Jonas Architectes S.A.

Page d'Accueil
Luxembourg
Ettelbruck
Jonas Architectes S.A.

Architekturbüro in Ettelbruck, Luxemburg. Bureau d'architectes à Ettelbruck, Luxembourg.

19/08/2026

Fir de 50. Anniversaire vun eisem Büro ze feieren, huet de Journal „Lëtzebuerger Gemengen“ en Artikel iwwer eis verëffentlecht. An engem Interview gëtt d'Miriam Prosch, Partnerin bei JONAS Architectes, en Abléck an d'Geschicht an d'Entstéiung vun eisem Büro, eis Jubiläumsfeier an eist neit Jubiläumsbuch. Am Gespréich goufen och zentral Theme wéi Nohaltegkeet, Denkmalschutz an d'Zukunft vun eisem Architektebüro ugeschwat.

https://gemengen.lu/web/2026/08/12/jonas-architectes-50-ans-darchitecture-responsable/

06/08/2026

Déi lescht Woch haten e puer vun eise Mataarbechter d'Geleeënheet, de Chantier vun eisem Projet zu Gréiwemaacher aus enger ganz besonnescher Perspektiv ze entdecken.
Ier d'Bauaarbechte viruginn, ginn um Terrain ëmfaassend archeologesch Ausgruewunge gemaach. Wärend enger spannender Visitt iwwer de Site huet den zoustännegen Archeolog eis faszinéierend Ablécker an déi archeologesch Entdeckungen an an déi beweegt Geschicht vun dëser Plaz ginn.
Mat all Äerdschicht ass eng nei Epoch vun der Geschicht zum Virschäin komm – vun der Barockzäit iwwer d'Merowingerzäit bis bei déi eelst Entdeckungen aus der Réimerzäit. D'Ausgruewunge weisen op beandrockend Aart a Weis, datt dëse Site iwwer Joerhonnerten ewech kontinuéierlech besidelt a genotzt gouf. All Entdeckung dréit dozou bäi, d'Geschicht vu Gréiwemaacher besser ze verstoen an dëse wäertvolle Patrimoine fir d'Nokommen festzehalen.

Fir eis als Architekten ass et besonnesch spannend ze erliewen, wéi Vergaangenheet a Zukunft op enger Plaz zesummekommen. Ier hei eppes Neies entsteet, gëtt fir d'éischt e wäertvollen Deel vun eiser Geschicht suergfälteg ënnersicht a dokumentéiert.
E grousse Merci un d'Ekipp vun der Archeologie fir déi spannend Féierung an déi interessant Ablécker!

30/07/2026

Mir wënschen allen Bedeelegten en erhuelsame Congé collectif! Genéisst déi wuelverdéngte Paus.☀️ Fir all déi, déi eis brauchen: D'Team Jonas ass och wärend der Vakanzenzäit wéi gewinnt fir iech do.

24/07/2026

D'Bauaarbechten un der Schoul an un der Maison Relais zu Mäerzeg sinn am absoluten Endspurt. Jidderee schaaft de Moment mat Héichdrock un engem gemeinsamen Zil: pünktlech fir d'Rentrée de 15. September fäerdeg ze sinn. Am Moment gëtt virun allem beim Innenausbau a bei de Schräineraarbechten nach eng Kéier richteg Gas ginn, fir datt d'Kanner zäiteg empfange gi kënnen.🔨

14/07/2026

Leschte Freideg war et erëm esou wäit: eist Summerfest. Wéi schonn d'lescht Joer hu mir den Dag mat enger gemeinsamer Wanderung ugefaangen, ier et dunn an de gemittlechen Deel op d'Heringer Millen gaangen ass.🥾🚶🚶‍♀️ Do hunn e groussen Buffet a frësch Gegrilltes schonn op eis gewaart. A natierlech huet och dës Kéier d'Candybar fir d'Kanner a Co. net dierfe feelen!

Fir datt owes beim Foussballmatch richteg matgefiwwert konnt ginn, hate mir extra nach en klengen TV-Eck opgebaut.⚽D'Matfiwweren huet sech beim Bléck op de Schlussresultat leider guer net ausbezuelt...mee ganz egal: Den Owend war trotzdem einfach ronderëm gelongen.

07/07/2026

Zesumme mat Schülerinnen a Schüler aus dem LESC vu Clervaux, déi sech grad an hirer Beruffsorientéierung befannen, hu mir de Chantier vun der Ferme Hess zu Feelen besicht. Mir hunn eis de Bau vu sechs Reienhaiser, den Ëmbau vun engem bestoenden Haus a vun enger Residenz mat dräi Wunnengen ugekuckt.🏘️

Bei dësem Projet konnte mir de Schüler*innen ganz praktesch weisen, wéi Kreeslafwirtschaft an d'Integratioun an de Bestand bei engem Bauprojet ausgesinn a wéi nohaltegt Baue fonctionéiert. Esou gi beispillsweis Steng aus der Demolitioun direkt nees fir d'Dréchemauere vun der neier Gaardenanlag benotzt.Och déi ofgerappt Hale kréien en zweet Liewen a gi weiderbenotzt.

E grousse Merci geet un dëser Plaz un de Bauhär / AC an un de Buergermeeschter Fernand Mergen, déi eis dës Besichtegung erméiglecht hunn.

Mir freeën eis ëmmer ganz besonnesch, wa mir jonke Mënschen de Beruff vum Architekt esou hautno weise kënnen!

03/07/2026

Mam Spuedestéch zu Hamm gouf de Bau vum neie Leichtathletikstadion offiziell ageleet.🪏🏟 De Sportkomplex gëtt bis 2029 fäerdeggestallt a kënnt domat genee zur richteger Zäit. An deem Joer fannen d'Spiller vun de klenge Staate vun Europa zu Lëtzebuerg statt, fir déi d'Stadion eng zentral Roll spille wäert. No intensiver Planung hunn d'Bauaarbechten elo offiziell ugefaangen. Mir freeën eis, dëse Projet vun Ufank un ze begleeden, an halen iech an de kommende Méint iwwer all weider Schrëtt a Fortschrëtter um Lafenden!

29/06/2026

Den 16. Juni hu mir als Entreprise Responsable un der järlecher Feier vum INDR deelgeholl. Et war e schéinen Owend, deen mir zesumme mat ville Mënschen verbrénge konnten, déi eis Iwwerzeegung deelen: Eng Zukunft ouni Nohaltegkeet a Verantwortung funktionéiert net. Mir freeën eis schonn op e hoffentlech baldegt Erëmgesinn d'nächst Joer!🌿

24/06/2026

Déi lescht 10 Projete vun eiser Rei „JONAS 50 ans“ sinn elo op eiser Websäit ze fannen!

Do kënnt dir iech nach eng Kéier ganz a Rou duerch d'Geschicht vun eisem Büro klicken a vill iwwer eis Entwécklung an eis Aarbechtsweis gewuer ginn. Mat dobäi sinn ënner anerem d'Sainte-Anne (eise längste Projet!), de Sportsstadion zu Hamm an de Schifermusée zu Maartel (Martelange).

Elo liesen: https://www.jonasarchitectes.lu/fr/projets/50-ans-de-jonas-50-projets

21/06/2026

Eist Team JONAS ass gewuess!🫂

De Roy Geimer ass Architekt Dipl.-Ing. (FH) mat Ofschloss un der Fachhéichschoul Tréier. Säi Wee an d'Architektur huet mat engem staarken handwierkleche Fundament ugefaangen; enger Schräinerléier. Hie bréngt vill Erfarung aus verschiddene Lëtzebuerger Architektebüroen an Innenausbau-Entreprisen mat an huet zulescht e grousst, usprochsvollt Projet am Beräich vum Denkmalschutz zu Lëtzebuerg begleet. Säi besonneschen Interessi gëllt dem Design, allem wat schéin ass, an dem héichwäertegen Innenausbau. Privat ass hien en absolutte Muppefrënd. Säi Liewensmotto: „Verännerung deet gutt.“

D'Cláudia Santos huet zu Lissabon studéiert, duerno an Italie geschafft an ass elo scho laang an der Lëtzebuerger Architekturzeen doheem. Hatt schafft super gär mam Stëft an der Hand. Aktuell këmmert hatt sech ëm d'Ausschreiwunge fir en Hausëmbau a stierzt sech parallel an e grousst, neit Residenz-Projet. D'Cláudia huet et gär, wann e Projet hatt richteg erausfuerdert.

Mam Olivier Stoos hu mir e richtegen Heemkéirer am Team. Hien ass zu Ettelbréck gebuer, an der Géigend vu Lëtzebuerg-Stad opgewuess an huet déi lescht 15 Joer ronderëm Frankfurt am Main verbruecht. Do huet hie studéiert, gelieft a geschafft. Enner anerem war hien déi lescht dräianhallef Joer an der Bauleedung fir den Erweiderungsbau vum Landratsamt Hofheim am Taunus zoustänneg. Elo huet et hien nees zeréck an d'Heemecht gezunn. Mir si ganz frou, datt hien seng nei berufflech Erausfuerderung direkt bei eis fonnt huet.

Häerzlech Wëllkomm dir dräi!

Adresse

32, Rue Prince Henri
Ettelbruck
L-9047

Site Web

http://www.jonasarchitectes.lu/

Notifications

Soyez le premier à savoir et laissez-nous vous envoyer un courriel lorsque Jonas Architectes S.A. publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.