14/09/2026
بعد ما نختار المكان المناسب للعميل، ويوافق عليه، ونخلص إجراءات الترخيص… هني تبدأ المرحلة اللي فعلاً تختبر شغلنا: المقاولات.
لأن هدفنا مو بس نسوي تصميم حلو على الورق… هدفنا إننا ننزل هالتصميم على أرض الواقع وننفذه مثل ما خططناله.
وكل مشروع يديد نبدأ فيه، ترى المشكلة غالباً مو بالقياسات، ولا باختيار الماتيريالز…
المشكلة الحقيقية تبدأ من المكان نفسه.
لأن كل ما نفتح موقع يديد، ممكن تطلع لنا مفاجأة:
تمديدات مو بمكانها، مشاكل كهرباء، سباكة، صرف، ارتفاعات، جدران، أرضيات… وأشياء ما كانت ظاهرة لنا قبل لا نبدأ.
وهني يبين الفرق…
المقاول اللي ينفذ الموجود قدامه، وبين فريق يعرف شلون يتعامل مع المفاجآت ويحافظ على الخطة والميزانية والنتيجة النهائية.
وإحنا شغلنا مو إننا نوقف عند أول مشكلة…
شغلنا إننا نلقى الحل، نعيد ترتيب الأمور إذا احتجنا، ونكمل المشروع بنفس الرؤية اللي اتفقنا عليها من البداية.
لأن بالنهاية… المشروع الناجح مو اللي ما تواجهه مشاكل، المشروع الناجح هو اللي تعرف شلون تتعامل مع مشاكله🚶🚶
