ჩვენი ისტორია იწყება ჯერ კიდევ 1998 წლიდან, როდესაც გერმანელი პარტნიორების თანამონაწილეობით დაარსდა გადახურვებზე და ჰიდროსაიზოლაციო სამუშაოების შესრულებაზე ორიენტირებული კომპანია "მოდერნ ბაუ" . სწორედ მათი დახმარებით ჩვენმა კომპანიამ პირველად საქართველოში ჩამოიტანა და გამოიყენა გადახურვის გერმანული მასალები.
2003 წლიდან ორგანიზაციის ბაზაზე შეიქმნა ერთობლივი კომპანია „მოდერნრუფინგი“. ფინანსურმა
ინვესტიციამ, ხელი შეუწყო კომპანიას სწრაფად განვითარებულიყო და გამხდარიყო მოწინავე გადახურვის და ჰიდროიზოლაციის ისეთ სახეობებში როგორიცაა: ბრტყელი და ქანობიანი სახურავები; ტერასების, საძირკვლების და კედლების ჰიდროიზოლაცია; მწვანე სახურავების მოწყობა და ასე შემდეგ.
მოდერნრუფინგმა წარმატებით განავითარა საქმიანი პარტნიორული ურთიერთობები მრავალ საერთაშორისო თუ ადგილობრივ სამშენებლო კომპანიასთან. ჩვენი გუნდი არის ექსკლუზიური წარმომადგენელი ამიერკავკასიის რეგიონში ისეთი წამყვანი კომპანიების როგორიცაა: BAUDER, HILLE, BRAAS, GERARD, GEOMASS, FIRST და მრავალი სხვა.
გვეამაყება, რომ საქართველოს უახლეს არქიტექტურულ ისტორიაში გამორჩეული ადგილი გვიკავია, რაზეც მეტყველებს ჩვენს მიერ შესრულებული გადახურვები ისეთი მნიშვნელოვანი ობიექტებისათვის როგორიცაა: ეროვნული სტადიონი, საქართველოს პრეზიდენტის რეზიდენცია, ქუთაისის პარლამენტი, იუსტიციის სახლები, თბილისი პროკურატურა, ამერიკის შეერთებული შტატების საელჩო, რესტორნების ქსელი - მაკდონალდსი, ოლიმპიური აუზი, ლისი ვერანდა, სმარტის სავაჭრო ობიექტები, ფორუმი ახალი ნათება, თეგეტა მოტორსი, ომეგა მოტორსი, პროკრედიტ ბანკი, M2_ის და რედიქსის საცხოვრებელი კორპუსები, გასართობი-სავაჭრო ცენტრი ისტ პოინტი და მრავალი სხვა.
