Хөвсгөл эрчим хүчний зохицуулах зөвлөл

14/08/2026

Эрчим хүчний ажилчдын өдрийн мэнд!

06/08/2026

#ДУЛААНЫ ИНЖЕНЕР мэргэжил

#ДУЛААНЫ ЭРЧИМ ХҮЧНИЙ ИНЖЕНЕР бол Монголын нөхцөлд ирээдүйтэй, хэрэгцээ нь буурахгүй мэргэжлүүдийн нэг гээ үзэж болно.
#Ялангуяа Монгол шиг хүйтэн уур амьсгалтай, төвлөрсөн дулаан хангамж ихтэй улсад энэ мэргэжил стратегийн ач холбогдолтой.

#Монголд дулааны эрчим хүчний инженерийн эрэлт хэрэгцээ:

1️⃣Ажиллах салбар маш олон, тухайлбал дулааны инженер дараах газруудад ажиллана:
• Дулааны цахилгаан станц
• Дулааны станц
• Хот суурингийн дулаан хангамжийн байгууллага
• Үйлдвэрийн газрын уур, дулааны систем
• Уул уурхайн баяжуулах үйлдвэрүүд
• Барилга, инженерийн шугам сүлжээ
• Эрчим хүчний зураг төсөл, зөвлөх байгууллага

#Монголд ДЦС, дулааны станцуудын найдвартай ажиллагаа, шинэчлэл, өргөтгөл байнга шаардлагатай байдаг.

2️⃣Мэргэжилтний хомсдолтой салбар
#Сүүлийн жилүүдэд эрчим хүчний салбарын инженер, тэр дундаа дулааны чиглэлийн боловсон хүчний хэрэгцээ нэмэгдэж байгааг салбарын мэргэжилтнүүд онцолж байна.

#Шалтгаан:
• Ахмад инженерүүд тэтгэвэрт гарч байна.
• Шинэ залуу инженер цөөн бэлтгэгдэж байна.
• Шинэ станц, шинэчлэл, автоматжуулалт хэрэгтэй болж байна.

3️⃣Ирээдүйн хэрэгцээ 10-20 жилд хэвээр байна.
#Монголд:
• Хотжилт өснө.
• Дулаан хангамж шинэчлэгдэнэ.
• Хуучин станцууд шинэчлэгдэнэ.
• Эрчим хүчний үр ашиг, хэмнэлт чухал болно.

#Тиймээс дулааны инженер зөвхөн “зуухны, станцын, турбины хүн” биш, эрчим хүчний үр ашиг, автоматжуулалт, шинэ технологийн инженер болж хөгжих боломжтой.

#Цалин, карьерын боломж (ойролцоо ойлголтоор)
(Энэ нь байгуулга, туршлагаас их хамаарна)
• Шинэ төгсөгч: дунджаас дээш түвшний инженерийн цалинтай эхэлнэ
• 5-10 жил туршлагатай: ахлах инженер, ээлжийн инженер, хэсгийн дарга
• Туршлагатай мэргэжилтэн: станцын удирдлага, зураг төсөл, зөвлөх инженерийн түвшин

#Том станцууд, уурхай, үйлдвэрийн дулааны систем дээр ажиллавал боломж илүү байдаг.

#Давуу тал:
• Монголын өвөл, дулаан хангамжийн хэрэгцээ хэзээ ч алга болохгүй.
• ДЦС-ууд шинэчлэгдэнэ.
• Хот суурин, үйлдвэр, уурхай бүр дулааны систем шаарддаг.
• Ахмад инженерүүдийн залгамж халаа хэрэгтэй.

#Ирээдүйд:
• дулааны станцын автоматжуулалт
• эрчим хүчний хэмнэлт
• ухаалаг дулаан хангамж
• сэргээгдэх эх үүсвэртэй хосолсон систем гэсэн чиглэл рүү явна.

#Анхааруулга, сул тал:
• Хариуцлага маш өндөр
• Тасралтгүй технологи ажиллагаатай
• Зарим ажил ээлжийн горимтой
• Физик, математик, химиийн мэдлэг, техник сэтгэлгээ сайн байх шаардлагатай

#Бүр илүү ирээдүйтэй хослол:
✅Дулааны инженер + автоматжуулалт
✅Дулааны инженер + програмчлал /дата анализ/
✅Дулааны инженер + Англи хэл
#Ийм хосолмол мэдлэгтэй инженер 2035 он хүртэл үнэ цэнэтэй байх магадлал өндөр.

#Дулааны эрчим хүчний инженерийн:
• Монгол дахь хэрэгцээ: маш тогтвортой
• Мэргэжлийн үнэ цэнэ: 10-20 жилийн ирээдүйтэй
• Ажлын байрны тогтвортой байдал: маш сайн
• Цалингийн боломж: Дунд > өндөр
• Гадаадад ажиллах боломж: сайн
• Шинэ технологитой хослох боломж: өндөр
• Эрсдэл: хариуцлага өндөр

#ДУЛААНЫ ЭРЧИМ ХҮЧНИЙ ИНЖЕНЕР бол Монголд хамгийн тогтвортой мэргэжлийн нэг.

#Эх сурвалж: Монгол Улсын Хөдөлмөр, нийгмийн хамгааллын яамны хөдөлмөрийн зах зээлийн судалгаа, Эрчим хүчний яамны салбарын бодлогын баримт бичгүүд, Эрчим хүчний зохицуулах хорооны статистик мэдээлэл, ШУТИС-ийн инженерийн мэргэжлийн танилцуулга болон Монголын ажлын байрны нээлттэй мэдээллүүдэд үндэслэв.

05/08/2026

Хөвсгөл аймагт бие даасан эрчим хүчний байгууллага үүсэн байгуулагдсаны 60 жилийн ой тохиож байна.
Тэртээ 1966 онд БНМАУ-ын сайп нарын зөвлөлийн тогтоолоор Эрчим хүчний газар байгуулж хот хөдөөгийн цахилгаан станцыг нэгтгэн удирдах болсон. Үүний дагуу Хөвсгөл аймгийн Гурилын үйлдвэрийн харьяанд ажиллаж байсан дизель станцыг Эрчим хүчний үйлдвэр болгон зохион байгуулж Хөвсгөл аймагт эрчим хүчний салбар хөгжин бадрах түүхийн хуудас нээгдэж байжээ.
Энэхүү түүхт ойг тохиолдуулан өөрийн бие сэтгэл зүрхээ зориулан цахилгаан эрчим хүчийг үйлдвэрлэн, түгээж байсан ахмад үе, дунд үе, эдүгээ аймгийн нийт нутаг дэвсгэрээр борлуулж байгаа залуу үеийхэндээ Баярын мэнд хүргэж эрүүл энх, сайн сайхан, амжилт бүтээлийн дээдийг хүсье!
Хөвсгөл аймаг эрчим хүчний бие даасан эх үүсвэртэй болж, орчин үеийн шинэ техник технолог нэвтэрсэн, хэрэглэгчийн эрх ашиг хангагдсан, чадварлаг бүтээлч хамт олон болон жаран жаранаар өртөөлөн дэгжин хөгжихийн ерөөлийг өргөе!

09/07/2026

17/06/2026

⚡ Цахилгаан эрчим хүч танай гэрт хэрхэн хүрдэг вэ?

Бид өдөр бүр гэрлээ асааж, цахилгаан хэрэгслээ ашигладаг ч цахилгаан эрчим хүч хэрхэн үйлдвэрлэгдэж, хэдэн шат дамжин бидэнд хүрдгийг тэр бүр мэддэггүй.

Усан цахилгаан станцын жишээгээр харвал:

💧 Усны энерги → Турбин эргүүлнэ
⚙️ Турбин → Генератор ажиллуулна
⚡ Генератор → Цахилгаан үйлдвэрлэнэ
🔼 Трансформатор → Хүчдэлийг өсгөж алсын зайд дамжуулна
🔽 Дэд өртөөнүүд → Хүчдэлийг бууруулж түгээнэ

🏠 Эцэст нь 220 вольтын хүчдэлээр таны гэрт хүрнэ.

Сонирхолтой нь, цахилгаан эрчим хүчийг хэдэн зуун километрийн зайд алдагдал багатай дамжуулахын тулд эхлээд хүчдэлийг маш өндөр түвшинд өсгөж, хэрэглэгчид хүрэх үед нь дахин бууруулдаг.

Эрчим хүч бол зөвхөн цахилгаан станц биш, үйлдвэрлэлээс эхлээд дамжуулалт, түгээлт, хэрэглээ хүртэлх цогц систем юм.

#ЭрчимХүч #ЦахилгаанЭрчимХүч #ЭрчимХүчнийБоловсрол

09/06/2026

Цахилгаан дамжуулалт:

09/06/2026

https://www.facebook.com/share/17sD9WDocp/?mibextid=wwXIfr

08/06/2026

https://www.facebook.com/share/v/18nrUbQddV/?mibextid=wwXIfr

08/06/2026

Эрчим хүчний салбарт "139” буюу “1 бодлого, 3 зарчим, 9 ажил” гэсэн төлөвлөгөө гаргасан. Энэ есөн ажлын нэг нь ухаалаг буюу цахим шилжилт.

Нэгдүгээрт, юунд хэрэглэсэн нь ойлгомжгүй төлбөрийн мэдээлэл шууд иргэдийн гар утсанд нь ирдэг байсныг өөрчиллөө. Хэрэглэгч өөрөө гар утасны апп ашиглан хянадаг болсноор хаана, хэзээ, хэдэн төгрөгийн цахилгааныг юунд зарцуулснаа мэдэх юм.

Хоёрдугаарт, ухаалаг тоолууртай болсноор айлын хаалга тогшиж тогны мөнгө бичдэг цаг үе ард үлдлээ. Цахилгаан таслах, залгахад ч хүн очих шаардлагагүй. Үнэ нэмэгдэхгүй байх нөхцөл бүрдэнэ. Бүх өрхийг ухаалаг тоолууртай болгох ажлыг 2026 онд багтааж дуусгана.

Гуравдугаарт, эдгээрийг нийлүүлээд эрчим хүчний систем бүхэлдээ ухаалаг боллоо. Хүний оролцоо багасахын хэрээр алдаа мадаг багасна.

Манай салбар цахим болсноор зардал буурч, бүтээмж сайжран, хулгай үгүй болно

Монгол Улсын Засгийн газар
Эрчим хүчний зохицуулах хороо

#эрчимхүчнийцахимшилжилт
#нээлттэйөдөрлөг