18/07/2026
ناس كتير فاكرة إن التشطيبات مجرد مهندس بيروح الموقع ويقول:
“اكسر هنا.. وادهن هناك”.. والحقيقة مختلفة تمامًا 😅
صاحب شركة التشطيبات الحقيقي مش مجرد مهندس
ده في نفس اليوم بيبقى:
مهندس… محاسب… مصمم… مشرف… مدير مشروع… مسؤول مشتريات… خبير نفسي… وحكم مباراة بين الكهربائي والسباك…
وكل ده وهو سايق العربية ويرد على العميل اللي بيسأله:
“باشمهندس… السيراميك يتركب قبل النقاشة ولا بعد الفطار؟!” 🤦🏻♂️
نيجي بقا للمشكله الكبيره إللي بتواجه المجال الجميل ده …
٩٠ ٪ من المهندسين إللي في المجال فضحوا أسرار الشغلانه علي الميديا ( مفيش طبيب بيشرح عمل العمليه إزاي وياخدك جوا أوضه العمليات - مفيش محامي بيشرحلك الخطوات اللي عملها في المحكمه هو بيجيبلك البرائه وبيعلن ده بس )
كميه فيديوهات لدرجه خلت العملاء بتقارن و يتقولك بص يا هندسه دي بتتعمل ازاي أو شوف فلان عامل ايه
لدرجه إنه دخلنا في تفاصيل تسليمات البنود وهاتك يا فيديوهات وكل واحد بقا عايز يعلي الريتش بتاعه فبيفتكس طريقه للريتش
حتي الحسابات فاضحين الدنيا فيها وفيديوهات إتعملت في إيه هي طريقه الحساب سواء نسبه او مبلغ ثابت او باقات وهاتك يا تهكم ع بعض وكل واحد عايز يطلع طريقته أحسن حاجه
حرمه المجال و التخصص بوظها أصحاب المجال مش حد براه
