FYRA Electrical

FYRA Electrical اعمال الكهرباء مقاولات وتشطيبات

الكورس رقم 1-بوست رقم3- الدائره الكهربائيه ( كورس كهربااء المقاولات كامل -ENGINEER /Akram Elbana)الدائره الكهربائيه تتكو...
30/09/2021

الكورس رقم 1-بوست رقم3- الدائره الكهربائيه
( كورس كهربااء المقاولات كامل -ENGINEER /Akram Elbana)

الدائره الكهربائيه تتكون من :
1-مصدر تيار كهربائي (فولت )
2- الحمل الكهربائي -لمبه ماكينه -بريزه او غيره ....... الخ) وده قصه لوحده
3-التيار الصادر من مصدر الكهرباء

بسم الله الرحمن الرحيم
1-حنكلم ببساطه نقول ان التيار الكهربائي بينتج من الفولت وليس العكس وديه معلومه لازم اقولها لان كتير ناس بتفكر العكس صنايعي او فني او مهندس احب اقلك ان التيار بينتج نتيجه اختلاف الجهد بين قطبي مصدر الفولت السالب والموجب ووتحرك شحنه التيار من الطرف السالب الي الطرف الموجب وده حسب الشحنات اللي هي التيار المطلوبه من الحمل يعني عندك لمبه 50 وات غير لمبه 100 وات غير خلاط غير غساله كل ماتحط حمل اكبر الفولت يقوم عامل فرق جهد اكبر مطلع شحنات اكتر اللي هي فرق الجهد بين سالب ومةجب وتمشي الشحنات ديه تروح بقي للحمل بتاعك اللي بتستخدمه كده عرقنا ايه الديره الكهربيه

2- الاحمال الي بنستخدمها بالعربي كده بدون فلسفه وبمعني هندسي برده عباره عن حمل فعال بنستخدم فيه التيار الناتج من المصدر في تشغيل اي شيء ماكينه جهاز اي حمل كان وحمل اخر غير فعال التيار الناتج من المصدر الكهربي بيروح فيه بدون اي فائده بصورتين تخزين لاما يتخزن التيار فيه في ملف او في مكثف في صوره جهد كهربي ومن وظيفتنا اننا نخلي طبعا التيار اللي انتجناه بمحطات وتكلفه عاليه يكون مستفاد بيه كله وده حنقوله ونشرحه بعدين

3-طيب عندي دايره فيها حمل فعال بس وهو المقاومه العاديه
معادلته بسيطه اقدر اجيب منها جميع مشتملات الدائره الكهربيه
P(القدره الكهربائيه )= V (الفولت)*I (التيار) او =I * مقاومهR2

4- لو عندي بقي حمل غير فعال وحمل فعال يبقي كده دخلنا بقي في قصه تانيه علشان نقدر نجيب اي طرف في الدائره الكهربيه ونحسبه وده اللي حاصل في كل احمالنا اليوميه اللي بتستهلك والمعادلات كالاتي

S2=Q2+P2
Q= الحمل الغير فعال
P=الحمل الفعال
S2=مجموع الاحمال المستهلكه فعاله وغير فعاله

كده عرفنا مكونات الدائره والاحمال انواعها وفي الدائره المرفق رسمها رسم بيبين مكونات الدائره الكهربيه للاناره مثلا وازاي بوصل المفتاح والمصدر واي سؤال ممكن تتركه في تعليقات تحت امركم وسوف نستكمل الكورس وحسابات الدائره الكهربيه في البوستات القادمه

تحياتي: مهندس اكرم البنا

30/09/2021

الكورس رقم 1-بوست رقم2 -مهارات المهندس والفني في المقاولات
( كورس كهربااء المقاولات كامل -ENGINEER /Akram Elbana)

1- اولا عايز اصدمك ان ان انت كل اللي درسته 5 سنين او دبلوم او اي تعليم خاص بالكهرباء تقريبا حتستخدم منه في مجال المقاولات فقط حوالي 5% الي 10% في مجال المقاولات بس الكويس في الموضوع انك اخترت صح ماديا كدخل شهري لو بقيت مهندس او فني شاطر

2- المقاولات اول شيْ في مهاراتها مطلوب منك بالنسبه للكهرباء قبل كل شيء _(مهارات الاداره) لو قدرت تنمي ده مع الخبرات العمليه الفنيه حتبقي مهندس شاطر جدا وفي كورسات كتير تساعدك زي PMP وغيرها

3-الخبره تساوي فلوس في مهنتك يعني مش تبدأ تبقي باصص بس للفلوس لا مع الوقت خبرتك هي اللي حتجيبلك فلوس ولازم مع الوقت تكتسب خبرات في الافرع الاخري مش الكهرباء بس التكييف والصحي ةالحريق وغيره كل مابقيت اقوي في دول مع قوتك في الكهرباء كل مابقيت مطلوب اكتر وراتبك اكبر

4-ماتكسفش تتعلم من عامل او من اي شخص اكثر معرفه منك في البدايه اتعلم وفي حكمه بتقول يقولوا عليه غبي اليوم افضل ماابقي غبي طول عمري

5-اتعلم اتوكاد وريفيت بسرعه باي طريقه ومن الحاجات القويه فيك انك تعرف ترسم مشروعك رسم مشروعك حيخليك حافظه خرم خرم وكل ده طبعا في بدايه حياتك المهنيه

6-من اهم النقاط في مشروعك انك تعتمد كل الخامات والرسومات التنفيذيه قبل انجاز حفر ووضع اساسات المشروع لان ده بيخلي مشروعك كله ماشي بدون مشاكل

ده بقي المهم اوي اوي وخلااااصه خبرات

7-اول ماتخش المشروع في حاجات اساسيه بتحتاجها تعملها بسرعه جدا اولها اعتماد المواد الاساسيه مواسير كهرباء وعلب كهرباء ومواد نظام التأريض من عمود نحاس وكلامب وغيره ومواسير الكهرباء اللي تحت الارض مقاسات كبيره لو موجوده في اول المشروع تحت الاساس واعتماد نظام التآريض والصاعقه الكهربائيه ومسار الكابل الرئيسي ودخلته المبني لانك ممكن تحتاج فتحات في الخرسانه في دور البدروم قبل ده كلها في حاجه اسمها (BUILDER WORK DRAWING) ديه بقي بيبقي فيه تنسيق بينك خدمات الكهرباء فتحتها المطلوبه في كل الخرسانات افقيا وراسيا وجميع فتحات الخدمات الاخري مهم جدا تعرفها وتعتمدها اول شيء في مشروعك لان لو مشروعك انواع معينه من طرق البناء بيبقي بوستينشن او غيره بيبقي صعب جدا تعدل وبتبقي مصيبه لو عديت فتحه حاجه كمان اول ماتمسك المشروع لازم تبص علي حدود المبني بتاعك لان اي منهول او بير حفر مش مسموح براه وحتضطر انك تعمله في اماكن تانيه بحلول خاصه

8-اعتمدنا كل شيء وبدأنا شغل نصيحه بقي تحت اي ظروف اوعي تخلص شغلك وتقول خلصت بدون اعتماد كل مسمار تعمله يجب اعتماد الاستشاري ليه ومنك بقي حته خبره اكسب الاستشاري خليه مبسوط وهو نازل معاك يعتمد شغلك بلاش تناطح فيه فاهم او لا لانه ممكن يعذبك المشروع كله اي مشكله عندك خليها بينك وبين مدريك المباشر

9-الصنايعي بقي الشاطر كلمتين ليك المهندسين الحبره دايما يقولو اخلاقك اهم من فنياتك يعني انت ممكن تبقي مشرف عمال ازاي؟ تسمع كلام المشرف بتاعك تنجز الطريحه المطلوبه منك تعرف تقري رسمه هندسيه لشغلك وترفع مقاسات اكسب كل يوم معلومه فنيه حتبقي في يوم مشرف لكن انك تبقي مقاوح واخلاقك وحشه مشاكل وكلام في فلوس فلوس حتبقي زي مانتا طول عمرك علشان كده بص لودام كل خبره يوم بتاخدها فلوس

10-كمهندس شاطر لو اهتميت باللي مش يعطل الاعمال المدنيه حتنجح وخليك دايما سابقهم

ده العشر نصائح الاولي حتي تصبح مهندس مبتديء شاطر وتابعونا في البوست القادم للكورس اللي حيخليك احسن مهندس وفني كهرباء في مصر

الكورس رقم 1-بوست رقم 1 -تعريفات هامه ( كورس كهربااء المقاولات كامل -ENGINEER /Akram Elbana)تعريفات بسيطه سوف نستخدمها ...
30/09/2021

الكورس رقم 1-بوست رقم 1 -تعريفات هامه

( كورس كهربااء المقاولات كامل -ENGINEER /Akram Elbana)

تعريفات بسيطه سوف نستخدمها في الكورس وهي ليست كل التعريفات ولكنها بعضها وسوف نرفق مع البوست كامل التعريفات للاطلاع وهي عامه واكاديميه واي اسأله مرتبطه بها يمكن التواصل خاص:

1-CIRCUIT: a set of phase and neutral conductors installed as a group to supply power to a location and which originate from one Protective Device

الدائرة: مجموعه من فازه كهرباء وارضي يتم تركيبها كمجموعة لتزويد الطاقة إلى حمل او مكان والصادره وتنشأ من مكان حمايه واحد

2-Accessory: a device, other than current-using equipment, associated with an Electrical Installation

اكسسوار كهربااء: هو اي جهاز غير الجهاز المراد تركيبه ,ومرتبط بنفس الجهاز لاتمام عمليه التركيب

3-Cable Tray: a cable support consisting of a continuous base with raised edges and no covering
Cable Tray is considered to be perforated where more than 30% of the material is removed from
the base.
كابل تراي : او حامل الكابلات هو حامل للكابلات وهو يتكون من قاعده متصله مع حواف مرتفعه ومثقب لازاله اي شوائب والتهويه

4-cable Trunking: a manufactured enclosure for the protection of cables, normally of rectangular cross-section, of which one side is removable or hinged.

حاوية مُصنَّعة لحماية الكابلات ، وعادة ما تكون ذات مقطع عرضي مستطيل ، يكون أحد جوانبها قابلاً للإزالة أو المفصلة

5-Earth: the conductive mass of Earth, whose electrical potential (Voltage) at any point is conventionally taken as zero.

الأرض: الكتلة الموصلة للأرض ، والتي يُؤخذ جهدها الكهربائي (الجهد الكهربي) عند أي نقطة تقليديًا على أنه صفر وهو نوعين

a) Locally Earthed System (TT): a system of supply where the Owner provides a Main Earth Terminal for the Electrical Installation, which is connected to a sufficient number of local Earth Electrodes to provide a maximum Earth Resistance measured at the Owner’s Main Earth Terminal of not more than 10 Ohms.

النوع الاول خاص بالمالك وفيه يقوم المالك للمنشأه بتوصيل طرف (تأريض) بكل التركيبات في المنشأه بعدد كافي من اعمده نحاسيه مدفونه في التربه غالبا بحيث قياس مقاومه التأريض لاتتعدي 10 اوم في اي نقطه

(b) Distribution Company Earthed System (TN-S): a system of supply where the Distribution Company provides a connection to the Owner’s Main Earth Terminal, using the distribution network Earthing System

النوع الثاني من التا{يض وهو من شركه توزيع الكهرباء حيث انها توفر طرف تاريض رئيسي للمالك باستخدام شبكه تاريض خاصه بها

6-Voltage:
(a) High Voltage (HV): an AC voltage greater than Low Voltage and less than 36kV between phases or 21kV between any phase and Earth (internationally referred to as Medium Voltage);

b) Low Voltage (LV): an AC voltage below 1000V between phases, or below 600V between any phase and Earth or; a DC voltage below 1500V between conductors, or below 900V between any conductor and Earth


(c) Extra-Low Voltage (ELV): a voltage not exceeding 50V AC or 120V DC whether between live conductors or between live conductors and Earth

30/09/2021

بسم الله الرحمن الرحيم حنبدأ كورس كهرباء بعد ماي شخص يخلصوا حيبقي ملم بجيمع متطلبات السوق ةالعمل فننيا بما يخص الكهرباء

24/09/2021

بسم الله الرحمن الرحيم
الصفحه هدفها هو اضافه كل خبرات الاعمال الخاصه بالكهرباء للمتخصصين في مجال الكهرباء وبحاجه الي المساعده في بدأ حياتهم العمليه ومساعده كل العملاء علي ايجاد حلول لاي مشكله متعلقه بتنفيذ اعمالهم او مشاريعهم وذلك بإشرف مهندسين خبره اكثر من 17 عام خبره عمليه واكاديميه بخبرات في مشاريع عالميه وحيتم نشر اي سؤال او استفسار لاي شخص او زميل والاجابه عليه وسوف يتم عمل نشر كورسات تعليميه ايضا ونتمني نكون عن حسن ظنكم

Address

47 شارع راتب باشا شبرا مصر
Cairo

Telephone

+201092636434

Website

Alerts

Be the first to know and let us send you an email when FYRA Electrical posts news and promotions. Your email address will not be used for any other purpose, and you can unsubscribe at any time.

Contact The Business

Send a message to FYRA Electrical:

Shortcuts

Share

Category