Inshaa Developments - إنشاء للتشييد و البناء

21/01/2026

لعشاق القهوه بس 😀
تم الإنتهاء من تصميم و تنفيذ الفرع التاني لبراند
البن الأشهر في السويس . أنصحكم تجربوه 👌.

أتفرجوا ع الصور و قولولنا إيه رأيكم
للتواصل و الاستفسارات
م. خالدعيسي ٠١٠٦٧٠٤٤٤١٦

10/12/2025

علشان إحنا فاهمين مش حافظين عمرنا ما مشينا ورا ترند لمجرد أنه ترند و خلاص او نعمل حاجه مش مقتنعين بيها و نقول بناءا علي طلب العميل ✋️.
العميل إختارنا علشان نسمع له كويس و نفهم متطلباته و نتفهم إمكانياته مش علشان ننفذ طلباته دون إبداء الرأي ( كنوع من ترييح الدماغ )
دا إحنا بننقاشه و لو طلب حاجه مش متناسبه مع التصميم بنتحاور معاه ونقنعه بالصح .
كلنا عارفين أنه في ديكورات عمرها قصير بتطلع ترند يومين و تنتهي و المشكله انها مش بس ما بتكونش حلوه لا كمان بتكون مش عمليه .
من الحاجات اللي كانت ترند من فتره و اتعملت و ناس ندمت عليها :
- مكتبة التلفزيون الجبس .
- حشب السي إن سي ( CNC) في الأسقف و الجدران .
- المبالغه في إستخدام البروفايل ليد في الحيطان و الأسقف .
- إستخدام بديل الرخام بعشوائيه.
- زوايا الإستانلس سواء فضي او دهبي في زوايا الاعمده او الكمرات .
- ماجنيتك تراك البارز تحت السقف .
- ديكورات جبس الأسقف المبالغ فيها و دهانها بألوان غريبه .
و حاجات تانيه كتير برضه شغاله ترند دلوقتي و شويه و هتنتهي زي :
- الوزره المضيئه من الحاجات السيئه للأسف .
- المرايا الزجزاج (الغير منتظمه) اللي بتركب سواء في الحمام او الريسبشن
- استكمال الخشب فوق الأبواب للسقف .

إحنا بنعتمد في الأساس علي طريقة تصميم و إستخدام خامات و طريقة تنفيذ للإستدامه. مش بتعتمد علي ترند الفتره .

في الفيديو ده هتشوفو حاجه مبهجه و مريحه نفسيا و مثال واقعي للهدوء و الراحه و البساطه و دي طريقة تصميم الميني ماليزم (Minimalism ).

للتواصل
م. خالدعيسي ٠١٠٦٧٠٤٤٤١٦

04/12/2025

فيديو مدته اقل من دقيقتين ( لكل فراغ معماري في الشقه قبل وبعد التشطيب ) وراه تعب و مجهود و تفاصيل كتيره 👌
هننزل لحضراتكم فيديو شرح للشقه

إستنونا

م. خالد عيسي
للتواصل : ٠١٠٦٧٠٤٤٤١٦

07/05/2025

خلصنا تعديلات 👌
خلصنا حل المشاكل ✌️

المستوي اللي وصلناله ده كان مرضي جدا للعميل اللي شوفنا الفرحه في عينه و الضحكه علي وشه لما جالنا الشقه و شافها بعد التعديلات . بعد ما كان فاقد الثقه في ( بتوع التشطيبات ) و فقد الأمل أن الشقه تبقي زي ماهو عايز بعد المشاكل اللي كانت في الشقه .
التصحيح و التعديل تم و لكن للأسف تم بفلوس مش قليله و ده علشان بنقول الهندسه علم و فن و إحتراف مش هوايه و لا ينفع تتعامل معاها أنها سبوبه و أكل عيش بس . لأنك لو فكرت كده هتبقي الشقه بالنسبالك مصلحه عايز تطلع منها بفلوس و خلاص شغل صح غلط مش مهم العميل راضي مش راضي مش فارقه !

الفيديو ده هتشوفوه هتحسوا أنه ماكانش في مشاكل اصلا





للتواصل
م. خالد عيسي ٠١٠٦٧٠٤٤٤١٦

29/04/2025

19/04/2025

دي شقة إستلامناها من المرحله اللي واضحه في الفيديو ..
العميل كان متفق مع حد يشطبله الشقه و بالمتابعه حس أن المسؤل عن الشقه بيشتغل غلط و المركب هتغرق..
العميل قرر أنه ينهي علاقة المسؤل ده بشقته و يوقف التشطيب معاه لإنقاذ مايمكن إنقاذه.
العميل إتصل بينا للإتفاق معانا . طلبنا زيارة الموقع أولا للوقوف علي الوضع علي الطبيعه لتقدير حجم المشاكل قبل ما نقبل إننا نكمل الشغل...
زورنا الموقع و كانت المشاكل اللي في الموقع أكتر من اللي في الفيديو .
عرضنا الأمر علي العميل كالتالي :
- تعديلات جذريه في تأسيس الكهرباء .
- تعديل كلي لتوزيع و تفتيح الإسبوتات.
- تعديل كامل لشكل السقف الجبس .
- تكسير أجزاء كبيره من الجبس لتمديد فريون التكييف للصاله ووالطرقه و غرفتين و تركيب الماجنيتك ومن ثم إعادة التقفيل .
- تعديل جزئي في تأسيس السباكه .
- تكسير كل مرمات المحاره علشان كانت مطبله و مشرخه و إعادة الترميم بشكل فني صحيح .

وافق العميل و جاري العمل في التعديلات لإستكمال باقي مراحل التشطيب

إستنونا في مراحل التشطيب علشان تشوفو الفرق

م. خالدعيسي ٠١٠٦٧٠٤٤٤١٦

31/12/2024

توزيع الإناره ده علم مش رص اسبوتات جنب بعضها علشان نملي السقف و ننور المكان و خلاص .

وحدات الإناره ليها قواعد لتوزيعها و قواعد لعددها و قواعد لدرجة لون الإضاءه .

مش بس كده ده إمتي أختار لون الإضاءه يكون ثانوي و إمتي يكون رئيسي.

في الفيديو ده هتعرف معلومات كتير مش كتير هتسمعوها أو تشوفوها لأن اللي بيشرح شقه شطبها بيشرحها من وجهة نظر تجاريه تسويقيه.
و علشان إحنا مختلفين فدايما بنصمم بعلم و ننفذ بفن و نشرح فنيات الشغل لعله يكون و تكون .

للتعاقد و الإستفسارات
م.خالدعيسي ٠١٠٦٧٠٤٤٤١٦

27/12/2024

مش كل يوم بنشوف رووف متشطب . لأنه بند مش بيتكرر كتير
و خصوصا لو كان رووف بالجمال ده .

ناس كتير أتصلوا و سألوا علي الرووف اللي نفذناه مؤخرا و تفاصيله . علشان كده عملنا فيديو خاص بنشرح فيه تفاصيل الرووف و البرجوله لعل الناس تستفيد .

للتواصل و الإستفسارات
م. خالد عيسي ٠١٠٦٧٠٤٤٤١٦