01/08/2025
Энэ зун Солонгос жуулчдад хөтөч хийх завшаан 5 удаа гарсан юм. Талд тайван амгалан бэлчих хонь ямаан сүрэг, 5 хошуу мал харахаараа автобустай явж байсан cолонгосчууд баярлан хөөрөн зэрэг зэрэг дуу алдан орлилдож "Энд зогсооч", Бууя, зураг авъя" гэдэг.
Солонгосчууд "Ямар гоё юм бэ? Мал сүрэг нь хүртэл тайван амгалан, эрх тааваараа...Хөх тэнгэр нь хүртэл цэлмэг, үүл нь хүртэл хээ угалз болсон ямар сайхан нутаг вэ?" гээд нүүрэнд нь баяр хөөр тодроход үнэхээр их эх орноороо бахархдаг.
Оросын алдарт зохиолч Лeв Толстой "Орчин үеийн хүмүүс Яг одоо хийж байгаа ажлаа чухалд тооцдоггүй, Яг одоо дэргэдээ байгаа хүнээ чухалд тооцдоггүй, Яг одоо амьдарч байгаа энэ цаг үеэ чухалд тооцдоггүй" гэжээ.
Харин өнөөдөр бид яг одоо амьдарч байгаа эх орноо үнэ цэнтэй, эрхэм нандинд тооцохгүй байгаа юм биш байгаа даа...?
Харийн хүмүүс эх орны минь цэлгэр уудам тал хээр нутаг, мал сүрэг, цэлмэг хөх тэнгэр, үзэсгэлэнт хэлбэртэй үүлсийг хараад уулга алдаж, ийм сайхан нутаг орныг үзэж, аялан жуулчилж байгаадаа баярлан хөөрч, баясан цэнгэж, талархах юм.
Бид л ЭХ ОРНОО дутуу үнэлээд байдаг юм биш байгаа...
ЭХ ОРОН минь, тандаа би хайртай... .
