30/08/2026
ရုတ်တရက် ဘရိတ်ပေါက်သွားခဲ့ရင် ဘယ်လိုဖြေရှင်းမလဲ?
ကားမောင်းနေရင်း ဘရိတ်ပေါက်တာဟာ ထိတ်လန့်တုန်လှုပ်ခြောက်ခြားစရာဖြစ်ပြီး ဘယ်သူမှ ကြုံချင်ကြမှာမဟုတ်ပါဘူး။ ဒါပေမယ့် မတော်တဆ ကြုံလာခဲ့ရင် ဘယ်လိုတုံ့ပြန်ရမလဲဆိုတာ သိထားမှသာ ဘေးအန္တရာယ်ကင်းမှာဖြစ်ပါတယ်။
ဒါကြောင့် ချစ်မိတ်ဆွေများအတွက် ကားမောင်းနေရင်း ရုတ်တရက် ဘရိတ်ပေါက်သွားခဲ့ရင် ဘယ်လိုဖြေရှင်းမလဲဆိုတဲ့ အကြောင်းအရာလေးကို မျှဝေပေးလိုက်ပါတယ်။
ဘရိတ်ပေါက်တာဟာ အကြောင်းအမျိုးမျိုးကြောင့်ဖြစ်နိုင်ပါတယ်။ ဥပမာ - hydraulic ပြဿနာ၊
ဘရိတ်ရှုးတွေပါးတာ နဲ့ စက်ပစ္စည်းဆိုင်ရာ ချို့ယွင်းချက်တွေပါ။ ဒီလို ဘရိတ်ပေါက်တဲ့ အရေးပေါ်ကိစ္စမျိုးမှာ ဘယ်လိုတုံ့ပြန်ရမလဲဆိုတာကို ကြိုတင် သိရှိထားရင် အသက်အန္တရာယ်ဘေးကနေ လွတ်ကင်းနိုင်မှာပါ။
စိတ်ငြိမ်ငြိမ်ထားပါအရေးအကြီးဆုံး နဲ့ ပထမဆုံး လုပ်ရမယ့်အချက်က စိတ်ငြိမ်ငြိမ်ထားဖို့ပါ။ အကြောက်လွန်တာဟာ ဆုံးဖြတ်ချက် အမှားတွေဖြစ်စေပြီး မတော်တဆဖြစ်နိုင်ခြေကို ပိုများစေပါတယ်။ အသက်ကိုပြင်းပြင်းရှုပြီး ဖိအားတွေလျော့အောင်ပြုလုပ်ပါ။
အရေးပေါ်အချက်ပြမီးတွေသုံးပါသင့်ကားမှာ ပြဿနာတစ်ခုခုဖြစ်နေကြောင်း တခြား ကားတွေ သိဖို့အတွက် အရေးပေါ်အချက်ပြမီးတွေကိုသုံးပါ။ ဒီလို သုံးခြင်းကြောင့် တခြားကားတွေက သတိထားမိပြီး တိုက်မိနိုင်မယ့် အန္တရာယ်ကို လျော့ကျစေမှာပါ။
ဂီယာချိန်းပါManual ကားဆိုရင် ဂီယာအသေးကို ချိန်းရမှာဖြစ်ပြီး Auto ကားတွေမှာဆိုရင်တော့ gear selector ကို အနိမ့်ကို ပြောင်းတာက ကားကို တဖြေးဖြေး အရှိန်လျော့သွားစေနိုင်ပါတယ်။
Handbrake သုံးပါHandbrake သုံးတဲ့အခါ အလောတကြီးနဲ့ ရုတ်တရက်ဆွဲလို့မရပါဘူး။ ဂရုတစိုက်နဲ့ ဖြေးဖြေးလေး ဆွဲဖို့လိုပါတယ်။ မဟုတ်ရင် ကားကချော်ပြီး တိမ်းမှောက်သွားနိုင်ပါတယ်။ သတိထားရမှာက ကားကို အပြည့်အ၀ ထိန်းနိုင်တုန်းမှာ handbrake သုံးဖို့ပါပဲ။
ဘရိတ်ပြားကို နင်းပါဘရိတ်ပြားကို ဆက်တိုက် ထပ်ခါတလဲလဲ နင်းလိုက် လွှတ်လိုက် လုပ်ခြင်းက ဘရိတ်အပေါ်မှာ ဖိအားသက်ရောက်စေပြီး ဘရိတ်ကို ပြန်သုံးလို့ရစေနိုင်ပါတယ်။
အရေးပေါ်ဘရိတ်သုံးပါခုနောက်ပိုင်းထွက် မော်ဒယ်မြင့်ကားတွေမှာ အရေးပေါ်ဘရိတ်ဆိုပြီး ပုံမှန်ကားဘရိတ်နဲ့မတူဘဲ သပ်သပ်ခွဲခြားပါတတ်ပါတယ်။ ဒီအရေးပေါ်ဘရိတ်ကို ငြင်ငြင်သာသာ သုံးပြီးကားကိုအရှိန်လျော့သွားအောင်လုပ်လို့ရပါတယ်။ handbrake လိုပဲ ရုတ်တရက်ချက်ချင်းကောက်ဆွဲလို့မရပါဘူး။ တိမ်းမှောက်သွားနိုင်ပါတယ်။
ပတ်ဝန်းကျင်က ပစ္စည်းတွေကို အသုံးချပါလမ်းပေါ်မှာ ရုတ်တရက် ဘရိတ်ပေါက်သွားတဲ့အခါ ဘေးပတ်ဝန်းကျင်က ပစ္စည်းတွေနဲ့ ကားအရှိန်လျော့အောင် လုပ်လို့ရပါတယ်။ ဥပမာ ချုံပုတ်တွေ၊ သဲပြင်တွေ ၊ ထိခိုက်မှုမပြင်းနိုင်တဲ့အရာမျိုးတွေ ဝင်တိုက်လိုက်တာမျိုးပါ။
အနှစ်ချုပ်ရရင် ကားမောင်းနေရင်း ဘရိတ်ပေါက်တာမျိုးဟာ ထိတ်လန့်စရာကောင်းတဲ့ အတွေ့အကြုံမျိုးပါ။ ဒါပေမယ့် စိတ်ကို တည်တည်ငြိမ်ငြိမ်ထားပြီး အပေါ်မှာ ဖော်ပြခဲ့တဲ့အချက်လေးတွေကို လုပ်မယ်ဆိုရင် အန္တရာယ်ကင်းနိုင်ခြေပိုများမှာပါ။
အမှန်တကယ်တော့ မဖြစ်ခင် ကြိုတင်ကာကွယ်တာပိုကောင်းပါတယ်။ ဒါကြောင့် ဒီလိုအရေးပေါ်ကိစ္စမျိုးကနေ ရှောင်ရှားဖို့ ကားကို ပုံမှန်ပြုပြင်ထိန်းသိမ်းတာ အကောင်းဆုံးဖြစ်ပါတယ်။
သင်တန်းသူသင်တန်သားများအတွက်ပြန်လည်မျှဝေခြင်းဖြစ်သည်။
ကားမောင်းသင်မယ်ဆို
ကို
Phလေးသာဆက်ပီးစာရင်းသွင်းလိုက်ပါ
ကောင်းမွန်တဲ့ဝန်ဆောင်မှုများသင်ဆီအရောက်လိုက်ပါလိမ့်မယ်။
၅ရက်သင်တန်းကြေးသီးသန့်450000
တနေ့၂နာရီ ၅ရက် သင်ကြားပေးသည်
အိမ်အကြိုအပို့ဝန်ဆောင်မှုပေးသည်။
၇ရက်သင်တန်းကြေး 630000
တနေ့၂နာရီ၇ရက်သင်ကြားပေးသည်
အိမ်အကြိုအပို့ဝန်ဆောငိမှုပေးသည်။
ဆရာမနဲ့သင်မယ်ဆို
တနေ့၂နာရီ၅ရက်500000
တနေ့၂နာရီ၇ရက်700000
တနေ့၂နာရီ၁၀ရက်1000000ပါရှင့်
မိမိအခြေအနေဆုံးဖြတ်ပီးကြိုက်ရာအတန်းကိုjoinလို့ရပါတယ်ရှင့်
သင်မောင်းသက်တမ်း၃လရှိသူများခလိုင်စင်အမြန်ဝန်ဆောင်မှုပေးသည်။
သင်တန်းတိုင်းတွင်သင်မောင်းလိုင်စင်နှင့်မေးခွန်း၅စုံအခမဲ့ဝန်ဆောင်မှုပေးသည်။
Ph:09799595732 09797249831
အမှတ် ၅၆၃ရွှေစင်၈လမ်း
၄၄ရပ်ကွက် မြောက်ဒဂုံ
