واختيار النظام الصحيح يعتمد على دراسة الأحمال الحالية والمستقبلية.

═══════════════════════

الطريقة الصحيحة لتنفيذ أي منظومة

قبل اختيار أي جهاز، لا بد من إجراء معاينة ميدانية لتحديد:

✅ الأحمال الليلية.
✅ الأحمال النهارية.
✅ مكان تركيب المنظومة من ناحية التهوية والرطوبة والتعرض للمياه والغبار.
✅ عدد الطوابق.
✅ أطوال ومقاسات الأسلاك.
✅ نوع طبلون الحماية.
✅ نوع السقف ومكان تثبيت الألواح.
✅ الأحمال اللحظية (Starting Current).
✅ إمكانية التوسعة المستقبلية.

كل هذه التفاصيل لا يمكن تحديدها بدقة إلا بعد المعاينة الميدانية.

═══════════════════════

✅ أولاً: اختر البطارية حسب أحمالك الليلية

🔋 إذا كانت الأحمال الليلية أقل من 400 واط

- بطارية ليثيوم 5 كيلو.
- أو 2 بطارية 200 أمبير.

🔋 إذا كانت الأحمال الليلية أقل من 800 واط

- بطارية ليثيوم 10 كيلو.
- أو 4 بطاريات 200 أمبير.

🔋 إذا كانت الأحمال الليلية أقل من 1200 واط

- بطارية ليثيوم 15 كيلو.

البطارية هي التي تحدد مدة التشغيل الليلي، لذلك احسب أحمالك الليلية أولاً.

وبناءً على البطارية يتم تحديد ما إذا كان النظام 24 فولت أو 48 فولت.

═══════════════════════

✅ ثانياً: اختر انفيرتر يخدمك في المستقبل

بعد تحديد البطارية، اختر انفيرتراً يسمح لك بالتوسعة.

✔️ إذا اخترت بطارية 5 كيلو (24 فولت)، فلا تشترِ انفيرتر 3.2 كيلو، بل اختر 4.2 كيلو لأنه مزود بمدخل BMS ويدعم بطاريات الليثيوم، ويمنحك مرونة أكبر مستقبلاً.

✔️ إذا كنت تحتاج 6.2 كيلو، فكر في 10.2 كيلو، لأنه يقبل حوالي 18–20 لوحاً بدلاً من حوالي 9 ألواح، مما يتيح لك زيادة الألواح مستقبلاً دون استبدال الانفيرتر، وهو أوفر على المدى البعيد.

═══════════════════════

✅ التوصية حسب الأحمال الليلية

🔹 أقل من 400 واط
➡️ بطارية 5 كيلو ليثيوم (24V).
➡️ أفضل اختيار: انفيرتر 4.2 كيلو.

🔹 أقل من 800 واط
➡️ بطارية 10 كيلو ليثيوم.
➡️ يمكن استخدام 6.2 كيلو، لكن 10.2 كيلو هو الخيار الأفضل للمستقبل.

🔹 أقل من 1200 واط
➡️ بطارية 15 كيلو ليثيوم.
➡️ انفيرتر 10.2 كيلو.

═══════════════════════

💡 القاعدة الذهبية

الانفيرتر هو أساس المنظومة.

ابدأ بالانفيرتر الأكبر المناسب، والباقي سهل بإذن الله.

🔋 البطاريات يمكن ترقيتها.
☀️ الألواح يمكن زيادتها.
⚡ لكن تغيير الانفيرتر بعد التركيب هو أكثر خطوة تكلفة، لذلك احرص على اختيار انفيرتر يخدم احتياجاتك الحالية والمستقبلية.

07/06/2026

☀️🔋 دراسة منظومة طاقة شمسية 🔋☀️
═══════════════════════
⚡ الأحمال النهارية (8 صباحاً – 4 مساءً)
✅ 3 مواتر موية × 2 حصان
الحصان = 735 واط
الموتور الواحد = 1470 واط
✅ إجمالي المواتر: 3 × 1470 = 4410 واط (4.41kW)
✅ مكيف نسمة 6000 وحدة: 245 واط (0.245kW)
✅ إجمالي الأحمال النهارية: 4.41 + 0.245 = 4.655kW
✅ مع الفواقد والحرارة: 4.655 × 1.3 = 6.05kW
✅ الألواح المطلوبة للتشغيل النهاري: 10 ألواح 620 واط
═══════════════════════
🌙 الأحمال الليلية
✅ المواتر: 4.41 × 14 ساعة = 61.74kWh
✅ 7 لمبات × 60 واط: 420 واط × 12 ساعة = 5.04kWh
✅ إجمالي الاستهلاك الليلي: 61.74 + 5.04 = 66.78kWh
✅ مع الفواقد واحتياط الشحن: 66.78 × 1.3 = 86.81kWh
✅ التخزين المطلوب: حوالي 90kWh
✅ البطاريات المطلوبة: 6 بطاريات ليثيوم 15kWh
═══════════════════════
🔋 حساب شحن البطاريات
✅ السعة الكلية للبطاريات: 6 × 15 = 90kWh
✅ مع فواقد الشحن: 90 × 1.2 = 108kWh
✅ على أساس 5 ساعات شمس فعالة: 108 ÷ 5 = 21.6kW ألواح
✅ عدد الألواح 620 واط المطلوبة للشحن: 21.6 ÷ 0.62 = 35 لوح تقريباً
═══════════════════════
☀️ إجمالي الألواح المطلوبة
✅ ألواح التشغيل النهاري: 10 ألواح
✅ ألواح شحن البطاريات: 35 لوح
✅ الإجمالي: 45 لوح 620 واط
═══════════════════════
⚙️ تقسيم المنظومة على 3 انفيرترات 10kW
✅ لكل انفيرتر:
🔹 15 لوح 620 واط
(قدرة الألواح = 9.3kW)
🔹 2 بطارية ليثيوم 15kWh
(سعة التخزين = 30kWh)
═══════════════════════
📋 النتيجة النهائية
✅ 3 انفيرترات 10kW
✅ 45 لوح 620W
✅ 6 بطاريات ليثيوم 15kWh
✅ 15 لوح لكل انفيرتر
✅ 2 بطارية 15kWh لكل انفيرتر
═══════════════════════
🔋☀️ منظومة قادرة على تشغيل 3 مواتر موية (2 حصان) على مدار 24 ساعة + مكيف نسمة نهاراً + 7 لمبات ليلاً مع وجود احتياط للفواقد والشحن. ☀️🔋

03/06/2026

☀️🔋 دراسة منظومة طاقة شمسية متكاملة 🔋☀️
إذا عندك:
✅ 4 ثلاجات
✅ 2 مكيف موية
✅ 10 لمبات
✅ 2 مروحة
الطلب تشغيل الأحمال لمدة ٢٤ساعة.

═══════════════════════
✅ البطارية المناسبة لأحمال الليل.
✅ الالواح المناسبة للشحن + التشغيل.
✅ الانفيرتر المناسب.

═══════════════════════
✅ البطاريات المناسبة للتشغيل الليلي:
═══════════════════════

تفصيل استهلاك كل جهاز في 12 ساعة:
إذا فرضنا انوا الليل ١٢ ساعة والنهار ١٢ ساعة فالمطلوب بطارية تشغل مجموع الأحمال دي لمدة ١٢ ساعة................................................
الثلاجات: 640 × 12 = 7.68 kWh
المكيفات: 500 × 12 = 6.00 kWh
اللمبات: 150 × 12 = 1.80 kWh
المراوح: 150 × 12 = 1.80 kWh...............................................
الإجمالي = 17.28 kWh في الساعة.
_________________________
حسب الأحمال المطلوبة بالليل، توجد 4 خيارات مناسبة:
_________________________
1️⃣ تشغيل كل الأحمال ليلاً:...............................................

الأحمال الكلية المطلوب تشغيلها 17.28 kWh، معناها انا عشان تشغلا محتاج لي 🔋 بطاريتين 20k = 10k+10k...............................................
نراعي لي حاجتين أساسيات:
✅ نسبة التفريغ المضبوطة في الانفيرتر:
إذا فرضنا انوا نسبة التفريغ مضبوط علي ٩٠٪ معناها البطارية يا يبقي فيها ١٠٪ دي الانفيرتر ما بفرغا.
20k × 90% = 18kWh...............................................
✅ الفقودات في الانفيرتر والاسلاك:
واذا فرضنا انوا الأسلاك المستخدمة بي جودة عالية والفقد الانفيرتر والأسلاك 3%.
18k × 97% = 17.46kWh
الأحمال المطلوبة ⚡ 17.28kWh
المتبقي بعد الفقودات ⚡ 17.46kWh
17.46 - 17.28 = 0.18kWh
يعني عندك احتياطي:
0.18 ÷ 1.44 = 0.125 ساعة
≈ 7.5 دقيقة. ...............................................
💙 الخلاصة: ...............................................
✅ بطاريتين 10k تكفي لتشغيل الأحمال الليلية البالغة 17.28kWh.
⚠️ لكن الاحتياطي بسيط شديد (حوالي 7 دقائق فقط)، لذلك لازم:
✅ البطاريات تكون مشحونة 100%. يعني لو في يوم سرحتا ما فصلتا الثلاجات في زمنا ما بتديك ال١٢ ساعة.
✅ الأحمال لازم تكون مطابقة للحسابات، يعنى ما عندك مساحة ولا لمبة إضافية. اي زيادة بتكون خصما على ال١٢ ساعة. يعني ما يكون في زيادة تشغيل أو ضعف في شحن البطاريات................................................
عشان كدا دائما نحنا بتفضل يكون في فايض ما يقل عن 10-20% فوق الاستهلاك المتوقع.

═══════════════════════
✅ الالواح المناسبة للشحن + التشغيل.
═══════════════════════

🔋 بطاريتين 20k = 10k+10k
وإنت عايز تشحنهم من 0% إلى 100% في يوم واحد.
الطاقة المطلوب تعويضها:
✅ كالعادة نشوف نسبة التفريغ:(90%)
20k × 90% = 18kWh
نضيف فاقد الشحن والبطارية تقريباً 10%:
18k × 0.1=1.8
18k+ 1.8 = 20kWh
تساوي ١٩.٨ تقريبا ٢٠ك لتسهيل الحسابات................................................
يعني الألواح لازم تنتج حوالي 20kWh يومياً لشحن البطاريات فقط.
حساب عدد الألواح
لو اعتبرنا متوسط الشمس الفعالة في السودان = 5.5 ساعات.
اللوح 590 واط ينتج تقريباً:
0.59 × 5.5 = 3.25kWh يومياً
بعد الفواقد:
3.25 × 0.8 = 2.6kWh يومياً...............................................
💙 عدد الألواح المطلوب للشحن فقط:...............................................
20k ÷ 2.6 = 7.7 لوح
يعني نحتاج 8 ألواح 590 واط لشحن البطاريتين فقط................................................
وقبيل كانت الأحمال النهارية 1.44kW شغالة
الأحمال النهارية لمدة 12 ساعة:
1.44 × 12 = 17.28kWh
الشحن المطلوب للبطاريات:
20kWh
والاحمال النهارية
17.28
نجمع الاتنين عشان نجيب عدد الألواح الكلية
═══════════════════════
إجمالي الطاقة المطلوبة يومياً:
═══════════════════════
17.28 + 20 = 37.28kWh
عدد الألواح:
37.28 ÷ 2.6 = 14.3 لوح
✅ عملياً نركب 15 لوح 590 واط
⚡ وإذا عايز هامش أمان ممتاز في الشتاء والغبار والحرارة: 16 لوح 590 واط.

═══════════════════════
✅ الانفيرتر المناسب:
═══════════════════════

اختيار الانفيرتر ما بيكون على سعة البطارية أو عدد الألواح براها، وإنما على أكبر حمل لحظي ممكن يشتغل في نفس الزمن................................................
منظومتك الحالية
الأحمال:...............................................
4 ثلاجات = 640 واط
2 مكيف موية = 500 واط
10 لمبات = 150 واط
2 مروحة = 150 واط
إجمالي الحمل المستمر = 1440 واط...............................................
لكن المشكلة ما في 1440 واط، المشكلة في تيار الإقلاع للثلاجات.
إذا اشتغلت أكثر من ثلاجة في نفس اللحظة ممكن يوصل السحب اللحظي إلى:
3 إلى 5 كيلو واط بسهولة.
...............................................
🤔 هل انفيرتر 4.2 كيلو يكفي؟...............................................
✅ يعمل على بطاريات 24 فولت.
✅ يشغل الأحمال المستمرة.
✅ يقبل حتى 9 ألواح 590 واط تقريباً.
✅ لا يتحمل تيارات الإقلاع للثلاجات ⚠️ مع 4 ثلاجات قد تحصل مشكلة فصل أو Overload عند بدء التشغيل.
...............................................
🤔 هل انفيرتر 6.2 كيلو يكفي؟...............................................
✅ من ناحية الأحمال ممتاز.
✅ يتحمل تيارات الإقلاع للثلاجات.
✅ يقبل حتى 9 ألواح 590 واط تقريباً.
لكن عندك 15 أو 16 لوح.
...............................................
🤔 هل انفيرتر 10.2 كيلو هو الأنسب؟...............................................
نعم للأسباب التالية:
✅ يقبل عدد الألواح المطلوب (15–16 لوح).
✅ يترك مجال للتوسعة مستقبلاً.
✅ يتحمل تيارات إقلاع الثلاجات بسهولة.
✅ يعمل على بطاريات 48 فولت وليثيوم 10k و20k بدون مشكلة.
✅ الألواح (15–16 لوح × 590 واط ≈ 8.9–9.4 كيلوواط) مناسبة جداً مع انفيرتر 10.2 كيلو.
_________________________
الخلاصة
_________________________
🔋 بطاريتين 10k
☀️ 15–16 لوح 590 واط
⚡ الانفيرتر المناسب: 10.2 كيلو ...............................................
م. محمد احمد الضو محمد
للتواصل والاستفسار:
0123669014 ...............................................

13/03/2026

📌 المنظومات بتفصل بالليل وكمان بالنهار!!
_________________________

في كثير من أنظمة الطاقة الشمسية التي تستخدم بطاريات الليثيوم، يجب أن يكون هناك تواصل بين الإنفيرتر والبطارية عبر:
✅CAN
✅RS485
وذلك حتى يستطيع الإنفيرتر قراءة بيانات البطارية من نظام إدارة البطارية (BMS) مثل:
✅ نسبة الشحن الحقيقية (SOC)
✅ حدود الشحن المسموح بها
✅ حدود التفريغ
✅ أقصى تيار للشحن والتفريغ
إذا لم يتم هذا التواصل، يعمل الإنفيرتر بدون معرفة حدود البطارية، مما يؤدي إلى ظهور بعض الأخطاء.

_________________________
⚠️ خطأ 29 أثناء النهار
عندما لا يكون الاتصال بين الإنفيرتر والبطارية واضحاً، يحدث الآتي:
الإنفيرتر يعتقد أن البطارية تحتاج شحن أكثر.
يقوم بالشحن حتى يتجاوز الحد الحقيقي للبطارية.
عندها يقوم الـBMS بفصل البطارية لحمايتها من الشحن الزائد.
في هذه الحالة يعتقد الإنفيرتر أن هناك مشكلة في البطارية فتظهر الأكواد:
⚠️ Error 29
وأحياناً يظهر أيضاً:
⚠️ Error 56
وقد يلاحظ المستخدم أن السيستم يفصل لثوانٍ ثم يعود للعمل، ومع الوقت قد تزداد مدة الفصل.

_________________________
⚠️ خطأ PB أثناء الليل
في الليل يحدث العكس:
عندما تنخفض نسبة شحن البطارية إلى مستوى منخفض:
يقوم BMS بفصل البطارية لحمايتها من التفريغ الزائد.
لكن الإنفيرتر لا يعرف حد التفريغ لأنه غير متصل بالبطارية.
فتظهر رسالة:
⚠️ PB Error
وغالباً يحتاج النظام بعدها إلى:
🔧 إعادة تشغيل البطارية أو النظام بالكامل.

_________________________
⚠️ خطأ 56 في الإنفيرتر
هذا الخطأ يعني غالباً:
Battery Communication Fault
أي وجود مشكلة في الاتصال بين الإنفيرتر والبطارية.
الأسباب الشائعة
1️⃣ كابل الاتصال بين البطارية والإنفيرتر غير موصول جيداً
(CAN أو RS485)
2️⃣ اختيار نوع البطارية خطأ في إعدادات الإنفيرتر
3️⃣ ترتيب أسلاك الكابل غير مطابق للداتا شيت
4️⃣ البطارية في وضع حماية (Protection)
5️⃣ عدم توافق بين ماركة البطارية والإنفيرتر...............................................
🔧 الحلول
✔️ التأكد من توصيل كابل الاتصال جيداً
✔️ التأكد من المنفذ الصحيح (CAN أو BMS)
✔️ مراجعة ترتيب الأسلاك حسب الداتا شيت
✔️ إعادة تشغيل النظام بالترتيب:
1️⃣ تشغيل البطارية أولاً
2️⃣ ثم تشغيل الإنفيرتر

_________________________
📌 ماذا نفعل في حالة عدم التوافق؟
إذا لم ينجح الربط رغم:
✅ التوصيل الصحيح
✅ ترتيب الأسلاك الصحيح
✅ اختيار البروتوكول المناسب
يمكن استخدام وضع:...............................................
⚙️ USE Mode (User Mode)
في هذا الوضع يتم ضبط الإنفيرتر يدوياً مثل:
🔋 جهد الشحن الأقصى
🔋 جهد الفصل
🔋 جهد العودة للتشغيل
وبذلك يعمل الإنفيرتر ضمن هذه الحدود حتى بدون التواصل مع BMS، مما يمنع:
✔️ الشحن الزائد
✔️ التفريغ الزائد
_________________________
📌 إذا ظهر لديك أي كود خطأ في الإنفيرتر يمكنك كتابته وسنحاول شرح السبب والحل.
_________________________
✍️ م. محمد أحمد علي محمد
أعمال السودان
📞 0123669014

09/03/2026

🔥 أفشل زواج في الطاقة الشمسية! 🔋⚡
━━━━━━━━━━━━━━
خلوني أقول حقيقة
ممكن بعض الناس يزعلوا منها 😅
كثير من أصحاب الأنظمة الشمسية
جابوا إنفيرتر من شركة
و بطارية ليثيوم من شركة تانية
ويقولوا:
"مافي مشكلة… كله يشتغل."
━━━━━━━━━━━━━━
لكن الحقيقة 👇
في كثير من الحالات
هذا أسوأ زواج في المنظومة الشمسية.
━━━━━━━━━━━━━━
⚡ الإنفيرتر يقول:
أنا المسؤول عن الشحن
🔋 البطارية تقول:
أنا أعرف نفسي أكثر
ويبدأ الخلاف:
⚠️ شحن غير صحيح
⚠️ فصل متكرر
⚠️ مشاكل في التواصل
⚠️ عمر البطارية يقل
━━━━━━━━━━━━━━
📌 السبب بسيط:
كل شركة عندها
🔌 لغة مختلفة (Protocol)
🔋 نظام BMS مختلف
━━━━━━━━━━━━━━
صحيح…
أحياناً الماركات المختلفة تتوافق
لكن في كثير من الحالات
التوافق يكون ضعيف أو غير مستقر.
━━━━━━━━━━━━━━
أما لما يكون:
🔋 البطارية
⚡ الإنفيرتر
من نفس الشركة
التفاهم يكون أسهل بكثير
لأنهم أصلاً متصممين يشتغلوا مع بعض.
━━━━━━━━━━━━━━
لكن خلينا نكون صادقين 👇
حتى الماركات من نفس الشركة
أحياناً يحصل عدم تفاهم بسيط 😅
لكن يظل
🔥 أفضل بكثير من زواج الغريب.
━━━━━━━━━━━━━━
❓ سؤال مهم:
هل جربت تركب بطارية ليثيوم
مع إنفيرتر من شركة مختلفة؟
هل اشتغلت معاك بدون مشاكل؟
ولا حصلت مشاكل في الشحن أو الفصل؟
💬 اكتب تجربتك في التعليقات
━━━━━━━━━━━━━━
⚡ تركيب أنظمة الطاقة الشمسية
🔋 بطاريات ليثيوم
⚡ إنفيرترات أصلية
م. محمد أحمد الضو محمد
متخصص أنظمة الطاقة الشمسية – السودان
📞 0123669014
━━━━━━━━━━━━━━

06/03/2026

بطاريات الليثيوم مجانا؟؟
🔥 خلينا نتكلم بصراحة عن بطاريات الليثيوم والجل:
ناس كتير أول ما يسمع سعر بطارية الليثيوم يقول:
"غالية شديد!"
لكن الحقيقة لو حسبتها صح…
حتكتشف إنها تقريباً مجان مقارنة بالجل.
═══════════════════
🔋 أول حاجة نفهمها: شنو هي الدورة؟
الدورة ببساطة:
✔ تشحن البطارية 100%
✔ تفرغها 100%
دي اسمها دورة واحدة.
بطاريات الليثيوم غالباً مصممة لحوالي: 6000 دورة
═══════════════════
📊 يعني تقعد معانا كم سنة؟
لو استخدمنا البطارية مرة في اليوم:
السنة تقريباً فيها 360 دورة
لو حسبناها:
6000 ÷ 360
≈ 16 سنة استخدام نظري
خلينا نكون محافظين ونقول 10 سنوات.
في 10 سنوات حتستهلك تقريباً: 3600 دورة
يعني بعد 10 سنوات كاملة
لسه باقي في البطارية: 2400 دورة!
📌 يعني البطارية لسه ممكن تكمل سنين تانية.
═══════════════════
🟤 طيب بطاريات الجل كم دورة؟
الداتا شيت بتقول تقريباً: 800 دورة
لكن بشرط:
✔ ما تفرغها زيادة
✔ تحافظ على الشحن
✔ ما تضغط عليها بالأحمال
لو ما التزمت بالكلام دا؟
العمر ينقص بسرعة.
يعني في الواقع أغلب الناس بطاريات الجل بتعيش معاهم:
حوالي سنتين.
═══════════════════
💰 تعال نحسبها بطريقة سودانية بسيطة
خلينا نقارن بين زولين:
🔵 محمد
🟤 علي
محمد اشترى بطارية ليثيوم بـ 2500
علي اشترى بطاريات جل بـ 1500
علي بطارياته بتعيش تقريباً سنتين
في 10 سنوات حيغير البطاريات تقريباً 5 مرات
1500 × 5 = 7500
يعني يا علي دفعت: 7500
بينما محمد دفع: 2500 فقط
😂 محمد لسه باقي ليه دورات يورثها لأولاده.
═══════════════════
📌 الخلاصة
بطارية الليثيوم ممكن تبان غالية في البداية…
لكن في الحقيقة هي:
✔ عمر أطول
✔ طاقة أكثر
✔ مشاكل أقل
✔ وتكلفة أقل على المدى الطويل
يعني ببساطة:
الليثيوم استثمار…
والجل مصروف متكرر.
═══════════════════
والآن السؤال المهم 👇
انت حتمشي مسار محمد 🔵
ولا مسار علي 🟤 ؟
قول لينا في التعليقات 👇
ليثيوم ولا جل؟ 🔋⚡...........................................
لو استفدت من المنشور:
❤️ اعمل لايك
🔁 اعمل شير عشان غيرك يستفيد
💬 واكتب في التعليقات: كم لوح عندك؟...........................................
📞 للاستفسار عن تركيب منظومات الطاقة الشمسية
0123669014
🚚 تركيب + ضبط الأحمال + ضمان تشغيل المنظومة.

05/03/2026

🔋⚡ منظومة طاقة شمسية متكاملة
نوم وانت مرتاح مع Growatt ❄️😴...........................................
اتكلمنا في المنشور الفات عن إنو الأفضل يكون الإنفيرتر والبطارية من نفس الماركة.
السبب بسيط:
عشان يحصل توافق كامل بين الإنفيرتر والبطارية عبر نظام BMS.
الـ BMS بخلي الإنفيرتر والبطارية يتواصلوا مع بعض ويعرفوا:
• حالة الشحن
• نسبة التفريغ
• التيار المسموح
• حماية الخلايا
وده بقلل المشاكل في المنظومة............................................
المشاكل الممكن تحصل لو ما في توافق
1️⃣ الشحن الزائد (Over Charge)
بيحصل غالباً بالنهار بعد الساعة 12 لما إنتاج الألواح يكون عالي.
لو تيار الشحن أعلى من قدرة البطارية بتفعل البطارية نظام الحماية.
وقتها الإنفيرتر ممكن يظهر أخطاء مثل:
Error 23
Error 35
Error 69
Error 21
وتتوقف المنظومة رغم أن الألواح شغالة............................................
2️⃣ التفريغ الزائد (Over Discharge)
بيحصل غالباً بالليل بسبب زيادة الأحمال.
كل بطارية عندها حد معين للسحب المستمر.
لو زادت الأحمال عن الحد دا لفترة طويلة، البطارية تفعل نظام الحماية وتفصل............................................
3️⃣ التفريغ الكامل للبطارية
دي أكبر مشكلة.
لو البطارية فرغت بالكامل بالليل، ممكن ما ترجع تشحن إلا بعد إعادة تشغيل.
لكن إعادة التشغيل بطريقة خاطئة (مثلاً شحنها مباشرة من لوح خارجي) ممكن تسبب:
⚠️ تلف بعض خلايا البطارية
مثال:
بطارية 24 فولت
لو تلفت خلية ممكن تصبح 21 فولت.
وفي الحالة دي غالباً لازم:
• تغيير الخلية
أو
• تقليل عدد الخلايا ويصبح النظام 12 فولت...........................................
الحل ببساطة
لو داير منظومة مضمونة وما فيها صداع:
✔ ركز على توافق الإنفيرتر والبطارية
✔ اختار ماركات مجربة
✔ احسب الأحمال صح
لأن التوافق بين الأجهزة ممكن يكون:
100٪
أو
80٪ فقط
وبعض الأنظمة تشتغل فترة وبعدها تظهر أخطاء مثل:
Error 61...........................................
خلينا نحسبها مع بعض بمثال منتشر في السودان:
⚡ إنفيرتر Growatt 6 كيلو
🔋 بطارية Growatt ليثيوم 5 كيلو
☀️ 6 ألواح Jinko Solar 590 واط (دبل فيس)...........................................
☀️ حساب النهار (الألواح)
قدرة الألواح:
6 × 590 = 3540 واط ≈ 3.5kW
إنتاج اليوم:
3540 × 5 ساعات شمس = 17700Wh
بعد خصم خسائر النظام (20٪):
✅ الإنتاج الحقيقي ≈ 14kWh يومياً
عشان المنظومة تشتغل مرتاحة:
3540 × 70٪ ≈ 2400 واط تشغيل مستمر بالنهار...........................................
الأحمال في البيت 3 أنواع
✅ أحمال أساسية
✅ أحمال لحظية
❌ أحمال حرارية...........................................
الأحمال الأساسية
🧊 ثلاجة = 190 واط
📺 شاشة = 150 واط
🌀 3 مراوح = 195 واط
💡 10 لمبات = 200 واط
💧 مكيف موية = 245 واط
المجموع:
✅ 980 واط ≈ 1kW...........................................
الأحمال اللحظية
🚰 موتور موية = 750 واط
🥤 خلاطة = 700 واط
👕 غسالة = 450 واط
🥙 كبة = 300 واط
🌀 كولر = 450 واط
⭐ أقوى جهاز: موتور الموية
مثال تشغيل:
980 + 750 = 1730 واط
وما زلنا أقل من الحد المريح:
2400 واط
لكن الأفضل تشغيل الأجهزة بالتناوب (واحد واحد)............................................
الأجهزة الحرارية
🔥 فرن كهربائي
🔥 مايكرويف
🔥 حلة ضغط كهربائية
🔥 هيتر
دي ممكن تسحب إنتاج الألواح كله في دقائق............................................
🌙 حساب الليل (البطارية)
بطارية 5kWh
بعد خصم 20٪ احتياطي:
5000 × 80٪ = 4000Wh
لو التشغيل 12 ساعة:
4000 ÷ 12 ≈ 330 واط
يعني البطارية تشغل ليلاً تقريباً 300 – 330 واط............................................
أمثلة تشغيل ليلي
✅ ثلاجة + مروحتين = 320 واط
✅ شاشة + مروحتين + لمبتين = 320 واط
❌ ما يفضل ليلاً:
مكيف / موتور / غسالة / أجهزة حرارية...........................................
🔋 مقارنة البطاريات
5kWh → 330 واط ليلاً
10kWh → 660 واط
15kWh → 1000 واط...........................................
💡 الخلاصة
☀️ بالنهار:
6 ألواح 590 واط تشغل حوالي 2400 واط باستمرار
🌙 بالليل:
بطارية 5k تشغل حوالي 330 واط طوال الليل...........................................
لو استفدت من المنشور:
❤️ اعمل لايك
🔁 اعمل شير عشان غيرك يستفيد
💬 واكتب في التعليقات: كم لوح عندك؟...........................................
📞 للاستفسار عن تركيب منظومات الطاقة الشمسية
0123669014
🚚 تركيب + ضبط الأحمال + ضمان تشغيل المنظومة.

02/03/2026

“بطارية الليثيوم ما بتنفع… كل يوم بتفصل!”
_________________________

كتير ناس مركبين بطارية ليثيوم (مثلاً MUST) أو (GSB) أو ماركات تانية.
مع إنفرتر ماركة تانية مختلفة عن ماركة البطارية (VAXON / MUST / GSB)، وكل يوم يحصل:
الكهرباء تفصل فجأة… والبطارية الصباح ما بتشحن إلا بعد تعمل ليها “Reset”.

الناس بتفتكر البطارية خربانة ❌
لكن الحقيقة: المشكلة عدم توافق الـ BMS مع الإنفرتر.
ــــــــــــــــــــــــــــــــــــ
أولاً: ما هو الـ BMS ؟

بطارية الليثيوم ما زي بطارية الرصاص…
داخلها كمبيوتر صغير اسمه Battery Management System (BMS)

وظيفته:
• مراقبة فولت كل خلية داخل البطارية
• مراقبة الحرارة
• منع الشحن الزائد
• منع التفريغ الزائد
• حماية البطارية بالكامل

يعني باختصار:

«الـBMS هو الحارس الشخصي للبطارية»

_________________________
خليني أشرح ليك ماذا يحدث داخل النظام 👇
_________________________

بطارية 24V الليثيوم = 8 خلايا
كل خلية حدها الحقيقي ≈ 3.65V
يعني:
8 × 3.65 = 29.2V (حد خطير جداً) يلا دا ما مفروض اصلا تصل ليهوا عشان في ناس كتيرة بتشفتن وتقول ليك الداتا شيت جاية لحدي ٢٩.٢ يقوم يقشط البطارية بي ٢٩.٢ وبعد فترة بسيطة يلقي البطارية زمن تشغيلا نقص كتير جدا دايما اشتغل بي اعدادات الانفيرتر الافتراضية لأنها محسبة علي الحاجة الآمنة ليك انت بالأول تاني لي البطارية. فعشان كدا الشركات المصنعة تبرمج البطارية انها تقفل بدري للحماية (حوالي 27.2–27.6).
_________________________
ليه الإنفرتر نفس الشركة يشتغل طبيعي؟
_________________________
لأنو في كابل اسمو:
كابل CAN أو RS485 (Communication Cable)
ده أهم سلك في منظومة الليثيوم (أهم من سلك الكهرباء ذاته).
عند توصيله:
البطارية ما بتخلي الإنفرتر يحدد الفولت
البطارية نفسها تأمر الإنفرتر يشحن كم.
يعني:
الإنفرتر يتحول لشاحن غبي (Slave)
والبطارية تصبح هي المتحكم (Master)
عشان كدا ما بيحصل 27.4 ولا 27.6 — البطارية توقفه عند 27.2 إذا كان دا المناسب بالنسبة ليها ودا مثال للفهم بختلف حسب نوع البطارية.
_________________________
طيب البحصل شنوا مع فاكسون؟؟
_________________________
فاكسون بكون ما فاهم لغة MUST
زي السوداني ال بتكلم مع واحد صيني. لأنوا
(كل شركة عندها بروتوكول CAN مختلف)
فالإنفرتر يشتغل بوضع:
Voltage Control (Lead-acid thinking)
هو يرى بانوا البطارية لازم تصل ٢٧.٤ بس الشي المتعود عليه مثلا علي نفس البطارية من ماركتوا:
بطارية 24V → لازم يصل Absorb = 27.4
لكن داخل البطارية أول خلية وصلت 3.60V
→ الـBMS يصرخ خطر!
فيقوم بفعل نظام الحماية:
High Voltage Cutoff
والذي يحصل:
وطوالي البطارية تفصل فجأة ومنها
الإنفرتر يعتقد انوا الكهرباء قطعت.
بعمل إعادة تشغيل ويحاول يشحن البطارية
ويستمر علي نفس السيناريو (loop)
دي الدوامة البتعيشها الآن.
_________________________
أخطر جزء (الناس ما منتبهين له)
الـBMS لما يفصل كم مرة يعمل:
Protection Lock (Sleep Mode)
وهنا طبعا لأنوا بكون فتر كل مرة بحاول ومافي نتيجة بالتالي بوقف البطارية وبعمل تأمين كامل للشحن البطارية تظهر:
الشاشة قارية فيها جهد يعني شاحنة فل لكن لا تشحن وكمان
ما بتفرغ. لأنو فصل MOSFET الداخلي................................................
عشان كدا ما بترجع إلا إذا اتشحن بي شاحن خارجي
أو Reset إعادة تشغل من زر الريست تحت البطارية أو يمن لو يسار حسب نوع البطارية.
وده الحاصل معاك في الصباح. وبعمل ليك مشاكل بالنهار والالواح شغالة والبطارية مليانة.
_________________________
طيب انت كمهندس حصلت ليك المشكلة دي تعمل شنوا؟؟
_________________________
الحل الجذري لي الناس الما اشترت لسا لو سمحتا مفروض نديك كف لي مصلحتك عشان تشتري بطارية وانفيرتر نفس الماركة. وما تقول لي الماركة شنوا اي شي بس المهم يكون مع بعض.
_________________________
طيب اذا زول اتورط خلاص اشتري تضبطوا ضبط يدوي حسب اعدادات البطارية كن الداتا شيت بحيث تخلي الانفيرتر يفصل البطارية قبل تصل لي الحد الأدنى للتفرغ وتضبطوا الحد الأعلى بحيث يكون نفس الحاجة البتقبلا البطارية من غير ما تخش وضع التأمين. وبكدا بتكون أديتوا أفضل حل في الوضع الهوا فيهوا. وممكن يغير الانفيرتر لي نفس ماركة البطارية أو البطارية لي نفس ماركة الانفيرتر بس انا وانتوا والعميل كلنا عارفين انو الموضوع دا ما بحصل 😥.
أهم نقطة إذا هي بتقبل لحدي ٢٧.٢ ما تخليها على ٢٧.٤
❌ لا تضع 27.4
حتى 0.2 فولت هنا يعمل فصل.
وبكدا بدل ال Bms يحمي البطارية بعد الكارثة انت تخلي الانفيرتر يفصل قبل الكارثة زاتوا. يعني الانفيرتر يفصل قبل يصل مرحلة الحماية في الشحن والتفريغ.
لا يحدث High Voltage Cutoff
لا تدخل البطارية Sleep Mode
لا تحتاج فك التأمين كل صباح
_________________________
طيب ليه في ناس بتستخدم ماركات مختلفة والأمور عندهم تمام؟؟
_________________________
اصلا الموضوع واحد من اتنين:
حصل تطابق بين نسب الشحن بالنسبة للانفيرتر مع البطارية ودي بتظهر ليك كانوا انت مستخدم نفس الانفيرتر الأصلي للبطارية ودي حاجة نادرة جدا وانت اصلا ما مطر تجرب عشان تطباق معاك طوالي تشتري نفس الماركات وتطلع نفسك من دايرة التجارب. وانتوا يا ناس الشركات إذا مليتوا من موضوع البطارية فصلت والبطارية اشتغلت اشتغلوا بي ماركات نفس الشي اعملوا الشي الصاح وخلوا الناس تستفيد من القرش الدفعتا... وخلوا البلد دي تطور في مجال الطاقة شوية لي متين نحنا الطاقة ما نافعة الطاقة ما نافعة.. الرسالة اعتقد وصلت. ابدا بي نفسك وتاني الناس كلها بترجع لي الصاح. ...............................................
الحاجة التانية انوا نسبة شحن الانفيرتر أقل من نسبة شحن البطارية والحاجة دي ما بتفعل ليك نظام ال bms ولكن ما بتلقي البطارية مقفلة ١٠٠٪ يعني في بطاريات بتلقاها ٩٤٪ وفي بطاريات بتلقاها ٨٧٪.
_________________________
القاعدة الذهبية:
_________________________
اشتري بطارية وانفيرتر نفس الماركة نتمنى الناس تفهم القصة من شركات لي مهندسين لي أفراد وخاصة الفرد انت المضرر الأول والأخير. نقبل يا اخوانا النقد البناء طوالي اكتب لينا رايك في التعليقات.
_________________________
إذا استفدت من الشرح، شارك المنشور عشان ناس كتار عندهم نفس المشكلة وهم فاكرين البطارية خربانة 🙂
اخوكم في الله : محمد احمد الضو محمد
للتواصل والاستفسار : 0123669014

26/02/2026

❓ متين أختار بطارية 5k أو 10k أو 15k؟؟
━━━━━━━━━━━━━━━━
1️⃣ اختيار البطارية حسب سعة الانفيرتر المستخدم:
━━━━━━━━━━━━━━━━
لازم تعرف إنو الأنظمة بتتقسم كالتالي:...............................................
⚡ انفيرترات نظام 12 فولت
(1k – 2.2k)
▪️ انفيرتر 1ك + بطارية 2.5ك ليثيوم
▪️ انفيرتر 2.2ك + بطارية 2.5ك ليثيوم...............................................
⚡ انفيرترات نظام 24 فولت
(3.2k – 4.2k)
▪️ انفيرتر 3.2ك + بطارية 5ك ليثيوم
▪️ انفيرتر 4.2ك + بطارية 5ك ليثيوم...............................................
⚡ انفيرترات نظام 48 فولت
(6.2k – 10.2k – 15k)
▪️ انفيرتر 6.2ك + بطارية 10ك ليثيوم
▪️ انفيرتر 10.2ك + بطارية 15ك ليثيوم
━━━━━━━━━━━━━━━━
💡 الخلاصة:
عندك انفيرتر 12فولت ➜ بطارية 12فولت
عندك انفيرتر 24فولت ➜ بطارية 24فولت
عندك انفيرتر 48فولت ➜ بطارية 48فولت
━━━━━━━━━━━━━━━━
2️⃣ اختيار البطارية حسب الحمولة المطلوبة:
━━━━━━━━━━━━━━━━
💡 أول حاجة نفهم حساب الأحمال:
الأحمال الأساسية:
━━━━━━━━━━━━━━━━
▪️ لمبة اقتصادية ≈ 15 واط
▪️ مروحة سقف ≈ 60 واط
▪️ شاشة ≈ 100 واط
✔️ مثال:
4 لمبات + 3 مراوح + شاشة ≈ 400 واط
⚠️ مع مراعاة اختلاف الاستهلاك حسب الماركة.
━━━━━━━━━━━━━━━━
الأحمال الإضافية:
▪️ مكيف نسمة موية ≈ 245 واط
▪️ ثلاجة ≈ 190 واط
━━━━━━━━━━━━━━━━
🔋 متين تختار بطارية 5kWh؟؟
━━━━━━━━━━━━━━━━
إذا عايز حل اقتصادي:
✔️ تشغيل الأحمال الأساسية:
4 لمبات + 3 مراوح + شاشة ≈ 400 واط
تشغل أحمال أساسية + إضافية :
▪️ مروحتين + شاشة + ثلاجة
▪️ مروحة + شاشة + مكيف نسمة واحد (مع تقليل اللمبات)...............................................
💡 المهم مجموع الأحمال ما يتعدى 400 واط عشان البطارية توصلك الصباح.
5000 ÷ 12 ساعة = 416 واط تقريباً
━━━━━━━━━━━━━━━━
🔋 تختار بطارية 10kWh إذا:
✔️ استخدام متوسط بدون ترشيد شديد
✔️ أحمالك بالليل لحدي 800 واط
✔️ داير زمن تشغيل أطول وثبات أحسن
10000 ÷ 12 ساعة = 833 واط
━━━━━━━━━━━━━━━━
🔥 تختار بطارية 15kWh إذا:
✔️ تشغيل مفتوح وراحة بال
✔️ أحمالك ممكن توصل 1200 واط بالليل
✔️ عندك مكيفات نسمة وشغل مستمر بدون قلق
15000 ÷ 12 ساعة = 1250 واط
━━━━━━━━━━━━━━━━
💡 القاعدة الذهبية:
كل ما زادت سعة البطارية ➜ زاد زمن التشغيل ➜ قل الضغط على الانفيرتر ➜ عمر أطول للمنظومة.
━━━━━━━━━━━━━━━━
م. محمد احمد الضو محمد
للتواصل والاستفسار:
0123669014
━━━━━━━━━━━━━━━━

25/01/2026

📌 هل الانفيرتر ممكن يشتغل بدون بطارية؟
═══════════════════════

خلونا نفهمها بالعقل وبأمثلة بسيطة 👇
في ناس بتقول ليك:
الانفيرتر بشتغل مباشر من الألواح بدون بطارية
طيب… نوقف هنا شوية 🤚
════════════════════
🔹 أولاً: نكون واضحين
في فرق بين انفيرتر مباشر و انفيرتر غير مباشر:
🔸 الانفيرتر غير المباشر:
دا انفيرتر لو وصلتو بالألواح فقط من غير بطاريات:
❌ ما بشتغل
❌ الشاشة ما بتفتح
❌ حتى لو وفّرت ليه الجهد المكتوب في الديباجة
يعني البطارية شرط أساسي ليه.
🔸 الانفيرتر المباشر:
دا انفيرتر أول ما توصلو بالألواح فقط (من غير بطاريات):
✔ الشاشة بتفتح
✔ بطلع كهرباء
✔ يشتغل بشرط توفر جهد البداية من الألواح، مثلاً:
انفيرتر يبدأ من 30V → لوح واحد
انفيرتر يبدأ من 80V → لوحين
انفيرتر يبدأ من 120V → 3 ألواح
طيب… لحدي هنا عرفنا مباشر وغير مباشر.
لكن هل معنى دا إنو يشغّل أي أحمال؟ 🤔
════════════════════
🔹 الأحمال بتنقسم لي نوعين
✔ أحمال بسيطة (ما بتسحب أمبير عالي)
✔ أحمال ثقيلة (بتسحب أمبير عالي)
════════════════════
🔹 تشغيل مباشر بدون بطارية (أحمال بسيطة)
الأحمال البسيطة زي:
✔ مراوح
✔ لمبات
✔ شحن تلفونات
بشروط:
✔ السحب ما يكون أعلى من إنتاج الألواح
✔ إضافة الأحمال تكون تدريجية
👉 هنا نحنا معاك، ودا ممكن يحصل.
وعشان كدا ما تستغرب لو شفت فيديو انفيرتر شغال مراوح ولمبات بدون بطارية.
════════════════════
🔹 تشغيل مباشر بدون بطارية (أحمال ثقيلة)
أي حمل بسحب أمبير عالي زي:
❌ ثلاجات
❌ فريزرات
❌ مواتر موية
❌ خلاطات
❌ غسالات
❌ أي حمل فيه موتور أو كمبريسر
📌 دليل بسيط:
أي حمل تشغلو ويخلي الانفيرتر المباشر يفصل → دا حمل بسحب أمبير عالي.
حتى المراوح واللمبات لو كثّرتها، لازم تشغّلها واحدة واحدة.
════════════════════
🔹 المشكلة وين؟
عايز:
✔ انفيرتر بدون بطارية (ماشي)
✔ شغال مباشر (ماشي)
✔ يشغّل أحمال بسيطة (ماشي)
❌ ويشغّل كمان أحمال ثقيلة؟
📌 هنا إنت كترتها شديد 😅
والكلام دا لا هندسة ولا واقع.
════════════════════
🔹 ليه لازم بطارية للأحمال الثقيلة؟
من غير بطارية حتواجه مع الزمن:
هبوط فولت
فصل حماية
أو تقصير عمر الانفيرتر
════════════════════
🔹 نفهمها بتشبيهين
1️⃣ المروحة والمكثف
المروحة ما بتقوم بدون مكثف، لأنو:
بخزن شحنة
يدي دفعة تشغيل عالية
لو قدرت تشغل مروحة بدون مكثف؟
👉 تعال أديك انفيرتر بدون بطارية 😄
2️⃣ العربية
العربية بتحتاج البطارية للتدوير
أول ما تدور:
✔ الشغل يبقى على المكنيتة
✔ البطارية ترجع تشحن للتدويرة الجاية
نفس الفكرة في الطاقة الشمسية:
البطارية تشغّل الحمل كسر من الثانية
لحدي الألواح تستقر… وبعدها تشحن تاني.
════════════════════
🔹 الألواح شغلها كيف؟
الألواح ما بتدي الأمبير فجأة
بتطلع تدريجي:
1 → 2 → 3 → … → 20 أمبير
لكن:
❌ الثلاجة
❌ الفريزر
❌ موتور الموية
ديل أول ما يقوموا بطلبوا دفعة أمبير عالية (Surge)
يعني الثلاجة عايزة 9 أمبير:
يا 9 أمبير فوراً… يا ما بتشتغل.
📌 هنا دور البطارية:
تدي الدفعة
تسد الفجوة اللحظية
وبعد ما الحمل يستقر
👉 الألواح تشيل
👉 البطارية ترتاح
════════════════════
🔥 الخلاصة
البطارية في الطاقة الشمسية
زي المكثف في المروحة
وزي البطارية في العربية
بدونها؟
النظام ممكن يلف…
زي مروحة تلفها بيدك أو عربية تزلقها 😄
لكن ما مضمون ولا عملي ⚠️
🌞🔋

أعمال ألسودان

28/06/2026

07/06/2026

03/06/2026

13/03/2026

09/03/2026

06/03/2026

05/03/2026

02/03/2026

26/02/2026

25/01/2026

Address

Opening Hours

Telephone

Website

Alerts

Contact The Business

Shortcuts

Share

Listing takedown request

Monday	09:00 - 03:00
Tuesday	08:00 - 03:00
Wednesday	08:00 - 03:00
Thursday	08:00 - 03:00
Friday	00:00 - 03:00
Saturday	08:00 - 03:00
Sunday	08:00 - 03:00