23/07/2026
Та хашаагаа ЮУГААР барихаа мэдэхгүй байна уу? 😕
Хүн бүр л өөрийн 0.07га газраа аль чадахаараа л тав тухтай, тохилог байлгаж, сайхан орчин бий болгохийг хүсдэг. Тухайн талбайгаа тохижуулахад хамгийн түрүүнд ХАШААГАА ХИЙХЭЭС ЭХЭЛДЭГ. Тэгвэл би танд хашаагаа хийх тоосго, мод (банз), блок, төмөр, бетон хавтан, чулуу зэрэг олон материалуудаас яагаад БЛОКООР хашаагаа хийх шалтгаануудаас сонирхуулъя.
Аюулгүй байдал:
Хаврын улирал айлууд хашааныхаа шар өвсөө шатааснаас болж гал алдаж түймэр тавих асуудлууд бий болж байна. Муу ёрлосондоо ч биш, хажуу айл чинь хашаандаа гал алдсан гээд бодоход та БЕТОН БЛОКООР хашаагаа барьсан бол ТАНЫ ХАШАА БАЙШИН АЮУЛГҮЙ байх болно. Учир нь бетон блок ГАЛД ТЭСВЭРТЭЙ байдаг. Гал таны хашааг ДАВЖ ОРЖ ИРДЭГГҮЙ л юм бол шүү дээ.
Блокоор өрсөн хашааг ХАШАА гэхээсээ илүү ХАНА гэвэл дөхнө. Хүчтэй салхинд маш тэсвэртэй. Учир нь маш бат бөх. Нэр нь хүртэл БЛОК шүү дээ. Фэйсбүүк дээр дургүй, эсвэл сэжиг бүхий хүмүүсийг бид нар БЛОКЛОДОГ шиг та БЛОКООР хашаагаа хийвэл НАЙДВАРТАЙ гадны аюул нөлөөллөөс өөрийн орон зайгаа хамгаалах болно.
Элэгдлийн улмаас:
Монгол орон бол жилийн 257 өдөр байнга нартай байдаг нарны эх орон. Нар цементэн болон чулуулаг материалаас бусад бүх материалыг элэгдүүлж, гандуулж, бас хэврэг болгож байдаг. Ялангуяа модон хашаа нь нарны туяанд амархан өнгө үзэмжээ алдах нь элбэг. Наранд халснаар моднууд тэлж, хэврэг болж байдаг. Мөн ус бороо орсон үед ч мод өөртөө маш их ус шингээж байдаг. Үүнээс болж элэгдэл маш хурдтай явагддаг. ХАРИН БЕТОН БЛОК НАРТАЙ Ч БАЙ, БОРООТОЙ Ч БАЙ АЖРАХГҮЙ, ТА НЭГ Л БАРЬСАН БОЛ ТЭР ХАШАА ДОР ХАЯЖ 80-Н ЖИЛ БАЙДГААРАА БАЙЖ Л БАЙХ БОЛНО
Хувийн орон зай:
Заримдаа гудамжаар яваа хүмүүс хашааны чинь завсраар шагайгаад байна уу? Энэ бол завсар зайтай загварын хашаа барьсаных. Төмөр болон модон хашаа ихэнхдээ сараалжин загвартай, хэн ч хаанаас ч таны хашаан дотор юу болж байгааг харах боломжтой байдаг. Харин блокон хашаанд ийм асуудал гарахгүй. 9-н үе блокоор өрвөл хашааны өндөр 1.8метр өндөртэй болох бөгөөд нээх ч олон хүн давж харж чадахгүй болов уу 😜
Гоо үзэмж:
Заримдаа хүмүүс блокон хашааг УЙТГАРТАЙ, ГОО САЙХНЫ ҮЗЭМЖГҮЙ гэж бодоод мод, төмөр зэрэг бусад материал сонгох нь байдаг. Гэхдээ жигд ямар ч геометрийн алдаагүй сайн хийгдсэн блокийг гоё өрж чадвал өнгө үзэмж харин ч гоё харагддаг. Гэхдээ сүүлийн үед олон олон шинэлэг хашааны загварууд бий болж байгаа бөгөөд үүн дотор блокон хашааг модон хашаатай хамтад нь өрөх бас их гоё үзэмжтэй харагдаж байна. Доод үеүдийг блокоор өрж суурь болгоод, блокныхоо дээр нь сараалжин модон хашаа барьвал, газар тогтсон ус цас зэргээс блок нь модоо хамгаалчихдаг, их зүгээр шийдэл шиг санагдсан.
Аюулгүйн зөвлөмж !!! Блокын өрлөгийн ажил хэдий амархан, өөрөө хийчихэж болох юм шиг санагддаг ч, зориулалтын горим, норм дүрмийн дагуу бэхэлгээ, багана, суурь зэргийг зөв бариагүйгээс үүдэн хэмнэх гэсэн ажлын хөлснөөсөө илүү зардал гарахыг үгүйсгэхгүй. Тиймээс та блокны өрлөгөөр мэргэшсэн хүнээс зөвлөгөө авах, эсвэл өрлөгийн бригадаар өрүүлэхийг санал болгоё.
#тоосго #блок , #Хана #Үйлдвэр #блок #Хашаа
