Ethiopian Electric Power-የኢትዮጵያ ኤሌክትሪክ ኃይል

Directions Website Contact the business

Ethiopian Electric Power-የኢትዮጵያ ኤሌክትሪክ ኃይል Ethiopian Electric Power is a state-owned electric producer in the Federal Democratic Republic of Ethiopia Telephone:- 011-5-580-631

"ምንም የውሃ አበርክቶ የሌላት ግብፅ በኢትዮጵያ ላይ የምታቀርበው መሠረተ ቢስ ክስ ፍጹም ተቀባይነት የለውም" - ያዕቆብ አርሳኖ (ዶ/ር)…….///…….ግብፅ በአባይ ወንዝ ላይ ምንም ዓይነት...
30/08/2026

"ምንም የውሃ አበርክቶ የሌላት ግብፅ በኢትዮጵያ ላይ የምታቀርበው መሠረተ ቢስ ክስ ፍጹም ተቀባይነት የለውም" - ያዕቆብ አርሳኖ (ዶ/ር)
…….///…….
ግብፅ በአባይ ወንዝ ላይ ምንም ዓይነት የውሃ አበርክቶ ሳይኖራት ኢትዮጵያ ላይ የምታቀርበው መሠረተ ቢስ ክስ ፍጹም ተቀባይነት እንደሌለው በአዲስ አበባ ዪኒቨርሲቲ የውሃ ፖለቲካ ተመራማሪው ያዕቆብ አርሳኖ (ዶ/ር) ገለጹ::

ተመራማሪው ለኢቢሲ እንደገለፁት ግብፅ ወንዙን በብቸኝነት ለመጠቀም ያላት ስግብግብ ፍላጎት እና የምታራምደው ግትር አቋም ከራስ ወዳድነት የመነጨ የሺህ ዘመናት ስሁት ትርክት ነው፡፡

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ትዊተር↠https://twitter.com/EEPethiopia
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 24 ቀን 2018 ዓ.ም

የወልዲያ ማከፋፈያ ጣቢያ በዛሬው ዕለት በስኬት ኢነርጃይዝ ተደረገ…….///…….የባህር ዳር - ወልዲያ - ኮምቦልቻ ባለ 400 ኪሎ ቮልት የማስተላለፊያ መስመር ፕሮጀክት አካል የሆነው የወልዲ...
29/08/2026

የወልዲያ ማከፋፈያ ጣቢያ በዛሬው ዕለት በስኬት ኢነርጃይዝ ተደረገ
…….///…….
የባህር ዳር - ወልዲያ - ኮምቦልቻ ባለ 400 ኪሎ ቮልት የማስተላለፊያ መስመር ፕሮጀክት አካል የሆነው የወልዲያ ባለ 230 ኪሎ ቮልት ማከፋፈያ ጣቢያ በዛሬው ዕለት ኢነርጃይዝ ተደርጓል።

በኢትዮጵያ ኤሌክትሪክ ኃይል የትራንስሚሽን ቢዝነስ የፕሮግራም 1 ፕሪጀክት አስተዳደር 1 ቢሮ ሥራ አስኪያጅ አቶ አሸናፊ ሙሉብርሃን እንደገለፁት ማከፋፈያ ጣቢያው የፕሮጀክቱ አካል ከሆነው የ 7 ነጥብ 5 ኪ.ሜ ባለ 230 ኪሎ ቮልት መስመር ላይ ኃይል እንዲያገኝ ተደርጓል፡፡

የወልዲያ ማከፋፈያ ጣቢያ መስከረም 2018 ዓ.ም ላይ የፍተሻ ስራ በአብዛኛው ተጠናቆ የነበረ ቢሆንም በወሩ መጨረሻ ላይ በአካባቢው በተቀሰቀሰ ግጭት የተነሳ በጣቢያው የተተከሉ ዕቃዎች ጉዳት ደርሶባቸው ሥራውን የሚያከናውነው ተቋራጭ ፕሮጀክቱን አልቀጥልም እስከማለት ደርሶ እንደነበር አቶ አሸናፊ ተናግረዋል፡፡

ይሁንና በኢትዮጵያ ኤሌክትሪክ ኃይል የትራንስሚሽን ቢዝነስ ዘርፍ እና የፕሮጀክት ቢሮው ከሚመለከታቸው አካላት ጋር በመነጋገር ቀሪውን ሥራ የተቋሙ ባለሙያዎች ሥራውን ከተቋራጩ በመረከብ ኢነርጃይዝ ማድረግ ትልቅ ስኬት ማስመዝገብ ተችሏል ብለዋል።

እንደ አቶ አሸናፊ ገለፃ የባህር ዳር - ወልዲያ - ኮምቦልቻ ባለ 400 ኪሎ ቮልት የማስተላለፊያ መስመር ፕሮጀክት አካል የሆነው 300 ኪ.ሜ የሚረዝመው ከባህር ዳር - ወልዲያ የተዘረጋው ባለ 400 ኪ.ቮ የማስተላለፊያ መስመርም የፍተሻ ሥራ በመካሄድ ላይ ነው፡፡

በቅርቡ ፍተሻው ሲጠናቀቅ ዝግጁ ከተደረገው የወልዲያ ባለ 400 ኪሎ ቮልት ስዊትችጊር ጋር እንደሚገናኝ ጠቁመዋል።

የባህር ዳር - ወልዲያ - ኮምቦልቻ የማስተላለፊያ መስመርና የማከፋፈያ ጣቢያ ፕሮጀክት ሙሉ በሙሉ ሲጠናቀቅ ኮምቦልቻ ላይ ያለውን ኢንዱስትሪ ፓርክ እንዲሁም በወልዲያ እና ኮምቦልቻ ከተሞች እና አካባቢያቸው አስተማማኝ ኃይል እንዲያገኙ ያደርጋል።

በማይመች ሁኔታ ላይ ሥራቸውን ከፍተኛ መስዋዕትነት ላከናወኑ ለተቋሙ ሠራተኞች እና አመራሮች ምስጋናቸውን አቅርበዋል፡፡

ፕሮጀክቱ በተደጋጋሚ ከጸጥታ እና ስርቆት እንዲሁም በሰሜን ኢትዮጵያ ተካሂዶ ከነበረው ጦርነት ጋር በተያያዘ የፕሮጀክት ዕቃዎች መጥፋት እና መጎዳት አጋጥሞት እንደነበር መግለፃችን ይታወሳል፡፡

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 23 ቀን 2018 ዓ.ም

የጡረተኞችን ሁለንተናዊ ተጠቃሚነት ለማረጋገጥ በትኩረት ይሰራል....///.....በኢትዮጵያ ኤሌክትሪክ ኃይልና በኢትዮጵያ ኤሌክትሪክ አገልግሎት የቀድሞ ሠራተኞች የተመሠረተው ‎የመብራት ኃይል...
29/08/2026

የጡረተኞችን ሁለንተናዊ ተጠቃሚነት ለማረጋገጥ በትኩረት ይሰራል....///.....
በኢትዮጵያ ኤሌክትሪክ ኃይልና በኢትዮጵያ ኤሌክትሪክ አገልግሎት የቀድሞ ሠራተኞች የተመሠረተው ‎የመብራት ኃይል ሠራተኞች ጡረተኞች ማህበር ሦስተኛ ጠቅላላ ጉባዔውን በዛሬው ዕለት አካሂዷል።

የጉባዔው ሰብሳቢ ወ/ሮ ናዝሬት ዘለቀ እንደገለጹት የማህበሩ አባላት በእድሜ ገደብ ምክንያት ከተቋማቱ በጡረታ ቢገለሉም እንደሀገር በኃይል ልማት ዘርፍ ለተመዘገበው ውጤት የድርሻቸውን ተወጥተዋል።

የአባላቱን ግንኙነት በማጠናከር የሚያጋጥሟቸውን ችግሮች ለመቅረፍና ሁለንተናዊ ተጠቃሚነት ለማረጋገጥ ማህበሩ በርካታ ተግባራትን እያከናወነ እንደሚገኝም ጠቁመዋል።

የተሻሻለው የማህበሩ መተዳደሪያ ደንብን ጨምሮ የሥራ አሥፈጻሚና የፋይናንስ ሪፖርት በማህበሩ ፕሬዝዳንት አቶ ተሾመ መርዕድ እና በማህበሩ ምክትል ፕሬዝዳንት አቶ መኮንን ክፍሌ ቀርቦ በጉባዔተኛው ጸድቋል፡፡

የኢትዮጵያ ኤሌክትሪክ ኃይል ዋና ሥራ አስፈጻሚን በመወከል መልዕክት ያስተላለፉት የኮርፖሬት ፋይናንስና ሀብት አስተዳደር ዘርፍ ምክትል ዋና ሥራ አስፈፃሚ አቶ ደመረ አሰፋ እንደገለጹት ለረጅም ዘመናት ያገላገላችሁበትን ተቋም የተሻለ ደረጃ ላይ እንዲደርስ እና አስተማማኝ የኃይል አቅርቦት እንዲኖር መልካም ጅምሮችን በማጠናከርና አዳዲስ ዕይታዎችን በመጨመር እየተሰራ ነው።

በተደጋጋሚ ከጡረተኞች የሚነሱትን የህክምና ጨምሮ ሌሎች ጥያቄዎችን ከኢትዮጵያ ኤሌክትሪክ አገልግሎት ጋር በመሆን ምላሽ ለመስጠት በትኩረት እየተሰራ ስለመሆኑ አብራርተዋል።

የኢትየኢትዮጵያ ኤሌክትሪክ አገልግሎት ዋና ሥራ አስፈጻሚን በመወከል መልዕክት ያስተላለፉት አቶ ኢሳያስ ደንድር በበኩላቸው ጡረተኞች የኃይል ዘርፉ አሁን የደረሰበት ደረጃ እንዲደርስ በጎ አሻራቸውን ያሳረፉ የሀገር ባለውለታ መሆናቸውን አብራርተዋል፡፡

የተቋማቱን አሰራርና ሕግ በተከተለ መልኩ ከማህበሩ ጋር በቅርበትና በትብብር በመስራት የጡረተኞችን ሁለንተናዊ ተጠቃሚነት ለማረጋገጥ የተጀመሩ ሥራዎች መኖራቸውንም አስታውሰዋል፡፡

በጡረተኞች የሚቀርቡ ጥያቄዎችን ለመመለስ እየተሰራ መሆኑን የጠቆሙት የሁለቱ ተቋማት የሥራ ኃላፊዎች ተቋማቱን ለማሳደግና ለማዘመን በሚደረገው ጥረትም ጡረተኞች የበኩላቸውን ድርሻ እንዲወጡ ጠይቀዋል፡፡

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 23 ቀን 2018 ዓ.ም

በበጀት ዓመቱ የተቀናጀ የውሃ አጠቃቀምና የግድብ ውሃ አስተዳደር ተግባራዊ ይደረጋል…….///……በ2019 በጀት ዓመት 32 ሺህ 134 ጊጋ ዋት ስዓት ኢነርጂ ለማመንጨት መታቀዱን የኃይል ማመን...
29/08/2026

በበጀት ዓመቱ የተቀናጀ የውሃ አጠቃቀምና የግድብ ውሃ አስተዳደር ተግባራዊ ይደረጋል
…….///……
በ2019 በጀት ዓመት 32 ሺህ 134 ጊጋ ዋት ስዓት ኢነርጂ ለማመንጨት መታቀዱን የኃይል ማመንጫዎች ኦፕሬሽን ሥራ አስፈፃሚ አስታወቁ።

ሥራ አስፈፃሚው ኢንጂነር እያየሁ ሁንዴሳ እንደገለፁት በበጀት ዓመቱ ለማመንጨት ከታቀደው ውስጥ ታላቁ የኢትዮጵያ ህዳሴ ግድብ 44 በመቶ፣ ጊቤ ሶስት 19.3 በመቶ እንዲሁም በለስ ኃይል ማመንጫ ጣቢያ 7.8 በመቶ ድርሻ ይኖራቸዋል።

በክረምቱ ወራት ያጋጠመውን የዝናብ እጥረት ለማካካስ ልዩ ጥብቅ የውሃ አጠቃቀምና የተቀናጀ የግድብ ውሃ አስተዳደር ተግባራዊ እንደሚደረግም ነው የገለፁት።

የበጀት ዓመቱን የማመንጨት ዕቅድ ለማሳካት አንድም ኪሎ ዋት ሳይባክን ሁሉንም የኃይል ማመንጫ ጣቢያዎች ዝግጁ ማድረግ እንደሚገባ የገለፁት ኢንጂነር እያየሁ እስከ ጥቅምት ወር ያለውን የዝናብ ስርጭት በመገምገም የማመንጨት ዕቅዱ ሊከለስ እንደሚችል ጠቁመዋል።

ሀገራዊ የኤሌክትሪክ ፍላጎትን ለማሟላት ሁሉም ኃይል ማመንጫ ጣቢያዎች ከወትሮው በተለየ የቅድመ መከላከል፣የፍተሻና የጥገና ሥራዎች ማከናወን እንደሚጠበቅባቸውም ነው ያሳሰቡት።

ሥራ አስፈፃሚው እንዳሉት የባለሙያዎችን የመፈፀም አቅም ለማሳደግ በኃይል ዘርፍ የካበተ ልምድ ያላቸውን የውጭ ሀገር ከፍተኛ ባለሙያዎች በማምጣት የስራ ላይ የአቅም ግንባታ ሥልጠናዎች ይሰጣሉ።

የሠራተኞችን ተነሳሽነት ለማሳደግ የሥራ ከባቢን ምቹ የሚያደርጉ የመኖሪያ ቤት ዕድሳት፣ የካፍቴሪያ፣ የመጠጥ ውሃ አቅርቦትና የመዝናኛ ሥፍራ የማስፋፊያ ሥራዎች እንደሚከናወኑም ነው ያስታወቁት።

ሁሉም ሠራተኛ የዕለት ከዕለት ሥራውን ሲያከናውን የሥራ ላይ ደህንነት መጠበቂያ ቁሳቁሶችንና አልባሳትን በአግባቡ ሊጠቀም እንደሚገባ አሳስበዋል።

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 23 ቀን 2018 ዓ.ም

"ከግድቡ የሚመነጨው ኃይል የምስራቅ አፍሪካን የኢኮኖሚ አጋርነት እያጎለበተው ይገኛል" ያዕቆብ አርሳኖ (ዶ/ር)..///…ታላቁ የኢትዮጵያ ሕዳሴ ግድብ የሀገር ውስጥ የኤሌክትሪክ ተደራሽነትን...
29/08/2026

"ከግድቡ የሚመነጨው ኃይል የምስራቅ አፍሪካን የኢኮኖሚ አጋርነት እያጎለበተው ይገኛል" ያዕቆብ አርሳኖ (ዶ/ር)..///…
ታላቁ የኢትዮጵያ ሕዳሴ ግድብ የሀገር ውስጥ የኤሌክትሪክ ተደራሽነትን ከማሳደግ ባለፈ ለጎረቤት ሀገራት ታዳሽ ኃይል በማቅረብ የምሥራቅ አፍሪካን የኢኮኖሚ ትስስር እያጠናከረ መምጣቱ ተገለጸ።

የአዲስ አበባ ዩኒቨርሲቲ የውሃ ፖለቲካ ምሁሩና የሕዳሴ ግድብ ተደራዳሪ አባል የነበሩት ያዕቆብ አርሳኖ (ዶ/ር) እንደገለጹት ሀገሪቱ እያደገ የመጣውን ታዳሽ ኃይል የማመንጨት አቅሟን በመጠቀም ለጎረቤቶቿ ኃይል በማቅረብ ላይ ትገኛለች።

ከኬንያ እስከ ታንዛኒያ በተዘረጋው የከፍተኛ ኃይል ማስተላለፊያ መስመር ለኬንያና ታንዛኒያ የኤሌክትሪክ ኃይል እየቀረበ መሆኑን ተናግረዋል፡፡

ይህም ሀገሪቱ የምታመርተውን ንጹህ ኢነርጂ እስከ መካከለኛውና ደቡባዊ አፍሪካ ሀገራት ለማድረስ ትልቅ ዕድል የሚፈጥር መሆኑን ገልጸዋል።

የኢትዮጵያ የታዳሽ ኃይል የማመንጨት አቅም ከፍተኛ መሆኑ የተጠቀሱት ምሁሩ ሀብቱን በሙሉ አቅም ለማልማት ግን ጊዜ የሚጠይቅና ደረጃ በደረጃ የሚከናወን መሆኑን ገልጸዋል።

ተጨማሪ ያንብቡ.…
https://www.eep.com.et/?amh-news=ከግድቡ-የሚመነጨው-ኃይል-የምስራቅ-አፍሪ&lang=am

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 22 ቀን 2018 ዓ.ም

እያንዳንዷን የውሃ ጠብታ በአግባቡ መጠቀም ይገባል……..///……..የዝናብ እጥረትን ተከትሎ እያንዳንዷን የውሃ ጠብታ በቁጠባና ውጤታማ በሆነ መንገድ አገልግሎት ላይ ማዋል እንደሚገባ የኃይል ...
29/08/2026

እያንዳንዷን የውሃ ጠብታ በአግባቡ መጠቀም ይገባል
……..///……..
የዝናብ እጥረትን ተከትሎ እያንዳንዷን የውሃ ጠብታ በቁጠባና ውጤታማ በሆነ መንገድ አገልግሎት ላይ ማዋል እንደሚገባ የኃይል ማመንጫ ጣቢያ ማስተባበሪያዎች ገለፁ።

የኃይል ማመንጫዎች ኦፕሬሽን በ2018 አፈፃፀም እና በ2019 በጀት ዓመት ዕቅድ ዙሪያ በአዳማ ከተማ በጀመረው ውይይት ላይ የኃይል ማንጫ ጣቢያዎች ማስተባበሪያ 1 ዳይሬክተር አቶ አብዱ ይማም እንደገለፁት የዘንድሮውን ክረምት የዝናብ ሥርጫቱ አነስተኛ በመሆኑ በግድቦች በቂ ውሃ ላይኖር ስለሚችል የኃይል ማመንጫ ጣቢያዎችን ከወትሮው በተለየ መልኩ መምራት ይገባል።

እያንዳንዷን ጠብታ ውሃ በቁጠባና ውጤታማ በሆነ መልኩ መጠቀም ይገባል ያሉት ዳይሬክተሩ ሁሉም ሠራተኛ በከፍተኛ ተነሳሽነት የዕለት ከዕለት ሥራውን ሊያከናውን ይገባል ብለዋል።

የኃይል ማመንጫዎች ማስተባበሪያ 2 ዳይሬክተር አቶ ሀብታሙ ገረመው በበኩላቸው የኃይል ማመንጫ ዩኒቶችን በወቅቱ በመጠገን ሁሉንም የማመንጫ ዩኒቶች ወደ አገልግሎት ማስገባት እንደሚገባ ተናግረዋል።

ተጨማሪ ያንብቡ.…
https://www.eep.com.et/?amh-news=እያንዳንዷን-የውሃ-ጠብታ-በአግባቡ-መጠቀ&lang=am

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ትዊተር↠https://twitter.com/EEPethiopia
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 20 ቀን 2018 ዓ.ም

በአዲሱ የካሳ አዋጅና መመሪያ መሰረት ለፕሮጀክቶች መዘግየት ምክንያት የሆኑ ጉዳዮችን ለመፍታት ይሰራል ….///….የኢትዮጵያ ኤሌክትሪክ ኃይል በአዲሱ የካሳ አዋጅና መመሪያ መሰረት ለፕሮጀክቶ...
28/08/2026

በአዲሱ የካሳ አዋጅና መመሪያ መሰረት ለፕሮጀክቶች መዘግየት ምክንያት የሆኑ ጉዳዮችን ለመፍታት ይሰራል
….///….

የኢትዮጵያ ኤሌክትሪክ ኃይል በአዲሱ የካሳ አዋጅና መመሪያ መሰረት ለፕሮጀክቶች መዘግየት ምክንያት የሆኑ የካሳ ክፍያ ጥያቄዎችን ለመፍታት በትኩረት እንደሚሰራ አስታወቀ፡፡

የተቋሙ ዋና ሥራ አስፈፃሚ ኢንጂነር አሸብር ባልቻ ከመገናኛ ብዙኃን ባለሙያዎች ለቀረቡላቸው ጥያቄዎች ምላሽ ሲሰጡ እንደተናገሩት የኃይል ልማት ፕሮጀክቶችን በተያዘላቸው የጊዜ ሰሌዳ መሰረት ለማጠናቀቅ ከሚያጋጥሙት ዋነኛ ማነቆዎች መካከል የካሳ ክፍያ ጥያቄዎች ዋነኞቹ ናቸው፡፡

በአዲሱ የካሳ አዋጅና መመሪያ መሰረት የሚከናወኑ የካሳ ክፍያና የመሬት ርክክብ ሂደቶች ግልጽነትና ተጠያቂነትን የሚያሰፍኑ በመሆናቸው ተቋሙ በካሳ ምክንያት የሚጓተቱ የኃይል ማመንጫ፣ የኃይል ማስተላለፊያ መስመር እና የማከፋፈያ ጣቢያ ፕሮጀክቶችን ለማፋጠን ይሰራል ብለዋል፡፡

ፕሮጀክቶች ሙሉ በሙሉ ተጠናቀው አገልግሎት መስጠት እስኪጀምሩ ድረስ የኢነርጂ ብክነት እንዳይኖር ለዳታ ማይኒንግ ተቋማት ኃይል በማቅረብ ለተቋሙ ተጨማሪ የገቢ ምንጭ መፍጠር መቻሉንም አብራርተዋል።

የዳታ ማይኒንግ ኩባንያዎች የሚወስዱት የኃይል ድርሻ አጠቃላይ ከሚመረተው ኃይል ከ23 በመቶ እንዳይበልጥ ገደብ መጣሉን የጠቆሙት ኢንጂነር አሸብር ውሳኔው የሀገር ውስጥ የኤሌክትሪክ ኃይል አቅርቦትን እና ፍላጎትን ለማመጣጠን ታስቦ የተደረገ መሆኑን ገልፀዋል።

በሀገሪቱ የሚስተዋለው የኃይል መቋረጥ ችግር ከኃይል ማመንጨት አቅም እጥረት ጋር ብቻ የተያያዘ ሳይሆን ከኃይል ሥርጭት፣ ከቆጣሪዎች፣ ከማስተላለፊያ መስመሮች መቆረጥ እንዲሁም በኃይል ማከፋፈያ ጣቢያዎች ላይ በሚደርሱ ሕገ-ወጥ ጥቃቶችና ጉዳቶች ምክንያት የሚከሰት መሆኑንም አብራርተዋል።

የኮይሻ የኃይል ማመንጫ ፕሮጀክት ግንባታን ለማጠናቀቅ ከ3 ቢሊዮን ዩሮ በላይ ኢንቨስትመንት እንደሚጠይቅ ያብራሩት ዋና ሥራ አስፈፃሚው ፕሮጀክቱን ሙሉ በሙሉ አጠናቆ ለአገልግሎት ለማብቃት ከጣሊያን ባንኮች ጋር የብድር ድርድር እየተደረገ እንደሚገኝ ገልፀዋል።

የተቋሙ የኮርፖሬት ፋይናንስና ሀብት አስተዳደር ምክትል ዋና ሥራ አስፈፃሚ አቶ ደመረ አሰፋ ተቋሙ በሀብት መጠኑ በሀገሪቱ ከሚገኙ ትላልቅ ተቋማት መካከል በግንባር ቀደምትነት የሚሰለፍ ቢሆንም ከሚያገኘው ገቢ አንፃር ግን አሁንም በዝቅተኛ ደረጃ ላይ ይገኛል።

ከ10 ዓመታት በኋላ የተደረገው የታሪፍ ማሻሻያ የተቋሙን ገቢ በማሳደግ ረገድ ትልቅ አስተዋጽኦ ማድረጉንም ተናግረዋል።

በተቋሙ የጀነሬሽን ቢዝነስ ዘርፍ ምክትል ዋና ሥራ አስፈፃሚ ኢንጂነር ኤፍሬም ወ/ኪዳን በበኩላቸው የታላቁ የኢትዮጵያ ህዳሴ ግድብ ኃይል ማመንጨት መጀመሩ የተቋሙን ገቢ እና የሀገሪቱን የኃይል ማመንጨት አቅም ማሳደግ መቻሉን ጠቁመዋል፡፡

በበጀት ዓመቱ ከመነጨው የኤሌክትሪክ ኃይል ውስጥ የታላቁ የኢትዮጵያ ህዳሴ የኃይል ማመንጫ ጣቢያ 51 ነጥብ 5 በመቶ ድርሻ እንደነበረውም አንስተዋል።

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ትዊተር↠https://twitter.com/EEPethiopia
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 22 ቀን 2018 ዓ.ም

ተቋማቱ በጋራ ለመሥራት የሚያስችላቸውን የትብብርና የመግባቢያ ሥምምነት ተፈራረሙ...///.....የኢትዮጵያ ኤሌክትሪክ ኃይል እና የኢትዮጵያ ኤሌክትሪክ አገልግሎት ለህብረተሰቡ አስተማማኝ የኃ...
28/08/2026

ተቋማቱ በጋራ ለመሥራት የሚያስችላቸውን የትብብርና የመግባቢያ ሥምምነት ተፈራረሙ...///.....
የኢትዮጵያ ኤሌክትሪክ ኃይል እና የኢትዮጵያ ኤሌክትሪክ አገልግሎት ለህብረተሰቡ አስተማማኝ የኃይል አቅርቦት ተደራሽ ለማድረግ የሚያስችላቸውን የትብብርና የመግባቢያ ሥምምነት በዛሬው ዕለት በስካይ ላይት ሆቴል ተፈራርመዋል።

ሥምምነቱ የኤሌክትሪክ አገልግሎት ተደራሽነትን በማስፋት የደንበኞችን እርካታ ለማረጋገጥ፣ የተቋማቱን የፕሮጀክትና የኦፕሬሽን ሥራዎች ውጤታማ ለማድረግ፣ እንዲሁም ወጪና ብክነትን በመቀነስ ገቢን ለማሳደግ ያለመ ነው።

ሥምምነቱን የኢትዮጵያ ኤሌክትሪክ ኃይል ዋና ሥራ አስፈፃሚ ኢንጂነር አሸብር ባልቻ እና የኢትዮጵያ ኤሌክትሪክ አገልግሎት ዋና ሥራ አስፈፃሚ ኢንጂነር ጌቱ ገረመው ተፈራርመዋል።

ተጨማሪ ለማንበብ…
https://www.eep.com.et/?amh-news=ተቋማቱ-በጋራ-ለመሥራት-የሚያስችላቸውን&lang=am

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ትዊተር↠https://twitter.com/EEPethiopia
📌ሊንክዲን↠ https://www.linkedin.com/company/ethiopian-electric-power
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 22 ቀን 2018 ዓ.ም

የተቋሙ ዋና ሥራ አስፈፃሚ ኢንጂነር አሸብር ባልቻ የ2019 በጀት ዓመት ዕቅድን አስመልክቶ ለመገናኛ ብዙኃን በሰጡት መግለጫ ላይ ያነሷቸው ዋና ዋና ጉዳዮች..///...📌 በ2019 በጀት ዓመ...
28/08/2026

የተቋሙ ዋና ሥራ አስፈፃሚ ኢንጂነር አሸብር ባልቻ የ2019 በጀት ዓመት ዕቅድን አስመልክቶ ለመገናኛ ብዙኃን በሰጡት መግለጫ ላይ ያነሷቸው ዋና ዋና ጉዳዮች..///...
📌 በ2019 በጀት ዓመት 9 ሺህ 770 ሜጋ ዋት የማመንጨት አቅም ላይ ለመድረስ ታቅዷል።

📌 በበጀት ዓመቱ 32 ሺህ 134 ጊጋ ዋት ሰዓት ለማመንጨት ታቅዷል። ከዚህ ውስጥ ለሀገር ውስጥ 29 ሺህ 884 ነጥብ 64 ጊጋ ዋት ሰዓት እንዲሁም ለውጭ ሀገራት 2 ሺህ 249 ነጥብ 36 ጊጋ ዋት ሰዓት ለኃይል ለማቅረብ ታቅዷል።

📌 56 ከፍተኛ የኃይል ማስተላለፊያ መስመሮችን እና የማከፋፈያ ጣቢያ ፕሮጀክቶችን ግንባታ ለመጀመር ታቅዷል።

📌 ተቋሙ በ2019 በጀት ዓመት ከ121 ነጥብ 2 ቢሊዮን ብር በላይ ገቢ ለማግኘት አቅዷል።

📌 በበጀት ዓመቱ ከኃይል ሽያጭ 278 ነጥብ 63 ሚሊዮን ዶላር የውጭ ምንዛሪ ለማግኘት ዕቅድ ተይዟል፡፡

📌 ገናሌ ዳዋ 6 የውሃ፣ አይሻ ደወሌ የንፋስ እና ጋድ የፀሐይ የኃይል ማመንጫ ፕሮጀክቶችን ግንባታ ለማስጀመር ዕቅድ ተይዟል።

📌 በበጀት ዓመቱ የአየር ንብረት ለውጡ (ኤልኒኖ) በተቋሙ የኃይል ማመንጨት ሥራዎች እና በኃይል ሽያጭ ገቢ ላይ አሉታዊ ጫና ሊያሳድር ይችላል።

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ትዊተር↠https://twitter.com/EEPethiopia
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 22 ቀን 2018 ዓ.ም

የተቋሙ ዋና ሥራ አስፈፃሚ ኢንጂነር አሸብር ባልቻ የ2018 በጀት ዓመት አፈፃፀምን አስመልክቶ ለመገናኛ ብዙኃን በሰጡት መግለጫ ላይ ያነሷቸው ዋና ዋና ጉዳዮች..///...📌 ሀገራዊ የኤሌክት...
28/08/2026

የተቋሙ ዋና ሥራ አስፈፃሚ ኢንጂነር አሸብር ባልቻ የ2018 በጀት ዓመት አፈፃፀምን አስመልክቶ ለመገናኛ ብዙኃን በሰጡት መግለጫ ላይ ያነሷቸው ዋና ዋና ጉዳዮች..///...

📌 ሀገራዊ የኤሌክትሪክ የማመንጨት አቅም 9 ሺህ 730 ሜጋ ዋት ደርሷል። ይህም በ2017 ከነበረበት በ1 ሺህ 811 ሜጋ ዋት ወይም በ23 በመቶ ዕድገት አሳይቷል።

📌 በበጀት ዓመቱ የታላቁ የኢትዮጵያ ህዳሴ ግድብን ጨምሮ የአይሻ ሁለት እና የአሰላ የንፋስ ኃይል ማመንጫ ፕሮጀክቶችን ወደ ኦፕሬሽን ማስገባት ተችሏል።

📌 በ2018 በጀት ዓመት ለሀገር ውስጥና ለውጭ ሀገራት ከቀረበ የኃይል ሽያጭ እንዲሁም ከተለያዩ የገቢ ምንጮች 124 ነጥብ 2 ቢሊዮን ብር ገቢ ተገኝቷል። ይህም ካለፈው በጀት ዓመት ተመሳሳይ ወቅት ጋር ሲነፃፀር የ57 ነጥብ 8 በመቶ ብልጫ አለው።

ተጨማሪ ለማንበብ…
https://www.eep.com.et/?amh-news=የተቋሙ-ዋና-ሥራ-አስፈፃሚ-ኢንጂነር-አሸብ&lang=am

💡 "ንፁህ ኢነርጂ ለተሻለ ህይወት!”

📌ፌስቡክ↠https://www.facebook.com/Ethioelectric
📌ቴሌግራም↠https://t.me/EEPCommuication
📌ሊንክዲን↠ https://www.linkedin.com/company/ethiopian-electric-power
📌ትዊተር↠https://twitter.com/EEPethiopia
📌ዩትዩብ↠https://www.youtube.com/
📌ድረ- ገጽ ይጎብኙ https://www.eep.com.et
ነሐሴ 22 ቀን 2018 ዓ.ም

Address

Kotebe, Ethiopian Electric Power HQ, Infront Of Kotebe Metal Tools Factory
Addis Ababa

Opening Hours

Monday 08:00 - 17:00
Tuesday 02:00 - 17:00
Wednesday 02:00 - 17:00
Thursday 08:00 - 17:00
Friday 02:00 - 17:00

Website

Alerts

Be the first to know and let us send you an email when Ethiopian Electric Power-የኢትዮጵያ ኤሌክትሪክ ኃይል posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ethiopian Electric Power-የኢትዮጵያ ኤሌክትሪክ ኃይል:

Shortcuts

Share