What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/120133896566820/

UNION ACE - Design & Construction Co.,Ltd, 76st, Bet; 2*3 Street, Aung Myae Thar Zan Tsp, Mandalay (2026)

11/06/2026

အကြမ်းထည်ဆိုပေမယ့် ကိုယ့်အဖွဲ့သားတွေရဲ့ လက်ရာတွေက စေတနာတွေက ပေါ်လွင်နေပါတယ်

07/06/2026

အဆောက်အဦးဆောက်ဖို့ တွေဝေနေတုန်းလား🤔 သူများတွေ သိန်း ၅၀၀ ဝန်းကျင်နဲ့ အဆောက်အဦး တစ်လုံးပိုင်ဆိုင်သွားပြီနော်🤗

05/06/2026

ကုန်းတန်းဘက်မှာ ဆောက်လုပ်ပြီးစီးခဲ့တဲ့ တစ်ထပ်shop house လေးရဲ့ အမှတ်တရပုံလေးတွေထဲက တချို့❤️

03/06/2026

🔰MDY-120 siteလေးရဲ့ သင်္ကြန်မတိုင်မီက ပုံရိပ်လေးတွေ

13/03/2026

🏠🔰120 site အုတ်စီခြင်း လုပ်ငန်းစတင်ပါပီ
UNION ACE - Design & Construction Co.,Ltd
#120 site
Structure

28/01/2026

Project တစ်ခု အောင်မြင်ဖို့ သိထားရမယ့် ကျွမ်းကျင်မှုနယ်ပယ် "Knowledge Areas” (၁၀) ခု

Project Management ဆိုတာ ခန့်မှန်းရခက်တဲ့ အခြေအနေတွေကို စနစ်တကျ ထိန်းကျောင်းရတဲ့ ပညာရပ်ပါ။ Project တစ်ခုကို အစအဆုံး အောင်မြင်အောင် ကိုင်တွယ်ရာမှာ မရှိမဖြစ်လိုအပ်တဲ့ Knowledge Areas တွေကို အတိုချုပ်လေး မျှဝေပေးချင်ပါတယ်။

၁။ Project Scope Management

Project မှာ ဘာတွေ လုပ်ဆောင်ရမယ်၊ ဘယ်အထိပဲ တာဝန်ယူရမယ်ဆိုတဲ့ Boundary ကို သတ်မှတ်တာပါ။ မလိုအပ်တဲ့ အလုပ်တွေ ထပ်မတိုးလာအောင် (Scope Creep မဖြစ်အောင်) ထိန်းရတဲ့ အပိုင်းဖြစ်ပါတယ်။

၂။ Project Schedule Management

Project ရဲ့ Timeline တွေကို သတ်မှတ်တာပါ။ အလုပ်တစ်ခုချင်းစီရဲ့ ကြာမြင့်ချိန်နဲ့ Deadline တွေကို စနစ်တကျ စီမံပြီး သတ်မှတ်ချိန်အတွင်း ပြီးစီးအောင် ဆောင်ရွက်ရတဲ့ အပိုင်းဖြစ်ပါတယ်။

၃။ Project Cost Management

ခွင့်ပြုထားတဲ့ Budget အတွင်းမှာပဲ Project ပြီးဆုံးအောင် ငွေကြေးသုံးစွဲမှုကို ခန့်မှန်းခြင်း၊ ချမှတ်ခြင်းနဲ့ ထိန်းချုပ်ခြင်းတို့ လုပ်ဆောင်ရတဲ့ အပိုင်းပါ။

၄။ Project Quality Management

Project ရဲ့ ရလဒ်ဟာ သတ်မှတ်ထားတဲ့ စံချိန်စံညွှန်းတွေ၊ Customer ရဲ့ မျှော်မှန်းချက်တွေနဲ့ ကိုက်ညီမှုရှိအောင် အာမခံချက်ပေးရတဲ့ အပိုင်းဖြစ်ပါတယ်။

၅။ Project Human Resource Management

Project မှာ လိုအပ်တဲ့ လူအင်အား (Team Members)၊ စက်ကိရိယာ၊ ကုန်ကြမ်းနဲ့ နည်းပညာ စတဲ့ အရင်းအမြစ်တွေကို အကျိုးရှိရှိ ခွဲဝေအသုံးချဖို့ ဖြစ်ပါတယ်။

၆။ Project Communications Management

Project နဲ့ ပတ်သက်တဲ့ သတင်းအချက်အလက်တွေကို သက်ဆိုင်သူတွေဆီ မှန်ကန်တဲ့ နည်းလမ်းနဲ့ အချိန်မီ စီးဆင်းစေအောင် စီမံရတဲ့ အပိုင်းပါ။

၇။ Project Risk Management

Project မှာ ကြုံတွေ့လာနိုင်တဲ့ မရေရာမှုတွေ၊ အခက်အခဲ (Risks) တွေကို ကြိုတင်ရှာဖွေပြီး အကျိုးသက်ရောက်မှု နည်းနိုင်သမျှနည်းအောင် ပြင်ဆင်တာ ဖြစ်ပါတယ်။

၈။ Project Procurement Management

Project အတွက် လိုအပ်တဲ့ ပစ္စည်း ဒါမှမဟုတ် ဝန်ဆောင်မှုတွေကို ပြင်ပ Vendor တွေဆီကနေ ဝယ်ယူတာ၊ စာချုပ်ချုပ်ဆိုတာနဲ့ စီမံခန့်ခွဲတာတွေ လုပ်ဆောင်ရတဲ့ အပိုင်းပါ။

၉။ Project Stakeholder Management

Project အပေါ် သက်ရောက်မှုရှိသူတွေရဲ့ လိုအပ်ချက်နဲ့ မျှော်မှန်းချက်တွေကို နားလည်အောင် လုပ်ဆောင်ပြီး သူတို့ဆီက အပြုသဘောဆောင်တဲ့ ပူးပေါင်းပါဝင်မှုရအောင် စီမံတာ ဖြစ်ပါတယ်။

၁၀။ Project Integration Management (အလုံးစုံ ပေါင်းစပ်စီမံခြင်း)

ဒါကတော့ Project တစ်ခုလုံးရဲ့ "ပင်မ" ပါပဲ။ အထက်မှာ ပြောခဲ့တဲ့ အချက် ၉ ချက်လုံးကို အပေးအယူမျှတအောင် ညှိနှိုင်းပြီး Project တစ်ခုလုံးကို ချိတ်ဆက် ပဲ့ကိုင်ပေးရတဲ့ အပိုင်းဖြစ်ပါတယ်။

ချုပ်ရရင် Project Manager တစ်ယောက်ရဲ့ အဓိက တာဝန်ဟာ အစိတ်အပိုင်းတစ်ခုချင်းစီကို အောင်မြင်အောင် လုပ်ဆောင်ရုံတင် မကဘဲ၊ အားလုံးကို ဟန်ချက်ညီညီ ပေါင်းစပ်ပေးနိုင်တဲ့ Integration Management ကို ကျွမ်းကျင်ဖို့ပဲ ဖြစ်ပါတယ်။

ဆွေလှိုင်ဦး (မြို့ပြ ၂၀၀၄)

28/01/2026

🔰🔰🔰တစ်နေကုန်Siteတွေပတ်တယ်၊ ပစ္စည်းတွေပို့တယ်၊ လုပ်ငန်းကို ကျစ်ကျစ်လျစ်လျစ်နဲ့ စမတ်ကျအောင်လုပ်တယ်
လိုအပ်ခဲ့ရင် ကိုယ်တိုင် ကားမောင်းပြီး ပစ္စည်းတွေပို့တော့ ပစ္စည်းလဲရောက်တယ် siteတွေလဲ ပတ်ပြီးသားဖြစ်သွားတယ်

တစ်ခါတစ်လေ သွားရမဲ့လမ်းကြောင်းတွေများတဲ့အခါမှသာ တခြားsupplierကို လက်လွဲခိုင်းဖြစ်တယ်

ကိုယ်တိုင်ကိုယ်ကျ ပါဝင်လာတဲ့အခါ
🔹Extra Costတွေ လျှော့ချနိုင်တယ်
🔹လုပ်ငန်းတွေအပေါ် အသေချာ စိစစ်ကြီးကြပ်နိုင်လာတယ်
🔹အလေအလွင့်ပစ္စည်းနည်းလာတယ်
🔹ပစ္စည်းတွေ ပျက်စီးပျောက်ရှုမှုတွေကို ထိန်းသိမ်းနိုင်လာပါတယ်

♻️♻️Smart Business Style ဘက်ကို ကူးပြောင်းလာတဲ့အခါ တွေ့ကြုံလာတဲ့ ကောင်းကျိုးလေးတွေပါ

#ဆောက်လုပ်ရေး

27/01/2026

လေ့လာသူများအတွက်သာ.......📖
ပလန်အစီအစဉ် နှင့်အောက်ခြေ-ဖူတင်_ပြဿနာ
*********************************************

အိမ်က ၂ထပ် or ၃ထပ်ဆောက်ချင်တာပါ
လောလောဆယ် ငွေမနိုင်သေးလို့ ၁ထပ်ဘဲဆောက်ပီး နောက်မှ ဆက်ဆောက်မယ်ဆိုတဲ့ အိမ်ရှင်တွေ ဒီစာကိုဖတ်ကြည့်ကြပါ။
(စာရှည်ပေမဲ့ သေချာပေါက် ကျေနပ်ကြပါလိမ့်မယ်။ အများနားလည်အောင် engineering တွေမပါဘဲ အရိုးရှင်းဆုံး ရေးပေးထားပါတယ်)

ဟုတ်ပီ ခင်ဗျားတို့က Foundationကို ၂ထပ်စာ or ၃ထပ်စာ ချထားမယ် လောလောဆယ် ၁ထပ်ကလေးဘဲဆောက်မယ်ဆိုတဲ့သဘောပြောတာနားလည်ပါတယ်။

ဒါပေမဲ့ foundationကိုဘယ်လိုချခဲ့မှာလဲ။
ဘာမြေအမျိုးအစားမို့ ဘယ်နှစ်ပေအနက်ထိချပီး ဘယ်sizeတွေသုံးခဲ့မှာလဲ။ ကျွမ်းကျင်တဲ့ ပညာရှင်နဲ့ရော တွက်ချက်ထားလား စတဲ့အချက်တွေအပေါ်မူတည်ပါတယ်။
ကန်ထရိုက်ကို ၃ထပ်စာfoundation
ချပေးခဲ့ပါ ဘယ်လောက်ဆိုပီး စျေးဖြတ်ဆောက်ခိုင်းလိုက်တယ်။ ဘာတွက်ချက်မှုမှ မပါဘူးဆောက်သွားတယ်။

ပြဿနာစပါပီ။ နောက်ကျန်တဲ့အထပ်တွေထပ်ဆောက်တော့ အရင်ကန်ထရိုက်နဲ့ မလုပ်ဖြစ်ဘဲ နောက်တစ်ဦး ပြောင်းလုပ်တယ်ဆိုပါစို့။ နောက်လူကလည်း သူချခဲဲ့တဲ့ Foundationမဟုတ်တဲ့အတွက် ဘယ်နှစ်ပေမှာ ဘယ်sizeချထားတယ်ဆိုတာလောက်ဘဲ အိမ်ရှင်က ပြောပြသလောက်သာသိရမှာပါ။ သံဘယ်နှစ်ချောင်းပါလဲ၊ အောက်ခံမြေသားကဘယ်လိုလဲ ၊
တူးတုန်းကရေထွက်နေလား ဆိုတာ အသေးစိတ် သူမသိပါဘူး။ အဲတော့ ထပ်တင်လိုက်တယ်ထားပါစို့။ ကံမကောင်းစွာနဲ့ footing ကျွံဝင်သွားတာ ၊အဆောက်အဦးစောင်းသွားတာ ၊အပေါ်weightကို မထမ်းနိုင်လို့ မူလအဆောက်အဦးမှာ အက်ကြောင်းလိုက်တာတွေဖြစ်လာပြီဆို ဘယ်သူ့အပြစ်တင်ကြမလဲ။ ရှေ့လူကိုလား နောက်လူကိုလား။ အိမ်ရှင်တိုင်ပတ်သွားမှာပါ။

ဆိုလိုချင်တာပါ မိမိမြေအမျိုးအစားနဲ့ သုံးမဲ့အဆောက်အဦးက ဘာလဲဆိုတာ တတ်သိပညာရှင်နဲ့တိုင်ပင်ပါ။ သာမန် လူနေအိမ်နဲ့ စျေးဆိုင်ဖွင့်ဖို့ဆောက်တဲ့ အဆောက်အဦးချင်းတောင် တင်တဲ့weightမတူပါဘူး။

အိမ်မှာ လူဘယ်နှစ်ယောက် ဘာတွေတင်မယ်ကအစ တွက်ချက်ရပါတယ်။ အပေါ်အမိုးslabလေးပေါ် ရေကန်ဘဲတင်မှာလား။ အမိုးပေါ်မှာ အပင်လေးစိုက်ဦးမှာလား။ စတဲ့ အသုံးပြုမှုအမျိုးမျိုးပေါ်လိုက်ပီး အလေးချိန်ကွာသွားမှာပါ။

လူနေအိမ်အတွက် ကန်ထရိုက်တွေအများဆုံးသုံးပေးတဲ့ Foundationက တစ်တိုင်တစ်ခွာလို့ အရပ်ခေါ် ခေါ်ကြတဲ့ iso footingတွေပါ။ သူ့မှာ မြေသားအလိုက် ဘယ်နှစ်ပေပတ်လည်ဆို အလေးချိန် ဘယ်နှစ်တန်ခံမလဲဆိုတာ တွက်ချက်လို့ရပါတယ်။

တိုင်တစ်လုံးချင်းစီးကဆင်းလာမဲ့အလေးချိန်ကို သူ့ ရဲ့ တစ်ပေပတ်လည် ခံနိုင်အားနဲ့စားပီး ဘယ်sizeအသုံးပြုရမလဲတွက်ရတာပါ။ ထု အထူအတွက်လည်းသတ်မှတ်ထားတဲ့ သတ်မှတ်ချက်တွေရှိပါတယ်။

ခင်ဗျားတို့မေးချင်လိမ့်မယ် အဲ့လောက်အရေးကြီးသလား။
ဟုတ် ကြီးပါတယ်။ မူလအသက်က foundationပါ။ သူက အဆောက်အဦးတစ်ခုလုံးရဲ့ အလေးချိန်ကို မြေကြီးထဲညီမျှစွာဖြန့်ပေးရမှာပါ။

Foundationမှာ အဓိက စစ်ရမဲ့အချက်တွေရှိတယ်
၁။ လုံလောက်တဲ့ footing size ရှိရဲ့လား
၂။ မြေကြီးခံနိုင်အား (လုံလောက်တဲ့ မြေသားမာကျောမှု)
၃။ မြေသားထဲ အိကျမှု ပမာဏ
( ညီမျှစွာ အိကျတာလား။ တစ်ခြမ်းစောင်း ကျွံသလား စစ်ရမယ်)
၄။ footing အောက်ခံကွန်ကရစ်သားရဲ့ မာကျောမှုပြည့်ရမယ်။

footingက လုံလောက်တဲ့ size မပြည့်ရင် အောက်ကိုကျွံဝင်သွားမှာပါ။ မြေသားညံ့ရင်ညံ့သလောက် အဆောက်အဦးမှာ စောင်းသွားနိုင်တယ်။စောင်းတဲ့အထိ ဖြစ်ဖို့ က အတော်ရှားပါတယ်။ စောင်းသွားရင် တော်တော် အသုံးမကျလို့ပါ။ အများဆုံးဖြစ်တာက အဆောက်အဦးနံရံတွေ အက်ကြောင်းကွဲကြီးတွေ လိုက်လာတာပါ။ အုတ်စီတာညံံ့လို့ ဘိလပ်မြေခိုလို့ မဟုတ်ပါ။ footing ကျွံနေလို့ နံရံတွေကွဲတာပါ။ နံရံကွဲတိုင်းတောင် footingကျွံတာမဟုတ်ပါ။ တစ်ခြားအကြောင်းပြချက်တွေရှိပါသေးတယ်။

မြေကြီးခံနိုင်အား။
မြေကြီးခံနိုင်အားကိုတော့ အများစုက အတွေ့အကြုံနဲ့ကြည့်ပီး ဒီလိုမြေသားဆို ဒီလောက်ဘဲတူးမယ် ဘာညာနဲ့ဆုံးဖြတ်ကြတယ်။ တကယ်ကမှားပါတယ်။ တိတိကျကျ သိချင်ရင် soil test စစ်ရပါမယ်။ soil test စစ်တာတောင် companyပေါ်မူတည်ပီး တိကျမှုပမာဏကွာပါသေးတယ်။ ဆိုတော့ သာမန်အထပ်နိမ့်ပီး လူနေနည်းတဲ့ အဆောက်အဦးတွက်က ဆိုးဆိုးဝါးဝါး မြေမညံ့ရင် လုပ်နေကျsizeကလေးတွေက လုံလောက်နေတာကြောင့်မို့ ဘာမှမဖြစ်တာပါ။ အတွေ့အကြုံကြောင့် သာမန်အခြေအနေမှာ ok နေတာလို့ ဆိုရမှာပါ။ ပီးတော့ ဆောက်ပီးပီးချင်းဘာမှမဖြစ်ဘူးဆိုတာ အဆောက်အဦးကို ဘာဝန်မှ မထမ်းခိုင်းရသေးပါဘူး။ ဥပမာ လူတစ်ယောက်က ဆန်အိတ်တစ်အိတ် ထမ်းထားနိုင်တယ်ဆိုပါစို့။ ဟုတ်ပီ အချိန်ဘယ်လောက်ကြာကြာထမ်းထားနိုင်မလဲ။ အချိန်ကြာလာတာနဲ့အမျှ ငြောင်း(ညောင်း)လာမှာပါ။ နောက်ဆုံး လွတ်ချလိုက်ရတော့ပါတယ်။ အဲ့တာကိုအဆောက်အဦးမှာ creep effectလို့ခေါ်ပါတယ်။ အဆောက်အဦးကိုအသုံးပြုမှု သက်တမ်းအတွင်းကျမှ ok လား မokဘူးလား ဆုံးဖြတ်ရမှာပါ။ ၅နှစ်ကျမှ ကျွံလာတာလား ၁၀နှစ်လားပေါ့။ RC အဆောက်အဦးတွေရဲ့ သက်တမ်းကို အကြမ်းအားဖြင့် နှစ်၅၀ ဝန်းကျင် သတ်မှတ်ထားပါတယ်။ ဆောက်ပီးပီးချင်းကြည့်ရုံနဲ့မရပါဘူး။

(မြေသားကျွံဝင်မှု မညီတာ)
အဆောက်အဦးတိုင်းရဲ့ footingတွေက အမြဲကျွံဝင်ပါတယ်။ မကျွံဘူးဆိုတာမရှိပါ။ ၂ထပ်RCတိုက်ကလေးက အနည်းဆုံး တန်၅၀ကနေ ရာချီ ထောင်ချီထိလေးနိုင်ပါတယ်။ ဒါပေမဲ့ မြေထဲကျွံကျမှုကသတ်မှတ်ထားတဲ့ limitအတွင်းဝင်ရပါမယ်။ အကြမ်းမျဥ်းသတ်မှတ်ထားတာကတော့ ၁လက်မခွင့်ပြုပါတယ်။

၁လက်မကျော်ရင်တော့ နည်းနည်းပြသနာရှိလာပါပီ။ footing ဆယ်လုံးရှိလို့ အကုန်လုံးစီညီတူကျွံရင် ပြဿနာမရှိသေးပါဘူး။ ဒါပေမဲ့ ကျွံတဲ့ဟာက ကျွံ၊ မကျွံတဲ့ဟာက မကျွံဘဲ တင်းခံတဲ့အခါ နံရံအက်ကြောင်းလိုက်လာတာပါ။

ဘယ်မှာအဖြစ်များလဲဆိုတော့ ခြံစည်းရိုးနား တိုင်ကပ်ချရတဲ့အခါ ၄ပေပတ်လည်footingချမဲ့နေရာက မလွတ်လို့ ရသလိုချတော့ တိုင်နဲ့ ခွာနဲ့ center မကျတာတွေမှာ အဖြစ်များပါတယ် ။ ဥပမာ လူ့ခြေဖဝါးလိုပေါ့။ ဖနောင့်ဘက်ဖိနင်းလိုက်သလို မြေကျွံတာပါ။ အဲ့footingတစ်ခွာတည်းမှာကို ကျွံကျမှုက မညီတော့ပါဘူး။ အဲ့လိုနေရာတွေအတွက်က ထပ်စောင်းလုပ်ပေးရမဲ့ အချက်တွေရှိပါတယ်။

နောက်ဆုံးအချက်ကတော့ ကွန်ကရစ်သားခံနိုင်ရည်ပါ။
အများဆုံး လောင်းပေးနေတဲ့ ကွန်ကရစ် အချိုး ကြားဖူးနားဝရှိပါလိမ့်မယ် 1:2:4 တို့ 1:3:6တို့ ပါ။ ဒါတွေရှင်းပြနေရင်ကြာသွားပါလိမ့်မည်။
ဆိုတော့ သာမန်အားဖြင့်
မြေကျင်းတူးထားတာ အနက်ညီညာရဲ့လား။

footing formworkပါရဲ့လား။ (တစ်ချို့ မြေကျင်းကျကျနန တူးထားရင် formwork မရိုက်ဘဲလောင်းကျပါတယ် ဒါပေမဲ့ ကွန်ကရစ်ထဲပါတဲ့ရေကို မြေကြီးကတိုက်ရိုက်စုပ်နိုင်တဲ့အတွက် ကွန်ကရစ်မာကျောမှုကျသွားမှာပါ။ ပလတ်စတစ်စ ကာလောင်းရင်လည်းရပါတယ် ဒါပေမဲ့ နောက်ထပ် ဆိုးကျိုးတွေရှိသေးတဲ့အတွက် formworkကာပီးမှ လောင်းတာဘဲကောင်းပါတယ်။

ကာဗာဘလောက်တုံးခံရဲ့လား။ (အုတ်ခဲမသုံးပါနဲ့။အုတ်ခဲ ခံနိုင်ရည်နဲ့ ကွန်ကရစ်ခံနိုင်ရည်မတူပါဘူး ။ ကွန်ကရစ်ဘလောက်တုံးလေးတော့ ကြိုလုပ်ထားပါ။)

သံချီထားတာ တောင့်တောင့်တင်းတင်းရှိလား။ (တစ်ချို့ခွာတွေ ချည်ထားတာ ရွဲပလဲနေတာပါဘဲ)

လောင်းမဲ့ကွန်ကရစ်က ရေအချိုးအစားထည့်တာမှန်ရဲ့လား။ ရေအများကြီးနဲ့ ပျော့ပျော့ကြီးလောင်းရင် သေချာပေါက် ခံနိုင်အားကျပါပီ။( ဘိလပ်မြေနဲ့ ရေအချိုးဆိုတာ အင်ဂျင်နီယာအသုံးအနှုန်းတွေမို့ ရှင်းပြရင်စာရှည်သွားမှာပါ။)

ပြောမယ်ဆိုရင် လိုက်နာရမဲ့အချက်တွေအများကြီးပါ။ ဒါတွေက မြေကြီးထဲမြှပ်ထားခဲ့ရတော့ ပြန်စစ်ဖို့ခဲယဥ်းပါတယ်။ ဆိုလိုတာက အပေါ်အဆောက်အဦးပိုင်းက ဖြစ်သမျှဟာ ပြင်ဆင်ဖို့ လွယ်နိုင်ပါတယ်။ မြေကြီးအောက်ထဲက အပိုင်းကို သေချာလေး စနစ်တကျလုပ်ခဲ့စေချင်ပါတယ်။

ကဲ အနှစ်ချုပ်ရရင် အခုလိုနောက်မှ ထပ်ဆောက်မဲ့ အဆောက်အဦးတွေမှာ တစ်ခုခုပြဿနာဖြစ်တာနဲ့ ရှေ့လူ နောက်လူ ဘယ်သူမှ အပြစ်တင်လို့မရတော့ပါဘူး။ ( အဲ့လူတွေမနည်းလိုက်ရှာရလိမ့်မယ်)

ခံရမှာက အိမ်ရှင်ပါဘဲ။ ကန်ထရိုက်တွေမှာ စည်းရှိတဲ့လူရှိသလိူ မရှိတဲ့လူက မရှိပါဘူး။ မလုံလောက်တာသိသိနဲ့ ရှေ့ကန်ထရိုက်က သူလက်ထဲအဆင်ပြေပီးရော။ နောက်လူ ဆက်ဆောက်မှ ဖြစ်ရင်သူရှင်းဆိုပီး foundationချပေးသွားရင် နစ်နာမှာက အိမ်ရှင်ပါဘဲ။

သေချာတာကတော့ အင်ဂျင်နီယာဆီ structure design အပ်လိုက်ပါ။ပီးမှ သူတွက်ချက်ပေးတဲ့အတိုင်း ကြိုက်ရာ ကန်ထရိုက်နဲ့ဆောက်ပါ။ အိမ်ရှင်က design စာရွက်အတိုင်းစစ်ရုံဘဲ။ (မိမိနားလည်ရင် စစ် ။ နားမလည်ရင် စစ်ဆေးသူအကူတောင်းပါ။ များသောအားဖြင့် Structure designer က အကူအညီပေးပါတယ်။)

စာဖတ်သူများအားလုံးဘဝအမောတွေပြေပျောက်နိုင်ကြပါစေရှင့်......🙏

ဆောက်လုပ်ရေးနဲ့ ပတ်သက်တဲ့ ဗဟုသုတလေးတွေကို ထပ်ဖတ်ချင်တယ်ဆိုရင်တော့ 𝐏𝐚𝐠𝐞 လေးကို 𝐋𝐢𝐤𝐞 & 𝐅𝐨𝐥𝐥𝐨𝐰 လုပ်ခဲ့ဖို့ မမေ့ပါနဲ့နော်🙋‍♀️🙋‍♂️

🏠
ACE Construction

27/01/2026

Modern Furniture လေးတွေကိုမှ သဘောကြတဲ့အိမ်ရှင်တွေအတွက် ဆောင်ရန် နဲ့ ရှောင်ရန် အဓိကအချက်လေးတွေကိုပြော‌ပြပေးချင်ပါတယ်..
Modern Furniture ဆိုရင်တော့ Block Board ကမပါမဖြစ်ဆိုတော့ Block Board အကြောင်းလေးပြောပါမယ်...
Block Board ကို Modern Furniture တွေမှာ အသုံးပြုခြင်းရဲ့

အားသာချက်များကတော့

1. ခိုင်ခံ့မှု ကောင်းခြင်း
· သစ်သားအပိုင်းလေးများကို အတူတကွ ကပ်ထားသောကြောင့် အလယ်ဗဟိုတွင် အားနည်းခြင်းမရှိ
· အခြား MDF , Chipboard များထက် ဝန်ခံနိုင်အား ပိုကောင်း
2. ပုံပျက်လွယ်မှု နည်းခြင်း
· စိုထိုင်းဆ ပြောင်းလဲမှုဒဏ်ကို ခံနိုင်ရည်ရှိ
· ကွေးညွှတ်မှု၊ ပုံပျက်မှု နည်းပါး
3. စရိတ်သက်သာခြင်း
· အစိုင်အခဲသစ်သားထက် ဈေးသက်သာ
· ထုတ်လုပ်မှုစရိတ် သက်သာ
4. သဘာဝပတ်ဝန်းကျင် ထောက်ထားမှု
· သစ်တောဖျက်ဆီးမှု နည်းပါး
· သစ်သားအသုံးပြုမှု ထိရောက်မှုရှိ

အားနည်းချက်များကတော့

1. အလေးချိန်များခြင်း
· MDF , Chipboard စသည့်တို့ထက် ပိုလေးပါသည်
· ရွှေ့ပြောင်းရခက်နိုင်ပါသည်။
2. ရေစိုခံနိုင်မှု အားနည်းခြင်း
· ရေစိမ့်ဝင်ပါက ဖောင်းကားနိုင်ခြေ
· စိုထိုင်းဆများသော ပတ်ဝန်းကျင်နှင့် မသင့်တော်ပါ
3. အသုံးပြုရာ၌ ကန့်သတ်ချက်များ
· ချောမွတ်သော မျက်နှာပြင်မရှိ
· အပေါ်ယံအလွှာ ကပ်ရန် လိုအပ် ( Coating မပါလျှင်)
4. အရည်အသွေးအ‌နေနဲ့ ထုတ်လုပ်သူအလိုက် စက်ရုံပေါ်မူတည်ပြီးအရည်အသွေး ကွာခြားမှုရှိနိုင်

ဆောင်ရန်ရှောင်ရန်များအနေနဲ့ကတော့

📢 ဆောင်ရန်အချက်များတော့

1. သိုလှောင်မှု
· ပြားချပ်စွာ သိမ်းဆည်းပါ ဒေါင်လိုက်မထားပါနှင့်
· စိုထိုင်းဆများသော နေရာများမှ ရှောင်ပါ
2. ပြုပြင်မှု
· အရည်အသွေးကောင်းသော ကော်များသုံးပါ
· လေဝင်လေထွက်ကောင်းသော နေရာတွင် ပြုလုပ်ပါ
3. ရွေးချယ်မှု
· သစ်သားအမျိုးအစားကို လိုအပ်ချက်အလိုက် ရွေးချယ်ပါ
· အဆင့်မြင့် block board ကို ရေရှည်အသုံးပြုမည့် furniture များအတွက် ရွေးချယ်သင့်ပါတယ်

🚫 ရှောင်ရန်အချက်များကတော့

1. အသုံးပြုမှု
· ရေနှင့် ထိတွေ့မှုများသော နေရာများတွင် မသုံးပါနှင့်။

2. အပူဒဏ်
· တိုက်ရိုက်နေရောင်ခြည် သို့မဟုတ် အပူပေးကိရိယာများနှင့် နီးကပ်စွာ မထားပါနှင့်။

Block board သည် ဈေးနှုန်းချိုသာပြီး ခိုင်ခံ့သောကြောင့် modern furniture များအတွက် ကောင်းမွန်သောရွေးချယ်မှုတစ်ခုဖြစ်နိုင်ပါသည်။

Knowledge sharing for you 🙏🙏🙏..

UNION ACE - Design & Construction Co.,Ltd

11/06/2026

07/06/2026

05/06/2026

03/06/2026

13/03/2026

28/01/2026

28/01/2026

27/01/2026

27/01/2026

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00