Unibiz Construction Co., Ltd

10/01/2026

09/07/2025

ဝါဆိုလပြည့်နေ့သည် မင်္ဂလာရှိပြီး မြင့်မြတ်သော လပြည့်နေ့ဟု မှတ်ယူနိုင်ခဲ့ကြသည်။ ထိုသို့ မှတ်ယူခဲ့ရခြင်းမှာ ဝါဆိုလပြည့်နေ့တွင် မြတ်စွာဘုရားဂေါတမအလောင်းတော်သည် မယ်တော်မာယာဒေဝီ၏ ဝမ်းကြာတိုက်၌ သန္ဓေယူသောနေ့ ဖြစ်သည်။ သိဒ္ဓတ္ထမင်းသားဘဝတွင် နိမိတ်ကြီးလေးပါးကို မြင်တော်မူပြီး သံဝေဂရရှိသွားကာ ရွှေနန်းစည်း စိမ်အားလုံးကို စွန့်ခွာ၍ တောထွက်တော်မူပါသည်။ ဘုရားအဖြစ်သို့ ရောက်တော်မူပြီး တရားဦးဒေသနာဖြစ်သော ဓမ္မစက္ကပဝတ္တနသုတ်(ဓမ္မစကြာ) တရားတော်ကို ဟောတော်မူပါသည်။ တုဖက်၍ယှဉ်ပြိုင်လာသောတိတ္ထိ၊ တက္ကတွန်းများကို မှားယွင်းသော အယူဝါဒကို စွန့်ပယ်ရန် ရေမီးအစုံတန်ခိုးပြာဋိဟာပြတော်မူသည်။ ထို့ကြောင့် ဝါဆိုလပြည့်နေ့ကို သန္ဓေ၊ တောထွက်၊ ဓမ္မစက်၊ တစ်ချက်ပြာဋိဟာဟု မှတ်တမ်းပြုထားပါသည်။

မြတ်စွာဘုရားရှင်သည် မဟာသက္ကရာဇ် ၁၀၃ ခုနှစ် ကဆုန်လပြည့် ဗုဒ္ဓဟူးနေ့တွင် ဂေါတမဘုရားရှင်အဖြစ် ရောက်ရှိတော်မူခဲ့သဖြင့် ကဆုန်လပြည့်နေ့ကို ဗုဒ္ဓနေ့ဟုသတ်မှတ်ပူဇော်ကြပါသည်။ ထိုသို့ ဘုရားရှင် ဖြစ်တော်မူလာပြီး ဗောဓိမဏ္ဍိုင်အနီးတွင် ပလ္လင်္ကသတ္တာဟအစရှိသော အရပ်တို့၌ ခုနစ်ရက်ခုနစ် ဌာနသီတင်း သုံးတော်မူပြီးနောက် နောက်ဆုံးသတ္တာဟမှအထွက် ၄၉ ရက်မြောက်သောနေ့တွင် အလွန်နက်နဲလှသော တရားတော်၏ သဘောကို သိမြင်တော်မူလာခဲ့သည်။ သို့သော် ထိုတရားတော်သည် ရာဂ၊ မောဟ ထူပြောလှသော ပုထုဇဉ်သတ္တဝါများအတွက် နားလည်သဘောပေါက်ရန်ခက်ခဲလွန်းသည်ကို မြတ်ဗုဒ္ဓက သိမြင်တော်မူခဲ့သည်။ ထို့ကြောင့် သဟမ္ပတိဗြဟ္မာက တရားဦးဟောကြားပေးပါရန် မြတ်ဗုဒ္ဓအား ပန်ကြားလျှောက်ထားလေသည်။

မြတ်စွာဘုရားရှင်သည် အဘယ်သူအားဟောကြားအံ့နည်းဟု ဆင်ခြင်တော်မူရာ အာဠာရ ရသေ့နှင့် ဥဒကရသေ့တို့ကို မြင်တော်မူခဲ့သည်။ သို့သော် ထိုသူများကား စုတေ၍ အရူပဘုံသို့ ရောက်သွားကြောင်း သိတော်မူသောကြောင့် ဒုက္ကရစရိယာခြောက်နှစ်ကျင့်စဉ်က လုပ်ကျွေးခဲ့ဖူးကြသည့် ကောဏ္ဍည၊ ဝပ္ပ၊ ဘဒ္ဒိယ၊ မဟာနာမ်၊ အဿဇိ စသည့် ပဉ္စဝဂ္ဂီငါးဦးအား တရားဦးဟောကြားတော်မူရန်ဆင်ခြင်တော်မူခဲ့ပါသည်။ မြတ်ဗုဒ္ဓသည် ကာသိတိုင်း ဗာရာဏသီပြည်၏ မြောက်ဘက် ၁၈ ယူဇနာကွာဝေးရာ (ယခုအိန္ဒိယနိုင်ငံ ဥတာပရာဒက်ပြည်နက် ဆာရာနတ်သ်ဒေသ) ရှေးအခါက ရသေ့မြတ်သူတော်စင်အပေါင်းသက်ဆင်းရာနှင့် သမင်အပေါင်းတို့ကို ဘေးမဲ့ပေးရာဖြစ်သော မိဂဒါဝုန်တောကြီးသို့ ကြွတော်မူပြီး ဓမ္မစကြာတရားတော်ကို ဟောတော်မူပါသည်။

ဝါဆိုလပြည့်နေ့သည် မြတ်စွာဘုရားရှင်၏ တရားဦး၊ တရားထူးဓမ္မစကြာ ဟောကြားတော်မူသောနေ့ဖြစ်သည်။ ဂေါတမမြတ်စွာဘုရား အဖြစ်နှင့် ပထမဦးစွာ ဟောကြားတော်မူခဲ့သော ဓမ္မစကြာတရားတော်ကို စကြဝဠာတိုက်တစ်သောင်းမှ နတ်ဗြဟ္မာအပေါင်းတစ်ရာ့ရှစ်ကုဋေနှင့် ပဉ္စဝဂ္ဂီ္ဂီငါးပါး စုစုပေါင်းတစ်ရာ့ရှစ်ကုဋေ နှင့်ငါးပါးရှိသည်။ ဓမ္မစကြာတရားတော်ကိုနာယူပြီးနောက် ဝါဆိုလပြည့်နေ့တွင် အရှင်ကောဏ္ဍည၊ ဝါဆို လပြည့်ကျော် ၁ ရက်နေ့တွင် အရှင်ဝပ္ပ၊ ၂ ရက်နေ့တွင် အရှင်ဘဒ္ဒိယ၊ ၃ ရက်နေ့တွင် အရှင်မဟာနာမ်၊ ၄ ရက်နေ့တွင် အရှင်အဿဇိတို့သည် သောတာပန် တည်တော်မူကြသည်။

ဓမ္မစကြာဆိုသည်မှာ သစ္စာလေးပါး အမှန်တရားကို စက်ကဲ့သို့ အဖန်ဖန် အထပ်ထပ်ဟောတော်မူသော တရားတော်ဟု အဓိပ္ပာယ်ရပါသည်။ ဓမ္မစကြာတရားတော်၏ အနှစ်ချုပ်မှာ သစ္စာလေးပါးနှင့် မဂ္ဂင်ရှစ်ပါး ဖြစ်ပါသည်။ နိဗ္ဗာန်ရောက်ကြောင်းမဂ္ဂင်ရှစ်ပါးမှာ သမ္မာဒိဋ္ဌိ(ကောင်းစွာမြင်ခြင်း)၊ သမ္မာသင်္ကပ္ပေါ (ကောင်းစွာကြံခြင်း)၊ သမ္မာဝါစာ (ကောင်းစွာပြောဆိုခြင်း)၊ သမ္မာကမ္မန္တော (ကောင်းစွာပြုလုပ်ခြင်း)၊ သမ္မာအာဇီဝေါ (ကောင်းစွာအသက်မွေးခြင်း)၊ သမ္မာဝါယာမော(ကောင်းစွာ အားထုတ်ခြင်း)၊ သမ္မာသတိ (ကောင်းစွာအောက်မေ့ခြင်း)၊ သမ္မာသမာဓိ(ကောင်းစွာတည်ကြည်ခြင်း)ဟူ၍ ဖြစ်သည်။

ကောင်းသောအသိ၊ ကောင်းဘိအကြံ၊ ကောင်းသံဆိုပြော၊ ကောင်းသောအပြု၊ ကောင်းမှုသက်မွေး၊ ကောင်းရေးလုံ့လ၊ ကောင်းထသတိ၊ ကောင်းဘိတည်ကြည် ဤရှစ်မည်ဟူသည်မှာ အမှားတရား(အစွန်း တရား)နှစ်ပါးနှင့် လွတ်ကင်းသော အလယ်အလတ်ကျင့်စဉ် အမှန်တရားဖြစ်သည်။ ထိုကျင့်စဉ်ကိုပွားများ ကျင့်ကြံခြင်းဖြင့် ဒုက္ခသစ္စာ(ဆင်းရဲခြင်းအဖုံဖုံကို သိမြင်လာနိုင်သည်)၊ သမုဒယသစ္စာ(ဒုက္ခဖြစ်သော အကြောင်းများကို ပယ်ဖျောက်လာနိုင်သည်)၊ နိရောဓသစ္စာ( ဒုက္ခချုပ်ငြိမ်းရာ နိဗ္ဗာန်ကို ဆိုက်ရောက်နိုင်သည်)၊ မဂ္ဂသစ္စာ(ဒုက္ခချုပ်ငြိမ်းကြောင်း မဂ္ဂင်ရှစ်ပါးပွားများနိုင်သည်)။ ထို့ကြောင့် မဂ္ဂင်ရှစ်ပါးသည် သစ္စာလေးပါးကို မြင်နိုင်စွမ်းရှိပြီး နိဗ္ဗာန်ရောက်ကြောင်း တရားဒေသနာတော် ဖြစ်သည်။

ဝါဆိုလပြည့်နေ့သည် သန္ဓေ၊ တောထွက်၊ ဓမ္မစက်၊ တစ်ချက်ပြာဋိဟာဆိုသော ထူးမြတ်သည့် ဂုဏ်ဒြပ် လေးရပ်အပြင် ဗုဒ္ဓမြတ်စွာသည် ဘုရားဖြစ်ကြောင်း ဝန်ခံသောနေ့ဖြစ်ခြင်း၊ တရားရတနာ စတင်ပေါ်ပေါက် လာသောနေ့ဖြစ်ခြင်း၊ သံဃာရတနာ စတင်ပေါ်ပေါက်လာသောနေ့ဖြစ်ခြင်း၊ ပုထုဇဉ်ခရီးမှ အရိယာခရီးသို့ စတင်ကူးပြောင်းခွင့် ကြုံလာသောနေ့ဖြစ်ခြင်း၊ မြတ်ဗုဒ္ဓ၏ ဧဟိဘိက္ခုဟူသော စကားကို စတင်ကြားရသော နေ့ဖြစ်ခြင်း စသည်ဖြင့် ထူးခြားဂုဏ်ဒြပ်ကိုးရပ် ရှိပါသည်။ ဤသည်မှာ ဝါဆိုလပြည့်နေ့၏ ထူးခြားမွန်မြတ်ခြင်းပင် ဖြစ်ပါကြောင်း ရေးသားလိုက်ရပေသည်။ ။

11/05/2025

ဗုဒ္ဓဘာသာဝင် မြန်မာလူမျိုးတို့၏ အထွက်အမြတ်ထားရာ နေ့ထူးနေ့မြတ်ဖြစ်တဲ့ ကဆုန်လပြည့်နေ့မှာ မိဘပြည်သူအပေါင်းတို့ စိတ်၏ချမ်းသာခြင်း ၊ ကိုယ်၏ ကျန်းမာခြင်းအဝဝဖြင့် ပြည့်စုံပြီး စီးပွားလာဘ်လာဘများ
ဒီရေအလားတိုးတက်ပါစေကြောင်း Unibiz Construction
Co., Ltd မိသားစုမှ ဆုမွန်ကောင်းတောင်းအပ်ပါသည်။
🙏 🙏 🙏 🙏 🙏 🙏 🙏 🙏 🙏 🙏 🙏
၁။ ဗျာဒိတ်ခံယူသောနေ့-လေးအသင်္ချေကမ္ဘာအစ ကဆုန်လပြည့်နေ့၊
၂။ ဘုရားဖွားမြင်သောနေ့-မဟာသက္ကရာဇ်(၆၈)ခု ကဆုန်လပြည့် (သောကြာ)နေ့ ။ဘီစီ(၆၂၃)မေလ။
၃။ဘုရားဖြစ်သည့်နေ့-မဟာသက္ကရာဇ်(၁၀၃)ခု ကဆုန်လပြည့်(ဗုဒ္ဓဟူး)နေ့။ ဘီစီ(၅၈၈)မေလ။
၄။ဗုဒ္ဓ၀င်အကျဉ်းဟောသောနေ့-မဟာသက္ကရာဇ်(၁၀၄)ခု ကဆုန်လပြည့်နေ့။ ဘီ(၅၈၇)မေလ။
၅။ပရိနိဗ္ဗာန်စံသောနေ့-မဟာသက္ကရာဇ်(၁၄၈)ခု ကဆုန်လပြည့်(အင်္ဂါ)နေ့။ ဘီစီ(၅၄၃)မေလ။
-ဗုဒ္ဓနေ့(ကဆုန်လပြည့်)အကြောင်းသိကောင်းစရာများ
၁။ ကဆုန်လပြည့်နေ့သည် ဗုဒ္ဓဘာသာ၀င်တို့၏ နေ့ထူးရက်မြတ်ကြီးဖြစ်ပါသည်။ ထူးခြားချက်မှာ (ဗျာဒိတ်,ဖွားမြင်,ဗောဓီပင်,စံ၀င်နိဗ္ဗာန်နန်း) ဆိုသည်နှင့်အညီ သုံးလောကထွဋ်ထား သဗ္ဗညုမြတ်စွာ ဘုရားနှင့်ပတ်သက်၍*ဗျာဒိတ်ခံသောနေ့၊*ဖွားမြင်သောနေ့၊*ဘုရားဖြစ်တော်မူသောနေ့၊*ပရိနိဗ္ဗာန်စံသောနေ့၊စသည့်ထူးခြားချက်လေးမျိုးတို့နှင့်တိုက်ဆိုင်နေပါသည်။ ထိုထူးခြားချက်လေးမျိုးနှင့် ပြည့်စုံ တော်မူ သောကြောင့် “ကဆုန်လပြည့်နေ့”ဟု အမွှန်းတင်ခေါ်ဆိုကြပါသည်။
၂။ ဤကဆုန်လပြည့်နေ့တွင် မာန်နတ်ကိုအောင်မြင်တော်မူသောကြောင့် ဤနေ့ရက်ကို “ကဆုန် လပြည့်မာန်အောင်နေ့”အဖြစ်စိတ်အစဉ်တွင် စွဲမြဲနေကြသည်။
၃။ ဝိသာခါနက္ခတ်နှင့်ယှဉ်၍ ဖွာတော်မူခြင်း၊ ပရိနိဗ္ဗာန်စံတော်မူခြင်းများကို အကြောင်းပြု၍ ကဆုန် လပြည့်နေ့ကို “ဝိဆစ်ဒေး”ဟုခေါ်ဆ်ုကြပါသည်။(ဝိသာခါဒေးဟုဆိုလိုပါသည်။)
၄။ ဗုဒ္ဓဘာသာ၀င်တို့သည် ဘုရားဖြစ်သော နေထူးနေ့မြတ်ကိုအာရုံပြု၍ ကဆုန်လပြည့်နေ့၌ ပရိဘောဂစေတီထိုက်သော ဗောဓိပင်ကို ရေသွန်းလောင်းလေ့ရှိကြပါသည်။
၅။ ဗောဓိပင်သည် သဗ္ဗညုတဥာဏ်တော်ကိုရ၍ ဘုရားဖြစ်တော်မူရာဌာနဖြစ်ခြင်း၊ ဖွားဖက်တော် ၇ပါးတွင်စာရင်း၀င်ဖြစ်ခြင်းတို့ကြောင့် ထူးခြားသောသစ်ပင်တစ်မျိုးဖြစ်ပါသည်။
ထိုသို့ မြတ်စွာဘုရားနှင့် တိုက်ရိုက်ဆက်စပ်၍ ဗောဓိပင်၌ရေသွန်းလောင်းခြင်း အစဉ်အလာကို ခေတ်အဆက်ဆက် ပြုလုပ်လာခဲ့ကြပါသည်။
၆။ မိမိတို့နိုင်ငံ ၁၂ရာသီပွဲတော်များအနက် ကဆုန်လပြည့်နေ့တွင် ညောင်ရေသွန်းပွဲတော်ကို ရိုးရာ ပွဲတော်အဖြစ် အစဉ်အလာသတ်မှတ်ခဲ့ကြပါသည်။
၇။ အသနဗောဓိယမထေရ် အလောင်းသည် တိဿဘုရားရှင်၏ ဗောဓိပင်ကို စိုက်ပျိုး ပူဇော် ရသောကုသိုလ်ကြောင့် နတ်ပြည်၌ဖြစ်ရခြင်း၊ အပါယ်ဘေးမှကင်းရခြင်း အကျိုးများကို ခံစားရကြောင်း (ထေရာပဒါန်)ကျန်း၌ ဟောကြားထားရှိပါသည်။
၈။ ဂန္ဓောဒကတိဿ မထေရ်၏အလောင်းသည် ပဒုမုတ္တရဘုရားရှင်၏ ဗောဓိပင်ကို နံသာရည်ဖြင့် သွန်းလောင်းသော ကုသိုလ်ကြောင့် နတ်ပြည်၌ဖြစ်ရခြင်း၊ အနာရောဂါမရှိခြင်း၊ သောကကင်းဝေးခြင်း စသော အကျိုးများကိုခံစားရပါသည်။
၉။ အထက်ပါအကြောင်းအရာများကို နှလုံးသွင်း၍ ဗုဒ္ဓဘာသာ၀င် သူတော်စင်များအနေဖြင့် နှစ်စဉ် နှစ်စဉ် ကဆုန်လပြည့်နေ့ရောက်တိုင်း၊ ဗုဒ္ဓရုပ်ပွား ဥဒ္ဒိဿစေတီတော်များကို အနေကဇာတင် ဗုဒ္ဓဘိသေ က မင်္ဂလာသဘင်ဆင်ယင်ကျင်းပ၍ ကုသိုလ်ထူးကို ဆည်းပူးလေ့ရှိကြပါသည်။ ကျောင်းကန်ဘုရားသို့ သွား၍ ဒါန၊သီလ၊ဘာ၀နာအမှုကို ပြုလုပ်ကာ ကဆုန်လပြည့်ဗုဒ္ဓနေ့ကို အမှတ်တရဆင်နွှဲကြပါသည်။

13/04/2025

🙏 နှစ်သစ်ဆုတောင်း 🙏

"မြန်မာသက္ကရာဇ် ၁၃၈၆ ခုနှစ်"

မြန်မာ့နှစ်သစ်ကူး အချိန်အခါသမယမှစ၍ မြန်မာ

ပြည်သူပြည်သား အားလုံးကျက်သရေမင်္ဂလာ

အပေါင်းတို့နှင့်ပြည့်စုံ၍ စိတ်ချမ်းသာ ကိုယ်

ကျန်းမာစွာဖြင့် လိုအင်ဆန္ဒများ ပြည့်စုံနိုင်ကြပါစေ

ကြောင်း Unibiz Construction Co., Ltd.မိသားစုမှ

ဆုတောင်းမေတ္တာပို့သလိုက်ပါရပါတယ်........

#နှစ်သစ်ဆုတောင်း
#မြန်မာနှစ်သစ်ကူး
Festival 2025

29/01/2025

Xin Nian Kuai La , Gong Xi Fa Cai! 🧧🎆

ယနေ့ ‌ဇန်နဝါရီလ (၂၉) ရက်နေ့‌တွင်ကျရောက်သော တရုတ်ရိုးရာမြွေနှစ်သစ်တွင်

🧧 ချစ်ခင်မြတ်နိုးရသူများနဲ့ အတူပျော်ရွှင်စွာ
ဖြတ်သန်းနိုင်ပါစေ

💯 ကံကောင်းခြင်း၊ ကောင်းမွန်ခြင်းများစွာကို
ပိုင်ဆိုင်ရရှိနိုင်ပါစေ

💯 ကျန်းမာခြင်းသုခများနှင့်လည်း ပြည့်စုံကြပါစေ

💯 ရည်မှန်းထားသမျှ ကြံစည်ထားသမျှ အရာ
အားလုံးလည်း တိုးတက်အောင်မြင်ကြပါစေ

🧧 စီးပွားလာဘ်လာဘများ ဒီရေအလားတိုးတက်
ကြပါစေကြောင်း Unibiz Co., Ltd. ဆုမွန်
ကောင်းတောင်းပေးလိုက်ပါတယ်နော်။

19/01/2025

✨အရည်အသွေးသာမက ကြံ့ခိုင်မှုကိုပါ 100%
တာဝန်ယူတည်ဆောက်ပေးနေတဲ့ Unibiz 👷✨

Unibiz Co., Ltd. က တာဝန်ယူတည်ဆောက်ပေးခဲ့သော 💁

🏢မန္တလေးတိုင်းဒေသကြီး၊ အောင်မြေသာစံမြို့နယ် (အလျား၄၃' x အနံ ၅၈') Three Storeyed R.C အဆောက်အဦ Premium Residential Bulding ၏ တည်ဆောက်ပြီးစီးမှု မှတ်တမ်းဓာတ်ပုံများကို မျှဝေပေးလိုက်ပါတယ်ရှင့် ......🤗

အိမ်ကောင်းကောင်းတစ်လုံးကို စိတ်တိုင်းကျပိုင်ဆိုင်နိုင်စေဖို့ Unibiz ကိုသာဆက်သွယ်လိုက်ပါနော်......💛

အသေးစိတ်စုံစမ်း‌မေးမြန်းလိုပါက 👇🥰

🏘️Office Address :

တိုက်(၁၈) အခန်း ( ၃၀၁၊ ၃၀၂၊ ၁၀၂ )ဝါယာလက် (၃) လမ်း၊ ကမ္ဘာအေးအိမ်ရာ၊ (၉) ရပ်ကွက်၊ မရမ်းကုန်းမြို့နယ်၊ ရန်ကုန်မြို့

☎☎☎
+959-5121-317
+959-254-123-980
+959-7618-9999-1,
+959-7618-9999-7

📩[email protected]


#ဆောက်လုပ်ရေး #အိမ်ခြံမြေ

03/01/2025

🇲🇲 လွတ်လပ်ရေးနေ့ (၄.၁.၂၀၂၅) 🇲🇲

မြန်မာနိုင်ငံ၏နေ့ထူးနေ့မြတ်ဖြစ်သော (၇၇) ကြိမ်

မြောက် "လွတ်လပ်ရေးနေ့" ကို မိဘပြည်သူများနှင့်

အတူ Unibiz Co., Ltd. မှ ဂုဏ်ပြုကြိုဆိုအပ်ပါ

သည် .......✨

#လွပ်လပ်ရေးနေ့

31/12/2024

Happy New Year ✨🎉

2025 နှစ်သစ်မှာ ကျက်သရေမင်္ဂလာအပေါင်းနှင့်ပြည့်စုံပြီး ‌ပျော်ရွှင်ခြင်း၊ ကျန်းမာခြင်း၊ ချမ်းသာခြင်း အဝဝတို့နှင့်ပြည့်စုံပြီး စီးပွားလာဘ်လာဘများ ဒီရေအလားတိုးတက်ပါစေကြောင်း Unibiz Co., Ltd. မိသားစုမှ ဆုတောင်းမေတ္တာပို့သလိုက်ရပါတယ်.......🤗🤍
Year
#2025