Málningarvinna Carls

28/10/2026

Vegna mikils áhuga og fjölda fyrirspurna höfum við ákveðið að setja sýninguna hans Guðjóns Ívars „Málaraiðn á keppnisvettvangi“ aftur upp!

Sýningin verður opin út Vökudaga:

📅 29. október – 1. nóvember
🕗 kl. 08:00–17:00

Verslunin verður líka opin samhliða alla dagana.

Hlökkum til að sjá ykkur á Ægisbraut 11🧡

Málningarvinna Carls á Akranesi: málningarþjónusta, sprautuverkstæði og málningarverslun á Ægisbraut 11. Nýr vefur væntanlegur – skráðu þig á póstlistann.

28/10/2026

Skemmtileg umfjöllun hjá Akraneskaupstað um Guðjón Ívar og sýninguna okkar á Vökudögum!

Það vita kannski ekki allir hversu margt felst í málaraiðninni eða að keppt sé í faginu bæði hér heima og erlendis. Með sýningunni vildum við einmitt vekja athygli á því hversu fjölbreytt og skapandi iðngreinin okkar er og sýna fólki hlið á henni sem það þekkir kannski síður. Árangur Guðjóns Ívars í keppnunum gaf okkur skemmtilegt tækifæri til þess.

Endilega kíkið á fréttina hér fyrir neðan🧡

Vökudagar, menningarhátíð Akraness, stendur nú sem hæst og bærinn hefur iðað af menningarlífi frá því hátíðin var sett á fimmtudag. Fjölbreytni listviðburð

23/10/2026

Takk kærlega fyrir komuna!🧡

Það var ótrúlega gaman að sjá hve mörg lögðu leið sína til okkar á opnunarkvöldi Vökudaga.

Við vorum með kvöldopnun í versluninni og buðum gestum að skoða sýninguna Málaraiðn á keppnisvettvangi. Á sýningunni var farið yfir sögu Guðjóns Ívars og ferðalag hans frá Íslandsmeistaramótinu til Norðurlandamótsins í málaraiðn.

Kvöldið fór fram úr okkar björtustu vonum og var gaman að sjá hversu mikinn áhuga sýningin vakti. Við þökkum kærlega fyrir frábærar viðtökur og góða mætingu🧡

Málningarverslunin okkar er svo opin alla virka daga frá 08:00-17:00 á Ægisbraut 11, Akranesi. Verið hjartanlega velkomin!

12/10/2026

Eitthvað nýtt er á leiðinni👀

Við erum að vinna að nýrri vefsíðu fyrir Málningarvinnu Carls þar sem öll okkar þjónusta verður aðgengileg á einum stað.

Nýtt útlit. Betra aðgengi. Sama trausta þjónustan.

Skráðu þig á póstlistann okkar á mvc.is og fáðu að vita þegar nýja síðan fer í loftið🧡

Málningarvinna Carls á Akranesi: málningarþjónusta, sprautuverkstæði og málningarverslun á Ægisbraut 11. Nýr vefur væntanlegur – skráðu þig á póstlistann.

06/09/2026

Við ætlum að vera duglegri að sýna ykkur á bakvið tjöldin hjá okkur🧡

Hérna vorum við að endurlakka hurðir á sprautuverkstæðinu okkar fyrir nýja sundklefa í Jaðarsbakkarlaug á Akranesi.

Við tökum að okkur allskyns fjölbreytt sprautuverkefni
📩Sendu okkur línu ef þú vilt fá tilboð í þitt verkefni

04/09/2026

Carl Jóhann, eigandi Málningarvinnu Carls er staddur í Stokkhólmi um þessar mundir þar sem hann tók þátt í þingi Málarameistarafélaga Norðurlandanna sem stjórnarmaður Málarameistarafélagsins á Íslandi🇸🇪

Á þinginu komu saman málarameistarar og fulltrúar frá Norðurlöndunum til að ræða stöðu og framtíð greinarinnar, deila reynslu og hugmyndum og efla samstarfið á milli landanna. Á dagskránni voru meðal annars erindi og kynningar frá hverju landi, umræður um málefni greinarinnar og heimsóknir.

Samhliða þinginu fór Norðurlandamótið í málaraiðn fram, þar sem Guðjón Ívar okkar keppti fyrir Íslands hönd 🇮🇸 Hann stóð sig frábærlega og erum við virkilega stolt af honum🧡 Í gær lauk svo bæði mótinu og þinginu með verðlaunaafhendingu og lokahófi, eftir viðburðaríka daga í Stokkhólmi.

Okkur finnst mikilvægt að taka þátt í svona samstarfi og vera í góðum tengslum við aðra innan greinarinnar. Það gefur okkur tækifæri til að læra af öðrum, fá nýjar hugmyndir og fylgjast með þróuninni í faginu. Það eflir bæði okkar eigin starfsemi og málaraiðnaðinn í heild sinni.

03/09/2026

🍂Hausttilboð á veggjamálningu!🪣

Við erum með heilt bretti af Flügger Flutex Pro 5 og getum því boðið 10 lítra fötu á aðeins 12.990 kr.

Málningin er í litnum Málarahvítur – fyrstur kemur, fyrstur fær.

📩 Pantaðu á [email protected], sendu okkur skilaboð eða komdu við hjá okkur í versluninni á Ægisbraut 11, 300 Akranesi.

Opið alla virka daga frá 08:00–17:00.

Tilboðið gildir á meðan birgðir endast.

31/08/2026

Við erum mjög spennt að fylgjast með Guðjóni Ívari sem er staddur þessa dagana í Stokkhólmi að keppa fyrir Íslands hönd á Norðurlandamótinu í málaraiðn 🇮🇸🎨

Guðjón vinnur hjá okkur sem málari samhliða háskólanámi sínu í fjármálaverkfræði. Þess má geta að hann er fimmti ættliður málara og sonur Carls Jóhanns, eiganda Málningarvinnu Carls.

Á mótinu keppa nýsveinar og málaranemar frá Norðurlöndunum og takast á við ýmis verkefni sem reyna á ólíka hluti í faginu. Guðjón hefur verið á fullu að æfa sig fyrir keppnina í sumar og efumst við ekki um að hann eigi eftir að standa sig með prýði 👊🏼

Málningarvinna Carls er meðal styrktaraðila Málarameistarafélagsins fyrir mótið, en félagið sér um þátttöku Guðjóns í keppninni. Carl flýgur svo út til Stokkhólms á miðvikudaginn á þing Málarameistarafélaga Norðurlandanna og ætlar að sjálfsögðu að fylgjast með keppninni og hvetja okkar mann áfram✈️🇸🇪

26/06/2026

Við tókum þátt í þessu einstaklega frábæra verkefni í vetur.
Ef þið vitið um góða hugmynd þar sem gæti hentað að gera eitthvað sambærilegt þá megið þið endilega lauma að okkur hugmyndum ❤️

20/04/2026

Tvö ár síðan við vorum á Verk og Vit. Mikið búið að gerast síðan þá. Góðir tímar 🤗