19/01/2023
تعالو مع بعض نوضح الفرق بين المسافات (الافقية _ المائله _ الرأسية )
-( المسافة الافقية ) .. هيا المسافة بين نقطتين مفيش فرق طول بينهم النقطتين ع نفس المستوي يعني مفيش نقطه ف مكان اعلي أو اوطي من نقطه ودي هتلاقيها ف التوتال استيشن اختصارها ( HD )
- ( المسافة المائلة ) .. هيا المسافة بين نقطتين واحدة فيهم ف مكان اعلي أو اوطي من الثانيه وهنا هو بيقيس المسافة بخط مستقيم من النقطه للنقطه وهتلاقيها في التوتال استيشن اختصارها ( SD )
- ( المسافة الرأسية ) .. هو فرق الارتفاع الي بين النقطتين يعني مقدار ارتفاع النقطتين عن بعضهم وهنا ف المساحة بنعتبر المسافة دي هي منسوب النقطه المرفوعة بالنسبه لمنسوب الثابته
الكلام دا كله هتلاقي متجمع في المثلث القائم هنلاقي أن الضلع (ف) بيوضح المسافة الافقية
والضلع ( م ) بيوضح المسافة المائلة
والضلع ( ع ) بيوضح المسافة الرأسية
طب دي كانت المسافة طب هو ف فرق بين ( المسافة _ الطول )
-اكيد طبعا ف فرق
( الطول ) هو خط مستقيم مينفعش يكون في منحنيات بعكس (المسافة ) الي ممكن أنها تحتوي ع منحنيات
E.H survey
