Amin Afifi Arts

Amin Afifi Arts يحركني دائمًا الفضول للاستكشاف والتجربة، وأدعوكم لمشاركتي رحلتي في فهم فن العمارة كباحث وممارس يسعى لربط دروس الماضي بأحلامه للمستقبل.

31/08/2026

فرصة مهمة للمعماريين هتبتدي من بكرة 1 سبتمبر، الدورة الثامنة من جوائز الفنون التابعة لمؤسسة فاروق حسني.
التفاصيل موجودة على موقع المؤسسة

23/08/2026

إيه هي CLASH؟

الحكاية بدأت بيني وبين حسين، لقاءات ومكالمات ورسائل؛ ظاهرها كلام في تجارب الشغل، لكن جواها أسئلة إنسانية عن دورنا في الحياة من خلال مهنتنا اللي بنمارسها بشكل يومي.

لو مهتمين بمجالات العمارة، سواء كنتم متخصصين او لأ، فدلوقتي دوركم تشاركونا في توسيع دائرة الحوار وتشارك الأفكار.

كبرنا وبقى بيتقال علينا "قول لعمو تسلم إيديكم!" ^^يسعدني أشارك صور أجدد حاجة اشتغلنا عليها، غرفة نوم أولاد ثلاثية (حمزة ...
22/06/2026

كبرنا وبقى بيتقال علينا "قول لعمو تسلم إيديكم!" ^^
يسعدني أشارك صور أجدد حاجة اشتغلنا عليها، غرفة نوم أولاد ثلاثية (حمزة وعمر ومحمد). في الحقيقة كنت بحاول أخلق عالم موازي ومكان يحتوي معيشة وأنشطة الشباب الثلاثة، مش مجرد أوضة نوم ومكتب مذاكرة. تجنبت وجود دولاب ضخم يبتلع الغرفة وقسمت حيزات الغرفة بحيث كل ولد يكون له خصوصيته ومساحات التخزين الخاصة به. ومن ناحية تانية راعيت في توجيه السراير إني أوفر مساحة واسعة في منتصف الغرفة تكون مشتركة بين أنشطة الأخوات من لعب ورياضة وصلاة.

التصميم والإشراف على تنفيذ الغرفة كان ضمن أعمال تصميمات وتشطيب متكاملة لكامل الشقة واللي أحب أشارككم تفاصيل من شغلنا فيها لاحقاً.

شكر كبير لصديقي محمود نادي اللي تعبته معايا في تفاصيل نجارة الغرفة دي وتحمل تعديلاتي وطلباتي المستمرة وكان بيساعدني في مراجعة تفاصيل الشغل بلا كلل أو ملل عشان نتأكد إن مفيش تفصيلة واقعة مننا.

فريق العمل اللي ساعد يوصّلنا للصور الجميلة دي:

أعمال النجارة: محمود نادي وفريقه
أعمال الكهرباء: خالد أحمد
أعمال النقاشة: جابر القرش
أعمال الستائر: نجيب سليم
أعمال التكييفات: ConAir

المحادثة اللي دايرة بيني وبين اصدقائي الفترة دي هي عن الإبداع البشري في مقابل الذكاء الإصطناعي.في الحقيقة، لو حد هيسألني...
18/06/2026

المحادثة اللي دايرة بيني وبين اصدقائي الفترة دي هي عن الإبداع البشري في مقابل الذكاء الإصطناعي.
في الحقيقة، لو حد هيسألني عن الفرق بين الإنسان والآلة (لو الاتنين ممكن يقدموا نفس المنتج)، هلاقي نفسي بشاركه صور زيارتي السابقة لقرية تونس في الفيوم.
كله متماشي ومتناسق مع بعضه وفي نفس الوقت كل قطعة فنية لها هوية خاصة بها وشخصية، كأنك بتقتنى القطعة اللي شبهك. وده عكس تماماً خط انتاج الفازات والاكسسوارات اللي بشوفها في المولات، اشكال مختلفة لكن نمطية بشكل مزعج واولوية تصنيعها بتكون لصالح سلاسة عمل خط الانتاج. نتاج الآلة مهم عشان يسد فراغ الطلب الزايد على منتج بعينه، لكن نتاج الإنسان المباشر بيلبي احتياج وبيدي معنى مختلف، مش مجرد سد خانة او ملئ فراغات. انا لمجرد فرجتي على الصور مرة تانية احساس الراحة نفسي اتنقل لي زي يوم ما صورتها.

النهاردة وصلني خبر نشر مشروعنا في سيوة "بيت غاغي" على موقع ArchDailyالحمد لله، خطوة مهمة في عمر المشروع وفي مسيرتي، واتش...
19/05/2026

النهاردة وصلني خبر نشر مشروعنا في سيوة "بيت غاغي" على موقع ArchDaily
الحمد لله، خطوة مهمة في عمر المشروع وفي مسيرتي، واتشرف وامتن لفرصة وجود اسمي بجانب اتنين بحترم فكرهم واتعلمت منهم، د. كريم السيد و م. ايهاب السيد.
وبعتبرنا فريق محظوظ بثقافة وفكر العميل أ. اسماعيل غاغي، اللي آمن بالفكرة وترك لنا مساحة الإبداع وإدارة التنفيذ.

بالاضافة لفريق العمل المذكور بشكل رسمي، انا هستغل المساحة الافتراضية اللي عندي عشان اشارك مقتطفات صغيرة للناس اللي اشتغلت في المشروع واضيف لمجموعة العمل بعض الاسماء اللي اتشرفت بالتعاون معهم مع حفظ الالقاب:

- انور بكور وفريقه في اعمال المباني والكحلة والاعمال الاعتيادية بالموقع
- خالد احمد وفريقه في اعمال الكهرباء
- وائل معوض وفريقه في اعمال الصحي
- محمود نادي وفريقه في اعمال النجارة
- فتحي خليفة وفريقه في اعمال النجارة الخارجية
- احمد سعد ومجموعته في اعمال كسوات الحوائط والارضيات الرخام
- احمد منصور وفريقه في اعمال ارضيات السطح
- سليمان مدني ومجموعته في اعمال الخرسانات الخاصة بحمام السباحة
- احمد عبد الرحيم وفريقه في اعمال البياض
- شركة الرحاب جروب لأنظمة الطاقة الشمسية

البيت هو جزء من قطعة ارض اكبر تم استصلاحها وزراعتها. قد لا تكون هي النجم في اللقطات المعمارية لكنها بالتأكيد جزء هام وحاضن للبيت، وهي مدخل قبل المدخل. المسئول عن زراعة الارض ورعايتها واللي بدعي دائماً ربنا يحسن ما بين ايديه على اثره الطيب فيها، فتحي غاغي.

وعاوز اشكر اخوتي من سيوة
عبد الله ريان وعمر غاغي اللي كان لهم دور في تسهيل مهام عملي في سيوة
وايضاً حابب اشكر عبد الله محمد اللي دوره كان اساسي في تنقلاتنا كل يوم وكان فعلياً ده الشخص اللي ممكن نظبط عليه ساعاتنا

وغير كل الاسامي اللي قلتها، ناس كتير اشتغلوا في المشروع في مهام متنوعة والمجال وذاكرتي للأسف لا يسعهم ذكر اساميهم بالكامل لكني دائماً بعد فضل ربنا اولاً وثقة صديقي د. كريم ثانياً ، حفضل ممتن لكل حد اتعرفت عليه واشتغلت معاه وكان سبب من اسباب النجاح اللي حصده المشروع حتى الآن.

كذا مرة اتسأل على واجهة مطحن بن فيروز، وجوابي كان واحد، انا اللي عملته "اني قررت معملش حاجة".الواجهة الاصلية كانت لمكتبة...
05/05/2026

كذا مرة اتسأل على واجهة مطحن بن فيروز، وجوابي كان واحد، انا اللي عملته "اني قررت معملش حاجة".

الواجهة الاصلية كانت لمكتبة قديمة اسمها "ديدي" ، وكانت محفورة في ذاكرة الناس في منطقة كليوبترا لدرجة ان بعد اول يوم شغل اتشهرت في المنطقة-اكتر من صحاب المطحن نفسهم- بإني "الأستاذ اللي واخد ديدي"، ودي كان اكتر حاجة مخوفاني في قبول اي تجديد في هوية المحلات والتمهيد لوجود نشاط جديد فيها.

واجهة "ديدي" الاصلية كانت جزء من موضة في وقت التسعينات واوائل الالفينات بإستعراض العضلات بالتشكيل بشبك الحديد وتلبيشها بالمونة. اتجاه انا شخصياً متحفظ عليه شكلاً ومضموناً لكنه كان المعتاد للعين على مدار سنين طويلة. حظي الحلو بقى ان كان عندي موضة تانية في نفس العمارة لكن اكثر تفضيلاً ليا كمعماري.

مفتاح الحل كان في العمارة نفسها، رغم حالتها اللي محتاجة لإهتمام الا ان طرازها المميز كان جزء من موضة طلعت في اوائل الثلاثينيات وفعلياً ما يميز الاسكندرية كمدينة انها اكتر مدينة محتفظة بمباني بالطراز المعماري ده من الحقبة الزمنية دي، لأن معظم المباني اللي اتبنت في الفترة دي في اوروبا تم تدميرها في الحرب العالمية الثانية. قررت احترم طرازها ولما جددت الواجهة كان قراري اني "اغش" من الجملة اللي عملها المصمم الاصلي واكمل عليه. كنت بقول للي شغالين معايا "انا عاوز ارجع واجهة المحل لوقت ما الخواجة بنا العمارة" وكان عم جابر مشرف التنفيذ معي ينكشني ويقول سيم بيني انا وهو "الخواجة مبيعملش حاجة غلط يا هندسة".

وطبعاً كان عندنا اضافات زي اسم المحل والاضاءة والتندات، ودي اكتر حاجة درستها وذاكرتها تصميمياً في الواجهة وبمساعدة الذكاء الاصطناعي عملت محاكاة لشكل الواجهة الحقيقي مع الاضافات اللي بقترحها عشان اطمن لكل قرار بناخده في التنفيذ. كان هدفي معاكس تماماً لهدف واجهة "ديدي" القديمة، انا كنت مش عاوز اهيمن او افرد عضلاتي على الواجهة، كنت عاوز احترم خطوطها الاصلية وابرز جمالها اكتر.

الحمد لله المردود اللي اخدته حتى الآن ايجابي على تدخلاتنا في الواجهة، بل بالعكس فيه اللي بيفتكر انها كانت كده من الاول. لكن اكتر مردود مبهج ليا كان معرفتي ان سكان العمارة نفسها اتشجعوا لما شافوا تجربتنا في الحفاظ على الواجهة وصيانة الرخام الاصلي، وقاموا بتجديد وصيانة وتنظيف رخام المدخل بالكامل بنفس طريقتنا. اعتقد ده كان اثر الفراشة البسيط اللي بيديني مؤشر ايجابي تجاه تدخلنا في المحل بالطريقة دي. وبكده يظل لمطحن بن فيروز مكانة خاصة في قلبي كمصمم ومنفذ وايضاً دلوقتي كزبون ^^

في مسابقة الأقصر اللي شاركنا فيها مؤخراً قدمنا مفهوم جدلي حول هوية ما يليق بمبنى نقابة المهندسين وكان عندنا فرصة النقاش ...
25/04/2026

في مسابقة الأقصر اللي شاركنا فيها مؤخراً قدمنا مفهوم جدلي حول هوية ما يليق بمبنى نقابة المهندسين وكان عندنا فرصة النقاش وتبادل الآراء مع السادة المحكمين واعضاء لجنة المسابقات بالنقابة. إحنا شوفنا في إتاحة استخدامات متعددة في مبنى النقابة فرصة نعيد بيها تعريف هوية ودور المبنى ضمن نسيج مدينة عريقة زي الأقصر اللي بتستمد هويتها من الإنسان قبل الجماد.

تفاصيل اكتر عن المشروع ورحلتنا الفكرية قررنا نشاركها من خلال موقع بيهانس وحابين نسمع آرائكم وتعليقاتكم

https://www.behance.net/gallery/248241927/Luxor-Mixed-Use-Building-Competition-Entry

احد اهم استنتاجاتي من زيارة الأقصر في يناير مع صديقي خالد، أن الأقصر مش مدينة واحدة، دي خمسة مدن بيتصارعوا مع بعض.من وجه...
11/04/2026

احد اهم استنتاجاتي من زيارة الأقصر في يناير مع صديقي خالد، أن الأقصر مش مدينة واحدة، دي خمسة مدن بيتصارعوا مع بعض.

من وجهة نظري، الخمسة مدن يمثلهم خمسة طبقات معمارية، تتنوع ما بين:
1. المعابد المصرية القديمة
2. المعمار الاوروبي
3. المعمار التقليدي الشعبي وتجربة الاحياء اللي قام بها حسن فتحي
4. معمار حديث لكنه يحاول جاهداً ان يحاكي ما هو مصري قديم
5. معمار سكني من الخرسانات والطوب الاحمر دون هوية من حيث الشكل او المضمون

ملاحظتي كانت اكتساح غير عادي للنمط الرابع، مباني عامة سواء حكومية او تجارية بتحاول تعبر عن انتمائها للأقصر من خلال ترقيع موتيفات وزخارف "فرعوني". لكن ما هو اخطر من التعامل السطحي مع شكل المباني، اثر تغلغل المنشآت السياحية في اوصال المدينة وتحويل الشوارع لممرات محاطة بكوردون امني يميناً ويساراً وغير مرحب بالمكوث فيها وبالأخص لأبناء البلد انفسهم. كأن ما يحدث بالأقصر هو استراتيجية تهجير ناعمة من قلب المدينة لمدينة طيبة على الظهير الصحراوي الشرقي.

الاستراتيجية دي مش من صنع شخص بعينه لكنها ديناميكية التفكير الإستثماري وقوانين حركة رأس المال، عشان كده في بداية رحلة التصميم لمبنى عام في الأقصر، اتفقت انا واعضاء فريق العمل على أن دور المبنى ومسئوليته تجاه نسيج المدينة شئ اساسي. قد يكون صناع القرار مقيدين بظروف وعوامل لا يدري بها اعضاء معسكر الحالمين امثالنا، لكن دائماً هناك مساحة وسطية لا تشترط التصادم والنزاع ولا تستسلم للتفريط في نفس الوقت.

رحلتي الفكرية في مسابقة النقابة خلتني اعيد فهم تعريف استاذي د. محسن زهران لامانة الواجب المعماري واللي اتكلم عنه في كتابه "فلسفة التصميم"، وفيه وضح ان فن العمارة مرتبط بحياة الناس اليومية، واثره مباشر في اسلوب المعيشة على عكس انواع انواع اخرى من الفن. فقد لا يتجاوب الإنسان العادي بسهولة مع تغيرات العمارة شكلاً ومضموناً بل يغلب عليه "الحذر وعدم الثقة". لذلك فمن الحكمة التدرج في "تغليف" الفلسفات الجديدة على خطوات هادئة وفترات متباعدة كي يتقبلها الناس.

في النهاية بفكر نفسي وبفكر زملائي المعماريين، ان الموضوع محتاج صبر ومثابرة وما علينا سوى السعي.

Address

Alexandria

Telephone

+20012234419180

Website

Alerts

Be the first to know and let us send you an email when Amin Afifi Arts posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Amin Afifi Arts:

Shortcuts

Share

Category