Mona elbiaaمنى البياع

Mona elbiaaمنى البياع معالج نفسي
إرشاد زواجى وأسرى
إرشاد مهارات حياتية ، وكيف تحقق النجاح
مؤسسة أول event فى مصر للتوكيدات الإيجابية

25/08/2026

بقلم: 💎 الكاتبة مريم علي ✍️

عنوان: أوقات بنقابل نفسنا متأخر

في لحظة ما، بتكتشف إن أكبر تغيير حصل فيك، مش إن الظروف اتبدلت... لكن إن نظرتك لنفسك اتغيرت.

بتبطل تجري ورا رضا كل الناس، وبتبدأ تسأل: "أنا مرتاح؟ أنا مقتنع؟"

النضج الحقيقي مش إنك تبقى عارف كل الإجابات، لكن إنك تبقى متصالح مع إنك لسه بتتعلم، ولسه بتتغير.

وأجمل حاجة ممكن تعملها لنفسك، إنك تديها فرصة تبدأ من جديد، من غير ما تعاقبها على نسخة قديمة كانت بتحاول تنجو.

كل يوم بنكتشف جزء جديد من نفسنا... وده في حد ذاته رحلة تستحق.

17/08/2026

المقال الخامس: الصمت العقابي والجفاف العاطفي جوه البيت
مقال نفسي
بقلم: 💎 هالة عبد الخالق ✍️
أخصائية نفسية إكلينيكية ✨
البيت اللي مفيوش أحضان ولا كلام طيب والأسلوب السائد فيه لما يحصل زعل هو الصمت العقابي والتجاهل بالأيام بيسيب ندوب نفسية أعمق بكثير من الضرب والشتيمة البنت في البيئة دي بتكبر وهي حاسة بالرفض وجوع عاطفي شديد.
الجفاف ده بيخليها لما تكبر ترتضي بأي فتات عاطفة من أي حد وتتحمل الأذى والتقليل في علاقاتها لأن عقلا الباطن اتعود إن الحب لازم يكون معاه جفاء وتجاهل ووجع.
جرعة توعية لقلبك:
احتياجك للأمان والدفء العاطفي مش رفاهية ولا دلع وجوعك للحنان هو نتيجة لبيئة مكانتش بتديهولك بس ده مش معناه إنك ترضي بفضلات المشاعر من أي حد اتعلمي تدي لروحك الأمان والتقدير وترفضي أي علاقة تعيد ليكي وجع التجاهل القديم.

15/08/2026

المقال الرابع: الابتزاز العاطفي باسم "البر"
مقال نفسي
بقلم: 💎 هالة عبد الخالق ✍️
أخصائية نفسية إكلينيكية ✨
لما الأهل يستغلوا مشاعر الخوف والذنب عند الأبناء عشان يمشوا كلامهم أو يسيطروا على قراراتهم الجواز الشغل طريقة الحياة كل ده تحت جملة لو مسمعتيش الكلام مش راضيين عنك أو هنسيب البيت ونمشي ده اسمه ابتزاز عاطفي صريح.
الخلط بين البر الواجب وبين الابتزاز السلبي بيخلق عقدة ذنب دائمة جوه البنت وبيجبرها تضحي بحياتها وسعادتها عشان بس تشتري السلم النفسي وتهدي القلق اللي جواها من غضبهم.
جرعة توعية لقلبك:
البر إحسان ورحمة ومش معناه أبداً إلغاء شخصيتك وحياتك عشان ترضي حد حدودك النفسية وقراراتك الشخصية هي حقك الإنساني اتعلمي تفرقي بين احترام أهلك وبين إنك تسلمي مفاتيح حياتك لحد تاني حتى لو كان أقرب الناس ليكي.

13/08/2026

المقال الثالث: "الحب المشروط".. فخ الرضا اللي مبيخلصش
مقال نفسي
بقلم: 💎 هالة عبد الخالق ✍️
أخصائية نفسية إكلينيكية ✨
هنحبك لو طلعتي الأولى وهنرضى عنك لو سمعتي الكلام وبقيتي البنت المطيعة الحب لما يتربط بالإنجاز والطاعة في الصغر بيتحول لخوف دائم من الرفض تلاقي البنت كبرت وهي بترضي اللي حواليها على حساب نفسها عشان بس تحس إنها سويّة ومحبوبة.
علم النفس بيكشف إن الحب المشروط بيبني شخصية بتعاني من هوس إرضاء الآخرين وتخاف تقول لأ لأي حد لأنها بتربط قبولها بذاتها بمدى تقديمها للخدمات والتنازلات للناس.
جرعة توعية لقلبك:
أنتِ تستحقي الحب والأمان لمجرد إنك أنتِ مش عشان شاطرة ولا مطيعة ولا بتنفذي الأوامر الحب الحقيقي مش صفقة ولا مكافأة على السلوك اتعلمي تحبي نفسك وتقبليها من غير شروط ولا تقييم مستمر.

11/08/2026

المقال الثاني: "المقارنة المستمرة".. كسر الروح تحت مسمى التشجيع
مقال نفسي
بقلم: 💎 هالة عبد الخالق ✍️
أخصائية نفسية إكلينيكية ✨
بصي لبنت عمك عملت إيه وشوفي ابن فلان وصل لإيه جمل بسيطة الأهل بيقولوها بغرض التشجيع بس هي في الحقيقة بتهدم البناء النفسي للطفل تماماً وتسيب جوا عقله رسالة خفية أنا مش كفاية ولا عمري هكون.
المقارنة المستمرة بتزرع في البنت ناقد داخلي قاسي جداً يفضل يأنب فيها طول العمر مهما حققت نجاحات تلاقيها كبرت وهي مش قادرة تفرح بإنجازها ودايماً حاسة بالتقصير وقيمتها مهددة قدام نفسها قدام أي حد تاني.
جرعة توعية لقلبك:
قيمتك مش مرهونة بأنك تبقي أفضل من فلان ولا إنك تحققي طموحات حد تاني أنتِ كيان مستقل وفريد من حقك تنجحي بطريقتك وفي وقتك بلاش تقيمي نفسك بعيون أهلك القديمة أنتِ كفاية ومميزة بتفاصيلك الحقيقية.

10/08/2026

المقال الأول: إرهاق إنك تكوني "العكاز" لأهلك!
مقال نفسي
بقلم: 💎 هالة عبد الخالق ✍️
أخصائية نفسية إكلينيكية ✨
لما الطفل يتربى على إنه المسؤول عن مشاعر أهله وراحتهم النفسية بيحصل حاجة في علم النفس اسمها تبديل الأدوار تلاقي البنت من صغرها بتشيل هموم أكبر من سنها وتلعب دور الأم أو المرشدة لأمها وأبوها.
الضغط ده بيخليكي تكبري وانتي حاسة إن مالكيش المساحة تزعلي أو تشتكي لأنك دايماً الشخـص اللي بيسند الكل الجري ورا حمايتهم وإرضائهم بيسرق منك طفولتك وشبابك وبيخليكي كبار من بره بس مهدودة ومستنزفة جداً من جوه.
جرعة توعية لقلبك:
مش مسؤوليتك إطلاقاً إنك تكوني المعالج النفسي لأهلك ولا إنك تصممي حياتك عشان تشيلي مشاكلهم من حقك تعيشي سنك وتكوني البنت اللي محتاجة حماية مش العكاز اللي الكل بيتسند عليه خفي الحمل ده عن روحك واستردي طفولتك.

06/08/2026

لو بتعملى مجهود عشان تحققى أى حاجه نفسك فيها إعرفى إنك محتاجة توازنى أنوثتك ..

الأنثى بفطرتها ربنا خلقها يتحققلها اللى بتتمناه من غير أى مجهود ...

وربنا جعل لينا الأمثال فى القرءان ..

السيدة مريم لما لقت نفسها فى موقف صعب وحزنت

"ربنا سبحانه وتعالى أمرها بحاجات معينه نقدر منها نعرف مطلوب منك ايه فى الحياه عموماً"

ركزوا مع الآية ..

بسم الله الرحمن الرحيم

﴿فَأَجَاءَهَا الْمَخَاضُ إِلَىٰ جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَٰذَا وَكُنتُ نَسْيًا مَّنسِيًّا ۝ فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيًّا ۝ وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا ۝ فَكُلِي وَاشْرَبِي وَقَرِّي عَيْنًا ۖ فَإِمَّا تَرَيِنَّ مِنَ الْبَشَرِ أَحَدًا فَقُولِي إِنِّي نَذَرْتُ لِلرَّحْمَٰنِ صَوْمًا فَلَنْ أُكَلِّمَ الْيَوْمَ إِنسِيًّا﴾

طلبات كلها واضحه وبسيطه وكلها اهتمام بنفسها وتركيز عليها هى وبس

الطلب الأول :
إستشعروا معايا رحمة وحب ربنا لينا ...

ـ متحزنيش وبشرها بالخير ربنا سبحانه وتعالى بيطمنها عشان زعلانه وخايفه .. متخيلة قد ايه ربنا رحيم لأبعد الحدود

الطلب التانى :
(هزى )رزق ربنا ليها وهيا مكانها متخيلين طلب منها هزة ، بس كدا ...
- يعنى الاكل اللى الرجال بيخرجوا ويسعوا ويشقوا ويتعبوا عشان يجبوه ربنا أمرها بهزها بس وهيا مكانها ،، الاكل عندها لدرجة أن سيدنا ذكريا لما دخل عليها قالها من فين كل ده ،، قالتله أنه من عند الله .. يعنى بكل وضوح انتى مش محتاجه لأى بشر يساعدك أن رزقك هيجيلك من ربنا كدا كدا ...

الطلب التالت :
( كلى وأشربى وقرى عيناً ) الأجمل والأحن والأرحم من رب العالمين الإهتمام بيها كأنثى .. عالم بيها أنها لما تحزن مش بتاكل .. فطلب منها تاكل وتشرب وتتبسط..

اخر طلب :
- انك متتكلميش مع بشر وأرشدها كمان تقول ايه لو حد سألها عن اى حاجه ،، ازاى تخرج من السؤال بهدوء ..
((إنى نذرت للرحمن صوماً فلن اكلم اليوم إنسياً))

حاسه وشايفه ربنا بيعاملنا ازاى ، أهو إنتى بردو عند ربنا غالية ولازم تاخدى أمثلة ربنا لينا قدوة تمشي عليها ..

مفيش بشرى فى الكون ينفع تسمحيله يعاملك أقل من معاملة ربنا ليكى .. لإن انتى مش محتاجه معاملة من حد غير لما تكون برحمه ومحبه واهتمام وود كما تستحقى .. غير كدا رب العالمين كافيكى .. والأهم تعالى نفسك بحب ورحمة وإهتمام

لو عملتى الحاجات دى هتلاقى أنوثتك من تانى ..


حين يكون البيت أول مكان يؤلمنا"ليس كل جرحٍ تراه العين... فبعض الجروح يصنعها أقرب الناس إلينا، وتظل تنبض في أرواحنا لسنوا...
22/07/2026

حين يكون البيت أول مكان يؤلمنا

"ليس كل جرحٍ تراه العين... فبعض الجروح يصنعها أقرب الناس إلينا، وتظل تنبض في أرواحنا لسنوات."

من المؤلم أن يكون المكان الذي من المفترض أن يمنح الطفل الأمان، هو أول مكان يتعلم فيه الخوف. وأن تكون الكلمات التي كان ينتظر منها التشجيع، سببًا في اهتزاز ثقته بنفسه.

الأذى الذي يخرج من الأهل لا يكون دائمًا ضربًا أو عقابًا قاسيًا، بل قد يكون كلمة تُقال في لحظة غضب، مقارنة مستمرة بين الإخوة، سخرية من المشاعر، أو تجاهل لاحتياجات الطفل النفسية. وربما يظن الوالدان أن الطفل سينسى، لكنه لا ينسى... بل يكبر وهو يحمل داخله صوتًا يخبره بأنه لا يكفي، أو أنه لا يستحق الحب إلا إذا كان مثاليًا.

الطفل الذي يسمع دائمًا أنه فاشل، قد يصبح شابًا يخاف من أي تجربة جديدة. والطفلة التي لم تشعر يومًا بأنها مسموعة، قد تكبر وهي تعتذر عن وجودها، وتخشى التعبير عن رأيها. فالكلمات التي تُقال داخل البيت لا تنتهي بانتهاء الموقف، بل قد تبقى رفيقة الإنسان طوال حياته.

لا يوجد أب أو أم كاملان، فالجميع يخطئ، لكن الفرق الحقيقي هو الاعتراف بالخطأ، والاعتذار، ومحاولة إصلاح ما أفسدته لحظات الانفعال. فالحب وحده لا يكفي إذا لم يصاحبه احتواء واحترام وتقدير لمشاعر الأبناء.

فلننتبه... فالأبناء لا يتذكرون كل ما اشتريناه لهم، لكنهم يتذكرون جيدًا كيف جعلناهم يشعرون. يتذكرون النظرة، والنبرة، والكلمة، والاحتضان، وكل موقف شكّل صورتهم عن أنفسهم.

إذا كنت أبًا أو أمًا، فتذكر أن كلماتك اليوم قد تصبح صوت ابنك الداخلي غدًا. فاجعل هذا الصوت رحيمًا، لا قاسيًا.

ما أكثر كلمة أو تصرف ما زلت تتذكره منذ طفولتك، سواء ترك أثرًا جميلًا أو مؤلمًا؟ شاركني رأيك، فربما تكون قصتك سببًا في أن يراجع أحد الآباء أو الأمهات أسلوبه مع أبنائه.

بقلم الكاتبة: مريم علي



#معالج نفسي
# التوكيدات الإيجابية

أحيانًا بيكون السبب وراء ضعف الثقة بالنفس، أو العلاقات المؤذية، أو الصراعات الداخلية هو أثر علاقة مؤذية مع الأب.في المحا...
16/07/2026

أحيانًا بيكون السبب وراء ضعف الثقة بالنفس، أو العلاقات المؤذية، أو الصراعات الداخلية هو أثر علاقة مؤذية مع الأب.
في المحاضرة المجانية هنتكلم عن تأثير جرح الأب على الشخصية، وإزاي نبدأ رحلة التعافي ونفهم حقوقنا وواجباتنا بشكل متوازن.
انضم لجروب المحاضرة الآن، ولينك الحضور هيتم إرساله داخل الجروب قبل الموعد. 🤍
🔗 لينك الجروب: [https://chat.whatsapp.com/KvYjPCW7SpBEtLiEClNYNR?s=cl&p=a&ilr=0&amv=3]

طول الوقت بيكلمونا عن بر الوالدين ...مفيش حد بيتكلم عن حق الأبناء عن إحساسهم ومشاعرهم مفيش حد بيقول اديت لولادك إيه ؟؟د...
12/07/2026

طول الوقت بيكلمونا عن بر الوالدين ...

مفيش حد بيتكلم عن حق الأبناء عن إحساسهم ومشاعرهم

مفيش حد بيقول اديت لولادك إيه ؟؟دايما بنسمع إديت لأهلك إيه ؟؟

دايما فاكرين ربنا فى توصيتة على الأهل ، لاكن بننسي إن المعاملة الطيبة عموماً صدقة ..

الاهل يحترموا ونحبهم ونبرهم ..

بس كمان الأبناء اللى منتظريين منهم الحب ، والبر ، والإحترام ، والود ، والرحمة ، أخدوا إيه ؟؟

هيلاقوا نفسهم مفروض يدويا حب هو مش موجود جزاهم ، لأن هما مشبعوش حب ولا اهتمام ولا رعاية صحيحة ..

ودا نتيجتة مش بتكون فى معاملتهم معاك بس ،دى بتكون أذى نفسي فى كل اتجاهات الحياة

سواء أضرار نفسية ( عدم الثقة بالنفس ، دخول فى علاقات مؤذية ، تعلق بأشياء )

تأخر فى الدراسة
تأخر فى النجاح فى العمل
علاقات عاطفية غير متزنة

فى محاضرة أونلاين من أهم المحاضرات
بعنوان
" الاثار السلبية الناتجه عن العلاقة المؤذية من الأب "

هنتكلم فيها عن بناء الشخصية الناتج عن جرح الأب
وعن الحلول للتغيير ، وكيفية الموازنة بين الحب للنفس وحب الأهل

وكيفية معرفة حقوقى وواجباتى بشكل صحيح وكيفية التعامل معها ....

لو الكلام لمس حاجه جواك
اعمل كومنت " محاضرة "وهنبعتلك لينك الجروب ، عشان تحضر معانا مجاناً

Address

Alexandria

Website

Alerts

Be the first to know and let us send you an email when Mona elbiaaمنى البياع posts news and promotions. Your email address will not be used for any other purpose, and you can unsubscribe at any time.

Shortcuts

Share