مدينة بدر للديكورات الحديث والمقاولات العامة

13/11/2025

25/06/2025

مطلوب فيلا فى المتميز القديم لا تقل عن ٦٠٠م لعميل جاد
للتواصل٠١١٥١٤٧٣٢٧٣ واتس 011 51473273
واتس أو فون للإستفسار عن اى معلومات
التنفيذ فورى

17/01/2021

شطب شقتك بالكامل بمدينة بدر من بداية الطوب الاحمر واستلمها جاهزة علي فرش العفش فقط باسعار تبدا من :
-1000 ج / المتر .
- 1250 ج / المتر .
- 1550 ج / المتر .
بنقيس الارضيات فقط ... مثلا لو تم قياس الارضيات و اتضح انها 80 متر
( 80 م فى 1000ج ) يبقا التكلفة٨٠لف
طريقة الدفع
يتم دفع 50% عند التعاقد و 25% عند توريد السيراميك و 25% يوم الاستلام بالمواصفات المتفق عليها
معانا مش هتشطب اي تشطيب لأننا في تميم العقارية بنهتم بأساسيات التشطيب اللي تضمنلك انها تعيش معاك العمر كله بدون اي عيوب

الباقات تشمل :

- تأسيس الكهرباء اسلاك السويدي معتمد بالضمان .
- تأسيس السباكة مواسير راك ثيرم الماني / Br الماني بالضمان .
- تأسيس محارة الشقة بالكامل + الاسقف جبس ابيض .
- كرانيش فيوتك .
- جيبسيوم بورد .
- سيراميك / بورسيلين كليوباترا فرز اول .
- شبابيك الوميتال .
- دهانات الشقة بالكامل Glc / Jotun .
- اطقم حمامات كليوباترا / ايديال استاندر / ديورافيت + الخلاطات للحمامات والمطبخ .
- أبواب داخلية للشقة بالكامل شاملة الاكسسوارات .
- باب الشقة الرئيسي
للتواصل01151473273 واتس أو فون للاستفسار عن اى معلومات

14/05/2020

شوية نصائح في التشطيبات هتفيدك جدا ولو حابب تشطب شقتك او تعمل چيبسوم بورد يبقي مكتب مدينة بدر للديكورات الحديثة هيسلمك شقتك باجمل واحدث الديكورات مع الالتزام بالمواعيد وجوده الخامات ورقمي في اخر البوست لو في اي استفسار:
---------------------------------------
عشان تشطب شقتك صح وما تدورش على شغل ترميم في أي حاجة فيها في يوم من الأيام تعالى اقولك على شوية نصايح مهمين جداً هيفرقوا معاك سواء كنت مهندس أو غير مهندس.

1. لو هتستلم الشقة نص تشطيب من شركة من الشركات إياها إوعى تخليهم يعملوا لك المحارة حتي لو وصلت إنك تسيب لهم فلوسها، وده علشان بيجيبوا مبيضين محارة من الدرجة الثالتة، و المحارة اما تكون وحشة بتكون شبح هيطاردك بقية حياتك للأسف.

2. حلوق الأبواب اتأكد منها كويس لو وحشه غيرها وهات حاجة نضيفة علشان ده شغل تجار وما حدش بيدور على الخامة الكويسة أهم حاجة عندهم الربح.

3. لو الشركة عطت لك سعر أي حاجة من غير معاينة إعرف إنها شركة هواة و بتجرب فيك، الرخام والشبابيك لازم لها معاينة قبل التسعير و الشغل.

4. لو فيه صنايعي بدأ يعُك من أولها، إعطي له حسابه و مشيه فوراً ما تستناش، إنت بتستثمر في الشقة ولازم تبقي شرس وواعي في حماية استثماراتك ( ولو كنت مهندس تشطيبات حافظ على العملاء وحافظ على سمعتك ).

5. الصنايعي بيسمع كلامك أه بس مش بيركز معاك، و سواء فهم أو مفهمش بيقولك آه فاهم، فإنت لازم تعيد الكلام مرة و اتنين وتلاتة وتخليه يقولك هو فهم إيه علشان تتأكد إن اللي انت عاوزه وصل له و فهمه.

6. حاول تعطيه ملاحظاتك في ورقة مكتوبة أو رسمة و يبقي عندك منها نسخة، لو إديت الصنايعي ورقة معندكش منها نسخة هتلاقيه بيحور عليك ويقول ضاعت و يغلطك، فإنت صورها بتليفونك واحتفظ بيها، ولو مش معاك تليفون بكاميرة تقدر تشتري دفتر ورق مكربن من أي مكتبة في الشارع وخليها معاك علشان الحاجات دي ي كبير.

7. إياك تسلف أي صنايعي حاجة خاصة بيك، متر قياس، مفك، شاكوش، سلم، شنيور.... ،، أي حاجة خاصة بيك عايز يشتغل بيها – وده لأنه هينام عليها ومش هتاخدها تاني ولو كان أمين ومحترم و مش حرامي يرجعهولك وابسط بقى بس هتلاقيه بايظ أو متعاص جبس و معجون و أسمنت.

8. لو في خامة مش عاجباك أو كرتونة سيراميك فرز غير الموجود في المكان أو رخامة مشروخة متكتفيش برفضها، ارميها فوراً و بنفسك أو كسرها 100 حتة ولو ما عملتش كده قابل بقى وأول ماتمشي هتلاقي الصنايعي إستخدمها من وراك.

9. لو إنت هتسكن في الدور الأرضي اتأكد إن الصرف بتاعك مستقل عن صرف العمارة، ولو سقطت النقطة دي هتلاقي المجاري طفحت في شقتك في أول سدد للمجاري.

10. الحمامات والمطابخ بالله عليك ماتبخلش علي عزل الحمام والمطبخ والأهم الحمام، إختار نوع عزل كويس سواء ميمبرين او مادة عزل من كيماويات البناء الحديث واختبره كويس و املاه مياه، لو حصل نشع عند جارك اللي تحتك دلوقتي أحسن ما يحصل نشع بعد مالشغل يخلص.

11. لو هتعمل وزرة باررزة في الحيطة اتأكد انها مش هتعاكس بر الباب، (آخر وزرة اللي تحت البر ما تركبهاش غير بعد ما تركب البر دي بقى ليها حكاية تاني وبوست مخصوص هتكلم عنها بالتفصيل).

12. على فكرة مش شرط البانيو يكون لازق في الحيطة ممكن تسيب 20 سم بين البانيو وبين الحيطة تتشطب سيراميك بنفس مستوى حرف البانيو وتستغلها في رص علب الشامبو اللي بتقع في البانيو كل شوية.

13. خلي السباك يعملك توصيلات لخزان سطح خاص و سخان شمسي بالمحابس، محدش عارف الظروف "اللي مش محتاج وشه النهارد تحتاج ضهرة بكره" إعمل حساب الأيام.

14. إعمل صرف الأرضية (بيبة)في المطبخ بس لو هتعملها إعملها صح وحلقم عليها.

15. ميول صرف المياه في البلكونات و الحمامات مهمة، لازم تدلق جردل مياه بنفسك و تتأكد من الميول قبل ما الصنايعي يمشي.

16. في التشطيب فيه حاجات معينة كدة لازم تكون حاضرها بنفسك لأنها لو بدأت غلط للأسف بتكلفك كتير قوووي وده زي .......
- أول رصة سيراميك علي الأرضية تتأكد انه بدأ بالشكل المطلوب سواءً عدل أو على سواكه أو ... أو .... وده على حسب رغبتك أو رغبة العميل، لو الصنايعي بدأ غلط وانت مش معاه أقدر أطمنك إنه هيخلص غرفة كاملة علي الوضع الغلط و يجيبلك شلل نصفي لما تروح تشوف شغله آخر النهار وده بقى من عيوبه إنه أهدر وقت وخامات، نفس الكلام علي الرخام.
- رخامة الحمام والبانيو في تركيبهم لازم تكون واقف على دماغ الصنايعي عشان ميركبوش أعلي أو أوطى من المنسوب المطلوب.
- تركيب مواسير تغذية السخان علشان ما يركبش في مكان غلط أو في منسوب غير مطلوب.
- تركيب مكان دش الحمام، اختبار ضغط المواسير.

17. الصالة فرشها بيتغير وبيتنقل كتير وده على حسب بقى دماغ العميل أو على حسب دماغ خطيبتك، فكر في سيناريوهات نقل الأنتريه ومكان السفرة والعكس، يعني ركز على مخارج التليفزيون والدش خليها في كل مكان محتمل إنك تحط فيه التلفيزيون في المستقبل، البلكونة برضه بيتعمل لها مخرج دش.

18. لو شقتك يبقى لازم تحدد و تختار أماكن كل حاجة بنفسك زي علب الكهرباء -البواطات- مكان جرس الباب –مكان لمبة الباب الخارجية-لمبة مراية الحمام-محبس الحمام-محبس السخان-محبس الغسالة ،مفاتيح التكييف- ولو شقة عميل لازم يكون معاك وانت بتحدد التفاصيل دي، و يفضل بقى إنه يكون فيه رسمة shop dwg موضح عليها كل الحاجات دي، اتعلم shop dwg سهل جداً وبيفرق كتير، بالنسبة للحمام والمطبخ فيه شركات زي محجوب بتعمل لك رسمة للحمام، وكل ماتسيب التفاصيل دي عايمة بتعطي فرصة للصنايعي إنه ياخد اختيارات من نفسه، فيه صنايعية خبرة و ممكن تختار مكان كويس بس مش كلهم أكيد.

19. المفتاح الديفياتير صدقني حاجة ممتازة ممكن تعمل 2 مفتاح ديفياتير لإنارة الطرقة واحد في الأول وواحد في الآخر علشان تنور نور الطرقة و إنت في أولها و تطفيه لما توصل آخرها وبرده للغرف.

20. فيش الكهرباء اللي في الحمام و البلكونة بالله عليك إعملها water proof في الحمام عشان المياه ما تكهربش العميل أو تكهرب المدام و في البلكونة عشان التراب ميملاهاش.

21. أي حاجة بتركب بخوابير في الحيطة إوعى تسترخص فيها ، زي مسطرة الدش في الحمام و الفواطة.

22. كتر برايز كهرباء علي قد ماتقدر و خصوصا في المطبخ حتي لو مش محتاجها أو شايف ان ملهاش لازمة.

23. المطبخ بيبقي سخن دايماً ركب له شفاط و إعمل فيشة في الحيطة لمروحة جنب علشان تساعد في التهوية.

24. اعمل للشفاطات مفتاح متوصل بسلك وخلي مخرجه من برة الشباك علشان متشوفش سلك مدلدل وعلشان لو حبيت تعمل ضلفة تقفل شباك الحمام تماماً من غير ما تفُك سلك الشفاط كل شوية.

25. خليك برنس وقول للكهربائي يعمل لك لمبة إشارة في لوحة كهرباء الشقة تعرف منها لو النور قطع العيب من الكهرباء العمومي ولا العيب داخلي عندك.

26. خلي الكهربائي يزودلك خراطيم كهرباء و يعمل حساب توصيلات مولد كهرباء احتياطي و مواسير فاضية للدش في كل الأوض و الأحسن تجيب كابل دش و تمشيه في المواسير من الأول .

27. نفس البند اللي فات بس علي كاميرات المراقبة و توصيلات الانتركم

28. اتأكد ان فتحة باب المطبخ بعد تركيب الحلوق حتعدي الأجهزة بتاعتك و اعمل حسابك تدي براح لو قررت مستقبلا تشتري تلاجة أكبر.

30. اعمل مخرج حنفية خدمة زيادة تحت الحوض(حنفية غسالة).

31. لما النقاش يعمل لك عينات لون خليه يعملها علي خلفية بيضاء عشان فروق الدرجات تبان كويس.

32. إوعى تبلغ كود اللون شفوي لازم يكون كتابةً.

33. لو حتركب أبواب حديد خارجية أو حديد حماية خلي الحداد يفصلك حلوق حديد و يركبها من بدري قبل المحارة بكانات مدفونة في الحيطة عشان ييجي في الآخر يلحم الباب من غير تكسير و لادق أوتاد، ده أمتن و أنضف و لو مش معاك فلوس كفاية ركب حلوق حديد علي داير الشبابيك و سيبها للمستقبل. لو فيه دق خليه قبل وش النضافة عشان لو الحيطة نملت تقدر تعالجها.

34. نقي باب مصفح من الجديد أبو شراعة مدورة تتفتح عشان تشوف مين علي الباب زي أبواب زمان، لو مش لاقي اعمل شراعة صغيرة في الحيطة جنب الباب (20سم x 25سم) بضلفة حديد ، وفي أفكار كتير في الديكور تخلي شكلها جميل وتقدر تثبت عليها تابلوه أو مراية صغيرة، هيفيدك في إن المدام تفتح الشراعة بس في حالة الجرس ضرب أو تحاسب محصل الكهرباء من غير ماتفتح الباب، طبعاً العين السحرية مهمة لازم تكون موجودة في جميع الأحوال.

35. الإستثمار في الأمن مهم و بيرفع من تمن الشقة، لو تقدر تركب قاذفات لهب او تركب جيرانوف علي الباب تحرق المتسللين ركبها.
36. الأرضيات المتشطبة افرد عليها مشمع بنفسك، علشان الصنايعية مش هتهتم وهتتعاص من شغلهم، ماحدش هيخاف علي حاجتك أكتر منك.

37. لو ناوي تشطب رخام إما تدفع وتشتري حاجة نضيفة يعني رخام مستورد زي السيسيليا و الكرارة يا إما بلاش وخليك في السيراميك، الرخام المصري زي الفلتو و الجلالة مشاكله كتير وفيه عروق بتفتح بعد فترة، بلاش منظرة علي الفاضي وتعاني منها بعدين.

38. إوعى تخلي المرخماتي يقفل الفواصل بالأسمنت الأبيض الرخام بيتملى بالكُلة.

39. احتفظ بعينات من السيراميك لزوم اي مرمة مستقبلا و سجل في أجندة أسماء الموديلات و أكواد الألوان اللي استخدمتها و الفواتير

40. احتفظ بأرقام تليفونات الصنايعية الشطار خصوصاً الكهربائي لأنك هتحتاجه كتير في المستقبل او لو المهندس اللي بيشطبلك شقتك.

41. علشان خاطري ما تستخدمش أي أُكر أو كوالين أو مقابض أبواب صيني وإلا هتقابلك مواقف بايخة ومحرجة زي يكون عنك ضيف مثلا ومحبوس في الحمام علشان كالون الإشارة معلق أو لآ قدر الله طفل مش عارف يفتح الباب.

42. زجاج الألمنيوم يفضل دايماً إنه يكون دُبل علشات العزل الصوتي والحراري وبالله عليك الزجاج الفيميه اللي أغلبنا غاوي يركبه في الشقق علشان مش عارفين نركبه في العربيات أولاً ده بيغير لون الإضاءة الطبييعة وثانياً المكان اللي فيه إضاءة أكتر بيبقى مكشوف ( زي تكون ف الصالة والزجاج فيميه وعندك إضاءة الصالة أعلى من الشارع تلاقي جارك يبُص عندك في الشقة شايف كل حاجة) " بلاش يكون في أوضة النوم بالذات هيفضحك".
للتواصل01151473273 واتس أو فون للإستفسار عن اى معلومات