M-Architect & Construction Co., Ltd.

26/06/2026

ឱកាសការងារជាមួយ អឹម អាឃីធេក & ខនស្ត្រាក់សិន

18/06/2026

ទូលព្រះបង្គំជាខ្ញុំ កែវ ម៉ាលីកា សូមក្រាបបង្គំថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៩០ព្រះវស្សា យាងចូល ៩១ព្រះវស្សា

18-06-2026 07:00

(ភ្នំពេញ)៖ ទូលព្រះបង្គំជាខ្ញុំ កែវ ម៉ាលីកា ស្ថាបនិកា និងជាអគ្គនាយិកា ក្រុមហ៊ុន អឹម អាឃីធេក & ខនស្ត្រាក់សិន ឯ.ក សូមព្រះបរមរាជានុញ្ញាត ក្រាបបង្គំទូលថ្វាយព្រះពរ សម្តេចព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៩០ព្រះវស្សា យាងចូល ៩១ព្រះវស្សា។

នៅក្នុងឱកាសដ៏មហានក្ខត្តឫក្ស ប្រកបដោយសិរីសួស្តី បវរថ្លៃថ្លាមហាប្រសើរនៃព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី ព្រះវររាជមាតាជាតិខ្មែរ គម្រប់ ៩០ព្រះវស្សា យាងចូល ៩១ព្រះវស្សា នាថ្ងៃព្រហស្បតិ៍ ៤កើត ខែបឋមសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦ ទូលព្រះបង្គំយើងខ្ញុំ សូមព្រះបរមរាជានុញ្ញាតអភិវន្ទលំឱនកាយវាចារចិត្តក្រាបបង្គំ សម្តែងនូវការគោរពកោតសរសើរ និងកត្តញ្ញូតាធម៌ដ៏ជ្រាលជ្រៅបំផុត ថ្វាយចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ដែលព្រះអង្គបានលះបង់ព្រះបញ្ញាញាណ ព្រះរាជសកម្មភាពដ៏ឧត្តុង្គឧត្តមថ្លៃថ្លាបំផុត ប្រកបដោយព្រះគុណធម៌ ព្រះមនុស្សធម៌ ក្នុងវិស័យអប់រំសិក្សាធិការ ព្រះពុទ្ធសាសនា សង្គមកិច្ច សុខុមាលភាព ជីវភាពរស់នៅរបស់ ប្រជាពលរដ្ឋ និងជាពិសេសព្រះរាជសកម្មភាព ជាព្រះប្រធានកិត្តិយសនៃកាកបាទក្រហមកម្ពុជា និងក្រុមប្រឹក្សាជាតិកម្ពុជា ដើម្បីស្ត្រី ដែលបានរួមចំណែកយ៉ាងធំធេង ក្នុងការលើកកម្ពស់ជីវភាពរស់នៅរបស់ប្រជាពលរដ្ឋ និងការលើកកម្ពស់តួនាទីស្ត្រីក្នុងសង្គម កម្ពុជានាពេលកន្លងមក។

ក្នុងឱកាសដ៏វិសេសវិសាលនេះ ទូលព្រះបង្គំយើងខ្ញុំទាំងអស់គ្នា សូមលើកអញ្ជលិប្រណម្យ បួងសួង ដល់គុណបុណ្យ ព្រះរតនត្រ័យគុណកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សា ព្រះមហាស្វេតច្ឆត្រ និងព្រះឫទ្ធានុភាព នៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ ជាពិសេសបុណ្យបារមីព្រះករុណា ព្រះមហាវិរក្សត្រ ព្រះវររាជបិតា ព្រះបរមរតនកោដ្ឋ សូមតាមជួយទ្រទ្រង់ថែរក្សាការពារ និងប្រោះព្រំ ប្រទានព្រះពរជ័យ ថ្វាយសម្តេចព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលខ្លាំងក្លា ព្រះជន្មាយុយឺនយូរ ព្រះបញ្ញាញាណភ្លឺថ្លាជានិច្ចនិរន្តរ៍តរៀងទៅ៕

13/03/2026

មោទកភាពជាមួយស្នាដៃជាច្រើនរបស់លោកស្រីស្ថាបត្យករ កែវ ម៉ាលីកា ស្ថាបនិកា និងជាអគ្គនាយិកា ព្រមទាំងជាស្នាដៃសមិទ្ធផលរបស់សហការីទាំងអស់របស់ក្រុមហ៊ុន អឹម អាឃីធេក & ខនស្ត្រាក់សិន ឯ.ក

ថ្ងៃទី ៨ ខែមីនា គឺជាទិវាសិទ្ធនារី ដែលជាឱកាសដ៏មានន័យក្នុងការរំលឹក និងអបអរសាទរពីសមិទ្ធផលដ៏អស្ចារ្យរបស់ស្ត្រីនៅគ្រប់កិច្ចការ និងគ្រប់វិស័យ។ ស្ត្រី គឺជាកម្លាំងចលករដ៏សំខាន់ដែលមានភាពខ្លាំងក្លា អត់ធ្មត់ និងពោរពេញដោយទេពកោសល្យ ដែលគួរឲ្យគោរព និងមានមោទនភាពជាទីបំផុត។

យើងមកស្គាល់ស្ត្រី ៨ រូបដែលបានចូលរួមក្នុងការអភិវឌ្ឍ និងអភិរក្សសម្បត្តិបេតិកភណ្ឌជាតិនៅកម្ពុជា៖

—
1. អ្នកម្នាងបណ្ឌិត សុីសុវត្ថិ មែនច័ន្ទទេវី | ស្ថាបត្យករ នគរូបនីយករ សាស្រ្តាចារ្យ នៃសាកលវិទ្យាល័យភូមិន្ទវិចិត្រសិល្បៈ ព្រមទាំងជាអ្នកជំនាញអភិរក្ស និងជួសជុល អគារបេតិកភណ្ឌ

អ្នកម្នាង ជាសាស្ត្រាចារ្យនៃមហាវិទ្យាល័យស្ថាបត្យកម្ម និងនគរូបនីយវិទ្យា និងមហាវិទ្យាល័យបុរាណវិទ្យា ព្រមទាំងជាអ្នកទទួលបន្ទុកនិងទីប្រឹក្សាផ្នែកគម្រោងស្ថាបត្យកម្ម អភិរក្ស និងជួសជុល អគារបេតិកភណ្ឌផ្សេងៗ​ និងសិក្សាលើបេតិកភណ្ឌទីក្រុង ជាពិសេសការចូលរួមក្នុងគម្រោងការងារអភិរក្ស និងជួសជុលព្រះបរមរាជវាំងភ្នំពេញ។

—
2. លោកអ្នកឧកញ៉ា មហាភក្តី គង់ បញ្ញា | ស្ថាបត្យករអាស៊ាន ទេសរដ្ឋមន្ត្រី ទទួលបន្ទុកកិច្ចការទូទៅ អមក្រសួងព្រះបរមរាជវាំង​ និងជាស្ថាបនិកនៃ ViSPAN Decoration Architecture Design

លោកអ្នកឧកញ៉ា ជាទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង ធ្វើការថែរក្សា ជួសជុល និងអភិរក្សបេតិកភណ្ឌវប្បធម៌នៃព្រះបរមរាជវាំង ក្នុងរជ្ជកាលព្រះករុណាព្រះបាទសម្តេចព្រះបរមនាថ នរោត្តម សីហមុនី។ លើសពីនេះទៅទៀត លោកអ្នកឧកញ៉ាក៏បានចូលរួមចំណែកក្នុងការ កសាងសមិទ្ធផលនានានៅខាងមុខព្រះរាជដំណាក់ខេត្តសៀមរាបផងដែរ។

—
3. សាស្រ្តាចារ្យបណ្ឌិត សូ សុគន្ធារី | ស្ថាបត្យករអាស៊ាន និងជាប្រធានកិត្តិយសផ្នែកស្ថាបត្យកម្ម និងនគរូបនីយវិទ្យា នៃសាកលវិទ្យាល័យន័រតុន

លោកស្រីបានចូលរួមយ៉ាងសកម្មក្នុងការចងក្រងឯកសារផ្សេងៗ ឈានដល់ការដាក់បញ្ចូលប្រាសាទសំបូរព្រៃគុកចូល ជាសម្បត្តិបេតិកភណ្ឌពិភពលោកដោយជោគជ័យកាលពីឆ្នាំ២០១៧ និងបានដឹកនាំនិស្សិតចុះកម្មសិក្សាតាមទីតាំងប្រាសាទបុរាណ និង​សំណង់បេតិកភណ្ឌនានារួមមាន សំណង់លំនៅដ្ឋាន សំណង់សក្ការៈជាដើម ដើម្បីបង្កើនការយល់ដឹង និងបណ្ដុះស្មារតីលើការអភិរក្សគុណតម្លៃនៃសំណង់បេតិកភណ្ឌក្នុងប្រទេសកម្ពុជា។

—
4. សាស្រ្តាចារ្យ ណុំ សុធារី | ស្ថាបត្យករអាស៊ាន និងជាស្ថាបនិកនៃ RAY BUILDING GROUP

លោកស្រីបានចូលរួមយ៉ាងសកម្មជាមួយគណៈស្ថាបត្យករកម្ពុជា និងសមាគមស្ថាបត្យករខ្មែរ ក្នុងកិច្ចការងារលើកកម្ពស់វិស័យស្ថាបត្យកម្មកម្ពុជា ព្រមទាំងតំណាងប្រទេសជាតិ ក្នុងកិច្ចប្រជុំស្ថាបត្យកម្មអន្តរជាតិ។ លោកស្រី ក៏ជាសាស្រ្តាចារ្យដឹកនាំបណ្តុះបណ្តាលសិស្សនិស្សិតនៅសាកលវិទ្យាល័យលីមកុកវីងផងដែរ។

—
5. លោកស្រី ខាត់ ឆវី | ស្ថាបត្យករអាស៊ាន និងជាសាស្រ្តាចារ្យ នៃសាកលវិទ្យាល័យភូមិន្ទវិចិត្រសិល្បៈ

លោកស្រី ខាត់ ឆវី បានចូលរួមយ៉ាងសកម្មក្នុងការបណ្តុះបណ្តាលស្ថាបត្យករជំនាន់ក្រោយ និងចែករំលែកចំណេះដឹងផ្សេងៗពីស្ថាបត្យកម្មក្នុងសង្គម។ លើសពីនេះទៅទៀត លោកស្រីក៏បានរួមចំណែកតំណាងប្រទេសកម្ពុជា ក្នុងកិច្ចប្រជុំផ្សេងៗ របស់ក្រុមប្រឹក្សាស្ថាបត្យករអាស៊ានផងដែរ។

—
6. លោកស្រី​ កែវ ម៉ាលីកា | ស្ថាបនិក និងជាអគ្គនាយិកា ក្រុមហ៊ុន M-Architect & Construction Co., Ltd.

ស្នាដៃរចនាស្ថាបត្យកម្មល្បីៗរបស់លោកស្រី កែវ ម៉ាលីកា រួមមាន អគារក្រសួងមហាផ្ទៃ អគារក្រសួងសេដ្ឋកិច្ច និងហិរញ្ញវត្ថុ​ អគារអង្គភាពប្រឆាំងអំពើពុករលួយ​ អគារអគ្គិសនីកម្ពុជាខេត្តសៀមរាប អគារអគ្គនាយកដ្ឋានរតនាគារជាតិ អគារអគ្គនាយកដ្ឋានគយ និងរដ្ឋាករកម្ពុជា អគារបណ្ឌិតសភាពភូមិន្ទយុត្តិធម៌ អគារបេឡាជាតិសន្តិសុខសង្គម (ប.ស.ស) អគារគណៈកម្មាធិការ មូលបត្រកម្ពុជា និងអគារសំខាន់ជាច្រើនទៀត។

—
7. កញ្ញា លីម​ វួចលី | សហស្ថាបនិកនៃ Initial Architectural Design Studio

កាល់ពីឆ្នាំ២០២៤ គាត់បានចូលរួមចំណែកជាស្ថាបត្យករដឹកនាំក្នុងគម្រោង ការគិតឡើងវិញនៃលំនៅដ្ឋានតម្លៃសមរម្យ និងបានបណ្តុះបណ្តាលសិស្ស និស្សិត ដែលចូលរួមសិក្សាគម្រោងនៃផងដែរ។ រាល់ការរចនារបស់គាត់ បានសង្កត់ធ្ងន់ទៅលើ​ ភាពច្នៃប្រឌិត​ រុក្ខជាតិបៃតង ការដោះស្រាយបញ្ហា​ ការរួមបញ្ចូលនៃសិល្បៈ វប្បធម៏ ជាមួយនឺងភាពសាមញ្ញ ដែលបានបង្ហាញយ៉ាងច្បាស់ពីតម្លៃស្ថាបត្យកម្មរបស់គាត់។

—
8. កញ្ញា សេង ដាលីន | សហស្ថាបនិកនៃ Balance Design Studio

គាត់បានចូលរួមជាស្ថាបត្យករដឹកនាំ សិស្សនិស្សិតក្នុងគម្រោង ការគិតឡើងវិញនៃបន្ទប់ទឹកសាធារណៈកាលពីឆ្នាំ ២០២៣ ដែលបានរួមចំណែកដល់ការលើកស្ទួយកាលយល់ដឹងពីសុខមាលភាព និងអនាម័យសាធារណៈទីក្រុង។ សម្រាប់កញ្ញា សេង ដាលីន ស្ថាបត្យកម្ម ជាការរចនាដោយប្រើប្រាស់វិធីសាស្រ្តជាក់ស្តែងមួយ ហើយក៏ជាដំណោះស្រាយដើម្បីជួយឱ្យជិវិតរស់នៅប្រចាំថ្ងៃរបស់មនុស្សកាន់តែប្រសើរផងដែរ។

នៅមានស្ថាបត្យករស្ត្រីជាច្រើនរូបទៀតដែលលេចធ្លោ និងកើនឡើងកាន់តែខ្លាំងគួរឱ្យមានមោទនភាព។ ទេពកោសល្យ ចក្ខុវិស័យ និងភាពម៉ឺងម៉ាត់របស់ស្ត្រី កំពុងរួមចំណែកយ៉ាងសំខាន់ក្នុងការកំណត់អត្តសញ្ញាណអនាគតនៃស្ថាបត្យកម្មខ្មែរក្នុងការរចនា និងថែរក្សាសំណង់ខ្មែរដែលជាដួងព្រលឹង និងជាមោទនភាពរបស់ប្រទេសជាតិ ឲ្យបន្តរស់រវើកជាមួយសម័យកាលថ្មីជាបន្តបន្ទាប់។

11/02/2026

🤝 សញ្ញានៃកិច្ចសហប្រតិបត្តិការថ្មី ដើម្បីពង្រឹងវិស័យអប់រំ និងជំនាញវិជ្ជាជីវៈក្នុងវិស័យស្ថាបត្យកម្ម និងសំណង់

ថ្ងៃនេះ ក្រុមហ៊ុន អឹម អាឃីធេក & ខនស្ត្រាក់សិន - M-Architect & Construction Co., Ltd. មានសេចក្តីសោមនស្សរីករាយយ៉ាងក្រៃលែង ក្នុងការចុះអនុស្សារណៈយោគយល់គ្នា (MOU) ជាមួយ សាកលវិទ្យាល័យ លីមកុកវីង - Limkokwing Cambodia

កិច្ចសហប្រតិបត្តិការនេះ រៀបចំឡើងក្នុងគោលបំណង៖

💡ជំរុញការបណ្តុះបណ្តាលធនធានមនុស្សក្នុងវិស័យស្ថាបត្យកម្ម និងសំណង់។

💡ផ្តល់ឱកាសចុះអនុវត្តការងារផ្ទាល់ (Internship) សម្រាប់សិស្សនិស្សិត។

💡ផ្លាស់ប្តូរបទពិសោធន៍ និងបច្ចេកវិទ្យាថ្មីៗរវាងវិស័យអប់រំ និងវិស័យឯកជន។

យើងជឿជាក់ថា ភាពជាដៃគូនេះនឹងក្លាយជាស្ពានចម្លងដ៏សំខាន់សម្រាប់យុវជនកម្ពុជា ក្នុងការឈានទៅចាប់យកអាជីពប្រកបដោយសក្តានុពលនាពេលអនាគត! 🇰🇭✨

[English]
🤝 A New Chapter of Collaboration for Education and Professional Excellence!

Today, 𝗠 𝗔𝗿𝗰𝗵𝗶𝘁𝗲𝗰𝘁 & 𝗖𝗼𝗻𝘀𝘁𝗿𝘂𝗰𝘁𝗶𝗼𝗻 𝗖𝗼., 𝗟𝘁𝗱. is honored to officially sign a Memorandum of Understanding (MOU) with 𝗟𝗶𝗺𝗸𝗼𝗸𝘄𝗶𝗻𝗴 𝗨𝗻𝗶𝘃𝗲𝗿𝘀𝗶𝘁𝘆 𝗖𝗮𝗺𝗯𝗼𝗱𝗶𝗮.

This partnership aims to:

💡Strengthen human resource development in Architecture and Construction.

💡Provide practical internship opportunities for students to gain real-world experience.

💡Bridge the gap between academia and the industry through knowledge and technology exchange.

We believe this collaboration will serve as a vital steppingstone for Cambodian youth to achieve their professional dreams and shape the future of our industry! 🇰🇭✨

Limkokwing University x M Architect 🤝🏛

Today, a new partnership begins! Limkokwing University and M-Architect & Construction Co., Ltd. have officially signed a Memorandum of Understanding to promote collaboration in architectural education, industry exposure, and professional growth. Together, we aim to shape future architects through real-world experience and innovative design thinking.

BE THE BEST
BE A LIMKOKWING GRADUATE

☎️ For more information:
• Tel: 023 995 733 / 015 582 801
• Telegram: https://t.me/limkokwingcambodia
• Telegram Channel: https://t.me/limkokwingscholarship
• Instagram: https://www.instagram.com/limkokwing_cam/
• Youtube: https://www.youtube.com/
• Address៖ https://maps.app.goo.gl/AwaLrMqFLKHN2PEq5