𝓔𝓜𝓔𝓟 𝓣𝓮𝓬𝓱𝓷𝓲𝓬𝓪𝓵 𝓢𝓮𝓻𝓿𝓲𝓬𝓮𝓼

24/05/2022

13/04/2022

𝓔𝓜𝓔𝓟 𝓣𝓮𝓬𝓱𝓷𝓲𝓬𝓪𝓵 𝓢𝓮𝓻𝓿𝓲𝓬𝓮𝓼 𝓒𝓸𝓷𝓽𝓻𝓪𝓬𝓽𝓲𝓷𝓰 𝓛𝓛𝓒

13/04/2022

G̊e̊t̊ ẙo̊ůr̊ Å/c̊ d̊ůc̊t̊ c̊l̊e̊ån̊e̊d̊. C̊o̊n̊t̊åc̊t̊ ůs̊ f̊o̊r̊ t̊h̊e̊ s̊ům̊m̊e̊r̊ o̊f̊f̊e̊r̊. #𝓔𝓜𝓔𝓟 #𝓣𝓮𝓬𝓱𝓷𝓲𝓬𝓪𝓵 #𝓢𝓮𝓻𝓿𝓲𝓬𝓮𝓼 #𝓒𝓸𝓷𝓽𝓻𝓪𝓬𝓽𝓲𝓷𝓰 #𝓛𝓛𝓒

18/07/2018

Like us for more >......

11/05/2017

ഇന്നലെ (10-05-17) Sharjah Airport വഴി നാട്ടില്‍ പോകുവായിരുന്ന എന്റെ സുഹ്രുത്തായ സനില്‍ കെ മാത്യുവിനുണ്ടായ അനുഭവം ആണിവിടെ കുറിക്കുന്നത്... കഴിയുമെങ്കില്‍ മുഴുവനും വായിക്കുക,

ഒറ്റ ദിവസത്തേക്ക് നാട്ടിലേക്ക് പോകുവാനാണ് ഏകദേശം വൈകുന്നേരം നാലര കഴിഞ്ഞ് അല്‍ എൈനില്‍ നിന്നും ഷാര്‍ജാ വിമാനത്താവളത്തിലേക്ക് യാത്രത്തിരിച്ചത്.., സനിലിന്റെ ഫ്ളൈറ്റ് ഇന്നലെ രാത്രി 8:45 നുള്ള SHJ-TVM എയര്‍ ഇന്ത്യാ എക്സ്പ്രസ്സ് ആയിരുന്നു.., സനില്‍ ഇന്നലെ നാട്ടില്‍ പോയിട്ട് ഇന്ന് തിരിച്ച് വരുന്നതിനാല്‍ ഇവിടെ അല്‍ എൈനില്‍ നിന്നും സ്വന്തം വാഹനത്തില്‍ തന്നെയായിരുന്നു വിമാനത്താവളത്തിലേക്ക് പോയത്, വാഹനം Airport ന്റെ സമീപത്തുള്ള ഏതെങ്കിലും പാര്‍ക്കിംഗില്‍ ഇട്ടതിന് ശേഷം നാട്ടിലേക്ക് പോയിട്ട് വരാം എന്ന് തീരുമാനിച്ചതിന് ശേഷമാണ് ഇവിടെ അല്‍ എൈനില്‍ നിന്നും പോയത്...!!

ഏകദേശം അഞ്ചര കഴിഞ്ഞ് എവിടെയെത്തി എന്നറിയാന്‍ ഞാന്‍ വിളിക്കുമ്പോള്‍, *Sky Dive, Sky Dubai* ഒക്കെ കഴിഞ്ഞു, Out let Mall എത്താറായി ഇനിയൊരു അര-മുക്കാല്‍ മണിക്കൂര്‍ കൊണ്ട് എയര്‍പോര്‍ട്ടിലെത്തും, ഇമിഗ്രേഷന്‍ ഒക്കെ കഴിയുമ്പോള്‍ വിളിക്കാമെന്ന് പറഞ്ഞു ഫോണ്‍ വച്ചു..!

ഏഴുമണി കഴിഞ്ഞപ്പോള്‍ സനിലിന്റെ ഫോണ്‍ വന്നപ്പോള്‍ ഞാന്‍ കരുതി ഇമിഗ്രേഷന്‍ ഒക്കെ കഴിഞ്ഞെന്നു പറയാന്‍ വിളിക്കുകയായിരിക്കും എന്ന്.., ഫോണ്‍ എടുത്തപ്പോള്‍ പുള്ളിക്കാരന്‍ ആകെ ടെന്‍ഷന്‍ അടിച്ച്, ഡാ ഇവിടെ ട്രാഫിക്ക് ബ്ലോക്കില്‍ പെട്ടു, വണ്ടികള്‍ ഒറ്റയെണ്ണം അനങ്ങുന്നില്ല, നാട്ടില്‍ പോകാന്‍ പറ്റുമോന്ന് തോന്നുന്നില്ല.., എന്തെങ്കിലും കുറുക്കുവഴിയുണ്ടോ എന്നൊക്കെ ചോദിച്ചു.., അല്‍എൈനിലിരിക്കുന്ന ഞാനെന്ത് പറയാന്‍.., കൃത്യം 7:30 PM ന് ചെക്കിംഗ് കൗണ്ടര്‍ അടയ്ക്കും, എങ്ങനെയെങ്കിലും അതിനുമുന്‍പ് എയര്‍പോര്‍ട്ടില്‍ എത്താന്‍ നോക്കെന്ന് പറഞ്ഞു., അപ്പോള്‍ സനില്‍, ഡാ ഏകദേശം ഒരു അര കിലോമീറ്ററോളം ദൂരെ വരെ വണ്ടികള്‍ ഒന്നും അനങ്ങുന്നില്ല.., അങ്ങനെയൊക്കെ പറഞ്ഞു ഫോണ്‍ വച്ചു.., അപ്പോള്‍ സമയം 7:15 PM... ഒാരോ അഞ്ചു മിനിറ്റ് കഴിഞ്ഞ് വിളിച്ചപ്പോഴും അതേ അവസ്ഥ തന്നെയാണെന്ന് പറഞ്ഞു..!!

7:25ന് ഇനി പോയിട്ട് കാര്യമില്ലെന്ന് പറയാന്‍ വിളിച്ചപ്പോള്‍, ഞാന്‍ 999 വിളിച്ച് പോലീസിന്റെ സഹായം ചോദിച്ചു.., അവരോട് ഫോണില്‍ അറിയാവുന്ന അറബിയില്‍ പറഞ്ഞു, എനിക്ക് നാട്ടില്‍ പോകാനുള്ളതാണ്, 7:30ന് കൗണ്ടര്‍ അടയ്ക്കും, ട്രാഫിക്ക് ബ്ലോക്കിലാണ് വണ്ടി, Please Help me എന്ന് പറഞ്ഞു.., അവരപ്പോള്‍ സനിലിന്റെ വണ്ടി നമ്പറും , വണ്ടിയുടെ നിറവും, ഏത് വണ്ടിയും ആണെന്ന് ചോദിച്ച്., അതിന് റീപ്ലൈ കൊടുത്തപ്പോള്‍ ലൊക്കേഷന്‍ എവിടെയാണെന്ന് ചോദിച്ചപ്പോള് ലൊക്കേഷന്‍ അറിയില്ലാ, എയര്‍പോര്‍ട്ട് റോഡിലാണെന്ന് പറഞ്ഞു., കുഴപ്പമില്ലാ പോലീസുടനെ അവിടെയെത്തും എന്ന് പറഞ്ഞു... 7:35 കഴിഞ്ഞ് വിളിച്ചപ്പോള്‍ പോലീസ് വന്നു, കാര്യങ്ങള്‍ എല്ലാം പറഞ്ഞു., ടിക്കറ്റും പാസ്പ്പോര്‍ട്ടും പരിശോധിച്ചു., എന്നിട്ട് പറഞ്ഞു ഞങ്ങളുടെ പോലീസ് വാഹനത്തിന്റെ പുറകേ വരാന്‍ പറഞ്ഞു, അവര്‍ ബീക്കണ്‍ ലൈറ്റുകളും സൈറണും ഓണാക്കി അങ്ങനെ Yellow lineല് കൂടി പോലീസ് എസ്ക്കോര്‍ട്ടോടെ 7:50ന് ഷാര്‍ജാ എയര്‍പ്പോര്‍ട്ടിലെത്തി.., ഉടനെ തന്നെ വാഹനം പാര്‍ക്ക് ചെയ്തിട്ട് മെയിന്‍ ഗേറ്റിന്റെ മുന്നിലെത്തിയപ്പോള്‍ സനിലിനെയും കാത്ത് ആ നല്ല മനസ്സിനുടമയായ പോലീസുക്കാരനവിടെ നില്‍പ്പുണ്ടായിരുന്നു..

ഉടന്‍ തന്നെ സനിലിനെ ചെക്കിംഗ് കൗണ്ടറില്‍ എത്തിച്ചു ഡ്യൂട്ടിയിലുണ്ടായിരുന്ന അറബിയോട് പോലീസുക്കാരന്‍ എന്തൊക്കെയോ പറഞ്ഞു, അദ്ദേഹത്തിന്റെ ആ ഇടപ്പെടല്‍മൂലം അരമണിക്കൂര്‍ മുന്‍പേ ക്ലോസ് ചെയ്ത കൗണ്ടറില്‍ നിന്നും 8:05 ന് ബോര്‍ഡിംഗ് പാസ് ഇഷ്യൂ ചെയ്ത് കിട്ടി, എന്നിട്ട് സനിലിനെയും കൊണ്ട് ഇമിഗ്രേഷന്‍ കൗണ്ടറില്‍ ചെന്ന് പാസ്പോര്‍ട്ടില്‍ എക്സിറ്റ് സീല്‍ വച്ചതിന് ശേഷം പോലീസുക്കാരന്‍ പറഞ്ഞു *നിങ്ങള്‍ക്കുണ്ടായ ബുദ്ധിമുട്ടിന് സോറി..* ആ ഒരു വാക്ക് കേട്ട് ശരീരം മുഴുവന്‍ കോരിത്തരിച്ച് പോയി.. *"Hats off you Sharjah Police"..*

അങ്ങനെ സനിലിനെയും കൊണ്ട് കൃത്യം 9:05ന് എയര്‍ ഇന്ത്യാ എക്സ്പ്രസ്സ് വിമാനം ഷാര്‍ജയില്‍ നിന്ന് തിരുവനന്തപുരത്തേക്ക് പറന്നു..,

ജീവിതചെലവുകള്‍ വളരെ കൂടുതല്‍ ആണെങ്കിലും ഈ രാജ്യത്ത് ജീവിക്കുവാന്‍ ആളുകള്‍ വീണ്ടും വീണ്ടുംആഗ്രഹിക്കുന്നത് നമ്മള്‍ക്ക് ഈ രാജ്യത്തെ ഭരണാധികാരികള്‍, പോലീസുദ്യോഗസ്ഥര്‍, വിവിധ മന്ത്രാലയ ഉദ്യോഗസ്ഥര്‍ നമ്മള്‍ക്ക് തരുന്ന സുരക്ഷ ഒന്നുകൊണ്ട് മാത്രമാണ്..,

ഈ സംഭവം നടന്നത് നമ്മുടെ നാട്ടിലായിരുന്നെങ്കില്‍ ഉറപ്പായിട്ടും ഫ്ലൈറ്റ് മിസ്സായേനെ..,,

11/05/2017

ആറ്റിങ്ങലിൽ നിന്നു വർക്കല റെയിൽവെസ്റ്റേഷനിലേക്കുള്ള ഒരു ഓട്ടോ യാത്രക്കിടയിലാണ് ഡ്രൈവറുടെ സീറ്റിന്റെ പുറകിലായി വ്യത്യസ്തമായ രീതിയിൽ വളരെ ഭംഗിയോടെ എഴുതിയിരിക്കുന്ന കുറച്ചു വരികൾ ഞാൻ ശ്രെദ്ധിച്ചതു...

Any time call me 94470*****
Email [email protected]
Facebook [email protected]
താഴെയായി മലയാളത്തിൽ ഒരു കുറിപ്പും

"ദയവു ചെയ്തു ഈ ലിങ്ക് തുറക്കരുത്..."

കൗതുകത്തോടെ ഞാൻ അതു വായിച്ചു...
എന്തായിരിക്കും ഈ ലിങ്ക് തുറന്നാൽ അതിൽ ഉണ്ടാകുന്നത്...എന്തായാലും ഒരു മണിക്കൂർ യാത്രയുണ്ട് വർക്കല എത്താൻ..ഞാൻ എന്റെ ഡാറ്റ ഓണാക്കി മുഖപുസ്തകം തുറന്നു സെർച്ച് ചെയ്തു...പ്രൊഫൈൽ കണ്ടെത്തി ഓപ്പൺ ആക്കി...ഓട്ടോ ചേട്ടന്റെ മുഖം തന്നെയാണ് പ്രൊഫൈൽ പിക്ചർ...താഴേക്കു താഴേക്കു നോക്കി...ചേട്ടന്റെ കുറച്ചു സെൽഫികളും ഒന്നു രണ്ടു ഷെയർ പോസ്റ്റും അല്ലാതെ വ്യത്യസ്തമായ മറ്റൊന്നും അതിൽ കാണാൻ കഴിഞ്ഞില്ല...
പിന്നെന്തിനാ ഇതു തുറക്കരുത് എന്നൊരു താക്കീത്...ഇനി ഫോട്ടോസിൽ എന്തെങ്കിലും ഉണ്ടാകുമോ??

ഞാൻ ഫോട്ടോസ് ഓപ്പൺ ചെയ്തു... അതു ഓരോന്നായി നോക്കുന്നതിനിടക്കാണ് മറ്റുള്ളവയിൽ നിന്നും വ്യത്യസ്തമായി സ്വന്തം മുഖം മറച്ചിരിക്കുന്ന കുറച്ചു ഫോട്ടോസ് ഞാൻ ശ്രെധിച്ചത്...അതു ഓരോന്നായി ഞാൻ ഓപ്പൺ ചെയ്തു...കുറച്ചു തെരുവ് കുട്ടികളെ ചേർത്തു നിർത്തിയും അവർ ആർത്തിയോടെ ആഹാരം കഴിക്കുന്നതുമായ കുറച്ചു ഫോട്ടോസ്...
പക്ഷെ എല്ലാ ഫോട്ടോയിലും ഓട്ടോ ചേട്ടന്റെ മുഖം എന്തോ ചെയ്തു മറച്ചിരിക്കുന്നു... അതു എന്തിനായിരിക്കും അങ്ങനെ മറച്ചിരിക്കുന്നത്...ആകാംഷയോടെ ഞാൻ ചോദിച്ചു..

എന്താ ചേട്ടാ ഈ ഫോട്ടോയിൽ എല്ലാത്തിലും ചേട്ടന്റെ മുഖം മറച്ചിരിക്കുന്നത്...
ഓ സർ അതു നോക്കിയായിരുന്നോ
അതു വലിയൊരു സീക്രെട്ടാണ് സാറേ..
എന്റെ കൗതുകം വർധിച്ചു...
അതെന്താ ചേട്ടാ അത്ര വലിയ സീക്രെട്ട്...
അതൊക്കെ ഉണ്ട് സാറേ ഞാൻ എന്നും ഒന്നു രണ്ടു പൊതി ചോറു വാങ്ങി കൊടുക്കാറുണ്ട് അവർക്കു... അപ്പൊ എടുക്കുന്ന ഫോട്ടോസാ അതൊക്കെ...

അതൊക്കെ നല്ല കാര്യമല്ലേ ചേട്ടാ
അതിനെന്തിനാ ഇങ്ങനെ മുഖം മറച്ചിരിക്കുന്നത്...ചേട്ടനെന്താ നാണക്കേടാണോ അവരൂടെ കൂടെ നിക്കുന്നത്....
ഹ ഹ ഹ എന്തു നാണക്കേട് അതും ഒരു ചെറിയ കഥയാ സാറേ...
എന്തു കഥ എനിക്ക് വീണ്ടും ആകാംഷ ആയി... എന്നാ ചേട്ടൻ പറയു...ഒരുപാട് സമയം ഉണ്ടല്ലോ..എനിക്കാണേൽ കഥ കേൾക്കാൻ വല്യ ഇഷ്ടവുമാണ്...
സാറിനു കേൾക്കാൻ അത്ര താൽപര്യമാണെങ്കിൽ ഞാൻ പറയാം...

ആരോരുമില്ലാതെ തെരുവില് തെണ്ടി നടക്കുന്ന ചേരി പിള്ളേരാ സാറേ അതു...ഒരു നേരത്തെ അന്നതിന് പോലും വഴിയില്ലാതെ പിള്ളാര്...ഒരിക്കൽ ഒരു വലിയ വീട്ടിലെ സാറിനെയും കൊണ്ടു ഓരോട്ടം പോയതാ ഞാൻ ആ ചേരീല്.. അന്ന് ആ സാറ് രണ്ടു പൊതി ചോറു വാങ്ങി ആ പിള്ളേർക്ക് കൊടുത്തിട്ടു കൂടെ നിന്നു ഫോട്ടോ എടുക്കുന്നത് കണ്ടു...
ആ സാറ് ചേരിപ്പിള്ളരുടെ കൂടെ നിന്നു എന്തിനാ ഫോട്ടോ എടുക്കുന്നതെന്നു എത്ര ആലോചിച്ചിട്ടും എനിക്ക് മനസ്സിലായില്ല...അങ്ങനെ തിരിച്ചു പോകുന്ന സമയത്തു ഞാൻ സാറിനോട് ചോദിച്ചു.. സാറിനെന്തിനാ ആ ചേരി പിള്ളേരുടെ കൂടെ നിക്കുന്ന ഫോട്ടോ?? അപ്പോഴാ സാറ് പറഞ്ഞേ ഇങ്ങനെയുള്ള നല്ല കാര്യങ്ങൾ ചെയ്യുന്ന ഫോട്ടോയൊക്കെ ഫേസ്ബുക്കിൽ ഇട്ടാൽ സമൂഹത്തിൽ ഒരു വില ഉണ്ടാകുമെന്നും പത്തു പേരറിയാനുള്ള എളുപ്പ വഴിയാണ് ഇതൊക്കെയെന്നും...അപ്പൊ നാളെയും സാറ് ഇവിടെ വരുമൊന്നുള്ള ചോദ്യത്തിന് ആ ദുഷ്ടൻ പറഞ്ഞത് എന്താന്നു അറിയാമോ സാറിനു...പിന്നേ ഈ തെണ്ടികളെ ഊട്ടലല്ലേ എന്റെ പണി.. ഇവറ്റകളെ കാണുന്നതേ എനിക്ക് അറപ്പാ.. പിന്നെ ഈ ഒരു ഫോട്ടോ എടുക്കാൻ വേണ്ടിയല്ലേ രണ്ടു പൊതി ചോറു വാങ്ങി കൊടുത്തതെന്ന്....സത്യം പറഞ്ഞാ എനിക്കയാളോട് അപ്പൊ വല്ലാത്ത ദേഷ്യം തോന്നി സാറേ...പിന്നെ അവരൊക്കെ വല്യ വല്യ ആൾക്കാരല്ലേ... നമുക്ക് ദേഷ്യം വന്നിട്ടെന്താ കാര്യം...

പക്ഷെ അയാളെ വീട്ടിൽ കൊണ്ട് ആക്കി തിരിച്ചു പൊരുമ്പോ എനിക്കും അങ്ങനെ ഒരു സ്വാർഥത തോന്നി സാറേ... ഞാനും അങ്ങനെ ചെയ്താൽ എന്നെയും പത്തു പേരറിയില്ലേ... കൂടുതൽ ആളുകൾ അറിയുമ്പോ ഓട്ടവും കൂടുതൽ കിട്ടിയാലോ എന്നൊക്കെ ഞാനും ചിന്തിച്ചു....അങ്ങനെയൊക്കെ ചിന്തിച്ചു രണ്ടു പൊതി ചോറും വാങ്ങി ഞാനും പോയി അവിടേക്ക്... പിള്ളേർക്ക് ചോറു കൊടുത്തിട്ട് കൂടെ നിന്നു കുറച്ചു ഫോട്ടോ ഞാനും എടുത്തു ഫേസ്ബുക്കിൽ ഇടാൻ...പക്ഷെ ആ പിള്ളാര് അതു ആർത്തിയോടെ കഴിക്കുന്ന കണ്ടപ്പോ എനിക്ക് സഹിച്ചില്ല സാറേ...കാരണം ഞാനും ഒരു നേരത്തെ ആഹാരം പോലുമില്ലാതെ ഒരുപാട് പട്ടിണി കിടന്നിട്ടുള്ളതാ...അതുകൊണ്ടു വിശപ്പിന്റെ വിലയെന്താന്നു എനിക്ക് നല്ലതു പോലെ അറിയാം...ആ സംഭവം ആയിരിന്നു തുടക്കം... പിന്നെ പിന്നെ ഓട്ടം കൂടുതൽ കിട്ടുന്ന ദിവസമെല്ലാം രണ്ടോ മൂന്നോ പൊതി ചോറു വാങ്ങി കൊടുക്കും ഞാൻ അവറ്റകൾക്കു...ഓട്ടം ഇല്ലാത്തപ്പോ എന്തു ചെയ്യാനാ സാറേ...എന്നാലും കല്യാണങ്ങൾക്കു ബാക്കി വരുന്നതും അറിയുന്ന വീടുകളിൽ നിന്നും ഒക്കെ എന്നെക്കൊണ്ട് പറ്റുന്ന പോലെ കൊണ്ടു കൊടുക്കും സാറേ ആ പാവങ്ങൾക്ക്....വിശപ്പിന്റെവിലയെന്താണെന്നു ഒരു പക്ഷെ സാറിനു മനസിലാവില്ല...പട്ടിണി എന്താണെന്നു ശെരിക്കും അതു
അനുഭവിച്ചിട്ടുള്ളവനു മാത്രമേ മനസ്സിലാവൂ സാറേ...

സത്യം പറഞ്ഞാൽ അതെല്ലാം കേട്ടപ്പോ സ്വയം പുച്ഛമാണ് എനിക്ക് തോന്നിയത്..
കുറച്ചു കാശുള്ളതിന്റെ പേരിൽ സമൂഹത്തിൽ വലിയവൻ എന്നു കരുതിയ ഞാൻ ആ മനുഷ്യന്റെ മുന്നിൽ എത്രയോ ചെറുതാണെന്ന് എനിക്ക് തോന്നിപോയി...കഴിക്കുന്ന ഭക്ഷണത്തിൽ ഒരു മുടി ഇരുന്നാൽ പോലും അതപ്പാടെ വേസ്റ്റിൽ കളയുന്ന എനിക്ക് എന്തു യോഗ്യത ആണ് ഉള്ളത് അയാളുടെ മുന്നിൽ....

സാറേ സ്ഥലമെത്തി....
ഡ്രൈവർ ചേട്ടന്റെ ശബ്ദം കേട്ടാണ് ചിന്തയിൽ നിന്നുണർന്നത്...
ഓ സംസാരിച്ചിരുന്നു സ്ഥലം എത്തിയതറിഞ്ഞില്ല..
എത്ര കാശായി ചേട്ടാ...
നാനൂറ് രൂപ സാറേ...
ഒരായിരത്തിന്റെ നോട്ടെടുത്തു ഞാൻ ചേട്ടന് കൊടുത്തു...
അയ്യോ സാറേ ചില്ലറ ഇല്ലാലോ ബാക്കി തരാൻ...
സാരമില്ല അതു ചേട്ടൻ വച്ചോളൂ ഇന്ന് അവർക്ക് ചോറു വാങ്ങി കൊടുക്കുമ്പോ എന്റെ വകയായി മൂന്നു നാലു പൊതി അധികം വാങ്ങിക്കോളൂ ബാക്കി കാശിനു....
വല്യ സന്തോഷം സാറേ അതുങ്ങൾക്കു ഒരു നേരത്തെ അന്നം കൊടുക്കാൻ തോന്നിയല്ലോ.. സാറിനെ ദൈവം അനുഗ്രഹിക്കും...എന്നാപ്പിന്നെ ഞാൻ പോട്ടെ സാറേ...

ശെരി... പക്ഷെ ആ ഫോട്ടോയിൽ മുഖം മറച്ചിരിക്കുന്നതിന്റെ രഹസ്യം എന്താണെന്ന് ചേട്ടൻ പറഞ്ഞില്ലലോ....
ചേട്ടൻ വണ്ടി ഓഫ് ആക്കി പുറത്തിറങ്ങി...
സാറു എന്നോട് ക്ഷമിക്കണം..ആ പാവങ്ങൾക്ക് എന്നും ഒരു നേരത്തെ അന്നം എങ്കിലും കൊടുക്കണം എന്നു വല്യ ആശയാ സാറേ ഇപ്പൊ...പക്ഷെ സാറിനറിയമല്ലോ ഇതു ഓടിച്ചു കിട്ടുന്ന വരുമാനം കൊണ്ടു ഒന്നും ചെയ്യാൻ കഴിയില്ലെന്നു...വണ്ടിയുടെ വാടകയും വീട്ടുചിലവും കഴിഞ്ഞു തുച്ഛമായ പണമേ മിച്ചമുണ്ടാകു..വണ്ടിയിൽ കയറുന്ന എല്ലാവരോടും ഞാൻ ഇത് പറയും..കേട്ടു കഴിയുമ്പോ ചിലരൊക്കെ ഇതുപോലെ സഹായിക്കും...ഇപ്പൊ സാറെന്നോട് അവശ്യപ്പെട്ടില്ലേ കഥ പറയാൻ അതുപോലെ എല്ലാവരോടും ഈ കഥ പറയാൻ വേണ്ടി മാത്രം എന്റെ ചെറിയ മനസിൽ തോന്നിയ ഒരാശയം ആണ് സാറേ ആ രഹസ്യം...

സാറ് വണ്ടിയിൽ കേറിയപ്പോ ആദ്യം വായിച്ചതെന്താ ഈ ലിങ്ക് തുറക്കരുത് എന്നല്ലേ....മലയാളി അല്ലെ സാറേ എന്തു ചെയ്യരുത് എന്നു എഴുതി വച്ചാലും അതിനു വിപരീതമേ ചെയ്യൂ...തീർച്ചയായും മിക്കവരും അതു തുറന്നു നോക്കും...

പിന്നെ ആ ഫോട്ടോകളിൽ മുഖം മറച്ചിരിന്നത് കൊണ്ടല്ലേ അതിനെപ്പറ്റി മാത്രം സാറ് എന്നോട് ചോദിച്ചത്... അല്ലെങ്കിൽ എല്ലാ ഫോട്ടോയും നോക്കും പോലെ അതും സാറ് വെറുതേ നോക്കി പോയേനെ... അവിടെയും മലയാളികളുടെ മാത്രം ഒരു കൗതുകം തന്നെയാണ് സാറേ കാരണം...
സ്വന്തം വീട്ടിലെ കാര്യങ്ങൾ ഒന്നും അറിയാൻ ശ്രമിക്കില്ലെങ്കിലും മറ്റുള്ളവന്റെ ജീവിതത്തിൽ എന്തു സംഭവിക്കുന്നു എന്നറിയാനുള്ള മലയാളികളുടെ കൗതുകം...

അതിന്റെ കാര്യം സീക്രെട്ട് ആണ് എന്നു കൂടി ഞാൻ പറഞ്ഞപ്പോ എന്റെ കഥ കേൾക്കാൻ സാറ് തയ്യാറായതും അതേ കൗതുകം കൊണ്ടു തന്നെയാണ് സാറേ....എല്ലാം കേട്ടു കഴിഞ്ഞപ്പോ സാറിനു അവരെ സഹായിക്കണം എന്നു തോന്നിയത് കൊണ്ടല്ലേ ഇപ്പൊ ഈ പൈസ സാറെനിക്കു തന്നത്....അല്ലാതെ സാറ് കേറിയപ്പോ തന്നെ ഇവിടെ ഒരു ചേരിയുണ്ടെന്നും അവിടത്തെ പിള്ളാര് പട്ടിണി ആണെന്നും അവർക്ക് ആഹാരത്തിനു കുറച്ചു കാശു വേണമെന്നും പറഞ്ഞാൽ സാറ് തരുമായിരുന്നോ....

മറ്റുള്ളവരെ കുറിച്ചു നല്ലതു പോലെ മനസിലാക്കിയാൽ മാത്രമേ നമുക്ക് അവരെ സ്നേഹിക്കാനും സഹായിക്കാനും ഒക്കെയുള്ള മനസുണ്ടാവൂ.....സാറ് എനിക്കു മാപ്പു തരണം.. സത്യത്തിൽ ഇതാണ് സാറേ ആ സീക്രട്ട്....

ഒരു അമ്പരപ്പോടെ അയാളോട് യാത്ര പറഞ്ഞു റെയിൽവേ സ്റ്റേഷനിലേക്കു നടക്കുമ്പോഴും ഒരു ചോദ്യമേ എന്റെ മനസിൽ ഉണ്ടായിരുന്നുള്ളു....
സത്യത്തിൽ ഞാനല്ലേ അയാളെ സാറേന്ന് വിളിക്കേണ്ടത്......

05/06/2016

പ്റവാസം