A flower A day

Directions

A flower A day ပန်းလေးတွေ အပင်လေးတွေ စိုက်ရင်း ဘဝကြီးကို ရှေ့ဆက်ဖို့ အားယူကြတာပေါ့

Tulip စက္ကူပျိုးအိုးလေး ပွင့်တုန်းကရိုက်ထားမိတာလေး။ ငုံငုံလုံးလုံးလေးတွေနဲ့ ချစ်ဖို့အလွန်ကောင်းသောဘဲ😁
19/03/2025

Tulip စက္ကူပျိုးအိုးလေး ပွင့်တုန်းကရိုက်ထားမိတာလေး။ ငုံငုံလုံးလုံးလေးတွေနဲ့ ချစ်ဖို့အလွန်ကောင်းသောဘဲ😁

Tricolor နဲ့ Tanglong လေး ကိုင်းရှည်ဖြတ်ရင်း ဖြတ်ကိုင်းလေးတွေ ထိုးထားတာ အခု ပွင့်နေပြီ။ Tanglong က ပိုဖြစ်လွယ်သလိုဘဲ။ရှင...
14/12/2024

Tricolor နဲ့ Tanglong လေး ကိုင်းရှည်ဖြတ်ရင်း ဖြတ်ကိုင်းလေးတွေ ထိုးထားတာ အခု ပွင့်နေပြီ။ Tanglong က ပိုဖြစ်လွယ်သလိုဘဲ။ရှင်နှုန်းများတယ်။ ၃ကိုင်းတစ်အိုးထိုးထားတာ ၃ကိုင်းလုံး ရှင်တယ်ဆိုတော့လေ။ Professional မဟုတ်ဘဲ ဝါသနာအရ လုပ်ကြည့်ထားတာပါ။ ဘာအမြစ်အားဆေး ဘာဆေးမှမထည့်ဘဲ ဒီအတိုင်းအိုးအလွတ်ထဲ ထိုးစိုက်ထားတာရယ်။ ပွင့်လာတော့လည်း ပျော်ရပါတယ်☺️

#တတိုင်းမွှေးအဝါကြက်ဥပန်းလို့ခေါ်ကြတဲ့ တတိုင်းမွှေးလေးကိုမှ အဝါမျိုးလေးပါ။ အဖြူက အပင်ပိုပေါပြီး အဝါလေးက နည်းနည်းရှားတယ်...
13/12/2024

#တတိုင်းမွှေးအဝါ
ကြက်ဥပန်းလို့ခေါ်ကြတဲ့ တတိုင်းမွှေးလေးကိုမှ အဝါမျိုးလေးပါ။ အဖြူက အပင်ပိုပေါပြီး အဝါလေးက နည်းနည်းရှားတယ်။ အခုတော့ အလွယ်ဝယ်လို့ရနေကြပါပြီ။ ဈေးလည်း သက်သာတယ်ရယ်။ အနံ့ကတော့ တတိုင်းမွှေး(စကား)တို့ရဲ့ထုံးစံ သင်းသင်းလေး မွှေးပါတယ်။ အပွင့်Size ကတော့ ပုံမှန်ပါ။ Grandiflora လို အကြီးမျိုးမဟုတ်ပါဘူး။ စကားတွေက မျိုးကွဲပေါင်းများစွာရှိလို့ တခြား အဝါရောင် တတိုင်းမွှေးတွေလည်း ရှိပါသေးတယ်။ ပျိုးအိတ်လေးနဲ့အပင်ငယ်လေးဝယ်စိုက်ခဲ့တာ သေသွားပြီးပြီ။ ဒါက စိတ်မကုန်နိုင်ဘဲ ပျိုးအိတ်ထပ်ဝယ်ပြီး ထပ်စိုက်ထားတာ။ အပင်ကြီးမဝယ်နိုင်လည်း ပျိုးပင်အသေးလေးတွေတော့ ဝယ်နိုင်သေးတယ်လေ။ အချိန်တော့ ပေးရတာပေါ့။ ကိုယ့်မှာက မြေမရှိတော့ တခြားမျိုးတွေ ဝယ်မစုနိုင်သေးဘူးရယ်။ တစ်နေ့တော့ လက်လှမ်းမီသမျှမျိုးတွေ ဝယ်စုချင်ပါသေးတယ်။ ပန်းတွေဟာလည်း ဘဝအမောအတွက် ဆေးဘဲမှတ်လား။

#စက္ကူTang long လေးကလေ ပွင့်အားအရမ်းကောင်းတဲ့ထဲ ပါတယ်။ ပွင့်ချပ်ငုံငုံလုံးလုံးလေးတွေမို့ သူ့အလှကလည်း တမူထူးခြားလွန်း။ ...
12/12/2024


#စက္ကူ
Tang long လေးကလေ ပွင့်အားအရမ်းကောင်းတဲ့ထဲ ပါတယ်။ ပွင့်ချပ်ငုံငုံလုံးလုံးလေးတွေမို့ သူ့အလှကလည်း တမူထူးခြားလွန်း။ ကိုင်းမညှပ်ဖြစ်ခဲ့တော့ အပင်ပုလုံးလုံးလေးဖြစ်မနေတာလေးတစ်ခုဘဲ။ ဒါကလည်း ကိုယ့်ကြောင့်ဆိုတော့ 😁 စက္ကူလေးတွေကလေ တစ်ခါပွင့်ရင် အကြာကြီးမို့ အကြာကြီး ပီတိဖြစ်ရတယ်။ ဒီTang long အပင်က ကိုင်းထိပ်ဖျားလေးတွေညှပ်ပြီး မြေထဲထိုးထားတာ အကုန်ရှင်ပြီး ပွင့်တောင်ပွင့်နေပြီ။ ရှင်လွယ်တယ်ပြောရမယ်။ မိုးတွင်းလေးခဏ အပင်အရှိန်ယူပြီးတာနဲ့ ဆောင်းရော နွေရော ဝေနေအောင်ပွင့်ပေးတဲ့ ပန်းမို့ စိုက်လို့ပျော်တယ်ရယ်။ စိုက်ကြည့်ကြပါနော်☺️

ဆောင်းရဲ့အလှတွေထဲက ဆောင်တော်ကူးလေး🤍ခြံထဲကအပင်လေးပွင့်နေတာ။ မြေချစိုက်ထားရင် တစ်နှစ်တောင်မကြာဘူး ခြုံအုံကောင်းကောင်းကိုဖြ...
10/12/2024

ဆောင်းရဲ့အလှတွေထဲက ဆောင်တော်ကူးလေး🤍
ခြံထဲကအပင်လေးပွင့်နေတာ။ မြေချစိုက်ထားရင် တစ်နှစ်တောင်မကြာဘူး ခြုံအုံကောင်းကောင်းကိုဖြစ်တယ်ရယ်။ နေရာမရှိလို့ အိုးနဲ့စိုက်လည်း ပွင့်တာဘဲ။ မြေချစိုက်ထားသလို နွယ်စရာရှိသလိုတော့ အပင်မသန်ဘူးပေါ့။ မြေဆီနဲ့အမြစ်သွားဖို့ရာ၊ ကိုင်းနွယ်ဖို့ရာ အကန့်အသတ်နဲ့ရှင်ရရှာတာကိုး။
မနှစ်ကစိုက်ခဲ့တဲ့သူတွေ ဒီနှစ် ပျော်နေရပြီ။ မစိုက်ရသေးရင် ဒီနှစ် စိုက်ဖြစ်အောင်စိုက်လိုက်ပါတော့။ နောက်နှစ်ဒီအချိန် သူများအပင်တွေ ငေးစရာမလိုတော့ဘူးလေ။ ပန်းနံ့သင်းသင်းလေးနဲ့ လိပ်ပြာတွေအုံခဲနေတဲ့ ပန်းပွင့်တွေနဲ့အတူ နိုးထရမှာ ဘယ်လောက်ကြည်နူးစရာကောင်းလဲ။
အပင်ကြီးကဈေးကြီးတယ်။ တစ်နှစ်လုံးအချိန်ပေးနိုင်တာဘဲ အပင်ငယ်ပျိုးအိတ်အငယ်လေးဘဲ ဝယ်စိုက်။
အိမ်ကမျိုးက ယိုးဒယားမျိုးပါ။ စိတ်ထင်လို့ဘဲလားတော့မသိဘူး ယိုးဒယားမျိုးက အပွင့်ပိုခဲတယ် ပိုဖြူတယ် ပိုခံတယ်။ မြန်မာမျိုးလေးတစ်ပင်လောက် ရှာစိုက်ပါဦးမယ်။

နောက်နှစ် ပန်းတွေဝေတဲ့ဆောင်းမနက်ခင်းလေးဖြတ်သန်းချင်ရင် အခုဘဲ စိုက်လိုက်တော့နော်🤍

#စက္ကူပန်းမိုးကုန်လို့ ဆောင်းရောက်လာပြီမို့ စက္ကူလှချိန်ရောက်ပြီပေါ့နော်။ ဒါလေးက အိမ်ကစက္ကူတွေထဲ အရင်ဆုံးပွင့်တဲ့အပြင...
08/12/2024



#စက္ကူပန်း
မိုးကုန်လို့ ဆောင်းရောက်လာပြီမို့ စက္ကူလှချိန်ရောက်ပြီပေါ့နော်။ ဒါလေးက အိမ်ကစက္ကူတွေထဲ အရင်ဆုံးပွင့်တဲ့အပြင် တစ်ပင်လုံးဝေနေအောင်ပွင့်အားကောင်းတဲ့ Tricolor မျိုးလေးပါ။ လွန်ခဲ့တစ်နှစ်လောက်က ဝယ်လာကတည်းက အပင်လေးရှည်နေတာကို နှမြောပြီး မဖြတ်ဖြစ်ခဲ့ဘူး။ မိုးတွင်းတစ်တွင်းလုံးလည်း ပစ်ထားမိတော့ ကိုင်းတွေချည်းရှည်ထွက်လာပြီး ခြုံအုံကောင်းကောင်း ပုဝိုင်းဝိုင်းလေးမဖြစ်တော့ဘူးရယ်။ စိတ်နဲ့လူနဲ့ ပြန်ကပ်ချိန်ကျမှ ကိုင်းရှည်လေးတွေပြန်တိ နွားချေးကျွေးလိုက်တာ ခုလိုပွင့်ရောဘဲ။ တစ်နေကုန်နေရတဲ့ အိမ်အပေါ်ထပ်အမိုးမှာ ထားတာမို့ မနက်တိုင်းတော့ ရေလောင်းခဲ့ပါတယ်။ မြေချထားတာမဟုတ်တာလည်းပါတာပေါ့လေ။ အပင်ကြီးအိုးကြီးတွေ ဝယ်မစိုက်ဖြစ်ရင်လည်း အပင်ငယ်လေးတွေစိုက်ပြီး တစ်နှစ်လောက်အချိန်ပေးလိုက်ပါနော်။ အမောပြေရွှေရင်အေးစေတာမို့ ပေးလိုက်ရတဲ့အချိန်နဲ့ တန်လွန်းချင်းမက တန်ပါတယ်ရှင်။ စိုက်ရ ပျိုးရမှာက ကိုယ့်အလုပ် ပွင့်ရမှာက သူ့အလုပ်ပါ။ လက်ဖြစ်တယ်မဖြစ်ဘူးဆိုတာကိုစွဲမနေစေချင်ဘူးရှင်။ စိုက်ဖြစ်ဖို့ကသာ အဓိကပါ☺️

ပန်းလေးတစ်ပွင့်နဲ့တင် အမောပြေစေတဲ့ ရနံ့နဲ့ စကားဝါစကားဝါဆိုတာနဲ့ ပုပ္ပါးကို ပြေးမြင်စေမိတဲ့အထိ နာမည်ကြီးသောပန်း။ အရင်ကဆို...
19/10/2024

ပန်းလေးတစ်ပွင့်နဲ့တင် အမောပြေစေတဲ့ ရနံ့နဲ့ စကားဝါ
စကားဝါဆိုတာနဲ့ ပုပ္ပါးကို ပြေးမြင်စေမိတဲ့အထိ နာမည်ကြီးသောပန်း။ အရင်ကဆို အပင်ကြီးမျိုးမို့ စိုက်ရတာ နေရာမရှိရင် အဆင်မပြေ ခူးရမှာလည်းမြင့်နဲ့ အခုကိုင်းကူးပျိုးပင်ပုလေးတွေပေါလာတာ အရမ်းအဆင်ပြေတာဘဲ။ ပန်းအိုးလေးနဲ့ဘဲစိုက်ထားပြီး ကိုယ့်စိတ်တိုင်းကျအမြင့်ရောက်တာနဲ့ ထိပ်ဖျားလေးတွေချိုးလိုက်ရင် ကိုင်းတက်တွေ ဖြာထွက်ပြီး အပင်အုံလှလှလေးရရော။ စိတ်ကူးပေါက်သလို မြေကျက်၊နွားချေးလေးတော့ ထည့်ပေးရတာပေါ့လေ။ အိုးနဲ့စိုက်တော့ ခမျာ မြေဆီက အကန့်အသတ်နဲ့ဖြစ်သွားတာကိုး။ တစ်ပွင့်ဆိုတစ်ပွင့် ကြည်သင်းပြီးကိုမွှေးတာမို့ အမောပြေရတယ်။ ဘဝအမောတွေကို ခဏတော့ သက်သာစေတယ်လေ။ စကားမျိုးတွေက စကားဖြူရယ် စကားဝါရယ်မှ မဟုတ် အကုန်လုံးနီးပါးကို မွှေးလွန်းတာမို့ တစ်ပင်လောက်တော့ စိုက်ပါနော်လို့ 💛

နွဲ့နှောင်းပန်းနာမည်လေးကိုက လှတာနော်။ သူကအညွန့်ထိပ်ပိုင်းက ပန်းခိုင်ဖြစ်သွားတာမျိုး။ အဖူးအခိုင်သပ်သပ်ထွက်တာမဟုတ်ဘဲ အညွန့...
01/10/2024

နွဲ့နှောင်း
ပန်းနာမည်လေးကိုက လှတာနော်။ သူကအညွန့်ထိပ်ပိုင်းက ပန်းခိုင်ဖြစ်သွားတာမျိုး။ အဖူးအခိုင်သပ်သပ်ထွက်တာမဟုတ်ဘဲ အညွန့်လေးတွေကိုက ပန်းခိုင်ဖြစ်သွားတာ။ အိမ်မှာပွင့်တာကိုကြည့်မိရသလောက်ပေါ့လေ။ အဝါရောင်လွင်လွင်လေးကိုမှ ပန်းခိုင်က ရှည်ပါတယ်။ အပွင့်လည်းကြာကြာခံတယ်ရယ်။ ခြံစည်းရိုး၊အမိုး၊ပန်းခုံး၊စင်လေးနဲ့ ၄/၅ပင်လောက် စိုက်ထားရင် လှလိုက်မဲ့ဖြစ်ခြင်းဘဲ။ ကိုယ်ကတော့ ထုံးစံအတိုင်း ဘာမှမရှိဘူးပေါ့လေ။ ပျိုးအိတ်လေးကို ၆၀၀၀နဲ့ဝယ်လာပြီး အိုးထဲပြောင်းစိုက်ထားရုံမှအပ ဘာမှမလုပ်ပေးဖြစ်ခဲ့တာ။ အခုတော့ Wifi ကြိုးပေါ် ပစ်တင်ထားပေးလိုက်တယ်။ အုံလှလှလေးတစ်ပင်ကို ၁သိန်းလို့တွေ့မိလို့ ကိုယ့်အပင် ကိုယ်ပြေးကြည့်ရသေးတာ။ ကိုယ်ကတော့ သူတို့လေးတွေကိုတောင်းပန်ထားပါတယ်။ နွယ်ပင်ကို နွယ်စရာမပေးနိုင်ဘဲ အိမ်ခေါ်လာမိတာကိုး။ တတ်နိုင်တဲ့တစ်နေ့တော့ ယူတို့ အစွမ်းကုန် စိတ်ကြိုက် လှစေရမယ်လို့ပေါ့။ ဖြစ်သလိုထားထားပေမဲ့ ဆက်ရှင်နေပေးလို့ ဖူးပေးပွင့်ပေးကြလို့ ကျေးဇူးလည်း တင်ရပါတယ်။ လူတွေနဲ့ တဖြည်းဖြည်းချင်းဝေးဝေးလာတဲ့ကိုယ့်မှာ အဖော်ပြုစရာ သူတို့လေးတွေရှိနေလို့သာရယ်။
အပင်တစ်ပင်ကို သိန်းချီပေးမဝယ်နိုင်ရင်လည်း စိတ်ဓာတ်မကျပါနဲ့။ ပျိုးပင်ပေါက်လေးတွေတော့ သက်သာတယ်လေ။ ငွေမပေးနိုင်ပေမဲ့ အချိန်ပေးနိုင်ရင် ဂရုစိုက်နိုင်ရင် တစ်နေ့တော့ ပွင့်မှာပါ။ ကိုယ်ဆိုလည်း တတ်နိုင်တဲ့အတိုင်းအတာလေးထဲကဝယ်စိုက်တာပါဘဲ။ ဈေးကြီးမှ မျိုးဆန်းမှရယ်မဟုတ်ပါဘူး ကိုယ် စိတ်ကျေနပ်ဖို့က အဓိကပါ☺️

အရင်က ခရီးသွားရင် စားမယ် သွားမယ် အပြန် ဒေသစာနဲ့ လက်ဆောင်လေးတွေဝယ်မယ်ဘဲ။ အခုများတော့ ပန်းမျိုးတွေ ပါအောင် သယ်လာတော့တာပါဘဲ...
30/09/2024

အရင်က ခရီးသွားရင် စားမယ် သွားမယ် အပြန် ဒေသစာနဲ့ လက်ဆောင်လေးတွေဝယ်မယ်ဘဲ။ အခုများတော့ ပန်းမျိုးတွေ ပါအောင် သယ်လာတော့တာပါဘဲ။ စိတ်ကအမြဲပြောင်းလဲနေတာမှတ်လား။
ကလောရောက်ရောက်ချင်းဘဲ ဈေးနေ့နဲ့ဆုံတော့ ဒေလီယာအပွင့်ကြီးတွေမြင်ပြီး စဝယ်တော့တာ။ သူက ဥတွေအုံလိုက်တူးရောင်းတာ။ မျိုးနဲ့အရောင်သိရအောင် ပန်းတစ်ပွင့်စီထည့်စီးထားပေးတယ်။ တစ်ထွာကျော်တဲ့ပန်းပွင့်ကြီးတွေကြည့်ပြီး ရေမြေရာသီဥတုမတူတာဘာညာထည့်မတွက်မိနေတော့ဘဲ အရောင်စုံဝယ်ဖြစ်ခဲ့တယ်။ ရေနတ်သမီးဥတွေတွေ့တော့လည်း မနေနိုင်ပြန်ဘူးရယ်။ ပဲပန်းမျိုးစေ့ဆိုပြီးရောင်းတော့လည်း ပွင့်တာမပွင့်တာသူ့အပိုင်း စိုက်ကြည့်ပျိုးကြည့်ရမှာ ကိုယ့်အပိုင်းဆိုပြီး ထပ်ဝယ်ပြန်ရော။ Sea lavender ပန်းခြောက်ပွင့်လေးတွေရောင်းတာတွေ့တော့လည်း စမ်းစိုက်ရမယ်ဆိုပြီး ဝယ်မိပြန်။ ခရီးကပြန်လာပြီး ဒေလီယာဥလေးတွေကို ခြံထဲမှာစိုက်ထားလိုက်တယ်။ ရေနတ်သမီးဥတွေကိုတော့ ပန်းအိုးထဲဘဲထည့်စိုက်ဖြစ်တယ်။ ပဲပန်းမျိုးစေ့က ဝယ်သာဝယ်လာရတယ် ကိုယ့်ဆီမဖြစ်လောက်ဘူးဆိုပြီး မျှော်လင့်ချက်မထားခဲ့တော့ ရောက်ပြီးတော်တော်ကြာမှစိုက်ဖြစ်တယ်။ အပင်လေးတွေပေါက်လာတာနဲ့တင် ပျော်ရပါတယ်လေ။ ပွင့်များပွင့်ရင်တော့ အတိုင်းထက်အလွန်ပေါ့။ အပင်လိုက် အိုးလိုက် ဝယ်လာရတဲ့ခံစားချက်နဲ့ ကိုယ့်လက်နဲ့ကိုယ်တိုင်အစေ့ကစစိုက်ရတဲ့ခံစားချက် မတူဘူးလေနော်။ ညှောင့်လေးစပေါက်လာတာကနေ အရွက်စုံ အပင်ပုံစံပေါ်လာတာ အဖူးဖူးတာ ပန်းပွင့်တာအဆုံး တစ်ဆင့်ချင်းစီ ရင်ခုန်ရ ကြည်နူးရတာမျိုးလေ။ ဘယ်ရာသီ ဘယ်လမှာ စစိုက်ရမယ်မှန်းလည်းမသိ ဘယ်လမှာပွင့်တတ်မှန်းလဲမသိ စမ်းတဝါးဝါးနဲ့ စိုက်ကြည့်ရတာပါဘဲ။ ကိုယ့်စိတ်ကို ကြည်စေ အေးစေတဲ့အရာတစ်ခုမို့ အပင်စိုက်တာက ကိုယ့်အတွက်တော့ Healing therapy တစ်ခုပါဘဲ။
သီးပင်စားပင်လေးတွေလည်း ပြန်စိုက်အုံးမှပါ။
ဈေးကြီးမှ မျိုးဆန်းမှရယ် မဟုတ်ပါဘူး တစ်ပင်လောက်စမ်းစိုက်ကြည့်ကြပါလားနော်💚

Address

Mawlamyine

Website

Alerts

Be the first to know and let us send you an email when A flower A day posts news and promotions. Your email address will not be used for any other purpose, and you can unsubscribe at any time.

Shortcuts

Share

Category