04/12/2020
بقينا في عصر التكنولوجيا و في 2020 ولسه معندكش ويب سايت لشركتك!
ايوة بكلمك أنت...
أحب أقولك أنت فايتك كتير .. ودة هيكون سبب أنك تخسر عملاء كتير جدا.
ولو هتسأل على الأسباب اللي تخليك تعمل ويب سايت فالمقال دة هيفيدك جدا، عندك ست أسباب تخليك تعمل ويب سايت لشركتك:
1- زيادة ثقة العميل :
أي حد لما بيجي يشتري أي منتج بيعمل سيرش الأول كتير عشان يقدر يوصل لأعلى جودة و أحسن سعر ... ممكن كمان محتاجين حل لمشكلة معينة عندهم في مشروعهم ويكون عندهم معلومات عن شركة معينة، سواء كان مطعم مجال بيزنس معين لو انت من ضمن الشركات اللي بيتم عليها عملية البحث وعميلك عمل بحث عليك وانت معندكش ويب سايت فده أول سبب يخلي عميلك يروح للمنافس بشكل مباشر.
2- سهولة الوصول :
ميزة عبقرية جدا إن عميلك يقدر يوصلك في أي وقت وفي أي مكان، يعني مكانك يكون مفتوح 24 ساعة في اليوم ومن خلال الموقع بتاعك تقدر تعرض منتجاتك وعليها تقييمات الناس اللي اشتروا قبل كده وبالتالي يزيد ثقة عميلك فيك، وتفاصيل كل منتج عندك ومعلومات بسيطة عن شركتك.
ممكن كمان يكون في مميزات تفاعلية ووظائف إضافية متاحة زي إن العميل يتصل بيك ويشترك في دورات تدربية وجدولة مواعيد أو كمان يشتري بشكل مباشر من خلال موقعك الالكترونى خصوصا إن دة هيوفر عليه وقت ومجهود فبالنقطة دي هتزود ميزاتك التنافسية جدا.
3- إمكانية إبلاغ العملاء بالمعلومات :
في أبسط صورة الويب سايت بقى زي كتالوج ممكن تحدثه في أي وقت وهو عبارة عن طريقة فعالة لتقديم خدماتك الجديدة للعملاء والإعلان أول بأول عن الأحداث القادمة والعروض الترويجية الخاصة بشريحة معينة من العملاء أو العروض الترويجية العامة لكل العملاء، زي مثلا عروض عيد الأم غالبا بيكون عرض عام لأي عميل بيشترى مجموعة معينة من المنتجات، لكن موقعك الإلكتروني ممكن يضيفلك ميزة متقدرش تعملها في العادي، إنك تخصص عرض ترويجى لمجموعة معينة من عملائك، مثلا اللى اشتروا من عندك من 5 شهور ومشتروش تاني لحد دلوقتي، هيبقى صعب جدا إنك تتعرف عليهم من غير قواعد بيانات ونظام الكتروني، ممكن كمان توفير قيمة مضافة من خلال نشر نصائح وموارد ومعلومات من خلال مدونة الويب السايت الخاص بك.
4- إمكانية الوصول لشريحة أكبر :
ممكن أي حد في أي وقت وأي مكان يدخل على موقعك، بمعنى إنه كل اللي هيحتاجه يكون متصل بالإنترنت وبكدة يقدر بكل سهولة ومن أي مكان وفى أي وقت يوصل ليك ويتواصل معاك ومن خلال دة أنت ممكن تكبر قاعدة المستهدفين عندك، سواء كنت بتقدم منتجات أو خدمات أو كنت تعتمد على الأعمال أو المستهلك، بمعنى آخر موقعك الالكترونى بيعتبر منصة ليك بديلة أو مكملة لمحلك أو متجرك الخاص بيك و بيقوم بمهام الترويج والبيع.
5- الايميل :
من موقعك الإلكتروني الخاص بيك هتقدر تتواصل معاهم من خلال بريدهم الالكترونى "الايميل" أو هم يتواصلوا معاك من خلال إنهم يبعتولك استفساراتهم واقتراحاتهم لبريدك الالكتروني، وده شكل سريع وفعال من التواصل اللي يتيح لك التواصل مع العملاء بكفاءة عالية وبشكل لحظي.
6- دعم حملتك الإعلانية :
ادعم حملتك الإعلانية عن طريق توجيه الأشخاص لموقعك عشان يشوفوا منتجاتك وشغلك، وهيتواجد على الويب سايت بتاعك إعلانات هتقدر تحول العملاء لموقعك وبكدة أنت ضمنت عميل مهم جدا لدرجة إنه دخل على موقعك عشان يعرف معلومات أكتر هو مهتم بيها.
تفاصيل أكتر ومميزات مختلفة وهيحتاجها أي حد عنده بيزنس سواء بيبدأ أَو بالفعل شغله كبير، تابع معانا معلومات أكتر وأكتر هتعرفها معانا عن تصميم الويب سايت سواء الأسعار أو تفاصيل ودي حاجات أي حد عنده بيزنس هيحتاجها.
