JANS

12/06/2026

An dëser neier Episod vu « By JANS » treffe mir de Mario Willems, eise Responsabel vum Industrie-Departement bei JANS.

03/06/2026

Op eisem neie Chantier zu Nidderfeelen geet et gutt virun. Mat vill Know-how, Präzisioun an Engagement realiséieren eis Equippen dëst Eefamilljenhaus a Massivholz mat CLT-Elementer – eng Bauweis, déi Nohaltegkeet, Komfort a Leeschtung vereent.“

Jans - Mir bauen dain Doheem.

28/05/2026

Hotel am Hopfensee – e Projet, op deen mir houfreg sinn!

Am Häerz vum Allgäu duerften mir als JANS Groupe en Dram a Realitéit ëmsetzen.

Zwee nei Étagen a waarmer Holzbauweis, en eleganten Stehfalz-Daach an eng markant Alu-Cobond-Fassad, déi sech mat Holz a Rhombusleeschten zu engem alpine Meeschterwierk vereenegt. Glas- a Streckmetallgeländer setzen de finale moderne Akzent.

An dat verreckt: Trotz äisege Wanterconditiounen – alles a just 5,5 Méint!

Wann Häerz, Handwierk a Visioun zesummekommen, entsteet eppes Bleiwendes.
Merci fir d'Vertrauen – mir sinn houfreg, Deel vun dëser Geschicht ze sinn.

18/05/2026

„A wat dréis du an dengem Rucksak?“

Dëst ass den Titel vum neie Kannerbuch vum Tea an Joe.
Mir si stolz, Partner vun dësem flotte Projet ze sinn an domat d’Inklusina ASBL z’ënnerstëtzen. Zesumme wëlle mir Gemeinschaft, sozial Verantwortung an inklusiv Wäerter aktiv fërderen.

Dëst schéint Buch kënnt Dir direkt iwwer d’Internetsäit inklusina.lu bestellen – an dat souguer an dräi Sproochen: Lëtzebuergesch, Däitsch a Franséisch.

Jans - Mir bauen daïn Doheem.

15/05/2026

An dëser neier Episod vu « By JANS » treffen mir Haut de Philippe Peiffer, techneschen Direkter vum JANS Grupp zanter 29 Joer.

13/05/2026

07/05/2026

Eise neie Chantier zu Nidderfeelen kënnt gutt virun, an eis Equippen sinn all Dag um Terrain, fir dëst Holzhaus ze bauen.

30/04/2026

We're hiring!

Bei JANS si mir iwwerzeegt, datt déi schéinsten Interieuren do entstinn, wou Visioun an Expertise sech begéinen.

Eisen Atelier ass e Plaz voller Inspiratioun a Passioun – en Ëmfeld, wou mir usprochsvoll Clienten bei der Realisatioun vu Projeten begleeden, déi hir Perséinlechkeet wierklech widderspigelen.

Fir eist Team ze verstäerken, sichen mir en Interior Designer (m/w/d), deem seng ästhetesch Sensibilitéit der kreativer Präzisioun an näischt nosteet.
Wanns du a Raim denks an vun eleganten, raffinéierte Materialien dreems, da komm an eis Famill: https://jans.lu/karriär/interior-designer-m-w-d-héichwäerteg-neibauten-exklusiv-interieurkonzepter

23/04/2026

Haut si mir zu Nidderfeelen, wou mir mam Bau vun engem Holzhaus ufänken.

Fir déi éischt Phase vum Projet ëmzesetzen, hu mir aussergewéinlech Mëttel agesat. Well mir mat de groussen Holzelementer net direkt bis op de Chantier fuere konnten, hu mir dës mat engem 250-Tonne-Kran iwwer eng Distanz vu ronn 50 Meter vun der Strooss aus op de Chantier gehuewen.

17/04/2026

De Mario, responsabel fir d’Departement Industrie bei JANS, gëtt Iech duerch eng Presentatioun vu sengem Departement en Abléck a säin Alldag.