10/06/2026
BOYCOTT
ပြည်သူတွေရဲ့ ဘဝတွေ၊ အသက်တွေ၊ အိုးအိမ်တွေကို နေ့စဉ်ရက်စက်စွာ ဖျက်ဆီးနေတဲ့ အာဏာရှင်စနစ်အောက်မှာ "ကြောက်လို့ပါ" ဆိုတဲ့ ဆင်ခြေနဲ့ ဝါဒဖြန့်ချိရေးရဲ့ ရုပ်သေးရုပ် ဖြစ်ပေးနေတာကို "အနုပညာဟာ အနုပညာပဲ" လို့ မျက်စိပိတ် နားပိတ် ကာကွယ်ပေးနေသူတွေကို ကျမ ပြတ်ပြတ်သားသား သတင်းစကားပါးချင်ပါတယ်။
တော်လှန်တယ်ဆိုတာ အဲဒီအကြောက်တရားကို ရင်ဆိုင်တာပါ။ နာကျည်းခြင်းတွေကနေ တော်လှန်စိတ်ဆိုတာ ဖြစ်လာတာ။ ကြောက်လို့ ငုံ့ခံနေရတဲ့ဘဝကနေ "တုံ့ပြန်မယ်" လို့ ဆုံးဖြတ်ချက်ချလိုက်တာဟာ... လမ်းမတွေပေါ်မှာ သွေးတွေချင်းခြင်းနီပြီး အလောင်းတွေ အထပ်လိုက် မြင်ခဲ့ရလို့ပဲ။ ငါတို့လူမျိုးစုတွေကို အစုလိုက်အပြုံလိုက် ရက်ရက်စက်စက် သတ်ဖြတ်ပြခဲ့လို့ပဲ။
ဒါတွေအားလုံးဟာ ငါတို့တွေ "ကြောက်လို့" ငုံ့ခံခဲ့ကြလို့ ဖြစ်လာတာ မဟုတ်ဘူးလား။
BOYCOTT ဟာ တစ်ဦးတစ်ယောက်ကို ပုဂ္ဂိုလ်ရေးအရ တိုက်ခိုက်တာမဟုတ်ပါဘူး။ အာဏာရှင်ရဲ့ ယန္တရားလည်ပတ်အောင် ကူညီနေတဲ့ လျစ်လျူရှုမှုတွေကို သတိပေးတာပါ။ "ကြောက်လို့ပါ" ဆိုတဲ့ ဆင်ခြေနဲ့ ကျွန်ဇာတ်သွင်းခံနေရတာကို မသိချင်ယောင်ဆောင်နေကြရင် အဲဒီ "မသိချင်ယောင်ဆောင်ခြင်း" တွေကို မသိသလိုနေခွင့်မရအောင် ငါတို့က Boycott နဲ့ တုံ့ပြန်မှာပဲ။
ဓားပြတစ်စုက ခင်ဗျားတို့ရဲ့ အိမ်နီးနားချင်းတွေ၊ ဆွေမျိုးတွေကို သတ်ဖြတ်၊ အိမ်တွေကို မီးရှို့လုယက်နေတဲ့အချိန်မှာ... အဲဒီဓားပြခေါင်းဆောင်ကို "မေတ္တာရှင်ကြီးပါ၊ ငွေရောင်လမင်းကြီးပါ" လို့ ချီးမွမ်းခန်းဖွင့် သီချင်းဆိုပေးနေတဲ့သူတစ်ယောက် ရှိလာရင် ခင်ဗျားတို့ ဘာလုပ်မလဲ?
"သူလည်း ဓားပြကို ကြောက်လို့ ဆိုပေးရတာပါ" ဆိုပြီး သွားပြီး လက်ခုပ်တီး အားပေးကြဦးမှာလား?
အသတ်ခံလိုက်ရတဲ့ ကိုယ့်ပြည်သူတွေရဲ့ သွေးနဲ့ ဘဝတွေကို ခြေတော်တင်စတေးလိုက်တဲ့ သီချင်းကို ဘယ်သူပဲဆိုဆို တံတွေးနဲ့ထွေးပစ်တာဟာ အာဏာရှင်မျက်ခွက်ကို တည့်တည့်ကြီး ပါးရိုက်ပြလိုက်တာနဲ့ အတူတူပဲ။ စစ်တပ်က ဘယ်သူ့ကို ကြားခံပစ္စည်းအဖြစ် သုံးသုံး... အဲဒီကြားခံပစ္စည်းဟာ ငါတို့အတွက်တော့ "ချီးခွက်" ပဲ။ ဒါဟာ သူ့ကျွန်မခံတဲ့ စိတ်ဓာတ်ပဲ။
"နီးရာဓား ကြောက်ရလို့ပါ" ဆိုတာ အသက်၊ အိုးအိမ်၊ မိသားစုကို စွန့်ခွာပြီး အဖမ်းမခံ အမိမခံဘဲ နည်းလမ်းပေါင်းစုံနဲ့ ရုန်းကန်တော်လှန်နေတဲ့ ပြည်သူတွေရဲ့ ပေးဆပ်မှုနဲ့ယှဉ်ရင် သေးသိမ်ညံ့ဖျင်းပြီး သရဲဘောကြောင်တဲ့ ဆင်ခြေပဲ။ အဲဒီဓားကို မကြောက်တဲ့အထဲမှာ ငါတို့ပြည်သူတွေ ပါခဲ့လို့လည်း ဒီနေ့အထိ ကြံ့ကြံ့ခံ တော်လှန်နေနိုင်ကြတာ။
အကြောက်တရားနဲ့ ဖိနှိပ်လို့ရမှန်းသိရင် အာဏာရှင်က ပိုဖိနှိပ်မှာပဲ။ "ကြောက်လို့ပါ" ဆိုတာကို နားလည်ပေးပြီး ဆက်အားပေးနေမယ်ဆိုရင် ဒီအကြောက်တရားအောက်မှာပဲ ဘယ်အချိန်အထိ ကျွန်ဇာတ်သွင်းခံနေကြဦးမှာလဲ?
စစ်အာဏာရှင်ရဲ့ ဝါဒဖြန့်ယန္တရားမှာ အသုံးတော်ခံမခံတာ ခင်ဗျားတို့ ရွေးချယ်မှုပါ။ ဒါပေမဲ့ စစ်တပ်ရဲ့ ဝါဒဖြန့်မှုဟာ ဘယ်လောက်နာမည်ကြီးတဲ့သူကိုပဲ အသုံးပြုပြု နောက်ဆုံးကုန်ကုန်ပြောမယ် ကျမတို့သိပ်ယုံကြည်ပါတယ်ဆိုတဲ့ အမေစုကိုဖိအားပေးပြီးထုပ်သုံးပြလာရင်တောင် အာဏာကိုလက်မလွတ်ရင် မင်းတို့အာဏာရှင်တွေလုပ်သမျှ ငါတို့က ပြက်သားစွာငြင်းပယ်တယ်ဆိုတာကို ပြသနေခြင်းဟာ BOYCOTT ပဲ။
#သဲသဲအေး
#ငါတို့သွေးနဲ့ရေးတဲ့တော်လှန်ရေး
#ဝါဒဖြန့်မှုကိုဆန့်ကျင်ကြ
