أكوا سبورت أكاديمي

01/09/2026

عاش ابطالنا الجامدين من بطولة الصعيد نادي الرياضات البحرية بالغردقة

28/08/2026

27/08/2026

🍲 بيت المشاوي | راعي مشارك

أبطالنا في الميه… وبيت المشاوي معانا في يوم البطولة ❤️🏊‍♂️

يسعدنا انضمام بيت المشاوي ضمن الرعاة المشاركين في بطولة أكوا سبورت أكاديمي للسباحة 🏆

وهيكون بيت المشاوي موجود معانا خلال يوم البطولة، مع مجموعة من منتجاتهم المتاحة للعرض والبيع للحضور.

يعني يومنا مش منافسات وتشجيع وبس… مستنيكم كمان تتعرفوا على منتجات بيت المشاوي وتجربوا حاجة بطعم مختلف 😋❤️

شكرًا بيت المشاوي على مشاركتكم ودعمكم لبطولتنا وأبطالنا 💙

27/08/2026

🎥 AM Filmmaker | الشريك الإعلامي

كل لحظة نجاح تستحق إنها تتوثق 📸🎬

نرحب بـ AM Filmmaker كشريك إعلامي معنا في بطولة أكوا سبورت أكاديمي للسباحة 🏊‍♂️💙

ويتولى فريق AM مسؤولية التغطية الإعلامية والتصوير خلال فعاليات البطولة، لتوثيق المنافسات واللحظات المميزة وفرحة أبطالنا وأسرهم بعدسة احترافية تخلّي ذكريات اليوم مكملة معانا ❤️

مستعدين نشوف البطولة من زاوية مختلفة 🎥🔥

AM Filmmaker — الشريك الإعلامي للبطولة.

27/08/2026

🟠 53 Fifty Three | الشريك التنفيذي للبطولة

مش مجرد راعٍ… شريك في صناعة الحدث 🏊‍♂️🔥

يسعدنا في أكوا سبورت أكاديمي أن نعلن عن 53 Fifty Three Event Planner كشريك تنفيذي لبطولة أكوا سبورت أكاديمي للسباحة 🏆

حيث تتولى 53 مسؤولية التجهيز والتنفيذ والتنظيم البصري للبطولة، بدايةً من تصميمات وهوية الحدث، مرورًا بتجهيزات البطولة

شراكة هدفها إن البطولة تطلع بالشكل اللي يليق بأبطالنا وجمهور أكوا سبورت 💙

53 Fifty Three — الشريك التنفيذي لبطولة أكوا سبورت أكاديمي للسباحة.

26/08/2026

🏊‍♂️🏆 أبطالنا… الدعوة وصلت!
بكل فخر بنعلن عن أبطالنا المشاركين في بطولة أكوا سبورت أكاديمي للسباحة 🔥
كل اسم موجود هنا وراه تدريب مجهود، وطموح… والجمعة ميعادنا نشوف أبطالنا في الميه ونشجعهم لآخر متر! 💪🌊
📅 الجمعة 28/8/2026
⏰ الساعة 5 مساءً
📍 استاد سوهاج الرياضي
شاركوا دعوة أبطالكم على صفحاتكم واعملوا لهم Mention 💙
وخلي التشجيع يبدأ من دلوقتي!

24/08/2026

🏊‍♂️🔥 ابنك بطل… بس في المكان الصح

استعدوا لأقوى حدث في أكوا سبورت أكاديمي 🩵🏆
بطولة السباحة الخاصة بأعضاء الأكاديمية لجميع المراحل العمرية والمستويات.

🏊 **سباقات البطولة:**
• 25 متر كرول
• 50 متر كرول
• 25 متر باك
• 50 متر باك
• 100 متر متنوع ⚡

🏆 والمنافسة مش بتنتهي عند الميداليات!
هنختار2 من أبطال البطولة للسفر معانا لمدة يومين للمشاركة في بطولة الصعيد بنادي الرياضات البحرية بالغردقة✈️🌊

🥇 ميدالية ذهب
🥈 ميدالية فضة
🥉 ميدالية برونز
🎖️ + شهادات تقدير من الأكاديمية

📞 للاشتراك والتواصل مع الأكاديمية:
01022101098

🤝 للتواصل وحجز بارتشن راعي للبطولة
53Fifty Three
📞 01068560351

🔥 مستنيين أبطالنا… مين جاهز للمنافسة؟ 🏊‍♂️🏆

23/08/2026

ابنك بطل بس فى المكان الصح ❤️💪
بطولة أكاديمية أكوا سبورت أكاديمي 🔥🧡

انتظرونا في اقوى حدث في الأكاديمية ✌️🩵

🚨 خاص بأعضاء الاكاديمية لجميع المراحل العمرية والمستويات

للاشتراك 👇
الاسم :
السن :

سباقات البطولة 🏆

١- ٥٠ متر كرول 🏊
٢- ٢٥ متر كرول 🏊
٣- ٥٠ متر باك 🏊
٤- ٢٥ متر باك🏊
٥- ١٠٠ متر متنوع⚡️⚡️

هنختار ٢ من أوائل البطولة للسفر معانا يومين لبطولة الصعيد المقامة في نادي الرياضات البحرية بالغردقة ✈️

الفائز يحصل على شهادة تقدير من الأكاديمية 🎁
- مداليه ذهب 🥇
- مداليه فضه 🥈
- مداليه برنز 🥉

للحجز والتواصل
1022101098

21/08/2026

البروتين بعد التمرين لازم في خلال 30 دقيقة… وإلا العضلة راحت عليك؟ 🥩⏰

خلصت التمرين؟

اجري بسرعة هات البروتين!

قدامك 30 دقيقة بس…

بعدها الـAnabolic Window هتقفل، والعضلات هتبصلك وتقولك:

نشوفك التمرين الجاي يا كابتن 😂

الفكرة دي اتشهرت جدًا في الجيم وبين الرياضيين، لكن الصورة الحقيقية أوسع من كده.

البروتين مهم فعلًا بعد التدريب لأنه بيوفر الأحماض الأمينية Amino Acids اللي الجسم بيستخدمها في عمليات إصلاح وبناء الأنسجة، ويدعم Muscle Protein Synthesis.

لكن جسمك مش شغال بـStopwatch يقفل بعد نص ساعة.

الأهم بالنسبة لمعظم الرياضيين هو إنك تحقق احتياجك اليومي من البروتين، وتوزعه بشكل مناسب على وجباتك خلال اليوم، بدل ما تكون طول اليوم أكلك ضعيف وتفتكر إن Protein Shake بعد التمرين هيحل الأزمة.

وتوقيت البروتين ممكن يبقى له أهمية، خصوصًا حسب آخر وجبة أكلتها وموعد التمرين ونوعه، لكن مش بالشكل المرعب:

29 دقيقة = عضلات 💪
31 دقيقة = انتهى المشروع 😂

وده ينطبق على السباح، لاعب الكرة، العداء، ولاعب المقاومة… الاحتياج نفسه بيختلف حسب اللاعب والرياضة والحمل التدريبي والهدف.

فبدل ما أول سؤال بعد التمرين يكون:

"فاضل كام دقيقة على البروتين؟"

اسأل الأول:

"أنا أصلًا باكل بروتين كفاية خلال اليوم؟"

لأن التغذية الرياضية Sports Nutrition مش وجبة سحرية بعد التمرين…

هي خطة ماشية مع تدريبك طول اليوم.


#البروتين