28/05/2026
قولنا قبل كده إن الرخام الطبيعي او الجرانيت مليان عيوب ربانية وزي ما ربنا خلقك انت كأنسان مليان عيوب ومميزات .خلق برضو كل حاجة علي وجه الارض ليها عيوب ومميزات
الخامة اللي قدامك دي رغم ان لونها حلو وصلابتها ممتازة ولو صرفت عليها وكلفتها واديتها حقها في الصانعة هتبهرك وتشرفك بس ديما الحلو ميكملش
لائن ربنا خلق فيها عيب اسمو رزاز التمليح
الخامة دي بنعملها في بيوت بيسطة وقصور فاخمة والعامل المشترك مابين القصر والبيت البسيط هو ذوق العميل وامكانيات العميل .ودي حاجة مانقدرش إحنا كمقاولين او صنايعية نتدخل فيها
لائن لو جيت للعميل اللي اختار الخامة دي وحابب انه ينفذها في بيته البيسط هتلاقية جمع مابين السعر واللون
كذالك الامر في القصور
ممكن يتطلب مني اني اعملها في مطبخ او سلم دبلكس او ارضيات او في حمام سباحة إلخ .....&
انا كمقاول مهمتي اني اطلعلك الخامة اياً كان نوعها بالشكل اللي يرضيك وده بيعتمد علي جهد في الصانعه وسعر يخليني اعمل من الفسيخ شربات وحلويات
مهمتي كاصنايعي او مقاول اني اعرفك عيب اي خامة بتختارها واني اوضحلك العيب هتقدر تتعامل معاه ولا لاء .. عيب زي الموجود في الصورة ده تقدر تتعامل معاه .ومش هيدايقك طلامة حضرتك نفذت المطلوب منك بعد تركيبها وتسليمها
اقدر اقولك امتي متستخدمش الخامة دي ؟
لما تكون بتملح وتنقر الاتنين مع بعض كارثة
طيب لو يتنقر بس ؟ مينفعش
طيب لو بتملح بس ؟ ينفع مع اتباع الاسلوب اللي هتتعامل بيه بعد تركيب الخامة
غير كده متسالش حد مش متخصص او حد عاوز ياخدك في سكة انه يجبرك علي شكل خامة او لون خامه تانية علشان هو هيعرف يشتغل فيها او يكسب منها الصنايعي الشاطر الامين هو اللي يوضحلك كل نقطة من عيوب ومميزات في الخامة اللي اختارتها ويضفلك من غير ما يجبرك انك تغير خططك علشان يريح دماغوا .
