30/08/2026
اطلاعِ عام
تمام عوام الناس کو بذریعہ ہٰذا نوٹس مطلع کیا جاتا ہے کہ گزشتہ دنوں سیلیہارنگ پاور ہاؤس کے چینل، ہیڈ ورکس اور فوربے کی صفائی ایکسکیویٹر کے ذریعے کی گئی، جس کے نتیجے میں مٹی، ریت، بجری اور دیگر ملبہ چینل کے مختلف مقامات پر موجود ہے۔
لہٰذا عوام الناس کو آگاہ کیا جاتا ہے کہ چینل کے اندر یا اس کے اطراف موجود ریت، بجری، مٹی اور دیگر ملبہ اٹھانا، فروخت کرنا، منتقل کرنا یا کسی بھی قسم کے ذاتی استعمال میں لانا سختی سے منع ہے۔
مزید برآں، ٹریکٹر، ٹرالی یا دیگر بھاری گاڑیوں کو چینل کے راستے سے گزارنا بھی ممنوع ہے، کیونکہ اس سے دوبارہ مٹی، ریت، بجری اور دیگر ملبہ چینل میں گرنے کا خدشہ ہے، جس کے نتیجے میں پانی کی روانی اور پاور ہاؤس کے آپریشن میں رکاوٹ پیدا ہو سکتی ہے۔
لہٰذا عوام الناس کو ہدایت کی جاتی ہے کہ بجری، ریت، مٹی اور دیگر ملبہ کی اٹھائی، خرید و فروخت یا منتقلی سے مکمل اجتناب کریں۔
خلاف ورزی کی صورت میں متعلقہ افراد کے خلاف سخت قانونی کارروائی عمل میں لائی جائے گی۔
واٹر اینڈ پاور سب ڈویژن یاسین
