22/02/2026
ជណ្តើរគឺជា "ឆ្អឹងខ្នង" នៃផ្ទះ។ ការធ្វើជណ្តើរមិនត្រឹមតែត្រូវធ្វើអោយស្អាតនោះទេ តែត្រូវមាន សុវត្ថិភាព និង មិនហត់🫶 ពេលដើរឡើង។
👉ដើម្បីឱ្យជណ្តើរដើរឡើងទៅស្រួល មិនទាស់ជើង និងមិនហត់ ត្រូវតាមគោលការណ៍ធ្វើទាំងនេះ៖
🆓កម្ពស់កាំ (Riser): គួរនៅចន្លោះ ១៥០មម ទៅ ១៨០មម (១តឹកកន្លះ ទៅ ១តឹក៨ហ៊ុន)។ បើខ្ពស់ជាងនេះ នឹងធ្វើឱ្យហត់ខ្លាំងពេលឡើង។
🆓ទទឹងកាំ (Tread): គួរនៅចន្លោះ ២៥០មម ទៅ ៣០០មម (២តឹកកន្លះ ទៅ ៣តឹក) ដើម្បីឱ្យបាតជើងជាន់បានពេញល្អ មិនរអិល។
✅២. ទំហំទទឹងជណ្តើរ (Staircase Width)
👉ផ្ទះល្វែង/វីឡាតូច៖ ទទឹងជណ្តើរគួរមានយ៉ាងតិច ៩០០មម ទៅ ១០០០មម (៩តឹក ទៅ ១ម៉ែត្រ)។
👉វីឡាធំ៖ ទទឹងគួរចាប់ពី ១២០០មម (១.២ម៉ែត្រ) ឡើងទៅ ដើម្បីឱ្យមើលទៅស្កឹមស្កៃ និងស្រួលសែងគ្រឿងសង្ហារឹមឡើង។
✅ ៣. ចំនួនកាំជណ្តើរ (Number of Steps)
តាមជំនឿខ្មែរ និងហុងស៊ុយ ចំនួនកាំជណ្តើរច្រើនតែយក លេខសេស (១៧, ១៩, ២១, ២៣, ...)។
👉វិធីរាប់៖ គេរាប់កាំដែលយើងជាន់ដំបូង រហូតដល់កាំចុងក្រោយដែលស្មើនឹងបាតកម្រាលជាន់ខាងលើ។
✅ ៤. ការប្រើប្រាស់ការ៉ូ Sintered Stone លើជណ្តើរ
ការប្រើ Sintered Stone ទំហំ 900mm x 1800mm គឺល្អបំផុតសម្រាប់ជណ្តើរព្រោះ៖
👉គ្មានស្នាមតំណ៖ ដោយសារការ៉ូមានប្រវែងរហូតដល់ ១.៨ម៉ែត្រ អ្នកអាចកាត់ធ្វើជាកាំជណ្តើរមួយផ្ទាំងពេញតែម្តង (Seamless) មើលទៅប្រណីតដូចថ្មម៉ាបធម្មជាតិ។
👉ក្បាលជណ្តើរ (Nosing): គួរ"កិតក្បាល" (Mitered Edge) ជារាងអក្សរ L ដើម្បីឱ្យមើលទៅក្រាស់ និងរឹងមាំ។
👉សុវត្ថិភាព៖ គួរចោះក្រឡៅ ឬបិទខ្សែការពាររអិល (Anti-slip strips) នៅមាត់កាំជណ្តើរ ដើម្បីបង្កើនសុវត្ថិភាព ជាពិសេសបើមានចាស់ជរា ឬក្មេងតូច។
✅៥. កម្ពស់បង្កាន់ដៃ (Handrail Height)
👉កម្ពស់បង្កាន់ដៃជណ្តើរដែលសុវត្ថិភាព គឺចន្លោះពី ៨៥០មម ទៅ ៩៥០មម រាប់ពីមាត់កាំជណ្តើរឡើងមក។
👉 ប្រសិនបើមានកូនក្មេង ចន្លោះរវាងសសរបង្កាន់ដៃមិនគួរលើសពី ១០០មម (១តឹក) ឡើយ ដើម្បីការពារកុំឱ្យក្មេងលូកក្បាលចូលរួច។
✅៦. ពន្លឺ និងខ្យល់នៅជណ្តើរ (Lighting & Ventilation)
ដូចដែលយើងបាននិយាយពីមុន ជណ្តើរគឺជាកន្លែងដែលខ្យល់ក្តៅហូរឡើងលើ៖
👉Skylight: គួរមានកញ្ចក់ថ្លានៅលើដំបូលចំពីលើជណ្តើរ ដើម្បីឱ្យពន្លឺជះចុះមកក្រោម ជួយឱ្យជណ្តើរមិនងងឹត (កាត់បន្ថយគ្រោះថ្នាក់)។
👉ឥដ្ឋខ្យល់៖ ដាក់ឥដ្ឋខ្យល់នៅជញ្ជាំងក្បែរជណ្តើរ ដើម្បីឱ្យវាបឺតខ្យល់ក្តៅចេញពីក្នុងផ្ទះ។
