20/10/2024
هون بطفولتي غزَلت ضحكات
طارِت فوق السّطوح والزّهور..
هون حوَّلتا النّسمة لَنغمات
غلِّت عَالهدا بصَمت مهجور...
هون بشَبابي كتبت أماني
ربَطتا بِحبال مدندِلا القمر..
هون مرجَحا هوا إيّامي
وعطَّر ليلي بزَهر الشّجر...
هون بريشتي رسمت أحلام
عَغيم بيِسهر ما بينام..
هون بلَّشت توعا جناحاتا
وتِتلوَّن بِخيوط شمس الزّمان...
هون بِحروفي حفرت أشعار
عَشجر الرمّان والتّين والزّيتون..
هون غرَّدتا بلابل الدّار
بألحان غمرِت السّما والنجوم...
هون بأرض جمرا بيدوب
كلّ ما تشرُق من بعد غروب..
هون بأرض إسما جرجوع
روح القلب..
وقلب الجنوب.
-ن.خ
-التّصوير: بعَدستي
-المكان: جرجوع
-موسيقى: Ludovico Einaudi - Nuvole Bianche
