landmotun

Directions

landmotun Contact information, map and directions, contact form, opening hours, services, ratings, photos, videos and announcements from landmotun, Landscape Company, Hamraborg, Kópavogur.

08/12/2025

Jólagleði Landmótunar var haldin um helgina 🎄
Mikilvægt að eiga notalega stund saman, leika og skála í jólaösinni og skammdeginu og alltaf gaman þegar okkar góði hópur kemur saman 🌟 Við nýttum líka tækifærið til að heiðra elsku Áslaugu okkar sem hefur unnið hjá Landmótun í 30 ár en ætlar nú að fara að leika sér ❤️

30/11/2025

Heiðarleg tilraun í jólapeysumyndatöku 🎄🤠
Gleðilegan fyrsta í aðventu frá okkur á Landmótun!

18/11/2025

Leiksvæði við Ársali er skilgreint sem aðalleiksvæði í hverfinu og var fyrst framkvæmt 2003. Í okkar Kópavogur 2022 var kosin inn hugmynd um að setja upp hjólastólarólu fyrir hreyfihamlaða í hverfinu og var rólunni valinn staður við Ársali sem jafnframt var komið á tíma í endurgerð.
Í endurgerð var lögð áhersla á að tengja leiksvæðið betur við umhverfið með bættum stígtengingum og fjölbreyttum leikmöguleikum fyrir alla. Gert var bílastæði fyrir hreyfihamlaða og lýsing bætt og gróður aukinn. Gróður og hólar á svæðinu skapa skemmtilega rýmismyndun og umgjörð fyrir fjölbreyttan leik. Áhersla var á lögð á aðgengi allra og leiktæki valin þannig að þau gætu hentað fyrir fjölbreyttan hóp barna, um leið og aðgengi hjólastóla var tryggt.

Verkflokkur: Opið leiksvæði-Endurgerð
Staðsetning: Kópavogur
Stærð: 2000 ms
Ártal: 2024
Verkkaupi: Kópavogsbær
Framkvæmd: Garðvélar

11/11/2025

Tryggvagata 🌳
Við endurhönnun götunnar var markvisst unnið með gönguflæði, tengingar, lítil torg, mismunandi yfirborðsefni, lýsingu og götugögn. Heildaryfirbragð götunar er notaleg miðborgargata með breiðum gangstéttum, götutrjám, lágstemmdri lýsingu og götugögnum.
Torgin þrjú; Bæjartorg, Steinbryggja og Tollhúsið mynda mismunandi íveru rými með ólíkan karakter. Bæjartorgið með pylsuvagninum, Steinbryggjan sem tengir saman fortíð og nútíð og Tollhústorgið sem myndar nútímalegt miðborgarrými.
Tryggvagata verður græn gata með tíð og tíma en yfir 40 trjám var plantað í göturýmið.

Verkflokkur: Torg og stræti
Staðsetning: Reykjavík
Stærð: 8.000 m2
Ártal: 2017-2022
Samstarfsaðillar: Mannvit, Lota og VBV
Verkkaupi: Reykjavíkurborg

29/10/2025

Ljósheimar 🦆🪺
Endurgerð þessa rótgróna leiksvæðis var hluti af því að styrkja opna svæðið við Ljósheimabrekkuna sem hverfisgarð. Á leiksvæðinu má sjá sérsmíðaðan æðablika ásamt fjöðrum á víð og dreif um leiksvæðið. Einnig er á svæðinu stórt hreiður með eggjum. Svæðinu er ætlað að ýta undir frjálsan leik ásamt því að vekja upp hugmyndaflug notenda þess og fuglaáhuga. Æðablikin er helsta sérkenni svæðisins en hann er hannaður og smíðaður af Monstrum sem er danskt fyrirtæki sem sérhæfir sig í sérhönnuðum leiktækjum. Annar búnaður á svæðinu svo sem hreiður, fjaðrir og bekkir eru hönnuð af Landmótun.

Verkflokkur: Opið leiksvæði
Staðsetning: Ljósheimar í Reykjavík
Stærð: 3500m2
Ártal: 2020-2021
Samstarfsaðillar: Monstrum
Verkkaupi: Reykjavíkurborg

15/10/2025

Freyjugarður, er lítið andrými við Freyjugötu í miðborg Reykjavíkur tileinkað íslenskum skáldkonum þar sem gestum gefst færi til að staldra við, slaka á og njóta ljóða eftir íslenskar skáldkonur sem sýnd eru í garðinum, skiptast á bókum í bókaskápnum eða sitja og upplifa veggmyndina „Yggdrasil“ eftir Narfa Þorsteinsson sem horfir yfir garðinn. Freyjugarður hlaut einnig verðlaun fyrir lýsingu á árlegu LIT-lýsingarverðlaununum 2024 en það er Liska sem hannaði lýsinguna sem talar fallega saman við hönnun garðsins.

Verkflokkur: Andrými, almenningsgarður
Staðsetning: Freyjugata í Reykjavík
Stærð: 350m2
Ártal: Hannað 2021-2022, framkvæmt 2022-2024
Samstarfsaðillar: Sigrún Úlfarsdóttir hugmyndasmiður, Liska lýsingarhönnun, Narfi Þorsteinsson listamaður
Verkkaupi: Reykjavíkurborg

10/10/2025

Tókum þátt í alþjóðlegri ráðstefnu um ofanflóðavarnir sem haldin var á Ísafirði. Þar voru mættir 115 sérfræðingar frá 10 löndum. Á ráðstefnunni héldum við erindi um aðkomu landslagsarkitekta og vægi umhverfisins við hönnun varna. Það hefur nefnilega komið ljós að þarna er kjörið tækifæri til að gera útivistarsvæði við þessar stóru varnir og þannig nýtast þær enn betur, allt árið.

08/10/2025

Dalskóli 🤸🏼📚
Hönnun á lóð og umhverfi nýrra skólabygginga og menningarhúss í Úlfarsárdal. Í hönnun var lögð áhersla á tengingu skólalóðarinnar við dalinn, þar sem leitast var við að mynda mjúk skil á milli lóðar og náttúrunnar ásamt því að tryggja aðgengi fyrir alla um svæðið. Unnið er með blágrænar ofanvatnslausnir og yfirborðsvatni safnað saman og veitt út í núverandi votlendi neðan lóðar. Með markvissri gróðursetningu er leitast við að fá náttúruna til að fljóta inn í jaðra lóðarinnar en næst byggingunni eru harðir fletir. Setstallar úr lerki sunnan við bygginguna taka upp hæðarmun í lóð og mynda í senn áhorfendapalla, dvalarsvæði og tækifæri til ýmissa leikja. Stígar um lóðina skipta svæðinu upp í mismunandi rými með leikmöguleikum, með áherslu á frjálsan leik í jaðrinum.

Verðlaun: Fyrstu verðlaun í samkeppni um nýbyggingu fyrir nýjan skóla/leikskóla/menningar og íþróttamiðstöð í Reykjavík.
Verkflokkur: Skóla- og íþróttamannvirki
Staðsetning: Úlfarsárdal
Stærð: 85.000 ms
Ártal: 2007-2024
Samstarfsaðillar: VA arkitektar, VSÓ ofl.
Verkkaupi: Reykjavíkurborg

Address

Hamraborg
Kópavogur
200

Website

Alerts

Be the first to know and let us send you an email when landmotun posts news and promotions. Your email address will not be used for any other purpose, and you can unsubscribe at any time.

Shortcuts

Sponsored

Share

Category