مطبخ ست الستات

18/05/2019

😐

18/05/2019

17/05/2019

الف هنا وصحه حبيبتى 💕

16/05/2019

معلومة مفيده 😉

🍳🍅لما تيجي تسلقي الفرخه ابشري بصله وحطي عليها ملح وفلفل اسود وادعكي بيهم الفرخه من بره وجوه وبعدين حطيها تتسلق هتلاقي طعمها تحفه ومفيهاش ريحة زفارة

🍳🍅لما تيجي تقلي بطاطس لو عايزاها مقرمشه انقعيها في ميه وملح وخل قبل ما تعمليها بساعتين علي الاقل هتطلع مقرمشة وجميله

🍳🍅الرز عشان يبقي مفلفل وميعجنش قلبيه في السمنه او الزيت كتير يتشوح افضلي قلبي فيه لحد ما كل حبة رز تتغلف بالمادة الدهنيه وبعدين ضيفي الميه والملح ☺

🏡وانتي بتغسلي وشك الصبح بالمرة وانتى فى التوليت شوية صابون في ايدك وسلك مخصص للحمام ونضفي الحوض ورشي مطهر ع الارض وشوية ميه وشديه بالمساحه هيبقي فله 😊

🏡متركنيش الغسيل خالص اغسلي حتي كل يومين مش هتزهقي وهتخلصي بسرعه

🏡بعد ما تخلصي المواعين هاتي الفوط اللي بتمسكي بيها الحلل واغسليها بصابون وعلقيها هتبقي نضيفه لما تيجي تستخدميها تاني

نبص لنفسنا شوية بقي 😃👄

👒قبل ماتنامي ادهني وشك زيت زيتون وبعدين اشطفيه بماء فاتر وحطي ماء ورد هتلاقي وشك منووور 😘

👒لو مبتعرفيش تلفي شعرك اعملي زي اخواتي هاتيه كله علي قدام كحكه علي رأي اخواتي ايه الكلوب اللي عاملينه ده هههههه سبيه كده ساعه اتنين تلاته فكيه وسرحيه هتلاقيه مفرود وجميل 😊ده كلام اخواتي

👒عايزة زيت الشعر يجيب نتيجه دلكيه علي فروة الراس
😍

👒متأخريش صلاتك ابدااا وأول ماتسمعي الآذن صلي علي طول ده ربنا بينادي علينا يبقي نسيب اللي في ايدينا ونروحله 😍

👒ياريت يبقي جنبك مصحف وكل ما تصلي اقراي 5 ايات يعني اخر اليوم هتكوني قراتي 25

👒وطول مانتى واقفة فى المطبخ او بتوضبى شقتك . استغفرى ربك وسبحى ، وانتى مش هتحسى بتعب ولا شقى ،خلى لسانك يذكر الله باستمرا وهتشوفى النتيجة بنفسك وهتدعيلى ☺👏

🌹ايه رايحه فين ايوه أنتى شوفتك قرأتي وماشية كده سيبي ملصقات كتير، 😘 ولايك وربنا يجعله في ميزان حسناتنا جميعا💓💓💓

15/05/2019

كان عندي عزومه فضلت احضر لها اكتر من يومين
ملحقتش اصور اي حاجه الا دي
كنافه بالبلح و الباستري كريم و صوص الكراميل 😋😋
نص كيلو كنافه عليها كوب الا ربع سمنه بلدي وزبده انكور
كسرت الكنافه و حمرتها في السمنه و الزبده و معلقه زيت عشان الزبده متتحرقش و بعد ما اتحمرت تمام نزلت عليها بشربات بارد و حطيتها في فريم و حطيت الباستري كريم و البلح و الكارميل 😋😋

15/05/2019

طاجن ورق العنب الخطييرررر 😋
بصوا بقا خلطة المحشى انا بعملها نى فى نى بصل متقطع صغير نتبله بملح وفلفل وبهارات وجوزة الطيب وندعك البصلة كويس بالتوابل ونحط عليها الخضرة والرز وطماطم متسبكة ومعلقة صلصة وشوية زيت حلوين كده ونكون سالقين ورق العنب ونحشي ورق العنب ونحطه ع جنب ونيجى بقا للحمة دى لحمة موزة نتبلها بملح وفلفل كويس وطاسة سخنة جدا ع النار وحتة سمن وشوية زيت وننزل باللحمة تاخد صدمة ونقلب ع الناحيتين لحد ماتاخد لون حلو كده ونطلعها فى طبق وننزل مكانها ببصل متقطع شرايح ونشوحه كويس ونجيب الطاجن بقا ونحط البصل الاول ونرص عليه اللحمة ونرص عليهم ورق العنب ونحط شرايح ليمون ع الوش ونسقي الطاجن شوربة وتكون يدوب مع صف ورق العنب ونغطي الطاجن بالفويل وندخله فرن سخن حوالى ساعة ويكون استوى وزى الفل ونخرجة ونقلبه فى طبق وباالف هنا 😍والف هنا وشفا

14/05/2019

انهارده شوفت واحده منزله بوست بتسال عن سر الكنافة الناجحة واتصدمت من التعليقات
انا بعمل كنافة بقالي كذا سنة وببيعها وهقولكم علي سر لنحاج الكنافه
اولا
السمنة دي اول حاجه لازم تاخدي بالك منها الكنافة بتحب السمنة كتري السمنة وان شالله تبقي تصفيها بعد كده السمنة هي اللي بتخلي لون الكنافه واحد لما بتكون كتير وبتقرمشها من بره طبعا السمنة البلدي دي افضل شئ للطعم
ثانيا
الشربات لازم يبقي تقيل نسبيا يعني كوبايه سكر وزيها مياه وتسبيها لاحد ما قومها يعجبك الكنافه فيها فراغات والشربات التقيل هو اللي هيتخللها ومش هيرقد تحت زي الخفيف
ثالثا
نوع الصينيه وافضل حاجه صينيه البسبوسه اللي حرفها قصير
الفانيليا ودي اختياري الفانيليا السايلة افضل من البودر بكتيرررررر
رابعا
لو هتعمليها محشية قشطة كدابه يبقي تتقلي المهلبيه نسبيا علشان ماتسحش مع الحراره وتتحرق.💕❤💕

12/05/2019

بسم الله ما شاء الله لا قوة الا بالله 💪👀بالف هنا💟💕

12/05/2019

مطبخ ست الستات 👍 💪 👀 💪 👀

12/05/2019

شكرا لدعمكم 😘😘
عملت المحشي ني X ني وطلع تحففففه😋💃💃
غسلت الرز وبشرت 3 بصلات وعصرت طماطم في الخلاط من غير ميه ضفتها عليهم ومعلقتين صلصه ومعلقة سمن وشوية زيت والتوابل ملح وفلفل وكمون وكسبره وبصل بودر وتوم بودر وطبعا الخضره كسبره وشبت وبقدونس قلبتهم مع بعض ولفيته سقيته شربه سخنه عليها ملح وفلفل وكمون ومرقه ومعلقة سمن والميه اللي نزلت من الخلطه. طلع خراااافي ولا تسبيك ولا حرقان علي الصدر في الصيام 👍💕👍💕

12/05/2019

الحمد لله

11/05/2019

‘’ يا فاطمه .. اصبري علي مرارة الدنيا
لنعيم الأخرة ‘’ النبي ﷺ

صلوا عليه.❤