Signature Homes

07/01/2023

ඔබ විශ්වාසවන්ත සහ පළපුරුදු නිවාස ඉදිකිරීම් සමාගමක් සොයනවාද? තවත් බල බල ඉන්න එපා! රජයේ කොන්ත්‍රාත්කරුවෙකු ලෙස වසර 30 ක පළපුරුද්දක් ඇති අපට පාසල් ගොඩනැගිලි, නිල නිවාස සහ විශ්ව විද්‍යාල ගොඩනැගිලි ඇතුළුව උසස් තත්ත්වයේ ව්‍යුහයන් ගොඩනගා පුළුල් අත්දැකීම් ඇති අතර, අප සෑම ව්‍යාපෘතියක්ම නියමිත වේලාවට සහ ඉහළම ප්‍රමිතීන්ට අනුව නිම කිරීමට කැපවී සිටී. ඔබේ සිහින නිවහනට ජීවය ලබා දීමට අපව අදම අප හා සම්බන්ධ වන්න!🤗

🔸අමතන්න: +94702132409/ +94702519104

🔸අපගේ සේවාවන්:
✧ ගෘහ නිර්මාණ සැලසුම්කරණය (Architectural design)
✧ ව්යුහාත්මක නිර්මාණය (Structural design)
✧ ත්රිමාණ සැලසුම්කරණය (3D design)
✧ පිරිවැය ඇස්තමේන්තු කිරීම (BOQ and cost estimation)
✧ අනුමැතිය සඳහා සැලසුම් (Council drawing)
✧ නිවාස ඉදිකිරීම (Construction)

🔸අමතන්න: +94702132409/ +94702519104

(පහත: කඹුරුපිටිය කෘෂිකර්ම පීඨයේ නව නිල නිවාස ගොඩනැගිල්ල ඉදිකිරීම)

06/01/2023

හොඳ සිමෙන්ති මොනවද කියා බොහෝ දෙනෙක් මුහුණුපොතේ කලින් අහලා තියෙනවා දැක්කා . නමුත් මට ඒ ගැන කියාදෙන්න වෙලාවක් තිබුනේ නැහැ. සිමෙන්ති නිෂ්පාදනය කරන්නෙ කොහොමද කියන කාරණය නිවෙස් ඉදිකරන්නට පැහැදිලි කිරීම පලදායී නැහැ. ඒවා කියලා දෙන්න පුළුවන් රසායන විද්‍යාව හදාරලා තියෙන අයට තමයි. නැත්නම් තේරෙන්නෙ නැහැ.එනිසා බාවිතයට හොඳ සිමෙන්ති ගැන දැන ගත්තම ඇති.

අපේ රටට ප්‍රදාන වසයෙන් සිමෙන්ති ගෙන්වන්නෙ පාකිස්තානයෙන් හා ඉන්දියාවෙන්. ඉස්සර මැලේසියාවෙනුත් ගෙන්නුවා.සෑම සිමෙන්ති කොට්ටයකම සමාගම් දෙකක් සදහන් වෙනවා.
1. නිෂ්පාදන සමාගම හා නිෂ්පාදන රට
2. ගෙන්වා බෙදාහරින හෝ ඇසුරුම්කර බෙදාහරින සමාගම.

සිමෙන්ති වර්ග කීපයක් නිස්පාදනය කරනවා. අපේ ඉදිකිරීම් වලට බහුලව ගන්නෙ සාමාන්‍ය පෝට්ලන්ඩ් සිමෙන්ති නිස්පාදනයයි. සිමෙන්ති වැඩට යොදාගන්නා විට ආරම්බක සවිවීම් කාලය හා අවසන් සවිවීම් කාලය කියා දෙකක් තියෙනවා. සිමෙන්ති වල ශක්තිය වැඩිකිරීමට fly ash පොඩි ප්‍රමානයක් එකතු කරනවා . ඉන්දියාවෙ සහ පාකිස්තානයේ සමහර නිෂ්පාදකයින් තවමත් මේවා එකතුකරනවා.( fly ash කියන්නෙ ගිනිකදු පුපුරාගොස් ඒවාගෙන් පිටවී පොළොව මත තැම්පත් වූ සියුම් අලුකොටස්). අපේ රටේ එක් සමාගමක් fly ash නැති නිසා දහය්යා පිලිස්සූ අලු ඇසුරුම් කරන විට සිමෙන්ති වලට එකතු කරනු ලැබුවා මතකයි.ගිරිසීඩියා දර පුලුස්සා තාපයෙන් විදුලි උත්පාදනය කරන ගමන් එම සියුම් අලු සිමෙන්ති වලට එකතු කලා.

වැදගත්ම දේ සිමෙන්ති වල ශක්තියයි (strength).අපේ රටේ බහුලව බාවිතා වෙන්නෙ වර්ග මිලිමීටරයට නිව්ටන් 42.5 කියන ප්‍රමිතියයි.
පාකිස්තානයේ Grade 32.5, 42.5, 53, 63 ආදී වසයෙන් සිමෙන්ති නිස්පාදනය කරයි. එනිසා බොහෝවිට බාල ප්‍රමිතියේ සිමෙන්ති ගෙන්වීමේ හැකියාව වැඩිය

ඉන්දියාවේ නිෂ්පාදනය කරනු ලබන්නේ Grade 53, 63 ආදි වසයෙනුයි. ඉන්දියාවෙ පිළිගත් සිමෙන්ති සමාගම් ඊට වඩා අඩු Grade සිමෙන්ති නිපදවන්නෙ නැත. එනිසා බාල සිමෙන්ති ඉන්දියාවෙන් ගෙන්වීමට හැකියාවක් නැත.ඉන්දියාවෙන් එන සිමෙන්ති බෑග් එකේ 42.5 ලෙස සඳහන් කර සිමෙන්ති අපේ රටට ගෙනාවට බෑග් එක ඇතුලත තියෙන්නෙ Grade 53 සිමෙන්ති කුඩුයි.ඒනිසා ඉන්දියාවෙන් ගෙන්වන සිමෙන්ති ශක්තියෙන් බොහොම වැඩියි.
පාකිස්තානයේත් Grade 53:සිමෙන්ති නිපදවන DG khan, faugi වැනි සමාගම් ලංකාවට කලින් සිමෙන්ති සැපයෙව්වා. දැන් ඒක නතර වෙලා.

සිමෙන්ති කොට්ටයේ ගහලා තියෙන කොම්පැණියේ නම නොවෙයි වැදගත්. වෙළද ප්‍රචාරවලට වියදම් කරලා නම ප්‍රසිද්ද කරගන්න කාටත් පුලුවන්.වැදගත් වෙන්නෙ සිමෙන්ති කොට්ටෙ ඇතුලෙ තියෙන සිමෙන්ති කුඩුවල වල සවි ශක්තියයි. සිමෙන්ති කොට්ටෙ ආවරණය කර ඇති බෑගය ඉරා විසිකරන බවත් එයින් ඉදිකිරීමට කිසිම ප්‍රයෝජනයක් නැති බවත් වටහා ගන්න.

අපේ රටේ ප්‍රමිති ආයතනයෙන් ප්‍රමිති තත්ව ශ්‍රේණිගත කර තියෙනවා. ඒ අනුව SLS 107 ප්‍රමිතිය සෑම ඉදිකිරීමකටම යෝග්‍යයි. තවත් ප්‍රමිති හදුනවා දීලා තියෙනවා. SLS 1247. SLS 1253, SLS 515 වාගෙ. තම තමන්ට කැමැති විදියකට ඒවා බාවිතා කරන්න. අතයට මුදලට ප්‍රමිතියක් නැති සිමෙන්ති සදහා ප්‍රමිති සහතික ගන්න අපේ රටේ පුලුවන් බවත් මතක තබා ගන්න.මම ඉන්දියාවෙ සහ පාකිස්තානයේ සිමෙන්ති නිෂ්පාදන සමාගම් 46;කට ගොස් හොදින් අද්‍යනය කරලා තමයි මේවා ඉගෙන ගත්තෙ.ගොඩක් සිමෙන්ති නිෂ්පාදන සමාගම් වල අයිතිකරුවන් මගේ හොඳ මිත්‍රයෝ.

Coppied from Rathnayaka Projects Pvt. Ltd

17/12/2021

ගොඩ දෙනෙකුට තියෙන ප්‍රස්නයක් තමයි ගෙවල් හදනකොට යොදාගතයුතු සුදුසුම කම්බි වර්ග තෝරාගන්නෙ කොහොමද කියන කාරනය. කලින් සිමෙන්ති ගැන සම්පූර්ණ විස්තරයක් මම කියලා දුන්නා මතක ඇති. ඒසේම යකඩ ගැනත් නිවැරදි විස්තරයක් පලකරන ලෙස කීපදෙනෙක් මගෙන් ඉල්ලා තිබුනා. එනිසා යකඩ ගැන පැහැදිලි විස්තරයක් හැමෝගෙම යහපත උදෙසා පල කරමි.

විශේසයෙන්ම නිවාස ඉදිකිරීමේදී යකඩ බාවිතා කරන්නෙ කොන්ක්‍රීට් මහල් නිවාස තැනීමටයි. බේස් පතුල් දමා කොන්ක්‍රීට් කනු දැමීමට, ප්ලින්ත් බීම් දැමීමට , ටයි බීම් දැමීමට, ස්ලැබ් දැමීමට ප්‍රදාන වශයෙන් යකඩ බාවිතා කරයි. එනිසා යකඩවලින් වැරගැන්වූ කොන්ක්‍රීට් වලට RCC කොන්ක්‍රීට් කියා කියනු ලබයි. ( Reinforced Cement Concrete )

පොලොව අභ්‍යන්තරයෙ පස් හා මිශ්‍රිතව පවතින යකඩ කනිජය යපස් ලෙස හදුන්වයි. මෙම යපස් උනුකර යකඩ පෙරා ඉවත්කරගෙන සෘජුකොණාශ්‍ර අච්චුවලට දමා සිසිල් කිරීමේදී යකඩ දඩු වශයෙන් ඝනීබවනය වේ. මේ යකඩ දඩු බිලට් යනුවෙන් හදුන්වයි. මේවා පිරිසිදු යකඩ වෙයි. මෙම යකඩ උනුකර එයට වෙනත් මූලද්‍රවය එකතු කර විවිද යකඩ වර්ග නිපදවයි. කාබන්, ටයිටේනියම් වැනි මූලද්‍රවය තමයි වැඩිපුරම යකඩවලට එකතු කරන්නෙ. තව බොහෝ දේ මිශ්‍ර කර විවිද යකඩ තැනිය හැක. වානේ සහ සුදු යකඩ ඔබ හොඳින් දන්නා තවත් යකඩ වර්ග දෙකකි. අවස්‍යතාවයට අනුව විවිධ යකඩ නිස්පාදනය කරගැනීමට හැකියි.යපස් බහුලවශයෙන් චීනය, ඉන්දියාව, රුසියාව, එක්සත් රාජධානිය, ඇමරිකා එක්සත් ජනපදය වැනි රටවල පවතී.

නිවාස ඉදිකිරීමේදී බාවිතා කරනු ලබන්නෙ කාබන් අඩු ප්‍රතිශතයක් එකතු කර නිපදවන mild steel ( MS යකඩ) නම්‍ යකඩ වර්ගයයි .කාබන් ප්‍රතිශතය වැඩිවන විට යකඩ වල තදගතිය වැඩිවේ. එවිට යකඩ කම්බිවල ඇදෙන ගතිය අඩුවී කැඩෙන ගතිය වැඩිවේ. ඔනෑම ගොඩනැගිල්ලක් ඉදිකිරීමේදී කොන්ක්‍රීට් වලට බර දරාගන්න බැරිවනවිට යොදා ඇති කම්බි යම් ඇදීමට ලක්වීහෝ නොකැඩී තිබීම ඉතා වැදගත් කාරනයක්.එසේ වීමෙන් සිදුවන හානි අවමවේ. එසේම කම්බි නොකැඩී vibration වලට ඔරොත්තු දෙන හෙයින් mild steel ගොඩනැඟිලි ඉදිකිරීමට යොදා ගනී. යකඩ බරින් 0.05 - 0.25 අතර සුළු ප්‍රමානයක් mild steel තුල කාබන් අඩංගුවේ.එනිසා low carbon steel ලෙස හදුන්වයි. මෙම යකඩ වලින් මහල් නිවාස ඉදිකිරීමේදී බාවිතා කරන විශ්කම්බය 6 mm, 8 mm, 10 mm, 12 mm, 16 mm යනාදී විස්කම්බ වලින් සමන්විත කම්බි කුරු නිස්පාදනය කර ඇත.

තවත් සමහරු ඉහතකී බිලට් වලට පරන අබලි යකඩ 0 - 30 % දක්වා විවිද ප්‍රමානයන්ගෙන් එකතු කර උනුකර ගොඩනැඟිලි ඉදිකරන කම්බි කූරු නිපදවා ඇත. මේ යකඩ වර්ග සියල්ලම විවිද නම්වලින් වෙළදපොලේ විකිනීමට ඇත.ලාබ ඉපයීම වියාපාරිකයින්ගේ නියාය නිසා කවුරුත් වගේ අබලි යකඩ යම් යම් ප්‍රතිශත වලින් එකතුකිරීම සිදුකරනු ලබයි. එහි වරදක්ද නැත.යකඩ කම්බිකූරු වල ප්‍රමිතිය ලංකාවෙ නම් SLS 375 :2009 ට අනුවත් අනිකුත් රටවල BS 4449:2005 ට අනුවත් නිපදවේ. දෙකේම ඇත්තේ එකම ප්‍රමිතියයි.

බර වැටීමේදී යකඩ කම්බි කූරු නොකැඩී දරාගත හැකි උපරිම ශක්තියකින් යුත් කම්බි තමා හොඳම කම්බි. බර වැටීමේදී කම්බිකූරු ඇදීම මුලින්ම සිදුවේ. පසුව කැඩී යයි. කැඩීයාමට පෙර උපරිම වශයෙන් ඇදෙන සීමාකාරී අවස්තාවේ කම්බියට දරාගත හැකි උපරිම බලයට maximum tensile strength එක කියලා කියනවා.මේ බලය මනින්නෙ N/mm2 යන ඒකකයෙනි. මේ අගය 540 N/mm2 වඩා වැඩි කම්බි ඉදිකිරීම් වලට සුදුසුයි. යකඩ කම්බි කූර කැඩෙන්න පෙර කම්බියේ තිබුනු දිගට වඩා වැඩිපුර ඇදුනු ප්‍රමානය කම්බියේ මුල් දිගට සාපේක්සව ප්‍රතිශතයක් වශයෙන් ගත්විට එයට කියන්නෙ Elongation කියලා. යකඩ කම්බි කූරු කැඩෙන්න පෙර වැඩිම ප්‍රතිශතයකින් ඇදෙන කම්බි තමයි ඉතාම හොඳ. මේ ඇදෙන ප්‍රතිශතය 14% -18% අතර තියෙනවානම් ඉතා හොඳයි. ඒ වගේම වැඩිම tensile strength එක තියෙන කම්බි කූරු තමයි හොඳම කම්බි. ඔය කරුනු දෙකම සපුරාලන යකඩ කම්බි තමයි ගොඩනැගිලි හැදීමට යොදා ගන්නෙ. එසේ නැතුව Tensile strength එක වැඩිවූ පමනින් එම කම්බි සුදුසුයි කියන්නෙ යකඩ ගැන නොදන්නා අයයි. ඔන්න ඔහොමයි යකඩ කම්බිවල හොද නරක තෝරන්නෙ..

කම්බි කූරකට නොකැඩෙන සේ ඒ මත බලයක් යෙදුවම කම්බිය ඇදෙනවා.එම බලය ඉවත්කලාම නැවත කම්බිය පෙර තිබූ තත්වයටම පත්වෙනවා නම් කම්බියේ ව්‍යූහාත්මක වෙනසක් වෙලා නැහැ. රබර් පටියක් ඇදලා අත ඇරියම නැවත තිබුනු ත්ත්වයට පත්වෙනවා වගේ සිද්දියක්. එසේ කම්බිය නොකැඩී, වියූහයේ වෙනසක් නොවී උපරිම වසයෙන් කම්බිය ඇදෙන්න ලබා දියයුතු ශක්තියට කියන්නෙ yield strength කියලා. මේක මනින්නෙත් N/mm2 යන මිනුම් ඒකකයෙන්. මේකම Mpa කියන මිනුම් ඒකකයෙනුත් මනිනවා. දෙකම එකයි. එතකොට Max. tensile strength එක වැඩි අගයකුත් Max. yield strength එක අඩු අගයකුත් ගන්නා බැව් පැහැදිලි වෙන්න ඇති.

කම්බිකූරු වලට දරාගතහැකි ශක්තිය කම්බියේ සඳහන් කරයි. එය yield strength එකට අදාල බලයයි. සාමාන්‍යයෙන් ලෝකයේ විවිධ රටවල එක් එක් අවස්‍යතා මත විවිධ යකඩ නිපදවයි. ගොඩනැගිලි ඉදිකිරීමට ගන්නා Mild steel වර්ග රාශියක් ඇත. ඒවා Fe 415, 415D, 450,500, 500 D, 550, 550D, 600 ආදී වශයෙන් වේ. එනම් yield stress එක (415 - 600) N/mm2 අතර පවතින යකඩ කම්බි රාශියක් නිපදවනු ලබයි.

වෙළඳපොලේ යකඩ කූරු වර්ග කීපයක් පවතී. ඒවා TMT, QST, CTD, CRS, TMX, HYSD ආදී වශයෙන් හදුන්වයි.. අපේ රටේ දැන් බාවිතා වන්නේ TMT- 500 සහ QST-500 යන වර්ග දෙකයි. CTD (tor steel) ඉස්සර බාවිතා කලා, දැන් බාවිතයේ නැහැ.

එතකොට TMT - 500 කියන්නෙ yield strength එක 500 N/mm2 කියන එකයි. TMT - කියන්නෙ යකඩ නිෂ්පාදන ක්‍රියාවලියක්. Thermo Mechanical Treatment කියන නිෂ්පාදන ක්‍රියාවලියයි.

QST -500 කියන්නෙ yield strength එක 500 N/mm2 කියන එකයි. QST කියන්නෙ Quench & Self Tempered කියන එකයි. ඒක නිෂ්පාදන ක්‍රියාවලියයි.

Fe 500 TMT rebar කියා හෝ Fe 500 QST rebar කියා කම්බිකූරුවල සදහන් කර තිබෙනවා ඔබ දැක ඇත. ඊට අමතරව නිෂ්පාදකයාගේ Brand Name එක සදහන් කර ඇත. (Lanwa, Melwa, Melbn, GTB, SR, CN, Gjaba, BSI ආදී වශයෙන්. ) දැන් යකඩවල ලියා ඇති වැකි ගැන ඔබට වැටහෙනු ඇතැයි මම විස්වාස කරමි. තව බොහෝ දේවල් කියාදීමට ඇති නමුත් ඒ සියල්ල ඔබට වැදගත් නැත. Hot rolled steel bar සහ Cold rolled steel bar යන නිෂ්පාදන ක්‍රියාවලි වැදගත් වෙයි. නමුත් ඒ දෙක අතර ඇත්තේ tensile strength එකේ සහ Elongation එකේ වෙනස්කම් දෙකකි. ඉහතකී ප්‍රමිතීන්ට අනුකූලව නිපදවා ඇති යකඩ ඔනෑම වර්ගයක් ඉදිකිරීම්වලට සුදුසුයි. යකඩ කූරු කැබැල්ලක් රැගෙන tensile strength පරීක්සාව සිදුකරලා බලාගන්න පුලුවන් කම්බිකූරේ ගහලා තියෙන ශක්තිය තියෙනවද කියලා. ඉතාම සරල පරීක්ෂණයක් ඒක. දැන් ඉතින් යකඩ තෝරාගැනීමේ ප්‍රස්නයට නිසි පිලිතුරු ඔබට ලැබෙන්න ඇතිකියා මම විස්වාස කරමි.එනිසා විසයකරුනු ගැන නිසි දැනුමක් නැතිව නිවාස ඉදිකිරීම් group හරහා ජනතාවට වැරදි උපදෙස් දෙන උපදේශකලාගෙන් ආරක්ෂාවීම ඔබ සතු වගකීමකි.

From Anura Rathnayaka

25/11/2021

ගෙදරකට Structural Design එකක් කරන එක පාඩුයිද?

ඔබ නිවසක් හදනකොට අනුගමනය කරන සාමාන්‍ය ක්‍රමය තමයි නිවාස සැලසුම සකස් කරගත්තාට පසුව බාසුන්නැහේ කියන විදියට කම්බි යොදාගෙන Column base, Column, beam, slab වගේ ඉදිකිරීම් අංග නිම කරන එක.

එතනදි ඒ බාසුන්නැහේගේ අත්දැකීම්, ක්ශේතයේ පළපුරුද්ද සහ තවත් බොහොමයක් කාරණා එක්ක යොදන කම්බි ප්‍රමාණ අඩු වැඩි වෙනවා. නමුත් බොහෝ විට වැඩි වීම තමයි වෙන්නෙ. මොකද ආරක්ශාවට කියලා වැඩිපුර කම්බි භාවිතා කිරීම නිසා. සමහර වෙලාවට අඩුවෙන් කම්බි දාලා ගැටළු ඇතිවෙන අවස්ථාත් නැතුව නෙවෙයි. බොහෝ වෙලාවට යොදාගන්නෙ එකම ප්‍රමාණයේ Column bases, Column සහ beam.

එතනදි බොහෝ වෙලාවට ඉදිකිරීම තුල අඩු වැඩි වශයෙන් බර යෙදෙන ආකාරය පිළිබඳ නිසි අධ්‍යනයක් නැහැ. ඒ නිසා බොහෝ වෙලාවට ප්‍රායෝගිකව යම් ආකාරයක අනවශ්‍ය ලෙස වැඩිපුර කම්බි භාවිතයක් සිද්ධ වෙනවා.

එතකොට Structural Design එකකදි වෙන්නෙ ඕකම නෙවෙයිද?

නෑ. එතනදි වරලත් ඉංජිනේරුවෙක් විසින් ඔබගේ ඉදිකිරීම් භූමිය පරීක්ෂා කරලා පසේ ස්වභාවය, ඔබගේ සැලසුමේ ස්වභාවය, එහි භාවිතයේ ස්වභාවය, යෙදෙන බර ප්‍රමාණ වගේ සාධක බොහොමයක් එක්ක ඔබේ නිවසේ තියෙන එක් එක් ව්‍යූහාත්මක අංග වෙන වෙනම Design කරනවා. එතනදි වෙන වෙනම සෑම අංගයක්ම පරීක්ශා වෙන නිසා මම අර කියපු අනවශ්‍ය විදියට සිදුවන කම්බි, කොන්ක්‍රීට් අපතේ යාම සිදුවෙන්නෙ නෑ.

නමුත් බොහොමයක් දෙනා මේ වගේ Structural Designs කරන එක මුදල් අපතේ යාමක් විදියට තමයි දකින්නේ. සාමාන්‍යෙන් තට්ටු දෙකේ නිවසකට ආසන්න වශ‍යෙන් රුපියල් 50,000.00 වගේ මුදලක් මේ සඳහා වැයවෙනවා. හැබැයි ඔබ නොදැනුවත්වම මේ මුදල හෝ ඉට වඩා වැඩි මුදලක් මේ මගින් ඉතුරු කරගන්න පුළුවන්,

මේ Photo එකේ තියෙන්නෙ අද දවස වෙද්දි කම්බි කිලෝ එකක මිළ. ඔබ තට්ටු දෙකක නිවසක් හදනවානම් අවමය කම්බි ටොන් දෙකකට එහා ප්‍රමාණයක් ඒ කියන්නෙ කිලෝ දෙදහසකට වඩා වැඩි ප්‍රමාණයක් ඕනෙ වෙනවා. Structural Design එකකින් ඔබේ නිවසට යොදන කම්බි වලින් විතරක් අවම වශයෙන් කිලෝ දෙසීයකට වඩා ඉතුරු කරගන්න පුළුවන්. මොකද ආරක්ශාව ගැන අනවශ්‍ය බර තැබීමක් සිද්ධ නොකරන නිසා.

නිකමට ඔබේ ඉතුරුව ගණනය කලොත් ආසන්නව ඔබට රුපියල් 47880.00 ක අවම ඉතුරුවක් ලබාගන්න පුලුවන්. ඊට අමතරව ඔබේ නිවසේ සවි ශක්තිය පිළිබඳ සහතිකයක් ඔබට එමගින් ලැබෙනවා. ඒ නිසා මම හිතනවා පුළුවන් හැමෝම ජීවිත කාලයක් ඉන්න තනන නිවසට වරලත් ඉංජිනේරු මහතෙකු ලවා Structural Design එකක් එකක් කරගන්න උත්සාහා කරන එක පාඩුවක් නෙවෙයි කියලා. මොකද මේක අමතර වියදමක් කියලා පැත්තකට දාලා වැරදි උපදෙස් පස්සෙ ගිහින් අවසානයේ ගෙවල් හැදිල්ල කරුමයක් කරගත්තු මිනිස්සු ඕනතරම් මම දැකළා තියෙනවා 😔.

Copied: Ishan Jayawardana

24/11/2021

08/11/2021

ඉඩමක් මිලදී ගැනීමට පෙර සොයා බැලිය යුතු වැදගත්ම ලේඛන 10 ක්
-------------------------------------------------------------------------------

අද සමාජයේ බොහෝ කූට ක්‍රම මගින් ඉඩමට සැබෑ ලෙසම අයිතියක් නොමැති පුද්ගලයන් සැබෑ අයිතිකරුවන් ලෙස පෙනී සිටිමින් ඉඩම් විකුණනු ලබයි. ඒ නිසා ඔබ ඉඩමක් මිළදී ගැනීමේදී ඉඩමේ වර්තමාන අයිතිකරුගේ අයිතිය තහවුරු කර ගත යුතුය. ඒ සඳහා ඔබ වත්මන් අයිතිකරුගෙන් මෙම ලේඛන ලබා ගත යුතුය.

01. වත්මන් අයිතිකරුට ඉඩමේ අයිතිය ලැබුණු ඔප්පුවේ (Title Deed) පිටපතක්

02. එම ඔප්පුවට කලින් ලියන ලද වෙනත් ඔප්පු තිබේ නම් ඒවාවල පිටපත්

03. ඉඩමේ (අනුමත) මිනින්දෝරු සැලැස්මේ (Survey Plan) පිටපතක්

04. නිවසක් හෝ ගොඩනැගිල්ලක් ඇත්නම් එයට අදාළ (අනුමත) ගොඩනැගිලි සැලැස්මේ (Building Plan) පිටපතක්

05. පළාත් පාලන ආයතනය විසින් ලබා දෙන ලද අනුකූලතා සහතිකයේ (Certificate of Conformity) පිටපතක්

06. පළාත් පාලන ආයතනය විසින් ලබා දෙන ලද නොපවරා ගැනීමේ සහතිකයේ (Non-vesting Certificate) පිටපතක්

07. වත්මන් අයිතිකරුගේ වලංගු ජාතික හැඳුනුම්පතේ (NIC) පිටපතක්

08. පළාත් පාලන ආයතනය විසින් ලබා දෙන වීදි රේඛා සහතිකයේ (Street Line Certificate) පිටපතක්

09. පළාත් පාලන ආයතනය විසින් ලබා දෙන ලද ගොඩනැගිලි රේඛා සහතිකයේ (Building Line Certificate) පිටපතක්

10. ඉඩමට අදාළව වරිපනම් බදු ගෙවීම සනාථ කරන පළාත් පාලන ආයතනය විසින් ලබා දෙන ලද රිසිට් පත්

මෙම ලේඛන ඔබගේ නීතිඥවරයාට ලබා දුන් පසු ඔහු හෝ ඇය විසින් ඉඩම් ලියාපදිංචි කිරීමේ කාර්යාලයේ හිමිකම් පරික්ෂාවක් සිදු කර, ඔබ විසින් ලබා දෙන ලද ලේඛන පරික්ෂා කර බලා ඉඩම මිළදී ගැනීමට සුදුසුද යන්න පිළිබඳව ඔබ වෙත උපදෙස් ලබා දෙනු ඇත.

Credits go to the original creators

31/10/2021

📌 ඊලග පාර හාඩ්වෙයාර් එකට ගිහින් සිමෙන්ති ගන්න කොට මේක කියවලා දැනුවත් වෙලා යන්න👷🏽‍♂️🛠️
107 සිමෙන්ති ද 1247 සිමෙන්ති ද 1253 සිමෙන්තිද ?

අද අපි සිමෙන්ති ගැන කතා කරමු. විවිධ වෙළඳනාමයන්ගෙන් යුතු සිමෙන්ති වෙළඳ පොළේ දක්නට ලැබෙනවා. උදාහරණ විදිහට හොල්සිම්,සංස්ථා ,ටෝකියෝ සුපර්,අල්ට්‍රාටෙක්,අම්බුජා. මේ බ්‍රෑන්ඩ් නේම් එක .ඒ කියන්නේ සිමෙන්ති නිෂ්පාදිත සමාගමේන් දීපු නම.
කොහොම උනත් සිමෙන්ති කොට්ටයක ගහපු විස්තර හොඳින් බැලුවොත් ඔයාලට හොයා ගන්න පුළුවන් 1247 හෝ 107 හෝ 1253 කියන නොම්මර .

ඔය 107,1247,1253 නොම්මර වලින් කියන්නේ SLS Standrad එකක් .වෙනත් වචන වලින් කියනවා නම් ලංකාවේ ප්‍රමිති ආයතනය සිමෙන්ති සඳහා දුන් ප්‍රමිති සහතිකයට අනුකූලව නිපදවලා තියෙනවා කියලා තමා ඕකෙන් කියන්නේ .

මොකක්ද ඔය 1247 ,107 සහ 1253 කියන්නේ.කොන්ක්‍රිට් එකට වැඩිය හොඳ ඔය තුනෙන් මොකක්ද? බැම්මට සහ කපරාරුවට වැඩිය හොඳ මොකක්ද කියලා සමහරුන්ට ප්‍රශ්නයක් තියෙනවා.ඒ වගේම නොදැනුවත් කම නිසා සිදුවෙන වැරදීම් වගයකුත් තියෙනවා.

මුලින් අපි බලමු 107 සිමෙන්ති කියන්නේ මොකක්ද කියලා.107 සිමෙන්ති කියන්නේ සාමාන්‍ය පොට්ලන්ඩ් සිමෙන්ති.සරලව කියනවා නම් අමතර මුකුත් කලවම් නැති පරණ තාලේට හදපු සිමෙන්ති.එතකොට 1247 කියන්නේ මොකක්ද? ඒ තමා Flyash මිශ්‍ර කරපු සිමෙන්ති . Flyash කියන්නේ මොනවද කියලා වෙනම කියන්නම්. 1253 එන්නේ හුණුගල් මිශ්‍ර කරපු සිමෙන්ති

ගෙවල්වල දාන පොඩි පොඩි කොන්ක්‍රිට් සදහා ඔය 107,1247 සිමෙන්ති දෙකම ඉතාම හොඳයි.ඔය දෙකේ වෙනස ගෙයකට දාන පොඩි කොන්ක්‍රිට් එකකදී නොසැලකිය හැකිතරම් කුඩායි.ඒ නිසා ගෙදරකට ඔය මොන නොම්මරේ සිමෙන්ති භාවිත කරලා කොන්ක්‍රිට් දැම්මත් එකයි.හැබැයි ඔබට කොන්ක්‍රිට් එකට හොඳම එක ඕනේ නම් 1247 තමා වැඩියෙන්ම හොඳ .තවත් එකක් මතක තියා ගන්න 1247 සිමෙන්තිය රුපියල් 70ක් විතර වැඩියි, 107 ට වඩා.

එහෙම නම් මොනවද මේ සිමෙන්ති වල වෙනස්කම්.1247 නොම්මරෙන් එන සිමෙන්ති ගත්තොත් ඒකට 107 ට වඩා සුවිශේෂී ලක්ෂණ කිහිපයක් තියෙනවා. ඒ අමතරව කලවම් කරලා තියෙන අමුද්‍රව්‍ය නිසා .එකක් තමයි මේ සිමෙන්තියේ තියෙන මලකෑමට ප්‍රතිවිරෝධී ලක්ෂණය. ඒ නිසා මේ සිමෙන්තිය පාලම්, මුහුද කිට්ටුව ඉදිකිරීම් ,පොළව යට ඉදිකිරීම් වලට හොඳ යි .ඒ වගේම විශාල කොන්ක්‍රිට් වියුහ වලදීත් යොදා ගන්න පුළුවන් .මොකද මේ සිමෙන්තියෙන් වෙන තාප විමෝචනය ගොඩක් අඩුයි .
උදාහරණයක් විදියට පිලිකා රෝගීන්ට විකිරණ ඇල්ලීමට හදපු කොන්ක්‍රිට් බන්කර් ගැන කියන්න පුළුවන් .මොකද ලංකාව පුරාම ඔය ඉදිකිරීම් වලට මං සම්බන්ධ වුනා .මේ කොන්ක්‍රිට් බංකර් වල බිත්ති අඩි 10 විතර පළලයි ඒ වගේම ස්ලැබ් එක අඩි 8 විතර ඝනකමයි.ඒ වගේ එකකදී අපි පාවිච්චි කරන්නේ flyash 20- 25% අතර තියෙන ඔය සිමෙන්තිය.මේ සිමෙන්තියේ තාප විමෝචනය අඩු නිසා කොන්ක්‍රිට් එක පුපුරන්නේ නෑ.එහෙම පිපුරුම් ඇති උනොත් විකිරණ කාන්දුවීමක් වෙන්න පුලුවන් නිසා ඉතාම උසස් තත්ව පාලනයන් යටතේ තමා මේ කොන්ක්‍රිට් වෙන්නේ. පල්ලෙහා මම ඇතුලත් කරපු පිංතූරයක ඇති තාප විමෝචනය සම්බන්දයෙන් ඔය කොන්ක්‍රිට් එකක කරපු උශ්නත්වය නිරීක්ශන කීපයකුත් .මම හිතන්නේ තාක්ෂණික කරුණු ගැන ගැඹුරට යන්න ඕනේ නෑ. උනන්දුවක් තියෙන කෙනෙක් ඉන්නවා නම් වැඩි දුර විස්තර කියලා දෙන්න පුලුවන්.

ඉතින් ඔබට ප්‍රශ්නයක් තියෙනව නම් කොන්ක්‍රිට් එකට වඩා සුදුසු මොන සිමෙන්ති ද කියලා වඩා සුදුසු 1247.හැබැයි 107 පාවිච්චි කරා කියලා ගෙදරක කොන්ක්‍රිට් එකකට කිසිම අවාසියක් වෙන්නේ නෑ.මොකද කොන්ක්‍රිට් ප්‍රමාණයන් පොඩි නිසා .

ඒ වගේම මතක තියා ගන්න 1253 එන හුණුගල් මිශ්‍ර සිමෙන්තිය කොන්ක්‍රිට් වලට හොදම සිමෙන්තිය නෙමේ .හැබැයි ඒ කියන්නේ කොන්ක්‍රිට් වලට සුදුසු නෑ කියන එක නෙමේ.

ඒකට අමතරව එකතු කරලා තියෙනවා හුණුගල් (Lime Stone).ඒක වැඩියම සුදුසු කපරාරුවට සහ බැම්මට. කොන්ක්‍රිට් එක හැකිලිලා (Shirnk) පොඩි පිපිරීම් ඇති වෙන්න පුලුවන් මේ සිමෙන්තියෙන් කරන කොන්ක්‍රිට් එකට වතුර වැඩි උනොත්.මේ සිමෙන්තිය අඩු වතුර ප්‍රමාණයකින් අනාගන්න පුලුවන් නම් කොන්ක්‍රිට් එකට ප්‍රශ්නයක් නෑ.හැබැයි ඒක හරියට වෙන්නේ නැති නිසා 107 හරි 1247 හරි ගෙවල් වල කොන්ක්‍රිට් යන්න පුලුවන් නම් වැඩිය හොදයි.

කොන්ක්‍රිට් කියන්නේ ජලය ඇරුනාම මිනිස්සු වැඩිපුරම පාවිච්ච් කරන ද්‍රවයයක්.ඒ නිසා ඒකට අවශ්‍ය සිමෙන්ති නිශ්පාදනයේදී ලොකු පරිසර හානියක් වෙනවා.සිමෙන්ති නිශ්පාදනයේදී සිදුවන carbon footprint එක ගොඩක් වැඩියි.සිමෙන්ති අතරින් ටිකක් හෝ පරිසර හිතකාමී වෙන්නේ 1247 සහ 1253 නොම්මර වලින් එන සිමෙන්ති කියලා කියන්නත් ඔනේ.

ඉතින් ඊලග පාර හාඩ්වෙයාර් එකට ගිහින් සිමෙන්ති ගන්න කොට මේක කියවලා දැනුවත් වෙලා යන්න.එතකොට වැරදීම් සහ නොදන්නා මිනිස්සුන්ගේ බොරු කතාවලට ඇහුම්කන්න දෙන්න ඔනේ නෑ.

කතෘ හා ගෞරවය : ප්‍රශාන් ලියනගම ( සිවිල් ඉංජිනේරු )

07/10/2021

05/10/2021

1. මොනවාද මෙ වැලි ?

රටේ සංවර්ධනය සමඟ දිනෙන් දින ඉහල යන ගංඟා වැලි (River sand) අවශ්‍යයතාවය නිසා පරිසරයට සිදු වන හානිය වැඩි වෙමින් පවති. මේ සඳහා අප විකල්ප සෙවිය යුතුයි .අපේ රටේ Concrete සඳහා සාම්ප්‍රදායිකව ගංඟා වැලි භාවිත කලත් , ඊට ආදේශකයන් වශයෙන් ගල් කුඩු ,පස් සේදීමෙන් ලබා ගන්නා Washed sand සහ කර්මාන්ත ශාලා වැලි( Manufactured sand ) , සෝදා ගත් මුහුදු වැලි භාවිත කල හැක. එය කුමන වර්ගයක් වුවත් අංශු වල විශාලත්වය 4.75 mm අඩු විය යුතුය.මෙවා පිරිසිදු රොන් මඩ නැති වියලි කොල මුල් රොඩු තොර ඒවා විය යුතුය.

2. ගල් කුඩු සහ Manufactured sand

ගල් කුඩු (Quarry Dust)
කලු ගල් නිෂ්පාදනයේ අතුරු ප්‍රතිඵලයක් වන ගල් කුඩු මේවායේ කුඩා අංශු (micro fines) වැඩි ප්‍රමාණයක් අති අතර මෙය 100% ම Concrete සදහා සුදුසු නොවන්නේ කල් පැවත්ම (Durability ) ඉරි තැලීම් (Cracks) වලට වැඩි ඉඩ කඩක් ඇති නිසාය .

කර්මාන්ත ශාලා වැලි (M sand)
කර්මාන්තශාලා තුල කලු ගල් ඇබරිමෙන් අවශ්‍යය තත්වයන් පරික්ශා කර බලා නිපදවන වැලි වන අතර එහි කුඩා අංශු ප්‍රමාණය ගල් කුඩු වලට සාපේක්ෂව අඩු අතර අංශු වල ඒකාකාර හැඩයක් ඇති නිසා වල ගුණාත්මක බව ඉහල වේ ( 0.150 mm passing less than 15% as per the BS 812 )

3. වාසිදායක මොන වැලි ද ?
ගංඟා වැලි (River sand) ක්යුබයක් සදහා අවම වශයෙන් රු 14500 වන අතර කර්මාන්තශාලා වැලි (M sand ) ක්යුබයක් සදහා අවම වශයෙන් රු 9500 ක් වන අතර ගල් කුඩු (Quarry dust) සදහා රු 7000 ක් පමන වේ. (The rate may be changed )

කර්මාන්තශාලා වැලි (M sand) වලින් කල අපේ රටේ ඉදිකිරීම් .
ගෝල් ෆේස් ඉදිරිපිට ඇති සියලුම දැවැන්ත ගොඩනැගිලි සහා Altair building project හොදම උදාහරන වේ.
(Altair , ITC project , Shangri la hotelel etc.. )

04/10/2021

සිමෙන්ති ගැන....

"ඇයි සංස්ථා සිමෙන්ති කොන්ක්‍රීට් වලට අවුල්? , හාඩ්වෙයාර් එකෙන් කිව්වෙ සංස්ථා තමා හොදම එක කියලා..බාසුන්නැහෙත් ඒකම කිව්වා..ඔයා ඇයි ඔහොම කියන්නෙ?" කියලා කෙනෙක්ට අහන්න පුළුවන්.

මේකයි, ලංකාවෙ වෙළඳපොලේ ප්‍රධාන වශයෙන් සිමෙන්ති වර්ග තුනක් තියෙනවා. ඒ SLS 107 සිමෙන්ති, SLS 1247 සිමෙන්ති සහ SLS 1253 සිමෙන්ති විදියට.

ඕකෙන් SLS 1247 සහ SLS 107 සිමෙන්ති තමා කොන්ක්‍රීට් වලට හොද SLS 1253 සිමෙන්ති කොන්ක්‍රීට් වලට සුදුසු නෑ.

107 සිමෙන්ති ද 1247 සිමෙන්ති ද වඩාත් හොද?

107 සිමෙන්ති කියන්නෙ සාමාන්‍ය පෝට්ලන්ඩ් සිමෙන්ති, SLS 1247 න් එන්නෙ flyash මිශ්‍ර කරපු සිමෙන්ති . (සංයෝග කරන ලද ද්‍රාව සිමෙන්ති කියලා ගහලා තියෙනවා ලොකුවට)
ගෙවල් වගේ හදද්දි මේ දෙකෙන් කෝක පාවිච්චි කලත් වෙනසක් නෑ, ඒත් හොදම එක නම් 1247. ඔයා ලොකු පාලම් වගේ ඒවට භාවිතා කරන්නෙ SLS 1247 සිමෙන්ති.
මේ SLS 1247 සිමෙන්ති වල විශේෂ ලක්ෂණ කීපයක් තියෙනවා ඒ තමා මේකෙ තාප විමෝචනය ගොඩක් අඩුයි,ඒ නිසා පුපුරන්නෙ නෑ. ඒ වගේම මළකෑමට ප්‍රතිරෝධීයි.
ඒ වගේ දේවල් නිසා මේ SLS 1247 සිමෙන්තිය තමා හොදම එක වෙන්නෙ කොන්ක්‍රීට් වලට.
හැබැයි කලින් කිව්වා වගේ නිවසක වගේ පොඩි කොන්ක්‍රීට් වැඩ වලදි මේ දෙකෙන් කෝක පාවිච්චි කලත් වෙනසක් නැති තරම්.

ඇයි SLS 1253 සිමෙන්ති කොන්ක්‍රීට් වලට නොසුදුසු වෙන්නෙ?

මොකද 1253න් එන්නෙ හුණගල් මිශ්‍ර සිමෙන්ති.
මේක කොන්ක්‍රීට් වලට සුදුසු නැතිවෙන්නෙ අමතරව එකතු කරල තියෙන හුණු (Lime) නිසා.
ඒක සුදුසු බිත්ති බදින්න සහ කපරාරුවට, මොකද මේ සිමෙන්ති හොදට ඇලෙනවා.

මේකෙන් කොන්ක්‍රීට් දැම්මොත්, කොන්ක්‍රිට් එක හැකිලිලා (Shirnk) පොඩි පිපිරීම් උනත් ඇති වෙන්න පුලුවන් අමතරව මිශ්‍ර කරලා තියෙන Lime නිසා.

දැන් දන්නවනෙ මේවගෙ වෙනස්කම්.
ඉතින් ආයෙ කොන්ක්‍රීට් වලට සිමෙන්ති ගද්දි SLS 1247 සහ SLS 107 සිමෙන්ති ගන්න.

හාඩ්වෙයාර් එකේ මුදලාලි මොනා කිව්වත්, බාසුන්නැහැ මොනා කිව්වත් ඒ අයටත් මේක කියලා හරි සිමෙන්තිය තෝරගන්න.

//පොඩි පොඩි ලින්ටල් දාන ඒවට වගේ නම් ඉතින් මොන සිමෙන්තියෙන් කොන්ක්‍රීට් දැම්මත් ඒකෙ අවුලක් නෑ. ස්ලැබ් වලදි තමා ඔය වෙනස හොදින්ම තේරෙන්නෙ. //

**මෙතන මේ මං වැඩියෙන්ම අදහස් කරන්නෙ ස්ලැබ් වලට 1253 සිමෙන්ති සුදුසුම නෑ කියන එක.

Copied from Yamil Thisara

24/08/2021

❤️ K I T C H E N I N T E R I O R D E S I G N ❤️
Completed design for kitchen remodeling project
Location: Australia
Contact us for your kitchen remodeling/ renovation projects
Email: [email protected]
TP: +94 70 213 2409