26/09/2021
CCTV Camera အကြောင်း တစေ့တစောင်း
CCTV ဆိုတာ Closed Circuit Television လို့ ဆိုပါတယ်။ အဓိပ်ပါယျကတော့"ပတ်လမ်းပိတ်ရုပ်သံစနစ်"ပါ။ ဆိုလိုတာက ကျွန်တော်တို့ သာမာန်ကြည့်နေတဲ့ ရုပ်သံစနစ်တွေက တစ်နေရာကနေထုတ်လွှင့်ပြီး မည်သူမဆို ဖမ်းယူကြည့်ရှုနိုင်ပါတယ်။ CCTV ကတော့ တစ်နေရာကဖမ်းယူထားတာကို တစ်နေရာတည်းကပဲ ကြည့်ရှုနိုင်တယ်ဆိုတဲ့ သဘောပါ။
CCTV Camera Type လေးမျိုး ရှိပါတယ်
Analog Camera | Digital Camera | IP Camera | Wireless Camera ဆိုပြီး ရှိပါတယ်။
CCTV Camera အမျိုးအစားများကတော့
Dome Camera | IR Dome Camera | Bullet Camera | Regular CCD Camera | Outdoor Housing Camera | Speed Dome Camera | Spy Camera | IP Camera စသည်ဖြင့်ရှိသည်။
CCTV Camera တွေမှာ နေ့ / ည အသုံးပြုလို့ရတဲ့ IR ပါတဲ့ ကင်မရာတွေသာ ညဘက်မှာ အသုံးပြုနိုင်ပါတယ်။ (Infrared (IR) ဆိုတာ အနီအောက်ရောင်ခြည်တစ်မျိုးပါ။ LED လို မီးလုံးလေးတွေပါရှိခြင်းကို ဆိုလိုပါတယ်။) IR ပါတဲ့ ကင်မရာတွေနဲ့ ညဘက်မြင်ကွင်းတွေဟာ Black & White ပဲ မြင်ရပါတယ်။ အချို့သော IR ပါသော Camera တွေမှာ ညမြင်ကွင်းကို Colour နဲ့ မြင်နိုင်ပါတယ်။ IR အနည်းအများ ပေါ်မူတည်ပြီး အကွာအဝေး ခြားနားပါတယ်။ အများအားဖြင့်တော့ 10 မီတာ(32 ပေ) ကနေ 15 မီတာ(50 ပေ) ဝန်းကျင်လောက်ထိ မြင်ရနိုင်ပါတယ်။ CCTV Camera တွေရဲ့ မြင်ကွင်းကို Lens(မှန်ဘီးလူး) အရွယ်အစားပေါ်မူတည်ပြီး ကွာခြားပါတယ်။ Lens(မှန်ဘီးလူး) အရွယ်အစားတွေက 3.6mm, 4mm, 6mm, 8mm, 12mm, 16mm စသည်ဖြင့် အမျိုးမျိုးရှိသလို၊ Zoom ချိန်လို့ရနိုင်သည့် CCTV Camera တွေလည်း ရှိပါတယ်။ မြင်ကွင်းကျယ်ကျယ်လိုချင်သူများအတွက် 3.6mm နဲ့ အနီးကပ်ကြည့်လိုသူတွေအတွက် 6mm, 8mm တွေကို အသုံးပြုကြပါတယ်။
CCTV Camera တွေနဲ့အတူ တွဲဖက်အသုံးပြုရန် DVR (Digital Video Recorder) စက် လိုအပ်ပါတယ်။ DVR မှာ Hard Disk ပါဝင်ပြီး ကင်မရာကနေ ရိုက်လိုက်တဲ့ Video တွေကို သိမ်းပေးထားမှာ ဖြစ်ပါတယ်။ အဲဒီ DVR ကိုမှ Monitor နဲ့တွဲပြီး ကိုယ်က Monitoring လုပ်နိုင်ပါတယ်။ DVR Standalone ရယ်၊ DVR Card ရယ် ဆိုပြီး နှစ်ခုရှိပါတယ်၊ Recording လုပ်လို့ရတဲ့ Type ပေါ့။ Hard Disk ထည့်ပြီး Recording တွေကို မှတ်ပေးတာပါ။ DVR Standalone မွာ 4 Channels, 8 Channels, 9 Channels, 16 Channels, 32 Channels, 64 Channels စသည်ဖြင့် ရှိပါတယ်။ DVR Standalone မှာ Data တွေကို Backup လုပ်ဖို့ရာ DVD RW, USB Memory Stick စသည်ဖြင့် ကွဲပြားပါသေးတယ်။ အခုနောက်ပိုင်း Standalone တွေမှာ များသောအားဖြင့် Network Port ရယ် VGA Port ရယ် တွဲပါလာပါတယ်၊ Network ကတော့ Standalone မှာ ထည့်ထားတဲ့ ကင်မရာ View တွေကို Network ကနေတဆင့် Real-time Monitoring ကြည့်ရန်နှင့် Data Backup လုပ်ရန် အသုံးများပါတယ်။ CCTV Recording ပြုလုပ်ရာမှာ ကင်မရာအရည်အသွေး၊ အလင်းအမှောင်၊ အသုံးပြုသည့်အချိန်ပေါ်မူတည်ပြီး ပြောင်းလဲနိုင်ပါသည်။ ပျမ်းမျှအားဖြင့် ကင်မရာတစ်လုံးလျှင် ၂၄ နာရီလုံး အသုံးပြုပါက 5Gb to 8Gb ပမာဏအထိ ရှိပါသည်။ ထို့ကြောင့် 500Gb ရှိသော Hard Disk ဖြင့် Camera ၄ လုံး အား ၂၄ နာရီ အသုံးပြုပါက တစ်လဝန်းကျင်ခန့် အသုံးပြုနိုင်ပါသည်။ အကယ်၍ ကာလကြာမြင့်စွာ သိမ်းဆည်းထားလိုပါက HDD 1Tb, 2Tb, 4TB ပမာဏလို များပြားသည့် HDD များကို အသုံးပြု သိမ်းဆည်းနိုင်ပါသည်။ DVR စက်များတွင် Over Write စနစ်ပါရှိပြီး ဖြစ်သည့်အတွက် သူ့အလိုလို ရှေ့ပိုင်းမှ Data များကို ဖျက်ပေးသွားမှာပါ။ (ဥပမာ - ရက်ပေါင်း ၃၀ မှတ်တမ်းရှိတယ်ဆိုရင် အမြဲတမ်း ရက် ၃၀ စာ ရှိနေပေးမှာပါ။ နောက်ပိုင်းရက်တွေ အသစ်မှတ်လိုက်တိုင်း ရှေ့ပိုင်းက အဟောင်းကို ဖျက်ပြီး သိမ်းလိုက်တာပါ။) DVR အမျိုးအစားအပေါ်မူတည်ပြီး အရည်အသွေးနဲ့ စျေးနှုန်းကွာခြားတယ်။ DVR စက်က မှတ်တမ်းတွေကို တခြားနေရာမှာ အလွယ်တကူ ပြန်ကြည့်ဖို့ အဆင်မပြေဘူး။ CCTV ရဲ့ Monitor မြင်ကွင်းကို ဝန်းကျင်တစ်ခုတည်းမှာပဲဆိုရင် ကြိုးစနစ်ရော ကြိုးမဲ့စနစ်နဲ့ပါ အလွယ်တကူ ကြည့်ရှုနိုင်ပါတယ်။ အကယ်၍ အခြားတစ်နေရာတစ်ခုကနေ ကြည့်ချင်တယ်ဆိုရင် Local Area Network တစ်ခုကို WIFI စနစ်နဲ့ လွှင့်ပြီး ဖမ်းယူကြည့်ရှုနိုင်ပါတယ်။ ဒါအပြင် အခြားမြို့ရွာ၊ နိုင်ငံများကို သွားရောက်တဲ့အခါတိုင်းမှာ မိမိရဲ့ CCTV ကိုပြန်ကြည့်ချင်တယ်ဆိုရင်တော့ ကောင်းမွန်တဲ့ Internet စနစ်ရှိဖို့ပဲ လိုအပ်ပါတယ်။ မိမိအသုံးပြုနေတဲ့ Smartphone, Tablet, iPhone, iPad စသည်တို့မှတစ်ဆင့် ကြည့်ရှုထိန်းချုပ်နိုင်ပါတယ်။
စန်းလျှပ်စစ် - San Electric
Credit
to Original Uploader
