الفنان لتركيب السيراميك - حلوان

12/03/2022

ماتكلفش سيراميك و تسترخص في صنايعي السيراميك اللي ممكن يضيعلك كل السيراميك اللي جبته.. معلش تعالي على نفسك و كمل الحاجة الحلوة للآخر.
(نصيحة اختار الصنايعي اللي حابب الشغلانة و بيفنن فيها .. هيكون مبسوط و هو بيشتغل و يطلع احسن ما عنده)

12/03/2022

نقي السيراميك اللي مناسب للاستخدام .. لو في طرقة او غرفة فيها حركة كتير و عندك اطفال مثلا يفضل السيراميك المط (المطفي) عشان محدش يتزحلق خصوصا لو عندك اطفال

12/03/2022

اول لما تستلم السيراميك راجعه كويس عشان تتاكد من انه مفيهوش غلطات ومفهوش كسر فى الكراتين واتاكد من نوع الفرز وكود اللون والموديل

12/03/2022

دايما قاعدة .. الحاجات الاساسية اللي بتتغير مرة في العمر دي .. نقيها براحتك و اديها حقها اوي.. عشان مشاكلها رخمة و حاول برضه انك تختار اذواق محايدة يعنى موديل تحس انه شكله ينفع سنين طويلة من ناحية الديكور مش بعد كام سنة تحس انه بقى دقة قديمة 🤓

12/03/2022

سيراميك الباركيه بيبقى تحفة وجميل وكل حاجة بس لازم تعرف ان للاسف بيبقى دايما فيه تقوسات من المصنع .. فحاول يكون درجة اولى وشركة محترمة عشان يقلل نسبة التقوسات 🥳 ولازم يتركب بحرص ودقة كبيرة وبتأنى من غير استعجال 😀

12/03/2022

ناخد بالنا واحنا بنشترى سيراميك المطبخ من ان فيه تركيبات هتتركب على السيراميك هتدارى كتير منه زى (النمليات) او شغل دواليب الوميتال .. يعنى اغلب المساحات ممكن تتغطى فمش هيبقى فيه داعى نشترى بلاطات كلها زخرفية هتضيع ورا اجهزة ودواليب المطبخ 🧐 نتتخيل شكل المطبخ الاول بعد رص الاجهزة والدواليب مساحة اد ايه هتبقى ظاهرة للعين عشان نعرف نشترى الشكل المناسب ونوفر ...خدها قاعدة ان كل ما السيراميك نسبة الزخرفة فيه زادت ارتفع سعره على الاقل زخرفة 🤓

12/03/2022

اتاكد انك رافع مقاس الشقة كويس و دايما احسب بزيادة .. و لو مش متخصص هات مهندس او صنايعي سيراميك يجي يقيس و يقولك تجيب كام متر... شكلها هيبقى بايخ اوي بصراحة لو وقفت معاك على متر ولا حاجة 🤓

12/03/2022

حاول متسترخصش وانتا بتشترى ...لانك مش هتغير كل سنة ...

12/03/2022

السيراميك قطع الليزر بيبقى افضل شكلا دائما فى التقفيل وضبط العرانيس 😊

11/03/2022