https://www.facebook.com/333638877041708/

حدائق واستراحات تصاميم الامراء, Baghdad (2026)

12/04/2025

تقدم حدائق واستراحات تصاميم الامراء🌪️🌪️
جاهزين لترتيب و تقليم كافة انواع الاشجار و الحدايق
اضافة الى تصميم الديكورات و المناظر للحدائق الطبيعية و الاصطناعية
العنوان بغداد
للاستفسار مراسلة الصفحة
او الاتصال على الرقم
07734926385
07513426529 واتساب

18/11/2017

أمنيات_طالبه

ام زهراء
1

الساعه 8 مساءاا.......جاي احضر ملابس المدرسه باجر بداية فصل دراسي جديد
دك الموبايل
رحت للميز ركض
شلعته من الشاحن..... فاطمه دتتصل
فتحت الخط
طفه الموبايل
اهوووو استغفر الله علئ هالعيشه ..بطاريه زفت وجهاز زفتين...
امي.... شبيج بعدج مابديتي دوام وبدت هوستج ولومتج
وشكاويج
باوعت الها ....وسكتت
ضليت احاول عالموبايل ... خليته عالشحن مره ثانيه
وشغلته.... رمشت علئ فاطمه ووره ثواني اتصلت
الو
هلوو
هلوو فطووومه
هلووو نوره شلونج
هله بعمري 😍😍😍.... الجهاز طفه مساع
ايي عرفت..... ما الج نيه تبدلينه هالموبايل
😥😥 لااا منين يحسره
المهم.. باجر ب7 ونص امر عليج المدرسه بعيده ويكولون المديره عصبيه حيل وبس تطرد
عزززه هاي بالبدايه
ايي لعد شعبالج يت احلام قبل ننصب عليها ومشبعينها الويل لج هاي اعداديه مثل الجيش
ايي عايزه هي فووك الجيش الي عدنه
اوك الصبح نلتقي اووك يروحي
بااي
بااااي...

جهزت جنطتي..... كانت السحابه خربانه وتشكل وامي خيطته اليه ..... باوعت للقميص ابيض ولوونه كالب من كد الغسل
حضرت 3 دفاتر ومحفضه قديمه
اجت امي
نامي يمه وراج دوام من لصبح
ماما باجر شلون اروح لدوام بملابسي القديمه
يمه شنسوي منين اجيبلج
تدرين بالحاله
شنو ذنبي اذا ماعدكم ليش تخلفوون وتجيبوونه وتذلوونه
اشش ولج لايسمعج ابووج وتسوينه مشكله
دوم اسكتي اسكتي
مو عيشه هايه الله ياخذ عمري وارتاح.......
تمددت بفراشي..... وتغطيت بالبطانيه ودرت وجهي عالحايط
وبديت ارسم حلم بنفسي واسوويه واقع
كل ليله قبل لا انام
ابدي اصنع لنفسي حلم
اتمنئ اعيش هالحلم
اي حلم ....لبس وغرفه وحدي. ومكياج وسرير ... لبس مدرسه.....
اكشخ.... ويتلكاني شاي وسيم ضخم طويل حنطي
يتلكاني
واروح يمه
واباوع لوجه .... واسولف وياه
انسئ حياتي
انسئ واقعي المر الي امر بيه
انسئ ابوويه ومشاكله وضربه لامي.... انسه اخوووي الي يوميه يشرب ويجينه مدمم ومتعارك
انسه بيتنه الي بعناه.... عالمود فصل بسبب اخوي
انسه حالة ابوويه الي يشتغل عامل بناء ويجينه مدمر سميت وجص وهو شايب وبالكوه يمشي
انسه الغرفه الي احنه بيها
واخوواتي الزغار يتعاركوون ويصرخوون بينهم ويفلشوون الغرفه ويسووها هووسه واني ماادري بشئ
ملتهيه بأحلامي
اخر شئ ... تجي امي تضربهم ويتباجوون وتصير الغرفه مناحه من بواجيهم
وامي الي تكول
شنوو سالفتج حته لوو ميته جان فزيتي
علئ عرك اخووانج
كوومي فزي حركي روحج لزميهم.... حاجيهم سكتيهم
شلعتوو كلبي
لوو يتذابحون يمج هم ماتحسين
ابتسم ابتسامه علئ وجهي
ومغمضه عيني
واحاجي نفس الشاب الي اتخيله كدامي
شفت يا علي.... شفت واقعي الي عايشه بيه
شفت مأساتي
شوكت تجي ....
شوكت التقي بيك
ويبتسم اليه ويروح
وافتح عيني
وتصير عيني عالسكف..... السكف مفطر .... مروحه تفتر
مبرده صوتها عالي
وصراخ اخوواني وبواجيهم

كافي اريد انام كافي
صلوات كعدتي.....عالخير
عبالي متي
يمه.....يمه .....سكتيهم
الئ متئ محكوورين بهالغرفه مثل كن الدجاج
اريد غرفه بس انا والبنات يمه 5 بغرفه وحده وانتي السادسه
حته الاوكسجين الي يدخل للغرفه يحتار المن يروح
باوعتلي
ودارت وجها علئ مهودي
نام ولك نام ....لا اجيب الجداحه واجوويك هسه بيدك ورجلك الي تهامش بيهن ذني
يمه موو انا هذا سجاد ياخذ دعابلي
ولكم وكت دعابل هسه صخام صخمكم دنيا نص الليل وتلعبون دعابل

رفعت راسي يمه هسه بثمانيه ونص نص الليل شنوو
اي موو كاعده الكم من لصبح اكرف وليل عندي شكصره
لفيت راسي
وغفيت
كعدت لصبح.... مديت ايدي جووه فراشي.... جريت موبايلي
لساعه ب6 ونص... خلي انام شوويه
نور ....نور كعدي
ايي كاعده ..... كاعده
يلا كومي ....كومي تريكي
ولك سجاد روح جيب بيضات ب500 من ابو علاء
بيض ب500 ل7 نفرات عززززه
غسلت وبدلت
وجاي انتظر فاطمه تجي
صاحني ابووويه
نور تعالي
اخاف من صووته حته
رحت ارجف.... وافكر شمسويه حته صاحلي
كالي
هاي مدرستج بعيده وتعبرين يم السوك والمحلات
راسج مايرفع
ضحك ماكوو
سوالف ماكوو.... الي يحاجيج كوليله انا عشيره فلان واخليهم يأدبوونك
واي غلطه منج
او اسمع شئ عليج
ادفنج هنا واذبج بالتواليت محد يندل مكانج حتئ
هزيت راسي ايي
فكرب قبل اي خطووه تخطيها
وخلينه كدامج
تعرفينس ماارحم ترئ

كال اخويه حيدر
اي والله بوويه اسحلج سحل واذبحج بالقامه وافتر براسج بالشوارع
انجب انت ....علم نفسك ابوو العرك
كبت بينهم ....وطلع حيدر قبلي
هاج بوويه هاج هذا الالف...
لا مااريد
خزرني
رحت اركض اخذته وطلعت
واندك الباب.... وطلعت فتحت الباب لفاطمه بوستها وسلمت عليها
وامي طلعت ورانه
اباوه لابسه كلشي جديد
ولازمه سجلات خشبيه بيدها
ولابسه جبه كابووي ...هستوه داخل موديلها
كلت بكلبي
نيالج يافاطمه. ياريت البس نفسج هجي
حالي ابوي انطاني الف وحصلت ميه رزاله وراه
اه ياعلي ....شوكت يجي الليل واشوفك
شوكت اكحل عيني بشووفتج
شوكت تصير كبالي واشوووفك
واحجيلك
واشكيلك
واشتم العطر مالتك الي يترس حلمي
اريد اشووف ابتسامتك .... وطوولك وشخصيتك
ونضرتك الي تسلب كلشي بيه
وتاخذ كل همي
ضحكت ومشيت... وفاطمه تحجي واني بين الشارع والناس و بين حلمي
الي انتظر يجي ليلي واشووفه

اني نور....عمري17 سنه ....راسبه سنه ومتاخره سنه ....نجحت لرابع اعدادي
اختاريت علمي
لكون الادبي مابيه اي هدف ولا تعيين
عائلتي امي وابووي واخوي حيدر اكبر مني
شاب حلوو كلش
بس رافق اصدقاء سؤء .... وتعلم منهم الشرب بس
بس كان الكل يعرف اخلاقه ونخووته
بس هالصفه الوحيده الي مخربته الشرب
مهما حاول ابووي ماكدرنه عليه
ويووميه جايب النه طلابه
اخر طلابه اله
كتل صديقه وهو سكران
وخسرنه بيتنه كفصل .... حالتنه تعبانه وجهال هوواي عدنه
امي عدها 3 ولد زغار وبنات 2. وحده رسل اول ابتدائي والثانيه حنين متوسطه
شكلي عادي فوك المتوسط
رشيقه...شعري طويل
حنطيه...وعيون كبار جداا..... صديقتي المقربه فطوومه
وياها اني من الابتدائيه
ورفيقت روحي
وحالتهم كلش زينه.. ومدلله اهلها.... كونها عدعا فتحه بالقلب.... وكانت كلش حلووه
ومتميزه بلسانها الحلوو وجمالها الي من نعبر الكل يضل صافن عليها
مرات اغار من جمالها
وولبسها ودلالها
واتمنئ اصير مكانها
وادلل والبس نفسها.....كنت بكل حفله مناسبه اخذ ملابس منها
وحته الي احتاجها اطلبه منها
كانت نفسها حلوووه
وتحبني هوووايه
تحب ابن جوارينهم.... ومرتبطه بيه.. وبينهم قصه حب الكل يعرف بيها حتئ اهلها والشارع والجيران
وكل البنات يتمنن كلمه وحده من حبيب فاطمه ... بدر
بس هوو يحب فاطمه...عشق حد الجنوون كم مره تصير عركات بالشارع بين اخوتها وهي تشبع كتل بس ماعافته بيوم
ولا خافت
بالعكس كان كلشي مايمنعهم عن بعض
حبهم قووي ....الئ ابعد حدود

وصلنه للمدرسه
يوم جديد
طالبات جدد... كلشي جدد
وزعوونه علئ الصفووف.....بنات هواي جدد ..من غير مدارس
وخلوونه بصف.....رابع. ب... وافترقت عن فاطمه
وكعدت وي بنيه..... ضعيفه عيوون عسليه
حنطيه
كلساع تجي مدرسه
وتنطينه محاضره عن التعليمات والتزام باالزي
وتطلع
والي تجي تخوف وتهدد
😒😒😒سالفه ماتبشر بالخير
كعدنه سكته بعدها مااجه احد
لبنيه الي كاعده يمي...كالتلي حبيبتي اني اسمس تمارا وانتي
اني نور
هلاووو بيج حوووبي .....
هلا بيج
اني راسبه من العام...... وهاي رحلتي من العام
يااا. 😭😭
عليمن ضجتي..
لان راسبه خطيه
ههههه 😂😂 يمعووده اني ماقرا
مدت ايدها بجيبها وطلعت موبايلها خل ارمش علئ الحب
ولج هستوها المديره كالت موبايل ممنوع والي تجيب فصل
اوووي منين تدري.... واني ضامتها 😜😜
رمشت وسدته
واتصل عليها
ونزلت جووه الرحله وضلت تحجي.... بالنص ساعه
واجت المدرسه رفعت نفسها
وسدته وضمته
اني بس صافنه
حجت المدرسه كم شغله وتوصي بينه
وطلعت
ورجعت رمشت....
واتصل موبايلها وكالت
عابت لهذا الوجه المن تخابر ..انت
ردت عليه وكالت بصوت ناصي
الوو حياتوو
اني 😱😱😱 بس فاتحه حلكي عليها مية متر
مشتاقتلك شلونك شخبارك
شكوو ماكوو
وليش متتصل
كلت بكلبي هاي موو هستوهت سلمت عليه
بعد كلساع شلونك شخبارك
يمكن ماعدها سوالف تريد بس تسوولف
سدته ...رجعت كعدت عالرحله
😨😨
اوووف
اني بس صافنه
هذا الحب شلع كلبي كولساع يريد يسمع صوتي
😍😍الله يخليكم لبعض
لا ولج مااحبه.... احب ابن خالتوو بس ذولي هجي
ذوولي !!!!
ايي.....اموت علئ ابن خالتي واحبه حيل
وتحبينه هجي تسوين
لعد اذا متحبيه شتسووين
ضووجه بعد
من رخصتج
رحت لفاطمه....فاطمه لحكيلي اريد اغير مكاني
روحي اكعدي هناك
ايي ليش
مامرتاحه
رحت كعدت بمكان فاطمه
وهي كعدت يم تمارا

لبنيه هاي سكته
حته ماتتحرك
بس صافنه وتفكر
ايي بعد احسن.....احسن من ذيج البداله
كانت مخليه الجنطه مالتها.. ونايمه عليها
واني طلعت دفتري
وبديت ارسم
تعرفين ترسمين
ايي
شترسمين هسه
حبيت ارسم ... هجي
االله شنو هذا لشاب هذا حبيبج
لا يمعووده
هجي ارسم
مبين حافضه تفاصيله
المهم الله يوفقج .... وهنيالج عالرسم اني اسمي زينب وانتي
اني نور
هلا بيج كلبي
ورجعت نامت عالجنطه...وبدت تسوولف مره تسكت
كانت بنيه بسيطه صاحبة غمازه وعيونها كبار
وعدها صديقتها كاعده ورانه
وتدير نفسها وتحجي وياها... واحس بيها ارتباك وخووف وتحاجيها
شووكت كالج
مااعرف بس اكيد لمن نطلع
جاوبي عليه
مااريد اجاوبه... شلع كلبي
مو كتلج عوفيه.... صار سنين وياج شنو حصلتي منه مثلا
شبيج اني احبه ... موبيدي
ماكدر احب غيره
وهو كالي بس تروحي لغيري
ادمرج
وادمر حته اهلج
اي حبي..بس مو بكد ابوووج
شناقصج انتي
حته تحبي هذا الشيبه
اي مو بيدي احبه

😱😱يربي اليوم كلها مصايب اسمعها
ايي احبه حته لو بكد ابووي
بقينه ساعه...ور
وزعوونه كتب..... وطلعنه
وكنت امشي والتفت وراي
انتظر فاطمه تطلع.... وشفت زينب وصديقته
ولج ذاك ذاك
منوو
شبيج عماد
اي سواها واجه
روحي احجي وياه....لا يسويلج طلابه
باوعت لهناك
رجال خمسيني لابس قاط وعنده شارب ..
ويباوع صفح
وهي من شافته اكلها الخووف
وماتكدر تطلع
وتاكل بأضافرها
وصديقتها تكووول الها
اطلعي وكوليله اني احاجيك
طلعنه اني وفاطمه
وعبرت يمه
وكنت اباووع اله...معقووله هذا الي تحبه
عززه بعينج كوون
هوو شافني اباوع اله

ضل يباوووعلي
ويمكن نسه المن جاي..... هوو
ونسه زينب
واني كنت اتباوع اله... صافنه علئ البنيه هاي شلوون حبته
وشتحب منه
وليش
شنوو لكت بيه
هوو بس شاربه قصه وحدها... 😫😫

للحكايه بقيه

11/11/2017

‎أرمله____ولكن

‎الجزء_19

‎بالوحده الضهر... رجع ابوو زيد
‎وجايب وياه...دجاج شووي وفوواكهه ومقبلات ...جهزت الاكل... كعدو الجهال.... خليت رضاوي بالعربه مالته
‎وزيودي كعد فوك الميز
‎واني ااكله بيدي
‎ومره ابوه ...هو الي ينطيه
‎ردت احجي وياه
‎بس اباوع بوجهه واخاف يصير عصبي عليه
‎لذلك سكتت

‎بس كلبي يلووج ضل
‎وضليت احووس
‎اريد احجي ومااريد
‎كلت اني شعليه.....اروح احاجيه.... وشنو يهمني مثلا
‎كالي
‎احجي
‎باوعت اله...شحجي
‎الي عندج احجيه
‎كتله ماعندي شئ احجيه
‎سكت

‎طيف احجي وباوعلي
‎بهاي النظره مالته تخليني ارجف كان صخم ووجه ابيض ولحيه شقره
‎دنكت.... وهو جاي ياكل
‎ماكنت ناويه اكوولك
‎بس رقم دزلي رساله
‎رساله...؟؟؟؟ شنوو رساله
‎يحذرني منك
‎عاف الاكل وانتبه عليه
‎يحذرج مني؟ ؟؟ منوو هذا
‎مااعرف
‎اي شكالج
‎يكول يخوونج نفس ما خاني وخان زوجته
‎شنوو
‎اي هجي كال
‎وبعد

‎اتصلت ومحد يجاوب
‎واتصلتي عليه ليش ... شعليج لو الا تعرفين كلشي تردين....
‎لا مو قصدي
‎بس ردت اعرف ...منو الي راسلني
‎وليش يحذرني منك
‎ويحجيلي عن حياتك
‎اني شنو دخلني عسئ ماحبيت و حياتك وانت حر بيها
‎احنه زواجنه علئ ورق بس
‎هو كان مدنك

‎رفع راسه
‎زواجنه ايي عالورق...بس انتي صرتي بهذا البيت كزوجه
‎يعني اي شئ تسوينه تاخذين رايي بيه
‎اي رقم يتصل ماكوو رد
‎الا اذا كانت شخص تعرفينه وتتاكدين منه
‎وشغله ثانيه....طير طاير يجي هنا تحجيلي
‎وانتي صرتي عرضي
‎فكرب بهذ الشئ
‎حته لو زواجنه ورق
‎انتبهي علئ نفسج... وخلي ابالج انا كدامج وفكري بكل خطووه

‎اني مااسوي غلط عموو تعرفني
‎ومستحيل اسوي...غلط كنت بنت بيوت وعند اهلي ومافكرت اسوي غلط
‎تتوقع اسوي وانا ارمله... وعلئ ذمة رجال
‎سكت...
‎بعدين كالي
‎اعرفج طيف اعرفج
‎اعرفج من المرحوم..... بس حبيت اخلي ابالج
‎وكام من الميز
‎وكانت اكوو مغسله بالصاله علئ جهه وحده هي والميز مالته
‎غسل .... ودخل لغرفته وسد الباب

‎ضل زيودي يبجي
‎ورضاوي يبجي
‎احتاريت اشيل هذا لوو هذا ....لو انضف المطبخ
‎غسلت الهم
‎شلت رضاوي...ولازمه زيودي بيدي وامشي بيه
‎وبس يتباجوون
‎كافي شتردوون موتوني
‎طلع من غرفته
‎شكوو شبيهم الجهال ....
‎ماااعرف ....مااعرف شبيهم....
‎جيبي زيودي .. وانتي خلي يمج رضاوي
‎اخذه مني
‎وضل يبجي اكثر
‎كالي
‎انطيني انطيني رضاوي ..مادام ساكت
‎وشوفي زيودي شبيه.....
‎اخذه مني......وخليت زيودي عندي
‎بدلت اله..... وضليت شايلته وافتر.... بيه لحد ماغفه علئ كتفي

‎خليته بسريره....ورحت نضفت المطبخ وكملته رحت لابو زيد لكيته غافي
‎وزيودي هم لكيته بحضنه نايم
‎شلته منه علئ كيف
‎وخليته بالكاروك مالته.... نمت علئ سريري وغفيت
‎كان ملل البيت كلش
‎لا تلفزيون لا انترنت... حته اختنك من الضوجه مااعرف شسوي
‎كلساع افلش الغرفه
‎وارجع ارتبها.... بس ماجاني نوم بليل هوواي انام علئ وكت
‎صعدت للطابق الثاني
‎فتحت الغرف...بيها هواي تحفيات ولوحات بس استغرب ليش هجي شامريهن هنا
‎صايره مخزن للتحفيات
‎نزلات اكوو هواي ..... وكولها زينه وغاليه وراقيه
‎بس ليش هنا مخليهن عجيب

‎بس هم ماأسأل ولا شئ ..... باوعت من الجام مال طابق الثاني كان جام مضلل ماابين ن
‎منه....اباوع عالشارع وعالمنطقه
‎اوووف الحمدلله ...حته من تزوجت بقيت كم شهر لا طلعت ولا تونست
‎الموحووم واعدني بهواي سفرات
‎وهواي سياحات
‎بس ولا ارتاحيت
‎ولا طلعنه.... ماحققنه اي شئ من الي حلمنه بيه قبل سنه ونص لمن كنه مخطوبين

‎نزلت من الدرج
‎صار فقار بوجهي
‎فزيت
‎شدسوين فووك
‎اني
‎اي انتي لعد منووو
‎كنت ضايجه.... وكعدت فووك
‎شسووين
‎كلت ارتب شئ.....بس فتحت الغرف ولكيتهم مخزن

‎طيف
‎باوعت بيه سكته
‎طيف .... كولي نعم ....
‎افتهميني يابنت الناس كلشي عندج موجود جووه والفووك ماجاي نستخدمه بشئ مااريدج توصلين يمه ابد
‎واذا علئ التنضيف لمن اكوون موجود
‎اني وياج انضفه
‎باوعت اله....اني وياك
‎ايي
‎الفووك بس جام ... ومن توكفين يمه خاف احد يشووفج ويكولون تباوع عالشارع او شئ ثاني
‎حجي لناس مايخلص
‎خلص اسفه
‎بس كنت ضايجه وملانه كلش.....
‎باوعلي ودار وجه وراح لغرفته

‎عمو فقار كنت اعرفه
‎انسان سبورتي ومثقف وشخص بسيط
‎بوفاة زوجته صار شخص ثاني..... كلشي بيه تغيرر
‎اي صحيح كلشي بيه تغير
‎وراح تعرفوون حقيقتي كامله

‎فقار :
‎انا فقار عمري كان 24سنه....اداوم كليه هندسه ببغداد. كنت ضخم واشقر عيوني شهل... الكل كانت معجبه بيه بس
‎ اني نعجبت ببنيه ...كانت حلوه حيل
‎بالصدفه عرفت هي جوارينه ....قريبه علينه بنفس الشارع
‎واول ماشفته.....صارحتها ..... كنت عايش وي اخووي قاسم اكبر مني متزوج وعده بنات اثنين
‎زغار

‎وبعد معاناة يلا صار عدهم ولد
‎سميناه مرتضئ.....كان متعلق بيه حيل ... ومايسكت الا بحضني وهو ازغر مني
‎وصار ابن اليه...
‎بقينه اني والبنيه سنتين مرتبطين
‎كنت احبه صح....بس مو حب قووي لدرجه الحب الجنون
‎انما جميله....ومثقفه ومهندسه
‎صارت سنه جديده النه
‎وكانت بيومها حفله تخرج المرحله مالتنه
‎وسوينه حفله كلش حلووه
‎كنه اني والبنيه الي مرتبط بيها ((احلام)) متفقين نتخرج وننخطب

‎واني بالحفله
‎اجوو. ويايه اخوويه قاسم وزوجته..سعاد
‎واحلام جابت وياها اختها سهام بس ماكنت اعرفها نهائيا
‎كنه متفقين سعاد تشوف احلام
‎ويتعارفوون عليها.. حته بس نكمل تصير خطبه رسميه
‎وبيوم الحفله

‎اجت احلام..... واجت وياها اختها
‎احلام كانت حلوه حيل... وقويه....وشجاعه وعدها ثقه بنفسها عاليه لكونها حلووه حيل وعائلتهم راقيه ومعروفه علئ مستوئ بغداد التجار بيت ابو فلان
‎تلاكينه اني واحلام
‎كانت وياه وحده.... احلئ منها بالف مره
‎خجوووله وصايره وراها
‎سلمت علئ احلام وهي تباوسوو هي وسعاد زوجة اخوي قاسم
‎كتله منو الي وياج
‎بصوت ناصي
‎كالتلي هاي اختي سهام. الي حجيت الك عنها..بس خجووله كلش

‎سلمت عليه ....وكانت مدنكه
‎بس كان شكلها جمال رباني لايوووصف
‎يوم كامل بقينه بالكليه وبالحفله.... سكته وهدوء عكس احلام تماما
‎كان يوم حلوو .... بس رجعت للبيت واني عقلي موو عندي
‎بقيت اسبوع وي احلام نتراسل نتخابر
‎بس كلبي موعدها
‎اول مره هجي احس
‎لمن اتذكر شكلها... انكلب شخص ثاني
‎احس بنفسي ماحبيت ولا جربت الحب
‎حبيت احلام صح
‎وهي كانت شبه مجنونه بيه.... وكنت ناوي وياها زواج
‎بس لمن شفت اختها
‎تخربطت كل احوالي
‎مااعرف شنو جرالي.. ومعقووله احب اخت حبيبتي والبنيه الي صار سنين وياي
‎وتنتظر وياي يوم يوم
‎نتزوج ونصير لبعض

‎وسنتين نحلم سويه بيوم الزواج.... وبيوم الي راح ننجمع ابيت واحد
‎اي كنت احبها صح
‎بس مو ذاك الحب
‎مو الحب الحقيقي الي الانسان يضحي بكلشي علمووده
‎ماكدر اتخيل ولا اكدر اوصف الي صار بيه
‎كلما اخابر احلام اسال عليها
‎وعن حياتها
‎جانت تحجيلي كولشي عنها
‎وتحجيلي شكد طيبه وهادئه..... وحريصه ومتدينه وماعدها علاقات ولا اي شئ
‎امتحنه وكملنه ونجحنه اني واحلام
‎وتخرجنه
‎بس اني كلشي بيه تغير
‎ماكدر اتقبل احلام
‎حته اتصالاتي قلت وياها.... واحس نفسي اتهرب منها
‎بكل طريقه
‎وهي تتعلق بيه اكثر

‎ورجعت للبيت بيوم من الايام
‎لكيت سعاد كاعده ...علئ الغنفه بالصاله
‎كالتلي... ها روضي شوكت نروح اني وعمتك
‎نخطبلك
‎سعاد اريد احاجيج بموضوع مهم
‎شكوو
‎مااعرف شكولج
‎بس ماكدر اخطب احلام
‎ليش يمه شكوو
‎مااكدر
‎اي كولي ليش شفت منها شئ لوو طلعت مو زينه
‎لا سعاد مو هيجي بس انا
‎ايي احجي

‎سعاد مااكدر اخطبها ....انا صح كنت احبها
‎بس مو ذاك الحب
‎مو ذاك الحب شلون وانت 24ساعه تحجي وياها بالخط الارضي وكل شهر ندفع كومه فلوس
‎اي كنت اتخيل نفسي احبها
‎هي حلوه وماكوو نفسها بس والله سعاد ماحبيتها ذاك الحب الي مثل الافلام العربيه ولا نفس الشوق ولهفه
‎احجي فقار شجارلك
‎احجي خووويه كوولي
‎سعاد انا شفت اختها...بالحفله مالت التخرج واني ميت ... بس افكر بيها

‎احجيلي شسوووي
‎سعاد كوليلي
‎عززه بعينك تحب اثنين اخووات
‎لا سعاد عقلي وكلبي كله يمها ويم صورتها ماكدر ابطل تفكير بيها
‎سعاد ساعديني اريدها ليه
‎صار شهرين ميت بيه ...شوفيلي حل اريدها زوجه اليه
‎عززززززه تزوجها
‎ايي

‎للحكايه بقيه

Address

Baghdad

Telephone

+9647513426529

Website

facebook.com

Alerts

Be the first to know and let us send you an email when حدائق واستراحات تصاميم الامراء posts news and promotions. Your email address will not be used for any other purpose, and you can unsubscribe at any time.

حدائق واستراحات تصاميم الامراء