https://www.facebook.com/162886937529712/

الثقة للمقاولات الهندسية والديكور, العراق بابل الحلة شارع 60, Al Hillah (2026)

18/07/2021

🔴الشبابيك الحديد لتشتغلوها لان تزنجر وراح وكتها وتعبر اتربه ومياه الامطار والاوساخ وغيرها.

الي امكانيتة متوسطة خلي يشتغل pvc رخيص وعملي
اما الي امكانيتة جيدة خلي يشتغل المنيوم دبل كلاس حتى يكون عازل للحرارة.

14/10/2020

اعمالنا بالتعاون مع مصمم الديكورات المهندس حسنين علوش مدير مكتب ديكور أكادمي

للاطلاع على أعمال والتصاميم العصرية زيارة الموقع الخاص
https://www.facebook.com/lyon.for.design/

مكتب ديكور اكادمي للتصاميم الهندسية و الديكورات الداخلية

22/01/2020

ملاحظات بالعامية :
المطبخ المفتوح على الهول ميطلع ريحة طبخ ...
السبلت السقفي مو تبريد مركزي ...
باب الغرف ارتفاعه ٢٣٠ سم مو ٢٨٠ سم !!...
كراج السيارة لازم يمنة والي كراجهم يسره حيعرف شنو اقصد ...
ارتفاع الطابق الارضي مو لازم يكون اعلى من الطابق الثاني العكس هو الصح ... يعني اذا الارضي ٣.٥ متر الثاني ٣.٨ متر افضل بالصيف خصوصا ...
ماكو كراج دفن والحفر تحت ١ متر يعتبر سرداب ويحتاج البيت ٧ بايات حته اوصله ...
ماكو واجهه مخنوكة وواجهة مفتوحة اكو تصميم حلو وتصميم موحلو...
ماكو فيكة او حركة تخلي الواجهة تبين اعرض !! اذا واجهه ٥ شبيه ؟ الا تصير ٦ يله احلى ؟...
المطبخ الخارجي الي بالمنور افضل اذا ماكو مساحة للمطبخ الحار ...
الدرج العدل افضل واجمل من الدرج الدائري ...
اقل طول كراج سياره وحدة ٦ متر واقل عرض للكراج ٣.٢٥ متر ...
من تشتري قطعه يفضل بشارع بي رصيف مو اقل من مترين ...
الواجهه الجنوبية الشرقية افضل توجيه للبيت فمن تشتري ارض الافضل تختار واجهه جنوبيه شرقية وتكدر بالموبايل اطلع الخرايط وتشوف توجية الارض ...
المقاول مينفذ احسن من المهندس بس المهندس يفكر اكثر مما يحجي ...
المسبح مكانه يرهم بالطابق الثاني وبالسطح وباي مكان مو الا بالارضي ...
بورد الكهرباء والماطور مو الا يصير وره باب الكراج عادي ...
السخانات والسبالت الخارجية مكانه بالسطح مو بالمناور...
البوستر او ماطور الضغط النازل ضروري ولا تعتمد على ضغط وزن ماء خزان السطح ...
الخسفات والرفوف والفكيات الي تصير بحيطان الحمام مو بالبناء تصير بالتغليف ...
الحمامات مو الا يتغلف سيراميك ممكن مرمر او حتى صبغ اكو انواع اصباغ ...
احسن انواع تغليف الواجهات المقاومة لاجوائنة الجفقيم والصبغ مو مرمر ترفرتين ...
باب المدخل الاستقبال مو الا فردتين فردة وحدة ١٢٠ افضل وارقة من فردتين مثل فردة 80 سم واكو فردة بصفهة 40 سم ماعرف ليش محد يفتحة ومجيمه دائما ...
الدرج مو الا يصيرعرضة مترونص ممكن ٨٠ سم كلشي يصعد بي ...
الدرج الدائري ياخذ مساحة اكثر من العدل ...
اي درج لازم تكون بي استراحة حتلو متر ...
تصميم البيت يم المهندس يطول شهرين مو يومين ...
اكو مكاتب رخيصة واكو غالية والغالي رخيص ...
مو كل مهندس معماري يعرف يصمم خارطة واذا جان مو معماري ويصمم هاي كارثة ...
المناور تتغلف سيراميك رخيص او اي مادة مو الا نثر ...
الترك الي ورة البيت ميهوي البيت بالعكس يخنكة ...
المهندس المعماري يعرف يرسم خارطة مو بس واجهات ...
الدرج مال بيت مو الا كونكريت ويتغلف مرمر ممكن حديد وخشب احلى وافضل وارخص ...
ديكور البيت لازم يصير كلة نفس الفكرة والذوق مو كل غرفة شكل ...
من تنفذ بيت وتسوي الاساس لازم مكمل الخارطة والواجهه ...
ماكو شي اسمة تنفيذ عالمتر واجهه عالمتر سياج عالمتر وماكو كهرباء عالنقاط (اصدقائي المصريين هسه يزعلون) . بقة بس ابو الصحيات مياخذ تاسيس عالمتر ...
بالنسبة لمهندسين الكهرباء والميكانيك والمدني الي يسوون خرايط ! ليش متلتهون بختصاصكم ترة كومة مشاكل بالكهرباء والمجاري والتبريد والتكيف والتسليح والكونكريت ووووو ماله حل ولحد الان مشفت مكتب مفتح للكهرباء او ميكانيك او مدني اني اصير اول زبون الكم !!! بس مكاتب معماري لان المعماريين احسن منكم انتاجهم تارس الفيسبك وديحلون مشاكل الخرايط والبناء وديلكون شغل !! والبيوت العراقية مليانه مشاكل بالتآسيسات وحضرتك دكول ماكو شغل وادورتعيين !! ...
الاستقبال مو ضروري يكون موجود اذا ماجان عندك ضيوف باستمرارعائلتك واطفالك اولا بالاهتمام شنو فائدة استقبال بالواجهه محجوز للخطار والبيت من جوة يخنك معزول عن الشمس والواجهة ولا بي مساحة مفتوحة ...
الكراج من يكون سيارتين مو الا وحده وره الثانيه ممكن سياره بصف سياره وهو الافضل !! ...
جيرانك اذا جان اعلى من بيتك مو بالضرورة تكون اعلى منه ماعرف منو مطلع هاي السالفة ...
رمبه السياره تصير على كد الرصيف مو تاخذ نص الشارع وجيب مهندس مساحة يحدد ارتفاع البيت ويسقط ويرسم الخارطة عالكاع موالمقاول ...
الحمام غرفة السويت ميطلع ريحة عالغرفة لان غرف الفنادق مطلع ريحة ومابيه شباك اصلا ...
الطباخ لازم يصيرفوكاه دكت عمودي موو افقي يصعد للسطح وممكن بوري مجاري حجم وسط ماكو شي اسمه ساحبه عالكراج او عالمنور ...
بايات الدرج ارتفاعه ١٦ سم مو ٢٠ سم وعرض البايه ٣٣ سم مو ٢٦ وماكو شي اني احدد ارتفاع البايات بالتطبيك مال درج لازم من الاساس من القالب ...
السطح مو الا يطبك شتايكر ممكن مرمر بورسلين صبغ اي مادة بس لازم يسلط ...
من تغير عالخارطة بالتنفيذ عالاقل اخذ رآي المعماري بية ولا تخلي احد غير المصمم المعماري يغير مهما كان التغيير بسيط ..
الافضل مهندس مساحة يجي يقيس ابعاد قطعتك لا تعتمد عالدلال او الفيته اليزريه نهائيا ...
المجاري مال امطار السطح ميصير اذب عالمنهولات الي بالمناور الداخلية الي غركت بيوتهم بالمطرات القوية حيعرفون ليش لازم يذب منهوله بره بالكراج ...
الساحبه مال حمام لازم اصير بعيده عن شباك الحام حته يصير مداور تهوية ميصير الساحبة تصير بالشباك نفسة ..

منقول من صفحة الاستاذ اكرم عبد اللطيف