20/07/2025
සිමෙන්ති වල SLS අංකයෙන් සිදුවන වෙනස 🔰
විවිධ වෙළඳනාමයන්ගෙන් යුතු සිමෙන්ති වෙළඳ පොළේ දක්නට ලැබෙනවා. උදාහරණ විදිහට සංස්ථා, ටෝකියෝ සුපර්, අල්ට්රාටෙක්, නිපෝන්, අම්බුජා, මැස්කන්, සවිරු, සමුද්රා, පවර්ටෙක්, මෙරීන්, ලංවා, ඇට්ලස්, සුමත්රා, සිංහ වගේ. මේ සිමෙන්ති වල Brand Name එක .ඒ කියන්නේ සිමෙන්ති නිෂ්පාදිත සමාගමේන් දීපු නම.
කොහොම උනත් සිමෙන්ති කොට්ටයක ගහපු විස්තර හොඳින් බැලුවොත් ඔයාලට හොයා ගන්න පුළුවන් ❇️SLS1247, ❇️SLS107, ❇️SLS1697, ❇️SLS515, ❇️SLS1253 කියන නොම්මර.
ඔය SLS 107,1247,1253,1697,515 නොම්මර වලින් කියන්නේ SLS Standrad එකක් .වෙනත් වචන වලින් කියනවා නම් ලංකාවේ ප්රමිති ආයතනය සිමෙන්ති සඳහා දුන් ප්රමිති සහතිකයට අනුකූලව නිපදවලා තියෙනවා කියලා තමා ඕකෙන් කියන්නේ.
මොකක්ද ඔය 1247, 1247, 515, 1697 සහ 1253 කියන්නේ.කොන්ක්රිට් එකට වැඩිය හොඳ මොකක්ද? බැම්මට සහ කපරාරුවට වැඩිය හොඳ මොකක්ද කියලා සමහරුන්ට ප්රශ්නයක් තියෙනවා.ඒ වගේම නොදැනුවත් කම නිසා සිදුවෙන වැරදීම් වගයකුත් තියෙනවා.
මුලින් අපි බලමු 107 සිමෙන්ති කියන්නේ මොකක්ද කියලා. 107 සිමෙන්ති කියන්නේ සාමාන්ය පොට්ලන්ඩ් සිමෙන්ති.සරලව කියනවා නම් අමතර මුකුත් කලවම් නැති පරණ තාලේට හදපු සිමෙන්ති.එතකොට 1247 කියන්නේ මොකක්ද? ඒ තමා Flyash මිශ්ර කරපු සිමෙන්ති . Flyash කියන්නේ මොනවද කියලා වෙනම කියන්නම්. 1253 / 1697 එන්නේ හුණුගල් මිශ්ර කරපු සිමෙන්ති
ගෙවල්වල දාන පොඩි පොඩි කොන්ක්රිට් සදහා ඔය 107 / 1247 සිමෙන්ති දෙකම ඉතාම හොඳයි.ඔය දෙකේ වෙනස ගෙයකට දාන පොඩි කොන්ක්රිට් එකකදී නොසැලකිය හැකිතරම් කුඩායි. ඒ නිසා ගෙදරකට ඔය මොන නොම්මරේ සිමෙන්ති භාවිත කරලා කොන්ක්රිට් දැම්මත් එකයි. හැබැයි ඔබට කොන්ක්රිට් එකට හොඳම එක ඕනේ නම් 1247 තමා වැඩියෙන්ම හොඳ.
එහෙම නම් මොනවද මේ සිමෙන්ති වල වෙනස්කම්. 1247 නොම්මරෙන් එන සිමෙන්ති ගත්තොත් ඒකට 107 ට වඩා සුවිශේෂී ලක්ෂණ කිහිපයක් තියෙනවා. ඒ අමතරව කලවම් කරලා තියෙන අමුද්රව්ය නිසා .එකක් තමයි මේ සිමෙන්තියේ තියෙන මලකෑමට ප්රතිවිරෝධී ලක්ෂණය. ඒ නිසා මේ සිමෙන්තිය පාලම්, මුහුද කිට්ටුව ඉදිකිරීම් ,පොළව යට ඉදිකිරීම් වලට හොඳයි. ඒ වගේම විශාල කොන්ක්රිට් වියුහ වලදීත් යොදා ගන්න පුළුවන්. මොකද මේ සිමෙන්තියෙන් වෙන තාප විමෝචනය ගොඩක් අඩුයි.
උදාහරණයක් විදියට පිලිකා රෝගීන්ට විකිරණ ඇල්ලීමට හදපු කොන්ක්රිට් බන්කර් ගැන කියන්න පුළුවන් .මොකද ලංකාව පුරාම ඔය ඉදිකිරීම් වලට මං සම්බන්ධ වුනා .මේ කොන්ක්රිට් බංකර් වල බිත්ති අඩි 10 විතර පළලයි ඒ වගේම ස්ලැබ් එක අඩි 8 විතර ඝනකමයි.ඒ වගේ එකකදී අපි පාවිච්චි කරන්නේ flyash 20- 25% අතර තියෙන ඔය සිමෙන්තිය.මේ සිමෙන්තියේ තාප විමෝචනය අඩු නිසා කොන්ක්රිට් එක පුපුරන්නේ නෑ.එහෙම පිපුරුම් ඇති උනොත් විකිරණ කාන්දුවීමක් වෙන්න පුලුවන් නිසා ඉතාම උසස් තත්ව පාලනයන් යටතේ තමා මේ කොන්ක්රිට් වෙන්නේ. පල්ලෙහා මම ඇතුලත් කරපු පිංතූරයක ඇති තාප විමෝචනය සම්බන්දයෙන් ඔය කොන්ක්රිට් එකක කරපු උශ්නත්වය නිරීක්ශන කීපයකුත් .මම හිතන්නේ තාක්ෂණික කරුණු ගැන ගැඹුරට යන්න ඕනේ නෑ. උනන්දුවක් තියෙන කෙනෙක් ඉන්නවා නම් වැඩි දුර විස්තර කියලා දෙන්න පුලුවන්.
ඉතින් ඔබට ප්රශ්නයක් තියෙනව නම් කොන්ක්රිට් එකට වඩා සුදුසු මොන සිමෙන්ති ද කියලා වඩා සුදුසු 1247. හැබැයි 107 පාවිච්චි කරා කියලා ගෙදරක කොන්ක්රිට් එකකට කිසිම අවාසියක් වෙන්නේ නෑ. මොකද කොන්ක්රිට් ප්රමාණයන් පොඩි නිසා.
ඒ වගේම මතක තියා ගන්න 1253 / 1697 එන හුණුගල් මිශ්ර සිමෙන්තිය කොන්ක්රිට් වලට හොදම සිමෙන්තිය නෙමේ .හැබැයි ඒ කියන්නේ කොන්ක්රිට් වලට සුදුසු නෑ කියන එක නෙවෙයි.
ඒකට අමතරව එකතු කරලා තියෙනවා හුණුගල් (Lime Stone).ඒක වැඩියම සුදුසු කපරාරුවට සහ බැම්මට. කොන්ක්රිට් එක හැකිලිලා (Shirnk) පොඩි පිපිරීම් ඇති වෙන්න පුලුවන් මේ සිමෙන්තියෙන් කරන කොන්ක්රිට් එකට වතුර වැඩි උනොත්.මේ සිමෙන්තිය අඩු වතුර ප්රමාණයකින් අනාගන්න පුලුවන් නම් කොන්ක්රිට් එකට ප්රශ්නයක් නෑ.හැබැයි ඒක හරියට වෙන්නේ නැති නිසා 107 හරි 1247 හරි ගෙවල් වල කොන්ක්රිට් යන්න පුලුවන් නම් වැඩිය හොදයි.
515 යනු ශ්රී ලංකා ප්රමිති තත්වයන්ට අනුව පෙදරේරු සිමෙන්තිවල සංයුතිය සහ ගුණාංග සඳහා වන අවශ්යතා වලට වඩාත් හිතකර ගඩොල් කැපීම සහ කපරාරු කිරීම වැනි පෙදරේරු වැඩ සඳහා විශේෂයෙන් සකස් කරන ලද සිමෙන්ති වර්ගයකි. SLS 515 ට අනුව පෙදරේරු සිමෙන්තිවල ප්රධාන අමුද්රව්ය අතරට පෝට්ලන්ඩ් සිමෙන්ති, හයිඩ්රේටඩ් දෙහි සහ ක්රියාකාරීත්වය සහ ශක්තිය වැඩි දියුණු කිරීම සඳහා වෙන අමුද්යවය ඇතුළත් කර ඇත.
කොන්ක්රිට් කියන්නේ ජලය ඇරුනාම මිනිස්සු වැඩිපුරම පාවිච්ච් කරන ද්රවයයක්. ඒ නිසා ඒකට අවශ්ය සිමෙන්ති නිශ්පාදනයේදී ලොකු පරිසර හානියක් වෙනවා. සිමෙන්ති නිශ්පාදනයේදී සිදුවන carbon footprint එක ගොඩක් වැඩියි.සිමෙන්ති අතරින් ටිකක් හෝ පරිසර හිතකාමී වෙන්නේ 1247 1697 සහ 1253 නොම්මර වලින් එන සිමෙන්ති කියලා කියන්නත් ඕනි
Copy
