“Verkin mín eru frumleg, elegant með vott af karlmennsku.”
“Ég ber mikla virðingu fyrir handverki og því leitast ég við að blanda saman ólíkum efnum við hreinar línur og mismunandi áferðir þar sem lýsing og smáatriði skipta miklu máli. Rýmin eru vel úthugsuð en áreynslulaus og hlýleg, rými sem eldast vel og heimili sem gott er að búa á.”
Sæja innanhússhönnuður er hönnunarstofa rekin af Sæbjörgu Guðjónsdóttur eða Sæju eins og hún er alltaf kölluð. Sæja útskrifaðist sem innanhússhönnuður árið 2011 frá KLC School of Design / University of Brighton og hlaut John Cullen Lighting Design verðlaunin það árið. Frá útskrift hefur Sæja unnið sjálfstætt fyrir bæði heimili og fyrirtæki en einnig starfaði hún á arkitektastofunni the Manser Practice í London og hefur komið að hönnun verslana, veitingastaða, hótela og tekið þátt í samkeppnum í samstarfi við hönnuði og arkitekta bæði heima og erlendis.
