20/08/2026
👷♂️ "PEOPLE BEHIND US" | Төслийн менежер Э.Амгаланбаатар Amgalanbaatar Amka
Миний одоо хариуцан ажиллаж байгаа төсөл Maxwell Residence — орчин үеийн ухаалаг барилгын шийдлүүдийг нэг дор нэгтгэсэн төсөл. Энэ төсөл дээр манай компани лифтний удирдлагын систем, галын аюулгүй байдлын систем, домофон болон камерын хяналтын системийн угсралтыг гүйцэтгэж байна.
Өдөр бүр давхар давхраар нь өгсөж, кабель бүрийг шалгаж, багаа удирдан ажиллаж буй төслийн менежер Амгаланбаатартай ярилцлаа.
❓ Maxwell Residence төслийн онцлог юу вэ?
💬 Энэ төсөл дээр бүх систем зэрэг уялдаж ажиллах ёстой. Оршин суугч домофоноор дуудлага хүлээн авч, үүдийг онлайнаар нээж, лифт нь зөвхөн өөрийн давхарт зогсдог, өөрсдөө болон зочдоо төвөггүй нэвтрүүдэг, галын аюулгүй байдал болон камер нь ерөнхий аюулгүй байдлыг хангадаг. Эдгээрийг тус тусад нь биш, нэг цогц систем болгож ажиллуулах нь хамгийн сонирхолтой бас хамгийн хариуцлагатай хэсэг.
❓Ажлын хамгийн хэцүү үе аль нь байв?
💬Барилгын үе шаттай уялдаж ажиллах. Бид зөвхөн өөрсдийн график дээр биш, дуусгалтын ажил, цахилгаан, интерьерийн багуудтай нэг хэмнэлээр явах шаардлагатай. Иймд өглөө бүрийн уулзалт, тооцоолол, урьдчилсан төлөвлөгөө маш чухал.
❓Танд юу нь урам өгдөг вэ?
💬Систем анх удаа асаад, дэлгэц дээр дүрс гарч ирэх мөч. Тэр хормыг л хүлээж хэдэн сар ажилладаг байх. Хамгийн гол нь энэ бол зөвхөн техник хангамж биш — хүмүүсийн аюулгүй, тав тухтай амьдрах орчин юм.
❓Багийнхаа талаар?
💬Инженер, угсралтын мастерууд маань туршлагатай. Асуудал гарвал хамтдаа шийддэг. Төслийн менежерийн ажил бол шийдвэр гаргах биш, багаа зөв шийдэлд хүргэх. Төсөл хэрэгжээд дуусдаггүй манай афтер сервисийн баг үргэлжлүүлэн авч явдаг бөгөөд манай инженерүүд энэхүү системийн "Эмч" нь байж, эрсдэлээс урьдчилан сэргийлж, гарсан асуудлыг хамгийн хурднаар оношилж шийдвэрлэдэг.
Манай ажлын ард ийм хүмүүс байдаг. 💪
🔗 Дэлгэрэнгүйг: www.pdsolutions.mn
📞 Борлуулалт, дэлгэрэнгүй мэдээлэл авах утас: 8007-4141, 8000-8841, 8808-8708
📧: [email protected]
#ЛифтУдирдлага #Домофон #КамерынХяналт #УхаалагБарилга
