07/03/2026
Namako 🌸🌸
Vehivavy tena mendrika ianao,
Isika vehivavy dia manana anjara toerana lehibe eo amin’ny fiaraha-monina sy eo anivon’ny fianakaviana.
Tonga aho anio hampatsiahy amin- tsiky indray fa
🩷 Vehivavy tena mendrika ianao satria vehivavy matanjaka ara- tsaina, mahay mandinika lalina ary afaka mandray fanapahan-kevitra na dia ao anatin’ny olana Sy sedra maro aza.
Tsy mora kivy ianao fa mahay mijoro sy mandresy zava-tsarotra, ka tonga fampaherezana ho an’ny hafa ihany koa,
🩷 Ankoatr’izay dia vehivavy matoky tena ianao Mahafantatra Sy mahatakatra ny lanjanao sy ny maha izy azy anao ka tsy mora voasariky ny hevitry ny olona manana saina ratsy.
Ny fahatokisan-tenanao dia heijika iray manampy anao hijoro sy hanatratra ny tanjonao ary hanampy ny hafa koa.
🩷 Ny faritana ho vehivavy tsara dia vehivavy “source”, izany hoe loharanon’ny soa sy hery ho an’ny manodidina azy.
Toy izany koa ianao,
Mitondra fampaherezana,
Ahatarafana fahendrena
Ary tonga fitahiana ao amin’ny fianakaviana sy ny fiaraha-monina misy anao
🩷 Tena tsarovy fa zava -dehibe ihany koa ny maha vehivavy feno fanajana anao
Manaja tena, manaja ny hafa,
Ary mahalala ny fetra sy ny soatoavina tokony hotandrovina.
Ny fanajana ihany koa dia fototry ny fifandraisana tsara sy ny fihavanana iainanao miaraka amin’ny manodidina anao
🩷 Ary ambonin’izany rehetra izany, ny maha vehivavy mendrika anao dia ianao vehivavy matahotra an’Andriamanitra.
Ny finoanao maranjaka sy ny fahatahoranao an’Andriamanitra no mitarika anao hanao ny marina, hitondra fahendrena ary hanana fiainana maha-te hanaraka sy hialain-tahaka,
Noho izany,
🌸 Vehivavy manana Hasina ianao,
🌸 Vehivavy tena sarobidy,
🌸 Vehivavy manazava sy manatsara ny fianan’ny manodidina anao
08Martsa 2026
✍️ Sarah Andria Rasamison
