31/05/2023
لو كل واحد اشتري شجرة قدام بيتة وزرعها بنية الصدقة
ولو اتحط شجر مثمر هيكون افضل ومن افضلهم ليمون ، هتقولي الناس هتقطع الثمار ؟ هقولك واية المانع خلي الناس تاخد ليمون وتنبسط احنا موافقين مش احسن من شجر الفيكس العادي اللي ملوش لازمة اعتبرها شجرة مش مثمرة زيه
ومع الوقت الموضوع يتعمم في شوارعنا والثقافة هتتغير
لية ليمون من خلال خبرتي في المجال ده اقدر اقولكم
دي شجرة مش مكلفة ، مش بتستهلك مية كتير وبتوفر الأكسجين بكمية غير عادية عكس باقي الشجر ، مش هتلم تراب ولا حشرات ولا عمرها هتكون مطلع ومنط زي الشجر التاني
وورقها بيفضل طول السنة بيوفر الضل شتا وصيف ولونها الاخضر مع ثمارها الاصفر حاجة روعه ده غير ريحة اليمون في الشوارع والجو اللي هترسمة شتا وصيف
الموضوع مش صعب ومش هياخد من مساحة الشارع وع مسؤوليتي الشخصية
لو هتنتقد الموضوع مفيش مشكلة
