13/09/2023
مش عارف ليه ..
فجأه بحس بخنقه وبتعب
ومحبش ف ساعتها اتكلم
واعمل من بره ان انا فرحان
وانا من جوه بكون بتألم
يمكن علشان لسه بكرر
أخطائي وعماله بتكبر
من غير ما انساها ولا اتعلم
مش عارف ليه ..
متعود دايمآ أخر اليوم
اتضايق جدآ قبل النوم
ودماغي تجيب اوي وتودي
يمكن علشان ببقي لوحدي
او يمكن من كتر التفكير
والوحده أساسآ سجن كبير
بتقلب ف مواجع عدت
وانا واحد عاش ع الحال ده كتير
لو مهما الدنيا هتجرحني
ربنا حلو .. و هيفرحني
واكيد اللي بيحصللي ده خير !
