14/04/2024
សួស្ដីឆ្នាំថ្មីប្រពៃណីជាតិខ្មែរ 🐉
🐲 ព្រះសិរកបិលមហាព្រហ្ម តំណាងឲ្យព្រហ្មវិហារធម៌របស់មនុស្ស រួមមាន៖
- មេត្តា សេចក្ដីរាប់រក, សេចក្ដីរាប់អានគ្នា, សេចក្ដីប្រណី, បំណងចង់ឲ្យអ្នកដទៃបានសេចក្ដីសុខ-ចម្រើនដូចខ្លួនដែរ
- ករុណា សេចក្ដីអាណិត, អាសូរ;
- មុទិតា ដំណើរមានចិត្តរីករាយទៅរកសេចក្ដីសុខរបស់អ្នកដទៃពុំរើសមុខ គឺដំណើរដែលដឹងថា អ្នកដទៃតាមតែអ្នកណាក៏ដោយ គេមានទ្រព្យធនបុណ្យស័ក្តិ បានប្រកបដោយសេចក្ដីសុខ-ចម្រើន ក៏មានចិត្តជួយអរគេ មិនច្រណែននិន្ទាឈ្នានីស
- ឧបេក្ខា ការតាំងចិត្តជាកណ្ដាល, ដំណើរមិនលម្អៀងទៅខាងណា
🐲 ហេតុអ្វីពេលក្រវែង ព្រះសិរ កបិលមហាព្រហ្ម ដល់ដីឆេះដី ដល់សមុទ្ររីងសមុទ្រ ដល់អាកាស ឆេះអាកាស...?
👷👷 ន័យនេះ ប្រដូចទៅនឹងបុគ្គល ប្រសិនបើបោះបង់ព្រហ្មវិហារធម៌ ក្នុងខ្លួនចោលហើយ គឺអាចបង្កឲ្យលោកវិនាសបាន។
👷🙏 សិរី ៣ប្រការ រួមមាន ៖
*សិរីទី ១ នៅមុខ មានមាត់ជាធំ គឺ វចីសុចរិត
*សិរីទី ២ នៅទ្រូង មានចិត្តជាធំ គឺ មនោសុចរិក
*សិរីទី ៣ នៅជើង មានកាយជាធំ គឺ កាយសុចរិត
👷 បុគ្គលណាប្រព្រឹត្តល្អទាំងកាយវាចាចិត្ត នោះនឹងទទួលបានសិរីសួស្ដីសុភមង្គលពេញមួយថ្ងៃ និង រាល់ៗថ្ងៃ ពុំមែនគ្រាន់តែយកទឹកលុបលាងមុខទ្រូងជើងមានសិរីសួស្ដីនោះឡើយ។
ប្រភព ៖ ឯកសារប្រឡងក្របខណ្ឌរដ្ឋ (Telegram Channel)
#វីឡាកូនកាត់
